झापा अनलाइन
झापा अनलाइन
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
झापा, २२ भदौ । अन्तर्राष्ट्रिय बजारमा सुनचाँदीको मूल्यमा वृद्धि भएसँगै त्यसको प्रभाव स्थानीय बजारमा पनि परेको छ । गत शुक्रबार प्रतितोला रु दुई लाख १० हजारमा कारोबार भएको सुनको मोल आज रु दुई हजारले बढेर रु दुई लाख १२ हजार कायम भएको नेपाल सुनचाँदी व्यवसायी महासङ्घले जनाएको छ । चाँदीको मूल्य पनि तोलामा रु १० ले बढेको छ । आज एक तोला चाँदी रु दुई हजार ५०० मा किनबेच भइरहेको छ । गत बुधबार एक तोला सुन रु दुई लाख सात हजार ९०० र त्यति नै परिमाणको चाँदी रु दुई हजार ४८० मा खरिदबिक्री भएको थियो । अन्तर्राष्ट्रिय सञ्चारमाध्यमहरूका अनुसार…
झापा, २२ भदौ । पतञ्जलि योग झापाले शिवसताक्षी नगरपालिकामा सहायक योग प्रशिक्षक तालिम सुरु गरेको छ । शनिबार शिवसताक्षी–८ का वडा अध्यक्ष सन्तकुमार फेउदिनले पानसमा दीप प्रज्वलन गरेर भव्य शिविरको उद्घाटन गरे । उद्घाटन समारोहमा वडा–७ का अध्यक्ष भवानी विक्रम चेम्जोङको पनि सहभागी थियो । १५ दिनसम्म सञ्चालन हुने उक्त तालिमबाट शिवसताक्षी–८, ७ र ६ का करिब ८० जना प्रशिक्षार्थीहरूले सहायक योग प्रशिक्षक हुने अवसर पाउने पतञ्जलि योग झापाले जनाएको छ । वडा–८ का यो प्रशिक्षार्थीका लागि झिलझिले माध्यमिक विद्यालयको सभा हल र वडा–६ तथा ७ का लागि लालझोडाको भानु माध्यमिक विद्यालयको प्राङ्गणमा तालिम सञ्चालन हुने स्थानिय समन्वय समितिका संयोजक…
संखुवासभा, २२ भदौ । सङ्खुवासभाको चैनपुर नगरपालिका–४ स्थित सुपरहेवा हाइड्रोपावरमा कार्यरत एक मजदुरको करेन्ट लागेर मृत्यु भएको छ । काभ्रेपलाञ्चोकको पनौती नगरपालिका–१ घर भएका २९ वर्षीय क्रान्ति तामाङको शनिबार करेन्ट लागेर मृत्यु भएको जिल्ला प्रहरी कार्यालय सङ्खुवासभाका प्रहरी निरीक्षक नरेश लिम्बूले जानकारी दिए । शनिबार दिउँसो विद्युत् पोल आसपास रुखको हाँगा हटाउने क्रममा करेन्ट लागेर गम्भीर घाइते भएका उनको उपचारका क्रममा प्राथमिक स्वास्थ्य केन्द्र चैनपुरमा मृत्यु भएको हो ।
सुनसरी, २२ भदौ । सुनसरीको बराहक्षेत्र नगरपालिका–१ स्थित दुधपानी खोलाले मोटरसाइकलसहित पति–पत्नीलाई बगाएको छ । घटनामा मोटरसाइकल चालक पति बेपत्ता भएका छन् भने पत्नी घाइते भएकी छन् । काठमाडौँबाट धनकुटातर्फ आउँदै गरेको बागमती प्रदेश ०२–०४७ प ७३८ नम्बरको मोटरसाइकललाई बाढीले बगाएको हो । जिल्ला प्रहरी कार्यालय सुनसरीका प्रहरी प्रवक्ता योगराज खतिवडाका अनुसार बेपत्ता हुनेमा सर्लाहीको हरिवनका २७ वर्षीय मनिष पञ्चकोटी रहेका छन्। मोटरसाइकलमा सवार उनकी श्रीमती २७ वर्षीया सिलु खड्गी घाइते भएकी छिन्। उनको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ। घटनापछि स्थानीयवासी, इलाका प्रहरी कार्यालय महेन्द्रनगर, इलाका प्रहरी कार्यालय चतरा तथा अस्थायी प्रहरी पोष्ट चतरा पुलको टोलीले…
झापा, २२ भदौ । झापामा साउन महिनामा चार जना एचआईभी संक्रमित फेला परेका छन् । जिल्लामा चालू आर्थिक वर्ष २०८२/०८३ को पहिलो महिला अर्थात् साउन महिनामा चार जना नयाँ एचआईभी संक्रमित फेला परेको स्वास्थ्य कार्यालय झापाका फोकल पर्सन विरेन्द्र दासले जानकारी दिनुभयो । यता, जिल्लामा ७ सय ८४ जना एचआईभी संक्रमितले एन्टिरेट्रोभाइरल थेरापी (एआरटी) लिइरहेको उहाँले बताउनुभयो । झापाको दमकस्थित दमक अस्पतालबाट २ सय ६८ जना र भद्रपुरस्थित प्रादेशिक अस्पतालबाट ५ सय १६ जनाले एआरटी लिइरहेका छन् ।
