झापा अनलाइन

काठमाडौँ, १ मंसिर । सवारीसाधनको अत्यधिक चाप हुने पूर्व–पश्चिम राजमार्गलाई विस्तार गरी ८ लेनसम्मको बनाउने तयारीमा भौतिक पूर्वाधार तथा यातायात मन्त्रालयअन्तर्गतको सडक विभाग लागिपरेको छ । हाल २ लेन रहेको राजमार्ग सहरी क्षेत्रमा ८ लेन र अन्य भागमा ४ लेनको बनाउन तयारी भइरहेको छ । पूर्व–पश्चिम राजमार्ग विस्तार गर्ने योजनाअन्तर्गत २ सय किलोमिटर खण्डको विस्तार कार्य सुरु गर्ने ठेक्का प्रक्रिया करिब अन्तिम चरणमा पुगेको छ । सो राजमार्ग विस्तारअन्तर्गत नारायणघाट–बुटवल ११३ किलोमिटर र कमला–सप्तकोसी ८७ किलोमिटरको विस्तार कार्य अन्तिम चरणमा पुगेको विभागका प्रवक्ता मुक्ति गौतमले बताए । आजको नयाँ पत्रिका दैनिकमा खबर छ ।

काठमाडौँ, १ मंसिर । तोकिएको समयसीमाभित्र अधिवेशन गर्न नसकेपछि नेपाली कांग्रेसको सशक्त भ्रातृ संगठन नेपाल विद्यार्थी संघ आज शनिबारबाट स्वतः भङ्ग हुने भएको छ । १२ औं महाधिवेशन गर्न विशेष परिस्थितिका लागि भन्दै थप गरिएको ३ महिनाको समयसीमाभित्र पनि अधिवेशन गर्न नसकेपछि उत्पन्न अन्योल हटाउन आज शनिबार कांग्रेस केन्द्रीय समितिको बैठक बस्ने भएको छ । आजको नेपाल समाचारपत्रमा खबर छ ।

काठमाडौँ, १ मंसिर । प्रधानमन्त्री केपी शर्मा ओली दसैँ–तिहारपछि शुक्रबार पहिलो सार्वजनिक कार्यक्रममा सहभागी हुने अन्तिम तयारीमा थिए । प्रधानमन्त्रीको सचिवालयको दैनिक कार्यतालिकामा उल्लेख भएको र आयोजकलाई पनि सहभागी हुने खबर दिइएकोले प्रधानमन्त्रीनिवासबाटै खटिएको सुरक्षा टिम कार्यक्रमस्थल सोल्टी होटलमा उद्घाटनको केही समयअघिसम्म ‘अर्लट’ थियो । तर, निजि चिकित्सकले अझै कम्तीमा १५ दिन भिडभाडबाट टाढै रहन सुझाव दिएपछि एक महिनापछि सार्वजनिक कार्यक्रममा सहभागी हुने तयारीमा रहेका प्रधानमन्त्री ओली अन्तिमतिर सरकारीनिवास बालुवाटारमै रोकिए । आजको नयाँ पत्रिका दैनिकमा खबर छ ।

उर्लाबारी, १ मंसिर । मोरङको उर्लाबारी–६ स्थित सिद्धेश्वर शिव बाबा धामले श्रीमद शिव महापुराण एकादशाह विराट ज्ञान महायज्ञ सञ्चालन गर्ने भएको छ । आगामी मंसिर १० देखि २० गतेसम्म शिव महापुराण सञ्चालन गरिने धाम व्यवस्थापन समितिका अध्यक्ष डीपी खतिवडाले जानकारी दिए । पुराणलाई सफल बनाउन स्थानीय समाजसेवी जंगबहादुर कार्कीको संयोजकत्वमा पुराण आयोजक समिति गठन गरिएको छ । जसको सचिवमा गजेन्द्र दंगाल र प्रचार संयोजकमा गणेश दाहाल रहेका छन् । पुराणमा प्रखर धर्मगुरु व्यासाचार्य किशोरकुमार गौतमबाट दैनिक दार्सनिक प्रवचन, सरस पुराण वाचक आचार्य छन्दुराम भण्डारीबाट कथावाचन, पंडित उमेश आचार्यबाट पाठ पारायणका साथै चर्चित कलाकारहरूद्वारा देव लिलासहितको बेजोड झाँकी प्रदर्शन, संगीतमय भजनकीर्तन…

