झापा अनलाइन

सुनसरी, १० साउन । जिल्ला सदरमुकाम इनरुवासहित विभिन्न स्थानीय तहमा पशु चौपायामा लम्पी स्किनको सङ्क्रमण बढेको छ । इनरुवासहित धरान, इटहरी, दुहबी, वराहक्षेत्र, रामधुनी, कोशी, गढी, देवानगञ्ज, बर्जु, भोक्राहानसिंह र हरिनगर गाउँपालिकामा लम्पी स्किनको सङ्क्रमण देखा परेको भेटेरिनरी अस्पताल तथा पशु सेवा विज्ञ केन्द्र सुनसरीका प्रमुख मनोज मेहताले जानकारी दिए । जिल्लामा हालसम्म एक हजार ५१६ वटा पशु चौपायामा सङ्क्रमण देखिएको उनले बताए । सबैभन्दा बढी दुहबी नगरपालिकामा २७६ पशु चौपायामा लम्पी स्किनको सङ्क्रमण देखिएको छ भने सबैभन्दा कम धरान उपमहानगरपालिकामा १५ वटामा देखिएको छ । लम्पी स्किनका कारण जिल्लामा हालसम्ममा ५३ वटा पशु चौपायाको मृत्यु भएको भेटेरिनरी अस्पताल तथा…

बिर्तामोड, १० साउन । झापामा एक वर्षमा मानव र हात्तीको द्वन्द्वमा परी ६ मानिसले ज्यान गुमाएका छन् भने चार हात्ती मारिएको छ । डिभिजन वन कार्यालय झापाका अनुसार गत आर्थिक वर्ष २०८१र ०८२ मा जिल्लामा हात्तीको आक्रमणमा परी ६ जनाले ज्यान गुमाएका हुन् । उनीहरुलाई १० लाखका दरले ६० लाख रुपियाँ राहत वितरण गरिएको सूचना अधिकारी अमृत लिम्बूले बताउनुभयो । हात्तीबाट मानवीय क्षति भइरहँदा हात्तीहरुले पनि क्षति व्यहोरिरहेका छन् । एक वर्षमा चार वटाको हात्ती विभिन्न कारणले मृत्यु भएको छ । त्यस्तै, हात्तीको आक्रमणबाट झापामा सात जना सख्त घाइते भएका थिए । उनीहरुलाई उपचार खर्चवापत् ७ लाख ३८ हजार ४३२…

झापा, १० साउन । झापाको दमक नगरपालिका–४ स्थित चियाबगान क्षेत्रनजिकै पूर्वपश्चिम राजमार्गमा आज बिहान बसले साइकललाई ठक्कर दिँदा ६० वर्षका पुरुषको मृत्यु भएको छ। प्रहरीका अनुसार बिहान ६स्४५ बजेतिर उर्लाबारीबाट दमकतर्फ आउँदै गरेको प्रदेश नं। १–०१–००१ ख ४३६३ नम्बरको बसले दमकबाट ताराबारीतर्फ जाँदै गरेका साइकललाई ठक्कर दिँदा साइकलमा सवार दमक–४ घरघरे निवासी ६० वर्षीय सोमबहादुर विक गम्भीर घाइते भएका थिए। दमक अस्पताल लगिएका उनलाई उपचारका क्रममा बिहान ७स्२८ बजे चिकित्सकले मृत घोषणा गरेको प्रहरीले जनाएको छ। शव त्यही अस्पतालमा छ। ठक्कर दिएको बस र चालक मकवानपुर, हेटौँडा उपमहानगरपालिका–७ निवासी ४७ वर्षीय राजेन्द्र गौतमलाई इलाका प्रहरी कार्यालय (दमक) ले नियन्त्रणमा लिएको…

