झापा अनलाइन

रूपन्देही, १६ साउन । कपिलवस्तुमा डुबेर दुई बालकको मृत्यु भएको छ । कपिलवस्तु नगरपालिका १० पिपरास्थित पिपरा र नगवाबीच बग्ने घोलामा पौडी खेल्ने क्रममा बिहीबार साँझ पानीमा डुबेर वाणगंगा नगरपालिका ५ कोपवा बस्ने दिपक चौधरीका ११ वर्षे छोरा वापस चौधरी र स्थानीय प्रेम थारुका १० वर्षे छोरा निशान थारुको मृत्यु भएको जिल्ला प्रहरी कार्यालयले जनाएको छ । अस्थायी प्रहरी पोष्ट जहदीबाट खटिएको प्रहरी सहायक निरीक्षक किशोर सारुको कमाण्डमा गएको टोलीले दुवै जनाको शव निकालेको जिल्ला प्रहरी प्रवक्ता डीएसपी रिपेन्द्रकुमार सिंहले बताए । गर्मीको समयमा तराईमा घरछेउका पोखरी र घोला खोलामा बालबालिकाको डुबेर मृत्यु हुने गरेको छ ।

काठमाण्डौ, १६ साउन । बङ्गलादेश राष्ट्रिय क्रिकेट टोलीले नेदरल्यान्ड्ससँग टी–२० अन्तर्राष्ट्रिय क्रिकेट शृङ्खला खेल्ने भएको छ । भारतीय टोली बङ्गलादेश जान अस्वीकार गरेपछि बङ्गलादेश क्रिकेट बोर्ड (बीसीबी) ले साना टोलीसँग शृङ्खला खेल्ने योजना बनाएको थियो । बीसीबी क्रिकेट अपरेसन्स अध्यक्ष नजमुल अबेदिन फहीमले अरू ठूला टोली व्यस्त भएका कारण नेपाल र नेदरल्यान्ड्समध्ये एकसँग कुरा गर्न चाहेका थिए । उनले शृङ्खला लागि नेदरल्यान्ड्सलाई रोजेका हुन् । नेदरल्यान्ड्सले बङ्गलादेशले निम्तोलाई स्वीकार गरेको छ । नेदरल्यान्ड्सको टोली तीन खेलको टी–२० शृङ्खलाका लागि अगस्ट १४ मा ढाका जाने अपेक्षा गरिएको छ । बीसीबीका अनुसार खेलहरू १९ देखि २५ अगस्टसम्म सञ्चालन हुनेछन् । नेदरल्यान्ड्स र…

फिदिम, १६ साउन । श्रीमानले कोदालो प्रहार गर्दा श्रीमतीको मृत्यु भएको छ । श्रीमानले कोदालो प्रहार गर्दा गम्भीर घाइते भएकी २२ वर्षीया अनु राईको उपचारका क्रममा मृत्यु भएको हो । पाँचथरको फालेलुङ गाउँपालिका–७ आहाले घर भई सदरमुकाम फिदिम नगरपालिका–१ नाम्दुस्थित माइतीमा बस्दै आएकी राईलाई २७ वर्षीय श्रीमान महेन्द्र तामाङले बुधबार राति कोदालो प्रहार गरेको जिल्ला प्रहरी कार्यालय पाँचथरका सूचना अधिकारी (प्रहरी निरीक्षक) रुपेश तामाङले जानकारी दिए। उनका अनुसार घरबाट ससुराली आएका तामाङले पारिवारिक विवादमा श्रीमतीमाथि कोदालो प्रहार गरेको प्रारम्भिक अनुसन्धानमा खुलेको छ । कोदालोको पासोले लाग्दा गम्भीर घाइते भएकी राईको शुक्रबार बिहान झापास्थित बिएण्डसि अस्पतालमा उपचारका क्रममा निधन भएको हो…

सरकार आज साउन १६ गते पहिलोपटक राष्ट्रिय कोदो दिवस मनाउँदैछ। कोदोजन्य बालीको उत्पादन तथा उत्पादकत्व बढाउन, साना किसानको आयआर्जन सुधार गर्न र खाद्य–पोषण सुरक्षाको लक्ष्यसहित दिवस मनाउन लागिएको हो। कृषि विभागका महानिर्देशक प्रकाशकुमार सञ्जेलको अध्यक्षतामा मूल आयोजक समिति गठन भई ‘कोदोजन्य परिकारको आहारः खाद्य सुरक्षा र स्वस्थ जीवनको आधार’ भन्ने नारा तय गरिएको छ। सञ्जेलका अनुसार दिवस जलवायु परिवर्तन न्यूनीकरण, जैविक विविधता संरक्षण र दिगो खाद्य प्रणाली निर्माणमा योगदान पुग्ने विश्वास लिइएको छ। विभागका अनुसार आर्थिक वर्ष २०८१/८२ मा करिब रु ७६ करोड ६३ लाख बराबरको १८,३१६ मेट्रिक टन कोदोजन्य उत्पादन आयात गरिएको छ। दिवसका अवसरमा चाँगुनारायण नगरपालिकाको ताथलीमा कोदो…

