झापा अनलाइन

सागर गौतम खुदुनाबारी, ११ पुस । अर्जुनधारा नगरपालिकाकोे नगर छिर्ने मुख्य प्रवेश मार्गमा निर्माण गरिने गेटको शिलान्यास गरिएको छ । अर्जुनधारा नगरपालिकाले नगर छिर्ने मुख्य प्रवेशमार्गमा नगरको वस्तुस्थिती एवं विशेषता झल्किने आकृतिहरु निर्माणका लागि शिलान्यास गरिएको हो । अर्जुनधारा–६ र बिर्तामोड–५ नगरको सीमा स्थल महानन्द चौकमा निर्माण हुने प्रवेशद्धार गेट सहितको आकृतिहरु निर्माणका लागि प्रदेश सासद बृख प्रधान, अर्जुनधारा नगरपालिकाका नगर प्रमुख हरि कुमार राना र बिर्तामोड नगरपालिकाका नगर प्रमुख धुव्र शिवाकोटीेले संयुक्तरुपमा शिलान्यास गरेँ । नगरपालिकाका स्वीकृत बार्षिक बजेट अनुसार महानन्द चौकमा स्वागत द्धार र फाइबरका ६ वटा शालिक निर्माणका लागि ३५ लाख लागत बराबरको कार्यक्रम संचालन गरिने भएको…

सान नेपाल गौरादह, ११ पुस । झापाकोे गौरादह नगरपालिकामा देखिएको विकृति र विसंगति अन्त्य गर्न संघर्ष समिति गठन गरिएको छ । गौरादह बजारमा स्वतस्फुर्त रुपमा नगरबासीको भेलाले राजकुमार दाहाल संयोजक र अनिस कार्की सह–संयोजक रहेको ५१ सदस्यीय समिति गठन गरिएको हो । गौरादह नगरपालिकाको नगर सभाले पास गरेको आर्थिक वर्ष २०७५/०७६ को बजेटमा ‘अपारदर्शी’ भएको खबर सञ्चारमाध्यमहरुमा प्रकाशन/प्रशारण भएपछि नगरमा केही दिनदेखि चर्चाको विषय बनेको छ । नगरबासीहरुमा नागरिकहरुले तिरेको करको सही सदुपयोग नभएको, ढिलासुस्ती भएको र सुशासनको अनुभुति नभएको भन्दै सर्वत्र चासो र गुनासोहरु आएको भेलामा सहभागीहरुले बताएका छन् । संघर्ष समितिले नगर कार्यपालिकाले गरेका कमि–कमजोरीहरु तत्काल सुधार गर्न…

काठमाडौँ, ११ पुस । नेपाल वायुसेवा निगमका दुइवटा वाइडबडी विमानको अधिकतम तौलमा चलखेल हुँदा झन्डै ९४ करोड रुपैयाँ अनियमितता भएको भेटिएको छ । उडान भर्दाको अधिकतम तौल (एमटीओडब्लू) २ सय ४२ टन क्षमताका दुइटा विमान उपलब्ध गराउने दाबी गरेका तीन कम्पनीको ‘कन्सोर्टियम’ ले पछि २ सय ३० टनका पठाएको हो । आजको कान्तिपुर दैनिकमा खबर छ ।

काठमाडौँ, ११ पुस । मंसिर २१ गते कोलकाताको धनकुनीमा ३३ किलो सुन र दुई नेपाली समातिए । त्यो त्रिभुवन विमानस्थलबाट गायब भएकै ३३ किलो सुन भएको र ती व्यक्ति गोरेकै ग्याङका सदस्य भएको निष्कर्ष छानबिन समितिले निकालेको छ । तर सुन फिर्ता आउने त कुरै भएन, तस्करी अनुसन्धान गर्न पनि नेपालले दिल्लीमार्फत कूटनीतिक पहल गर्नुपर्ने भएको छ । सुन र दुई व्यक्ति पक्राउ पर्नेबित्तिकै त्यसबारे भारतीय अधिकारीहरुले कोलकाताको नेपाली महावाणिज्य दूतावासलाई जानकारी गराएका थिए । सुरुमा उनीहरुले अनुसन्धानमा सघाउने जानकारी नेपाललाई दिएका थिए । तर, पछिल्लो समय भारतीय अधिकारीहरुले बोली फेरेका छन् । अहिले भारतले आफ्नो भूमिमा बरामद सुन फिर्ता…