झापा, १० साउन । कोशी प्रदेशमा घरजग्गा रजिष्ट्रेशन गर्दा महिला र जेष्ठ नागरिकले पाउने २५ प्रतिशत राजश्व छुटका लागि अब स्थानीय तहको सिफारिस अनिवार्य नपर्ने भएको छ। नागरिकता वा अन्य प्रमाणिक कागजातकै आधारमा छुट पाइने व्यवस्था गरिएको छ । साउन १ गतेदेखि लागू भएको कोशी प्रदेश आर्थिक ऐन, २०८२ को अस्पष्ट प्रावधानका कारण मालपोत कार्यालयहरूले महिला वा जेष्ठ नागरिक प्रमाणित गर्न सिफारिस माग्न थालेका थिए। नागरिकतामा लिङ्ग र उमेर स्पष्ट हुँदाहुँदै पनि सिफारिसको झन्झटले सर्वसाधारणलाई सास्ती दिएको थियो। सार्वजनिक आलोचना र दबाबपछि आर्थिक मामिला तथा योजना मन्त्रालयले ऐनको व्याख्या स्पष्ट गर्दै नयाँ परिपत्र जारी गरेको छ। मन्त्री रामबहादुर मगरले ऐनमा…

झापा, १० साउन । पूर्वीनाका काँकडभिट्टाबाट गत आर्थिक वर्ष २०८१/८२ मा रु ४७ अर्ब ६० करोड छ लाख ९३ हजार मूल्य बराबरको वस्तु तथा सामान आयात गरिएको छ । आव २०८०/८१ को तुलनामा गत आवमा रु दुई अर्ब ९३ करोड ८१ लाख बढीको सामान आयात गरिएको हो । मेची भन्सार कार्यालयका सूचना अधिकारी एवम् भन्सार अधिकृत ईश्वरकुमार हुमागाईंका अनुसार सबैभन्दा बढी आयात हुनेमा पेट्रोलियम पदार्थ रहेको छ । उहाँले पेट्रोलियम पदार्थ रु १९ अर्ब ९४ करोडको आयात हुँदा रु चार अर्ब ४५ करोड बढीका जुट तथा जुटका सामग्री आयात भएका जानकारी दिनुभयो । गत आवमा आयात र निर्यातमा सामान्य वृद्धि…

झापा, १० साउन । विभिन्न कारणवश इरानको जेलमा रहेका पाँच नेपाली नागरिक स्वदेश फिर्ता भएका छन् । जेलमा नेपाली नागरिकलाई त्यहाँको अदालतले थुनामुक्त गर्ने आदेश दिएपश्चात् तेहरानस्थित नेपाली अवैतनिक वाणिज्यदूत र अन्तरराष्ट्रिय आप्रवासन सङ्गठनको सहयोगमा स्वदेश फिर्ता ल्याइएको परराष्ट्र मन्त्रालयले जनाएको छ । यसअघि भारत सरकारलाई अनुरोध गरी भारतीय नागरिकलाई उद्धार गर्न गएको भारतीय विमान सेवाको उडानबाट विभिन्न मितिमा तीन लटमा गरी नौ नेपाली नागरिकलाई यसअघि नै इरानबाट उद्धार गरी स्वदेश फिर्ता ल्याइएको थियो । इजरायल र इरानबीच गत १३ जुन २०२५ देखि सुरु भएको द्वन्द्व २३ जुन २०२५ का दिन दुवै पक्षबीच युद्धविराम भएपश्चात् शान्तिसुरक्षाको स्थिति सहज हुँदै गएकाले…

झापा, १० साउन । हाल देशभर मनसुनी वायुको प्रभाव कमजोर रहेको मौसम पूर्वानुमान महाशाखाले जनाएको छ। मनसुनको न्यून चापीय रेखा सरदर स्थानको आसपास अवस्थित छ। जसको प्रभावले हाल लुम्बिनी, कर्णाली र सुदूरपश्चिम प्रदेशलगायत देशका पहाडी भूभागमा साधरणतया बदली रही बाँकी भूभागका आंशिक बदली रहेको छ। बागमती प्रदेशका केही स्थानहरू तथा कोशी, लुम्बिनी, कर्णाली र सुदूरपश्चिम प्रदेशका एक–दुई स्थानमा चट्याङसहित हल्कादेखि मध्यम वर्षा भइरहेको छ। आज दिउँसो देशका पहाडी भूभागमा साधरणतया बदली रही बाँकी भूभागमा आंशिक बदली रहनेछ। देशका पहाडी भूभागका केही स्थानहरूमा तथा तराई भूभागका थोरै स्थानहरूमा चट्याङसहित मध्यम वर्षाको सम्भावना रहेको छ। कोशी प्रदेशको तराई र मधेस प्रदेशमा हावाहुरी…