काठमाडौँ, ३० कात्तिक । मुलुकमा स्वदेशी कफीको उत्पादन बढेसँगै यसको प्रयोग पनि बढ्दै गएको देखिन्छ । कफीको उत्पादन बढिरहँदा आयात पनि बढ्नु तर निर्यात घट्नुले उत्पादित कफीको बजार नेपालभित्रै बढ्दै गएको राष्ट्रिय चिया तथा कफी विकास बोर्डले जनाएको छ । देशभर क्याफे हाउसहरूको विस्तारले नेपाली कफीको लोकप्रियता बढ्दै गएको पाइन्छ । पछिल्लो तथ्याङ्कअनुसार देशभर वार्षिक ५१३ मेट्रिक टन कफी ग्रिन बिन उत्पादन भएको देखिन्छ । गत वर्षको तुलनामा यो करीब १० प्रतिशतको वृद्धि हो । गत वर्ष ४६६ मेट्रिक टन कफी उत्पादन भएको थियो । यद्यपि गत वर्षको तुलनामा कफीको निर्यात भने करीब ११ प्रतिशतले घटेको तथ्याङ्कले देखाउँछ । बोर्डको…

बिर्तामोड, ३० कात्तिक । झापाको बुद्धशान्ति–१ होक्सेस्थित त्रिभूवन माविले सञ्चालन गरेको देउसी कार्यक्रम सम्पन्न भएको छ । विद्यालय बस खरीद गर्दाको ऋण तिर्ने उद्देश्यले कात्तिक २२ गतेदेखि सञ्चालन गरिएको देउसी कार्यक्रम शुक्रबार एक कार्यक्रमको आयोजना गरी हाेक्से चाेकमा समापन गरिएको हो । विद्यालयका प्रधानाध्यापक कुमार आचार्यले २३ वटा टोल खेलिएको देउसीबाट ११ लाख ३८५ रुपैयाँ संकलन भएको जानकारी दिनुभयो । विद्यालय व्यवस्थापन समितिका अध्यक्ष खड्गबहादुर तिम्सिनाको अध्यक्षतामा भएको कार्यक्रममा प्रमुख अतिथि बुद्धशान्ति–१ का वडाध्यक्ष भीमकुमार नेवार रहनुभएको थियो । कार्यक्रममा देउसीमा सहभागी विद्यालयका २९ जना विद्यार्थीलाई नगदसहित पुरस्कृत गरिएको छ । कार्यक्रमको पहिलो र अन्तिम चरणको सञ्चालन प्रधानाध्यापक आचार्यले गर्नुभएको थियो…

झापा, ३० कात्तिक । झापाको कनकाई नगरपालिकास्थित माइधार निवासी बिष्णु घिमिरेको कुवेतमा निधन भएको छ । घिमिरेको नोभेम्बर १६ तारिक शुक्रबार २०१८ का दिन निधन भएको हो । कुवेतको जिलिब स्थित साथीको घरमा सुतेको अवस्थामै घिमिेर मृत अवस्थामा भेटिएको झापाली समाज कुवेतका सचिब प्रेम झापालीले जानकारी दिए । करिब सात बर्ष देखी कुवेतमा कार्यरत घिमिरे झापाली समाज कुवेतका कार्य समिती सदस्य तथा नेपाली समुदाय कुवेतमा लामो समय देखी आबद्द भएका ब्यक्ती हुन। ३७ बर्षिय बिष्णु घिमिरे कुवेतको एस डि एफ सि कम्पनीमा आए पनि अहिले एजिलिटी कम्पनीमा सबारी चालकको रुपमा कार्यरत थिए भने केही समयमै अर्को कम्पनी जाने तयारीमा थिए।