झापा, २२ भदौ । हाल मनसुनको न्यूनचापीय रेखा पूर्वमा सरदर स्थान र पश्चिममा सरदरभन्दा दक्षिणतिर अवस्थित रहेको छ । सिक्किम आसपासको निम्नचापीय क्षेत्रको प्रभाव नेपालको पूर्वी भूभागमा पर्ने देखिएको जल तथा मौसम विज्ञान विभाग पूर्वानमान महाशाखाले जनाएको छ । महाशाखाका अनुसार आज दिउँसो देशका पहाडी भागमा साधारणतया बदली तगा बाँकी भागमा आंशिक बदली रहनेछ । देशका पहाडी भागका केही स्थान र बाँकी भागका केही स्थानमा मध्यम वर्षाको सम्भावना छ । कोशी र कर्णाली प्रदेशका पहाडी भागका एकदुई स्थानमा भारी वर्षाको पनि सम्भावना रहेको छ । त्यसैगरी, आज राति कोशी र मधेस प्रदेशलगायत देशका पहाडी भागमा साधारणतया बदली र बाँकी भागमा…
बिर्तामोड, २१ भदौ । तेस्रो मिस्टर कञ्चनजंघा खुला राष्ट्रिय शारीरिक सुगठन प्रतियोगिता–२०८२ को तयारी अन्तिम चरणमा पुगेको छ । बडी ग्यारेज बिर्तामोडको आयोजनामा आगामी भदौ २७ र २८ गते हुन लागेको उक्त प्रतियोगिताको तयारी अन्तिम चरणमा पुगेको हो । आयोजक समितिले आज बिर्तामोडमा पत्रकार सम्मेलनको आयोजना गरी प्रतियोगिताको तयारीबारे जानकारी दिएको छ भने प्रतियोगिताको ट्रफी समेत सार्वजनिक गरिएको छ । प्रतियोगितामा सात वटै प्रदेशबाट करिब १५० जना खेलाडी सहभागी हुने तेस्रो मिस्टर कञ्चनजंघा खुला राष्ट्रिय शारीरिक सुगठन प्रतियोगिताका अध्यक्ष आदित्य पराजुलीले जानकारी दिनुभयो । भदौ २७ गते प्रिजजिङबाट ६ वटा समूहबाट ३६ जना खेलाडी छनोट हुने छन् । भदौ २८…
झापा, २१ भदौ । सरकारले सामाजिक सञ्जाल बन्द गर्ने निर्णय गरेको २ दिनपछि नेपालमा युट्युब पनि बन्द भएको छ । सरकारको निर्णय मान्दै नेपाल दूरसञ्चार प्राधिकरणको निर्देशन मान्दै इन्टरनेट सेवा प्दायक संघ (आईएपान)ले नेपालमा युट्युब बन्द गरेको हो। युट्युब बन्द भएसँगै त्यहाँभएका म्युजिक भिडियो, फिल्म, वेबसिरिज, गीत–संगीत, समाचार, कमेडीलगायतका थुप्रै भिडियोहरू बन्द भएका छन् । युट्युब वेब ब्राउजरमा बन्द छ भने मोबाइलमा भने खुलिरहेको छ ।
भद्रपुर, २१ भदौ । भदौ २१ गते झापाको भद्रपुर नगरपालिका–३ स्थित भैसाबाडी नजिकको मेचि खोलामा एक पुरुषको शव फेला परेको छ। स्थानीयले खोलाले बगाई ल्याएको अन्दाजी ६०–६२ वर्षको पुरुषलाई देखेपछि बाहिर निकालेका थिए। तर, उनलाई मृत अवस्थामा फेला पारिएको हो। घटनाको जानकारी पाएपछि वडा प्रहरी कार्यालय भद्रपुरबाट टोली खटिएको थियो। अनुसन्धानको क्रममा मृतकको पहिचान झापा कचनकवल गाउँपालिका–६ पैनीटोला निवासी ६५ वर्षीय सोनुलाल मुर्मुको रूपमा गरिएको छ। पहिचान मृतककी छोरी सुसिला मुर्मुले गरेकी हुन्। प्राप्त जानकारी अनुसार, मुर्मु नेपालबाट भारततर्फ छोरीको घर जानका लागि मेचि खोला तर्ने क्रममा डुबेका थिए। घटनाबारे थप अनुसन्धान भइरहेको प्रहरी स्रोतले जनाएको छ।
१० बर्ष मुनिका बालबालिकाको हात,पैताला तथा मुखमा आउने स(सना राता बिमिराहरुलाई हात, पैताला, तथा मुखको रोग भनिन्छ। यो रोगको कारक भाइरस भनेको कोक्सेक्की भाइरस र इन्टेरो भाइरस ७१ हुन्। लक्षणहरु –– ज्वरो आउनु– खाना नरुच्नु– घाँटी दुख्नु– जिब्रो, गिजा, गाला, पैताला र हत्केलामा रातो बिमिरा आई पानी र पिप जस्तो घाउहरु देखिनु यो रोग लागेमा के(के कुराहरुमा ध्यान दिनुपर्छ रु– बिरामी बच्चालाई धेरै पानी खुवाउने– नरम खाना तथा झोलिलो खाने कुराहरु खुवाउने– पर्याप्त मात्रामा आराम गराउने– मुखको अल्सरबाट आउने ज्वरो र दुखाइ कम गर्नका लागि सो अनुसारको उपचार दिने– बिरामी बच्चाको सम्पर्कमा आएपछि साबुनपानीले हात धुने यो रोग कसरी सर्छ…