काठमाडौँ, ११ पुस । पूर्वराजा ज्ञानेन्द्र शाह र नेकपाका प्रभावशाली नेता नारायणकाजी श्रेष्ठबीच मंगलबार पोखरा विमानस्थलमा जम्काभेट भएको छ । साहित्य सम्मेलनमा सहभागी भएर काठमाडौं फर्किंदै गरेका श्रेष्ठ र बुहारी हिमानी शाह तथा नातिनीहरूलाई लिन पोखरा विमानस्थल पुगेका शाहबीच भेट भएको हो। बुहारी र नातिनीहरूको स्वागतका लागि पूर्वराजा विमानस्थलको भिआइपी कक्षमा प्रतीक्षारत थिए। काठमाडौँ फर्किंदै गरेका श्रेष्ठ पनि विमानस्थलको भिआइपी रुममा पुगेपछि दुवैबीच भेट भएको हो। श्रेष्ठ विमानस्थलको भिआईपी कक्षमा जाँदै गर्दा विमानस्थलमा खटिएका प्रहरी जवानले विमानस्थलमा पूर्वराजा आएको जानकारी गराएका थिए। श्रेष्ठलाई देखेपछि पूर्वराजा शाहले नेता श्रेष्ठलाई नमस्कार गर्दै हालखबर सोधेका थिए। हालखबर सोधपुछपछि श्रेष्ठले पूर्वराजालाई के पढ्दै हुनुहुन्छ…

काठमाडौैँ, ११ पुस । नेपाल कम्युनिस्ट पार्टी (नेकपा) को स्थायी कमिटी बैठकमा दुई अध्यक्षविरुद्ध चार शीर्ष नेता उभिएका छन् । पार्टी र सरकार सञ्चालनमा अध्यक्षद्वयको भूमिका चित्तबुझ्दो नभएको आरोप लगाउँदै चार शीर्र्ष नेता एक ठाउँमा उभिएका हुन् । प्रधानमन्त्रीसमेत रहेका पार्टी अध्यक्ष केपी शर्मा ओलीले सरकार र पार्टी सञ्चालन एकलौटी ढंगबाट गरेको र अर्का अध्यक्ष पुष्पकमल दाहालले मौन रहेर समर्थन गरेको आरोप चार शीर्ष नेताले लगाएका छन् । एउटै नेतालाई सरकार र पार्टीको दोहोरो जिम्मेवारी नदिने पूर्वसहमतिविपरीत अध्यक्ष ओलीले आफूनिकटलाई जिम्मेवारी दिएको माधवकुमार नेपाल, झलनाथ खनाल, वामदेव गौतम र नारायणकाजी श्रेष्ठको आरोप छ । आजको नागरिक दैनिकमा खबर छ ।

काभ्रेपलाञ्चोक, १० पुस । सञ्चार तथा सूचना प्रविधिमन्त्री गोकुलप्रसाद बाँस्कोटाले जबर्जस्ती धर्म परिवर्तन स्वीकार्य नहुने बताउनुभएको छ । बनेपा इसाई समितिद्वारा आज आयोजित संयुक्त ख्रिष्टमस कार्यक्रमलाई सम्बोधन गर्दै मन्त्री बाँस्कोटाले भन्नुभयो, “जबर्जस्त धर्म परिवर्तन स्वीकार्य छैन, धर्म कुनै व्यक्तिको पनि प्याओ हैन ।” उहाँले नेपाल धर्म निरपेक्ष मुलुक भएकाले राज्यको कुनै धर्म नहुने बताउनुभयो । मन्त्री बाँस्कोटाले धर्म मान्ने विषय व्यक्तिगत स्वतन्त्रता भएको बताउँदै कसैलाई जबर्जस्त धर्म परिवर्तन गराउनु गलत भएको बताउनुभयो । उहाँले भन्नुभयो, “धर्म मेरो निजी मामला हो, यसमा कसैले हस्तक्षेप गर्नुहुन्न र स्वीकार्य पनि हुन्न ।” मन्त्री बाँस्कोटाले धर्म मान्ने विषयमा कसैले कसैलाई छिःछिः र दूरदूर गर्नुहुन्न…

