समाज स्थानीय खबर

लायन्स क्लब भद्रपुरले सय विद्यार्थीलाई दियो शैक्षिक सामग्री

भद्रपुर, २० असार । लायन्स क्लव अफ भद्रपुरले शैक्षिक सहायताका लागि भद्रपुर २ स्थित सगरमाथा माविका विद्यार्थीलाई शैक्षिक सामग्री प्रदान गरेको छ ।

क्लवले प्रदेश सभा सदस्य ओमप्रकाश सरावगी मार्फत निर्वाचन क्षेत्र विशेष कार्यक्रमबाट प्राप्त ७५ हजार रकमले बालविकास तथा कक्षा १ देखि ५ सम्मका १०० जना विद्यार्थीलाई स्कुल व्याग, कापी पेन्सिल लगायतका शैक्षिक सामग्री वितरण गरेको हो ।

क्लवका चाटर्ड प्रेसिडेन्ट तथा ब्रान्ड एम्बेस्डर माननीय ओमप्रकाश सरावगीको प्रमुख आतिथ्यता तथा भद्रपुर नगरप्रमुख जीवनकुमार श्रेष्ठको विशिष्ट आतिथ्तामा भएको कार्यक्रममा वडाध्यक्ष भीम सुब्बा, भनपा शिक्षा युवा तथा खेलकुद शाखाका प्रमुख प्रेम भुजेल, उद्योग बाणिज्य संघ झापाका वरिष्ठ उपाध्यक्ष खड्गबहादुर लिम्बू, अग्रज लायनरहरू, शिक्षक, अभिभावक, विद्यालय व्यवस्थापन समितिका पदाधिकारी, शिक्ष्क अभिभावक संघका पदाधिकारी, स्थानीय समाजसेवीहरू लगायत विद्यार्थीहरुको सहभागिता रहेको थियो ।

क्लवका अध्यक्ष योगेन्द्र पौडेलको अध्यक्षता तथा धन्यवाद ज्ञापन फस्ट भाइस प्रेसिडेन्ट प्रकाश उप्रेती र कार्यक्रम संचालन सचिव गोपाल खनालले गरेको कार्यक्रममा भद्रपुर नगर प्रमुख जीवनकुमार श्रेष्ठ, विद्यालय व्यवस्थापन समितिका अध्यक्ष फडिन्द्र दाहाल, भद्रपुर २ का वडाध्यक्ष भीम सुब्बा, उद्योग वाणिज्य संघ झापाका बरिष्ठ उपाध्यक्ष खड्गबहादुर लिम्बु लगायतले शुभकामना मन्तव्य राखेका थिए । क्लवको नेतृत्व लिएपछि पहिलोपटक पौडेलको नयाँ कार्यसमितिकोले सामुदायिक स्तरमा कार्यक्रम प्रारम्भ गरेको हो ।

Facebook Comments

लेखकको बारेमा

झापा अनलाइन

झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।

कमेन्ट गर्नुस्

Click here to post a comment

फेसबुक

Holler Box