झापा, १६ साउन । नेपाल आयल निगमले पेट्रोलियम पदार्थको मूल्य समायोजन गरेको छ। समायोजनअनुसार पेट्रोलको मूल्य प्रतिलिटर रु १ ले घटाइएको छ भने डिजल र मट्टितेलको मूल्य प्रतिलिटर रु २ ले बढेको छ। निगमका अनुसार आन्तरिक हवाई इन्धनमा प्रतिलिटर रु ३ वृद्धि गरिएको छ। अन्तरराष्ट्रिय उडानका लागि प्रयोग हुने हवाई इन्धनको मूल्य प्रतिलिटर अमेरिकी डलर २१ ले बढाइएको छ। नयाँ दरअनुसार:पेट्रोल : रु १५९ प्रतिलिटरडिजल र मट्टितेल : रु १५० प्रतिलिटरहवाई इन्धन (आन्तरिक) : रु १२८ प्रतिलिटर खाना पकाउने एलपी ग्यासको मूल्य भने यथावत रहेको छ। संशोधित मूल्यसूची गएराति १२ बजेदेखि लागू भएको निगमले जनाएको छ।

झापा, १६ साउन । नेपाल राष्ट्र बैंकले आजका लागि विदेशी मुद्राहरूको विनिमयदर निर्धारण गरेको छ। आज अमेरिकी डलरले अहिलेसम्मकै उच्च मूल्यको रेकर्ड कायम गरेको छ। अमेरिकी डलरले उच्च मूल्यको रेकर्ड कायम गरिरहँदा अस्ट्रेलियन डलर, युरो, पाउन्डसहितका विदेशी मुद्रा भने सस्तिएका छन्। अमेरिकी डलरको मूल्य विगत केही दिनदेखि निरन्तर बढ्दै आएको थियो। नेपाल राष्ट्र बैंकका अनुसार आज अमेरिकी डलर १ को खरिददर १३९ रुपैयाँ ८६ पैसा र बिक्रीदर १४० रुपैयाँ ४६ पैसा छ। हिजो अमेरिकी डलर १ को खरिददर १३९ रुपैयाँ ५८ पैसा र बिक्रीदर १४० रुपैयाँ १८ पैसा थियो। गएको माघ २५ गते अमेरिकी डलर एकको खरिददर एक सय ३९…

झापा, १६ साउन । ठमेल र महाराजगन्ज क्षेत्रबाट गुण्डागर्दीमा संलग्न ४७ भन्दा बढी व्यक्तिहरूलाई प्रहरीले नियन्त्रणमा लिएको छ। पक्राउ पर्नेमा चर्चित गुन्डा नाइके मिलन गुरुङ उर्फ ‘चक्रे मिलन’ पनि छन्। चक्रे मिलन महाराजगन्जस्थित साम्बाला होटलबाट बिहीबार राति पक्राउ परेका हुन्। उनले यसअघि २०७४ वैशाख २६ मा पनि त्यही स्थानबाट गिरफ्तारी सामना गरेका थिए। उपत्यका प्रहरी कार्यालयका एआईजी टेक बहादुर तामाङले ‘अवाञ्छित गतिविधि गर्ने केहीलाई नियन्त्रणमा लिएका छौँ, संख्या यकिन हुँदै छ’ भन्दै अपरेसनबारे जानकारी दिएका छन्। काठमाडौंका एसएसपी विश्व अधिकारी रातभर अपरेसनमा सक्रिय थिए। साउन १५ गते बिहान ३ बजेतिर ठमेलको दोहोरी साँझबाट युवराज गुरुङ उर्फ ‘सानुभाइ पनि पक्राउ परेका…

झापा, १६ साउन । हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ। मनसुनको न्यून चापीय रेखा सरदर स्थानको आसपासमा अवस्थित छ। जसको प्रभावले हाल कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशमा साधरणतया बदली रही मधेस प्रदेशमा मौसम मुख्यतया सफा देखि आंशिक बदली रहेको छ । बागमती, गण्डकी, लुम्बिनी र कर्णाली प्रदेशका केही स्थानहरूमा हल्कादेखि मध्यम वर्षा तथा बाँकी प्रदेशका एक–दुई स्थानमा हल्का वर्षा भइरहेको छ । आज दिउँसो देशभर साधरणतया बदली रहनेछ। कोशी, लुम्बिनी, कर्णाली र सुदूरपश्चिम प्रदेशलगायत देशका पहाडी भूभागका धेरै स्थानहरूमा तथा तराई भूभागका थोरै स्थानहरूमा चट्याङसहित मध्यम वर्षाको सम्भावना रहेको छ। आज राति…

शिवसताक्षी, १५ साउन । झापाको शिवसताक्षीमा निर्वाचित जनप्रतिनिधिहरुलाई लक्षित गरी लैंगिक तथा घरेलु हिंसामा कानुनी व्यवस्था सम्बन्धी तीनदिने तालिम आजदेखि सुरु भएको छ । आजबाट सुरु भएको तालिमको उद्घाटन नगरप्रमुख मेगाहाङ्ग थोप्राले गरेका हुन् । महिला तथा बालबालिकाको क्षेत्रमा क्रियाशील संस्था महिला सचेतना सशक्तिकरण नेपाल, काठमाडौं को आयोजनामा कार्यक्रम सञ्चालन गरिएको हो । तालिम उद्घाटनका क्रममा नगरप्रमुख थोप्राले यस्ता तालिमहरुले जनप्रतिनिधिहरुलाई कानुनी जानकारी प्राप्त गराउन महत्वपूर्ण भूमिका खेल्ने बताए । “कतिपय अवस्थामा न्यायसम्बन्धी निर्णय गर्न कानुनी अप्ठ्यारा आउँछन्। यस्तो तालिमले प्रतिनिधिहरुको कार्यक्षमता बढाउँछ,” उनले भने । कार्यक्रमकै अवसरमा संस्था भवन निर्माणका लागि निशुल्क जग्गा प्रदान गर्ने कृष्णप्रसाद हुमागाई र सुनिता…

बिर्तामोड नगरपालिकाको प्रेस विज्ञप्ति