झापा अनलाइन

तेह्रथुम, २९ साउन । जिल्ला कारागारमा क्षमताभन्दा तेब्बर कैदीबैन्दी राखेपछि उनीहरुको बिचल्ली भएको छ । जिल्ला कारागारमा २५ जनाको क्षमता भएपनि ८८ कैदीबन्दी राखिएको छ । कैदीबन्दीलाई दैनिक शौच गर्न, खाना पकाउन, खानेपानीलगायत समस्या भएको छ । अहिले ८३ पुरुष र पाँच महिला कैदीबन्दी रहेको कारागार प्रमुख उमेश घिमिरेले जानकारी दिनुभयो । “क्षमताभन्दा बढी कैदीबन्दी भएपछि व्यवस्थापन गर्न समस्या भएको छ,” उहाँले भन्नुभयो । कारागारको समस्या समाधानका लागि सम्बन्धित निकायलाई पटक–पटक ताकेता गर्दैआएको घिमिरेले बताउनुभयो । “माग सुनुवाइ भएको छैन,” उहाँले भन्नुभयो । जीर्ण र साँघुरो भवनमा कैदीबन्दीलाई बस्न सास्ती भएको छ ।

गौरादह, २९ साउन । झापाको गौरादह नगरपालिका–७ वडा कार्यालय नजिक आज बम विष्फोट भएको छ । ग्वालडुब्बा बजार पूर्वतर्फ रहेको वडा कार्यालय भवन नजिकै बम विष्फोट भएको वडाध्यक्ष बलराम खरेलले जानकारी दिनुभयो । बम विष्फोटबाट कार्यालयको झ्यालको सिसा फुटेको छ भने पर्खालमा सामान्य क्षति भएको छ । घटनामा संलग्न व्यक्तिको खोजी भइरहेको प्रहरी चौकी ग्वाल्डुब्बाका प्रहरी सहायक निरीक्षक नीलकुमार श्रेष्ठले बताउनुभयो । प्रहरी चौकी ग्वालडुब्बा वडा कार्यालयदेखि पाँच सय मिटर टाढा रहेको छ । जिल्लाको दमकबाट सोमबार नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका दुई कार्यकर्ता पक्राउ परेका छन् । पर्चा बाँड्दै गरेको अवस्थामा प्रहरीले ताप्लेजुङका २५ वर्षीय असल लिम्बू…

काठमाडौँ, २६ साउन । प्रधानमन्त्री केपी शर्मा ओलीले राष्ट्रियताको प्रवद्र्धन, लोकतन्त्रको संस्थागत विकास, सामाजिक सहिष्णुता र समानताका आधारमा राष्ट्रिय एकताको सुदृढीकरण वर्तमान सरकारका प्रमुख प्राथमिकता भएको बताउनुभएको छ । नेपालको संविधानका सम्बन्धमा राजधानीमा आयोजित सम्मेलन समापन समारोहलाई सम्बोधन गर्दै उहाँले असमानता, भेदभाव र दमनको अन्त्य गरेर यथाशीघ्र आर्थिक विकास र समृद्धि हासिल गर्नु वर्तमान सरकारको मुख्य लक्ष्य भएको स्पष्ट पार्नुभयो । प्रधानमन्त्री ओलीले द्रुत विकास र समृद्धिका निम्ति सरकार सुशासन, जवाफदेहीता, पारदर्शीता, मितव्ययीता र भ्रष्टाचारलाई निर्मुल गर्नमा केन्द्रित रहेको उल्लेख गर्दै नयाँ संविधान घोषणाका निम्ति देशले व्यहोरेका उतारचढावको फेहरिस्त प्रस्तुत गर्नुभयो । संविधानका विशेषताबारे प्रष्ट पार्दै उहाँले राज्य संरचनामा महिलाको…

काठमाडौँ, २८ साउन । अख्तियार दुरुपयोग अनुसन्धान आयोगले यातायात व्यवस्था कार्यालय रुपन्देही बुटवलमा कार्यरत मेकानिकल इञ्जिनियर सरोजकुमार शाहलाई रु २० हजार घुस लिएको अभियोगमा आज पक्राउ गरेको छ । नयाँ सवारी साधन दर्ताका क्रममा साहले सेवाग्राहीसँग घुस रकम माग गरेको भन्ने अभियोगमा आयोगको टोलीले पक्राउ गरेको हो । आरोपी साहको अनुसन्धान भइरहेको आयोगले जनाएको छ । यस्तै आयोगले आजै धोविनी गाउँपालिका पर्सामा कार्यरत नायब सुब्बा एनामुल अन्सारी र लेखापाल कृष्णनन्दन राय यादवविरुद्ध विशेष अदालतमा मुद्दा दायर गरेको छ । उहाँहरु विरुद्ध सडक ढलान र नाला निर्माण सम्पन्न भएपश्चात् रकम भुक्तानी दिँदा रु एक लाख १० हजार घुस मागेको अभियोग लागेको…