भीमदत्तनगर, ३० कात्तिक । कञ्चनपुरको भीमदत्तनगरपालिका–२ की १३ वर्षीया निर्मला पन्त हत्या प्रकरणको अनुसन्धानका क्रममा प्रहरीले पठाएको थप चार जनाको डिएनए रिपोर्ट ‘नेगेटिभ’ आएको छ । घटनामा संलग्न हुनसक्ने आशमा प्रहरीले चारको डिएनए परीक्षणका लागि केन्द्रीय विधि विज्ञान प्रयोगशाला पठाएको थियो । प्रहरी नायब उपरीक्षक कृष्णराज ओझाले बिहीबार आइपुगेको डिएनए रिपोर्ट आज हेरिएको र रिपोर्ट नमिलेको बताउनुभयो । यसअघि प्रहरीले अभियुक्त भन्दै सार्वजनिक गरिएका भीमदत्तनगरपालिका–१९ बागफाँटाका दिलीपसिंह विष्टको डिएनए नमिले पछि साधारण तारेखमा छुटेका थिए । सोही घटनामा संलग्नताको आशङ्का तत्कालीन प्रहरी प्रमुख डिल्लीराज विष्टसहित चार जनाको पनि डिएनए परीक्षण गरिएको थियो । अनुसन्धानका क्रममा हालसम्म परीक्षण गरिएका डिएनए नमिले…

विनोद धौलागिरि मोरङ, ३० कात्तिक । मोरङ जिल्लाको पुरानो सदरमुकाम समेत रहेको रंगेली खुल्ला दिसामुक्त घोषणा भएको छ । प्रतिनिधि सभाका सदस्य शिवकुमार मण्डलले नगरपालिकालाई खुल्ला दिसामुक्त भएको घोषणा गर्नुभयो । जिल्ला समन्वय समिति मोरङका प्रमुख एवम् जिल्ला खानेपानी, सरसफाइ तथा स्वच्छता समन्वय समितिका अध्यक्ष नरेश पोखरेलले नगरपालिकालाई खुल्ला दिसामुक्त स्थानीय तहको प्रमाणपत्र प्रदान गर्नुभयो । ग्लोबल स्यानिटेसन फण्ड कार्यक्रमको सहयोगमा सामुदायिक विकास समाज बिराटनगर र मातृभूमि महिला समाजले रंगेलीमा खुल्ला दिसामुक्त अभियान सहजीकरण गरेका हुन् । ११ हजार १ सय ३४ घरधुरीमध्ये ५ हजार ६ सय ९८ घरधुरीमा अभियानअघि सुरक्षित चर्पीको पहुँच रहेको थियो भने अभियानको क्रममा ५ हजार…

बनियानी, ३० कात्तिक । जिल्ला प्रहरी कार्यालय झापाले प्रहरी जवानबाट हबल्दारमा बढुवा भएका ४१ जना प्रहरीलाई आज दज्र्यानी चिह्न प्रदान गरेको छ । कार्यालयले आज एक कार्यक्रमको आयोजना गरी उनीहरुलाई दज्र्यानी चिह्न प्रदान गरेको हो । कार्यालयका प्रमुख प्रहरी उपरीक्षक भीमप्रसाद ढकालले बढुवा भएका प्रहरीलाई दज्र्यानी चिह्न प्रदान गर्नुभयो । प्रहरी प्रधान कार्यालय मानव स्रोत विकास विभागले जेष्ठता, कार्य सम्पादन मूल्याङ्कन समेतको आधारमा बढुवा सिफारिस गरेका ४१ जनालाई दज्र्यानी चिह्न प्रदान गरिएको प्रमुख ढकालले जानकारी दिनुभयो । बढुवा हुनेमा यम नारायण श्रेष्ठ, रेणुका सुनाम, राजु कटवला क्षेत्री, धर्मनाथ यादव, बिमल चौधरी, विष्णु भक्त बि.क., श्रीमती रतन देबी खवास, योगेन्द्र यादव,…