स्थानीय खबर

झापाको महाभारतकालीन मधु पोखरीलाई पर्यटकीय गन्तव्य क्षेत्र बनाउन थालियो

भद्रपुर, १९ जेठ । बिर्तामोड–१० स्थित महाभारतकालीन इतिहास बोकेको मधु पोखरीलाई पर्यटकको गन्तव्य स्थल बनाउन तीव्र गतिमा काम थालिएको छ ।

पौराणिक महत्व बोकेर पनि पर्यटकीय आकर्षण बन्न नसकेको विराट राजाको शासनमा निर्माण भएको सो पोखरी पुर्वाधार लगायत कारणले पर्यटकको गन्तव्य स्थल बन्न नसकेपछि स्तरोन्नतिको काम तीव्र पारिएको हो । प्रदेश संसद ओमप्रकाश सरावगीले स्थलगत अनुगमन गरेका छन् ।

प्रदेश नम्बर १ अन्र्तगत पर्यटन, वन तथा वातावरण मन्त्रालयबाट प्रप्त २० लाख रूपैयामा पहिलो चरणमा पोखरी सफा गर्ने तथा घेरावाराको काम भइरहेको छ ।

पर्यटकीय क्षेत्र विकासका लागि पोखरी सरसफाई तथा घेरावाराको काम भइरहेको निर्माण समितिका अध्यक्ष छविराम आचार्यले जानकारी दिएका छन् । आचार्यका अनुसार पोखरी भित्र जमेको हिलो तथा झार हटाउने र १४० मिटर घेरावारा गर्ने काम अन्तिम चरणमा पुगेको छ । पोखरी विकासका लागि अन्य धेरैकाम बाँकी रहेकाले वजेट अभाव भएको गुनासो अध्यक्ष आचार्यको रहेको छ ।

यसैबीच, प्रदेश संसद ओमप्रकाश सरावगीले सो पोखरीलाई पर्यटकीय आकर्षण केन्द्र बनाउन भइरहेको काम बारे स्थलगत अनुगमन गरेका छन् । संसद सरावगीले गुरू योजना अनुरूप पर्यटकीय आकर्षण केन्द्रका रूपमा विकास गर्न आगामी वर्ष थप वजेट प्रबन्धका लागि पहल गर्ने निर्माण समितिलाई प्रतिबद्धता जनाएका छन् ।

Facebook Comments

लेखकको बारेमा

झापा अनलाइन

झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।

कमेन्ट गर्नुस्

Click here to post a comment

फेसबुक

Holler Box