झापा, २८ साउन । सरकारले सातै प्रदेशमा अन्तर्राष्ट्रियस्तरको रंगशाला निर्माण यसै वर्षबाट गर्ने भएको छ । सरकारको पाँच महिने कार्यप्रगति विवरणमा प्रदेश नं. १ को इटहरी, प्रदेश नं. २ को जनकपुर, ३ को हेटौंडा, गण्डकी प्रदेशको पोखरा, ५ को दाङ, कर्णाली प्रदेशको सुर्खेत र प्रदेश नं। ७ को धनगढीमा आधुनिक सुविधा सम्पन्न रंगशाला निर्माण यसै वर्षबाट शुरु गर्ने उल्लेख छ । रंगशाला निर्माणको थालनी गर्न जग्गा पहिचान भइसकेको जनाएको छ । यस वर्ष जग्गाको पहिचान गर्ने र अर्को वर्षदेखि निर्माण शुरु गरिने कार्यप्रगतिमा उल्लेख छ । त्यसैगरी भक्तपुरको सूर्यविनायक नगरपालिका–९ र १० तथा सोही स्थानसँग जोडिएको चाँगुनारायण नगरपालिकाको वडा नं…

मेचीनगर, २८ साउन । अवैध रुपमा भारतबाट नेपालतर्फ ल्याउँदै गरेको कुखुरा आज प्रहरीले नष्ट गरेको छ । भारतबाट मेचीनगर–५ नकलबन्दातर्फ अबैध रुपमा लुकाई छिपाइ ल्याउँदै गरेको दुई/दुई किलो दरको ३६ वटा बोइलर कुखुर क्वारेन्टाइन कार्यालय काँकरभिट्टाको रोहवरमा नष्टक गरिएको प्रहरीले जनाएको छ ।

बिर्तामोड, २८ साउन । झापा गौरादह नगरपालिका–५ का ६० वर्षीय अग्निप्रसाद भट्टराई करेन्ट लागेर घाइते भएका छन् । घरदेखि करिब ५० मिटर पश्चिम बारीमा रुखको घाँस काट्ने क्रममा फोरफेस तारबाट करेन्ट भट्टराई घाइते भएका हुन् । उनको दमकस्थित लाइफ लाइन अस्पतालमा उपचार भइरहेको प्रहरीले जनाएको छ ।

झापा, २८ साउन । झापाको मेचीनगरबाट जबरजस्ती करणी गरेको आरोपमा आज एक जना भारतीयलाई प्रहरीले पक्राउ गरेको छ । पक्राउ पर्नेमा भारत दार्जीलिङका ६० वर्षीय कर्णबहादुर लिम्बू रहेको जिल्ला प्रहरी कार्यालय झापाका प्रहरी नायब उपरीक्षक जितेन्द्रकुमार बस्नेतले जानकारी दिनुभयो । उहाँका अनुसार लिम्बूले मेचीनगर–९ स्थित मागुरमाडीकी २१ वर्षीया बोल्न नसक्ने (लाटी) एक युवतीलाई जबरजस्ती गरेका हुन् । लिम्बूलाई पक्राउ गरी आवश्यक कारबाही शुरु गरिएको छ भने पीडित युवतीको बिर्तामोडस्थित बीएण्डसी अस्पतालमा उपचार भइरहेको प्रहरीले जनाएको छ ।

गौरादह, २८ साउन । झापाको गौरादहमा नगरपालिकामा एक किशोरी डोरीको पासो लगेर झुण्डिएको अवस्थामा फेला परेकी छन् । गौरीगञ्ज–४ कदमगाछीका गोपाल गिरीकी छोरी १५ वर्षीया मनिषा गिरी आज झुण्डिएको अवस्थामा फेला परेको इलाका प्रहरी कार्यालय गौरादहले जनाएको छ । मृतक किशोरी गौरादह–१ डिपुचोककी लक्ष्मी ढकालको घर डेरा गरी बस्ने दिपक राईको परिवारसँग विगत डेढ वर्षदेखि सहयोगीको रूपमा काम गर्दै आएको प्रहरीले जनाएको छ । किशोरीलाई आज बिहान ११ः४० बजे तीनतले घरको माथिल्लो तलाको बन्द कोठामा मृत्यु भइसकेको अवस्थामा देखेपछि स्थानीयबासीले प्रहरीलाई खबर गरेका हुन् । घटनाको थप अनुसन्धान भइरहेको र मृतकको शव पोस्टमार्टमका लागि पठाइएको प्रहरीले जनाएको छ ।

विराटनगर, २८ साउन । नेपाली कांग्रेस प्रदेश नं १ को सचेतकमा प्रदेशसभा सदस्य सूर्यमाराज राई नियुक्त भएको छ । प्रदेश नं १ संसदीय दलका नेता राजीव कोइरालाले राईलाई सचेतकमा आज नियुक्त गर्नुभएको हो । राई मोरङ क्षेत्र नं ३ (क) बाट प्रत्यक्ष निर्वाचित हुनुभएको हो । नवनियुक्त सचेतक राईले प्रदेशसभामा सशक्त प्रतिपक्षको भूमिका निर्वाह गर्ने बताउदै आफूले यो नियुक्तिलाई ठूलो अवसरका रुपमा लिएको धारणा व्यक्त गर्नुभयो ।