झापा अनलाइन

काठमाडौं, १६ भदौ । नेपालमा अधिकांश वस्तु विदेशबाट आयात हुन्छ । तर, कतिपय यस्ता नेपाली उत्पादन पनि छन् जसले विदेशमा पनि राम्रो पहिचान बनाएका छन् । वाइवाइ चाउचाउ नेपालीको मात्र होइन, तीन दर्जन मुलुकका भान्सामा पाक्छ । गोल्डस्टार नेपालमा भन्दा भारतमा बढी चर्चित छ । चाउचाउ वाइवाइ चाउचाउ नेपालीको भान्सामा मात्रै होइन, विश्वका तीन दर्जनभन्दा बढी मुलुकमा पुगेको छ । नेपालबाहेक भारत र युरोपको सर्भियाबाट उत्पादन सुरु भइसकेको छ । बंगलादेश, साउदी अरेबियालगायत मुलुकमा पनि उत्पादनको तयारी भइरहेको छ । गोल्डस्टार नेपाली बजारमा संसारभरका जुत्ता स्थापित भइरहेका वेला भारतीय जुत्ता बजारमा नेपालको गोल्डस्टार प्रतिस्पर्धी ब्रान्ड बनेको छ । उत्पादनको झण्डै…

झगेन्द्र खड्का गौरादह, १६ भदौ । गौरादह नगरपालिकाभित्र रहेका बजारहरुमा खासै परिवर्तन हुन सकेका छैनन् । गौरादह नगरपालिका बजारै बजारले भरिएको नगरपालिका भए पनि वर्षौंदेखि पुराना बजारहरुको हालत हालसम्म कमजोर रहेको छ । बजार व्यवस्थापनमा सम्बन्धित निकायले चासो नदेखाउनु र नागरिकहरुमा पुरानै सोच र चिन्तन रही रहनु बजार स्तरोन्नती हुन नसक्नु प्रमुख कारण देखिएको छ । तत्कालीन समयमा गौरादह, जुरोपानी, महारानी झोडा, कोहवरा र बैगुन्धुरा सहित ५ वटा गाविस मिलेर बनेको गौरादह नगरपालिका भित्र ठुला साना गरी १४ वटा बजार रहेका छन् । अन्य साना तिना चोकहरु अनगन्ती रहेका छन् । गौरादह नगरपालिका भित्र रहेका गौरादहसहित ग्वालडुब्बा र दामुना मात्र…

चर्चित संगीतकार तथा गायक शम्भुजित बास्कोटाका फ्यानका लागि खुशीको खबर । शम्भुजितको स्वर मन पराउने दर्शकले फेरि एकपटक उनको आवाजमा गीत सुन्न पाएका छन् । शुक्रबार काठमाण्डौमा पत्रकार सम्मेलनको आयोजना गर्दै सार्वजनिक गरिएको चलचित्र ‘चौका दाउ’को ‘राधा पियारी’ बोलको गतिमा शम्भुजितको स्वर सुन्न सकिन्छ । चलचित्रमा संगीत र कथा पनि उनकै छ । पुणेन्द्रु झाको निर्देशनमा तयार भएको यो कमेडी कथाको चलचित्रमा नायिका बर्षा राउतको साथमा कलाकारहरु विल्सन विक्रम राई, सन्तोष पन्त, रविन्द्र झालाई फिचरिङ गरिएको छ । साथमा, चलचित्रमा तैयव शाह, निर्मल शर्मा लगायतको पनि अभिनय छ । दिर्घ गुरुङको छायांकन रहेको चलचित्रमा मित्र डी गुरुङको सम्पादन छ ।…