झापा, ९ साउन । झापाको कचनकवल गाउँपालिका–४ लोधावारीमा लागुऔषध ब्राउन सुगरसहित तीन भारतीय नागरिक पक्राउ परेका छन् । आज साँझ करिब ५:३० बजे लागुऔषध कारोबार भइरहेको भन्ने गोप्य सूचनाका आधारमा जिल्ला प्रहरी कार्यालय झापा र लागुऔषध नियन्त्रण ब्युरो काँकडभिट्टाबाट खटिएको संयुक्त प्रहरी टोलीले भारत बिहार किशनगंजका २५ वर्षीय मो. सोहेल, उनकी २९ वर्षीया पत्नी तबसुम आरा र २४ वर्षीय कचालु अन्सारीलाई नियन्त्रणमा लिएको हो । उनीहरू भारतबाट नेपालतर्फ पैदल आउँदै गरेका बेला शंकास्पद देखिएकाले जाँच गर्दा प्लास्टिकको पोकामा ब्राउन सुगर जस्तो देखिने खैरो लिसिलो पदार्थ फेला परेको प्रहरीले जनाएको छ । बरामद पदार्थको तौल प्लास्टिक बाहेक ५८ ग्राम ४०० मिलिग्राम…

विराटनगर, ९ साउन । कोशी प्रदेश प्रहरी कार्यालयले फरार प्रतिवादी पक्राउ अभियानलाई तीव्रता दिँदै आर्थिक वर्ष २०८१/०८२ मा ३ हजार ५ सय १३ जना प्रतिवादीलाई नियन्त्रणमा लिएको छ। अदालतबाट दोषी ठहर भई कैद तथा जरिवाना सजाय भोग्न बाँकी रहेका अभियुक्तहरूलाई खोजी गरी पक्राउ गर्न प्रदेशभित्रका १४ जिल्लामा व्यापक प्रहरी परिचालन गरिएको छ। प्रहरीको विशेष रणनीति, सूचना प्रविधिको प्रयोग, र समुदायसँगको सहकार्यमार्फत कानूनी राज स्थापनासहित न्याय प्रणाली प्रभावकारी बनाउन उल्लेखनीय सफलता प्राप्त भएको छ। पक्राउ परेका व्यक्तिहरुबाट १ हजार ४ सय १६ वर्ष बराबरको कैद तथा १४ करोड ७७ लाख रुपैयाँभन्दा बढी जरिवाना संकलन गरिएको छ। जिल्लागत विवरण: जिल्लापक्राउ संख्यामोरङ११५६सुनसरी१००२झापा५३४इलाम१४६पाँचथर४२ताप्लेजुङ४८धनकुटा५७तेह्रथुम४५भोजपुर४४संखुवासभा२८उदयपुर२६०ओखलढुंगा६९सोलुखुम्बु१४खोटाङ५३प्रादेशिक अनुसन्धान…

सिराहा, ९ साउन । सिराहाको गोलबजारमा आफ्नै भाइले खुकुरी प्रहारबाट गर्दा दाइको मृत्यु भएको छ । गोलबजार नगरपालिका ३ मुसहर्नियाँ पुराण्डिहका २५ वर्षीय श्याम सदाको खुकुरी प्रहारबाट उनकै दाइ ३५ वर्षीय लेलहा भन्ने मोतीराम सदाको मृत्यु भएको जिल्ला प्रहरी कार्यालय सिराहाका सूचना अधिकारी तथा डीएसपी वीरेन्द्र कुमार पासवानले बताएका छन् । श्याम र उनकी श्रीमती कौशिल्या देवी सदाबिच घरायसी विवादका कारण कुटपिट हुन थालेपछि छुट्याउन पुगेका मोतीराममाथि खुकुरी प्रहार भएको इलाका प्रहरी कार्यालय गोलबजारका प्रमुख इन्स्पेक्टर गोविन्द प्रसाद साहले जानकारी दिए । खुकुरी प्रहारबाट छातीमा गम्भीर घाउ लागेका मोतीरामलाई तत्काल उपचारको लागि रामकुमार उमाप्रसाद प्रादेशिक अस्पताल लहान पठाइए पनि अस्पतालले…