मोरङ, १० पौष । मोरङको उर्लावारी नगरपालिका–७ मा भएको आगलागीमा परी १ महिलाको मृत्यु भएको छ । सोमवार साँझ स्थानीय राम बहादुर थापाको काठको बेरा, फुसको छानो भएको १ तले घरमा अचानक आगलागी हुँदा निजकै बुहारी ४५ बर्षीय रिना भन्ने रेनुका थापाको जलेर मृत्यु भएको इलाका प्रहरी कार्यालय उर्लावारीले जनाएको छ । उक्त आगलागी प्रहरी, स्थानीयवासी र दमकलको सहयोगमा बेलुका पौने सात बजे पूर्ण रुपमा नियन्यत्रणमा लिइएको थियो । आगलागीमा परी मृतकको छोरा २५ बर्षीय हेमन्त थापा सामान्य घाईते भएका छन् निजको अरनिको अस्पताल उर्लावारीमा उपचार भईरहेको छ भने मृतक शवलाई पोष्टमार्टमको लागि मंगलवारे अस्पतालमा राखिएको छ । आगलागीबाट लत्ता…

सुनसरी, १० पौष । सुनरीको ईटहरी उप–महानगरपालिका–४ बाट प्रतिबन्धित लागूऔषधसहित १ जना पक्राउ परेका छन् । लागू औषध नियन्त्रण ब्यूरो बिराटनगरबाट खटिएको प्रहरी टोलीले इटहरी–४ का ४२ वर्षीय राजकुमार ठाकुरलाई सोमवार बेलुका पक्राउ गरेको हो । ठाकुरको साथबाट डाईलक्स डि.सी. ९ बोतल, नाईट्रोसन ७७ ट्याव्लेट, नाईट्रोभेट ४१ ट्याव्लेट, स्पास्मोप्रोक्सिभन ५१ ट्याव्लेट बरामद गरेको छ । प्रहरी टोलीले लागूऔषध ओसार पसारमा प्रयोग गरिएको बा ४६ प १९६८ नम्बरको स्कुटर समेत बरामद गरेको छ । लागू औषध सहित पक्राउ परेका ठाकुरलाई थप अनुसन्धानको लागि इलाका प्रहरी कार्यालय इटहरीमा राखिएको छ ।

तेह्रथुम,१० पौष । सवारी ज्यान मुद्धामा कैद तथा जरिवाना फैसला भई फरार रहेका १ जनालाई जिल्ला प्रहरी कार्यालय तेह्रथुमले पक्राउ गरेको छ । सम्मानित जिल्ला अदालत तेह्रथुमबाट २०७५।३।२४ गतेको फैसला आदेशले ३ बर्ष कैद र ७,५००।– जरिवाना तोकिएका आठराई गाउँपालिका–६ ईवा बस्ने वर्ष १९ को बिशाल गहतराजलाई पौष ९ गते फिदिमबाट पक्राउ गरिएको हो । पक्राउ परेका फरार प्रतिवादी गहतराजलाई अदालतले तोकेको कैद सजाय तथा जरिवाना भुक्तानीको लागि सम्मानित जिल्ला अदालत तेह्रथुममा बुझाइएकोमा कैद सजाय भुक्तानको लागि जिल्ला कारागार तेह्रथुम चलान गरिएको उक्त कार्यालयले जनाएको छ ।