बर्दिया, १७ भदौ । सीमावर्ती गाउँमा बस्ने राजापुर–६ का गोपाल चन्दा भारतीय सुरक्षाकर्मीको गोली प्रहारबाट आइतबार घाइते भए । नेपालगञ्ज शिक्षण अस्पतालमा उपचारपछि चन्दको अवस्था सामान्य भए पनि उनको परिवार अझै त्रसित छ । सीमा नजिक बसोबास भएकाले भारतीय सुरक्षाकर्मीले चन्दलाई पुनः आक्रमण गर्ने हो कि भन्ने परिवारको आशंका छ । आजको नागरिक दैनिकमा यो समाचार छापिएको छ । भदौ ५ गते जंगलमा माछा मार्न हिँडेका बेला बेपत्ता भएका इन्द्रबहादुर थारुको खोजी गरिदिन परिवारले निवेदन दिए । बेपत्ता भएको नौ दिनपछि बिहीबार थारुको शव भारतीय जंगलमा फेला पर्‍यो । क्षतविक्षत अवस्थामा फेला परेको शव पोस्टमार्टमका लागि भारतीय सुरक्षाकर्मीले बहराइच पुर्‍याएका…

सन्तोष शर्मा झापा, १६ भदौ । लागुऔषध ओसार–पसारमा प्रहरीले कडाइँ गरे पनि झापामा भित्रिने क्रम रोकिएको छैन । लागुऔषधका कारोबारीहरुले नयाँ–नयाँ उपाय अपनाएर सीमावर्ती भारतीय क्षेत्रबाट लागुऔषध भित्र्याउने गरेका छन् । बिहीबार मात्र प्रहरीले मोटरसाइकलको हेल्मेटमा लागुऔषध ब्राउन सुगर लुकाएर ल्याइरहेको अवस्थामा दुई युवालाई पक्राउ गरेको छ । झापा मेचीनगर–६ स्थित मेचीपुलबाट प्रहरीले चेकजाँचका क्रममा मेचीनगर–६ बर्मेली टोलका २७ वर्षीय कुशल धिमाललाई पक्राउ गरेको हो । उनले हेल्मेटभित्र लुकाएर १७ ग्राम ब्राउन सुगर ल्याएको प्रहरीले जनाएको छ । उक्त ब्राउन सुगरको बजार मूल्य करिब रू ६८ हजार पर्छ । मोटरसाइकल पछाडि सवार सोही स्थानका २२ वर्षीय भरत आचार्यलाई समेत प्रहरीले…

सान नेपाल गौरादह, १६ भदौ । गौरादह सामुदायिक पुस्तकालयले आफ्नो ११ औं पुस्तकालय दिवस हाजिरी जवाफ कार्यक्रम गर्दै मनाएको छ । नगरभरका १९ वटा नीजि तथा सामुदायिक माविका विद्यार्थीहरु बीच प्रतियोगितात्मक हाजिरी जवाफ कार्यक्रम गरी स्थापना दिवस मनाइएको हो । सामुदायिक पुस्तकालयका अध्यक्ष लवहरी दाहालको सभापतित्वमा सप्पन्न भएको कार्यक्रममा प्रमुख अतिथि हेमन्त कार्की तथा विशिस्ट अतिथिमा पुर्व क्याम्पस प्रमुख तथा जेष्ठ नागरिक संघका नगर अध्यक्ष गोपाल प्रसाद काफ्ले, प्रज्वल क्याम्पसका प्राचार्य तथा गौरादह बहुमुखी क्याम्पसका पुर्व क्याम्पस प्रमुख सुरेश बहादुर पौडेल त्यस्तै अतिथिहरुमा राजयोग शिविर ॐ शान्ति गौरादह प्रमुख बबिता न्यौपाने, सत्य साही केन्द्रका नगर अध्यक्ष मन्दिरा कार्की रहेका थिए…

सान नेपाल गौरादह, १६ भदौ । डाँफे बचत तथा ऋण सहकारी संस्थाले शेयर सदस्यहरुलाई जम्मा गरी भव्यताका साथ तीज पर्व मनाएको छ । हिन्दुहरुको महान पर्व तीजलाई हर्ष उल्लासका साथ मनाउन यस क्षेत्रका महिलाहरु तथा शेयर सदस्यहरुलाई अतिथि सदनको सभाहल गौरादहमा जम्मा गरी तीज पर्व मनाएको हो । कार्यक्रममा महिलाहरु रातो सारी लगाएर नेपाली तिज सम्वन्धी लोकगितमा सामुहिक र एकल नृत्य प्रदर्शन गरेका थिए । प्रधान कार्यालय दमकमा रही सेवा केन्द्र गौरादहमा रहेको संस्थाले आयोजना गरेको तिज सम्वन्धी कार्यक्रममा संगिनी र वालन गीत गाउनुका साथै नृत्य समेत गरेका थए ।त्यस अवसरमा विषेश तिज वचत खाता सञ्चालन गर्ने शेयर सदस्यहरु मध्ये…

खोटाङ, १६ भदौ । एक वर्षदेखि दिक्तेल बजारमा कोठा भाडामा लिएर एक्लै बसोबास गर्दै आउनुभएकी जुरीमायाँ राई किताब लेखपढ गर्नसक्ने हुनुभएको छ । स्थानीय सरस्वती मावि गएर बाह्रखरी र अङ्कहरु सिक्दै गर्नुभएकी केपिलासगढी गाउँपालिका–४ बाक्सिलाकी ७५ वर्षीया उहाँ अहिले वाईवलसमेत पढ्न सक्ने हुनुभएको छ । क्रिश्चियन धर्मावलम्बी जुरीमायाँ भन्नुहुन्छ, “सेवामा जान्छु, कहिलेकाहीँ नबुझेको कुरा सोध्दा हल्ला भयो भन्छन् । त्यही भएर आफैँ पढ्न सक्ने बन्न स्कूल आएकी हुँ ।” विसं २००१ साउन ८मा जन्मनुभएकी उहाँ गत साउन ६ गते दिक्तेलस्थित सरस्वती माविको कक्षा–१ मा भर्ना भएर अध्ययन गरिरहनुभएको हो । उहाँको रोल नं ३१ रहेको विद्यालयले जनाएको छ । पढाइप्रति…

दमक, १६ भदौ । झापाको गौरादह ९ बैगुनधुरा दहगाउँका मिर्गौला पीडित बोधराज खनाल बचाऔं अभियान सञ्चालन गरिएपछि देशविदेशबाट उनको उपचारमा सहयोग जुट्ने क्रम बढेको छ । स्थानीयबासीहरुले कृष्ण गौतमको नेतृत्वमा सो अभियान सहयोग समिति गठन गरिएसंगै उनका शुभचिन्तकहरुले देशविदेशबाट सहयोग जुटाईरहेका हुन् । बालकल्याण मावि माहाभाराका भुतपूर्व विद्यार्थी तथा सोहि विद्यालयमा कार्यरत विद्यालय कर्मचारी भिमप्रसाद खनालका छोरा बोधराजको सहयोगका लागि सो विद्यालयका भुतपूर्व विद्यार्थीले समेत सहयोग जुटाएका हुन् । सोही विद्यालयका भुपू विद्यार्थी समेत रहेका झापाली समाज अष्ट्रेलियाका उपाध्यक्ष नेत्र पौडेलको नेतृत्वमा जुटेको कूल ७० हजार रुपैयाँ सहयोग रकम आज पीडित परिवारको घरमै पुगेर जनप्रतिनिधिहरुको रोहबरमा परिवारलाई हस्तान्तरण गरिएको छ…

काठमाडौँ, १५ भदौ । नेपाल र भारतका प्रधानमन्त्रीले सीमावर्ती इलाकामा हुने गरेको डुबान समस्याका सम्बन्धमा संयुक्त कार्यदलले अध्ययन गरिरहेकामा सन्तुष्टि व्यक्त गर्नुभएको छ । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास ९बिम्स्टेक० को चौथो शिखर सम्मेलनको समापनपश्चात् आज प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीबीचको भेटवार्तामा उक्त विषयमा सन्तुष्टि व्यक्त गरिएको प्रधानमन्त्रीको सचिवालयले जनाएको छ । वार्ताका क्रममा केही महिनाअघि नेपाल र भारतका प्रधानमन्त्रीबीच भएका वार्तामा भएका समझदारी क्रमशः कार्यान्वयन भइरहेकामा दुवै पक्षबाट सन्तुष्टि व्यक्त गरिएको थियो । समझदारीअनुुसार भारतले नेपाललाई केही हवाई रुट प्रदान गरिसकेको र केही प्रदान गर्ने विषयमा प्राविधिकरुपमा छलफल भइरहेको बताउँदै आन्तरिक…