jhapaonline add

झापा, १७ चैत । हाल नेपालमा पश्चिमी वायुका साथै स्थानीय वायुको प्रभाव रहेको छ । साथै हाल लुम्बिनी र सुदूरपश्चिम प्रदेशलगायत बाँकी प्रदेशका पहाडी भूभागमा साधारणतया बादल लागेको छ भने बाँकी भूभागमा मौसम मुख्यतया सफा रहेको जल तथा मौसम विभाग विज्ञान विभाग, मौसम पूर्वानुमान महाशाखाले जनाएको छ । गण्डकी प्रदेशका पहाडी भूभागका एकदुई स्थानमा हल्का वर्षा भइरहेको महाशाखाले जनाएको छ । महाशाखाका अनुसार आज दिउँसो कोशी र मधेस प्रदेशलगायत देशका पहाडी र हिमाली भूभागमा साधारणतया बादल लाग्नेछ भने तराई भूभागमा आंशिक बादल लाग्नेछ । कोशी प्रदेशलगायत देशका पहाडी र हिमाली भूभागका केही स्थान तथा बाँकी भूभागका थोरै स्थानमा मेघगर्जन र…

झापा, १६ चैत । झापाको बिर्तामोडस्थित बिर्तामोड साना शहरी खानेपानी तथा सरसफाई उपभोक्ता संस्थाको २३ औं वार्षिक साधारण सभा सम्पन्न भएको छ । उत्कृष्टलाई सम्मानसँगै भावी योजनाहरु सार्वजनिक गर्दै आज संस्थाको साधारण सभा सम्पन्न भएको हो । संस्थाका अध्यक्ष मेघराज बाँस्तोलाको अध्यक्षता एवम् जिल्ला खानेपानी कार्यालय झापाका प्रमुख सुमन भट्टराईको प्रमुख आतिथ्य रहेको कार्यक्रममा उत्कृष्ट कर्मचारीका रुपमा संस्थाका कर्मचारी पदमबहादुर गुरुङ नगद १० हजार रुपैयाँसहित सम्मानित हुनुभएको छ भने संस्थाको जेष्ठ सदस्यका रुपमा डिल्लीराम बस्नेत र चन्द्रमाया बिक नगदसहित सम्मानित हुनुभएको छ । हाल संस्थामा तीन वटा ओभरहेड ट्याङ्की, १६ वटा डिप बोरिङ, १० वटा फिल्टर प्लाण्ट र ११ हजार…

झापा, १६ चैत । सरकारले सार्वजनिक गरेको ‘सुशासन मार्गचित्र, २०८२’ ले प्रशासन सुधारका लागि ठूला संरचनागत परिवर्तन प्रस्ताव गर्दै एक दर्जन हाराहारी सार्वजनिक निकाय खारेज, केही गाभ्ने तथा केही प्रदेश र स्थानीय तहमा हस्तान्तरण गर्ने सिफारिस गरेको छ । प्रधानमन्त्री तथा मन्त्रिपरिषद्को कार्यालयले आज सार्वजनिक गरेको उक्त मार्गचित्रले दोहोरो काम गर्ने, निष्क्रिय वा कम प्रभावकारी निकायहरूलाई पुनः संरचना गरेर शासन प्रणालीलाई चुस्त, प्रभावकारी र उत्तरदायी बनाउन आवश्यक रहेको उल्लेख गरेको छ । मार्गचित्रमा समान प्रकृतिका कार्य गर्ने संस्थाहरूलाई एकीकृत गर्दै स्रोत, साधन र जनशक्ति व्यवस्थापनलाई प्रभावकारी बनाउने उल्लेख छ । यसअन्तर्गत नेपाल पर्वतीय प्रशिक्षण प्रतिष्ठानलाई नेपाल पर्यटन तथा होटल व्यवस्थापन…

झापा, १६ चैत । सञ्चार तथा सूचना प्रविधि मन्त्रालयले नेपालभर सञ्चालनमा रहेका अनलाइन सट्टेबाजी एप ९बेटिङ एप० तथा वेबसाइट बन्द गराएको छ। मन्त्रालयले नेपाल दूरसञ्चार प्राधिकरणलाई २४ घण्टाभित्र सबै सट्टेबाजी एप र वेबसाइट बन्द गर्न निर्देशन दिएपछि प्राधिकरणले इन्टरनेट सेवा प्रदायकसँगको समन्वयमा पहिचान भएका सबै एप तथा साइट बन्द गरेको हो। सञ्चार मन्त्री डा. विक्रम तिमिल्सिनाले मन्त्रालयका सचिव तथा महाशाखा प्रमुखहरूसँगको बैठकमा तत्कालै कारबाही गर्न निर्देशन दिएपछि प्रक्रिया सुरु भएको थियो। यसअघि चैत १३ गतेको मन्त्रिपरिषद् बैठकले अवैध रूपमा सञ्चालित अनलाइन बेटिङ बन्द गर्ने निर्णय गरेको थियो। मन्त्रालयले जारी गरेको विज्ञप्तिमा मुलुकी अपराध संहिता, २०७४ र विज्ञापन ९नियमन गर्ने० ऐन,…

झापा, १६ चैत । सुनसरीको बराहक्षेत्र नगरपालिका–२ स्थित बाइस बिघे जङ्गलमा १३ वर्षीया बालिकामाथि निर्घात कुटपिट गरिएको घटनामा संलग्न तीन जनालाई प्रहरीले नियन्त्रणमा लिएको छ। सामाजिक सञ्जालमा घटनाको भिडियो सार्वजनिक भएपछि प्रहरीले दोषीहरूको खोजी तीव्र पारेको थियो। इलाका प्रहरी कार्यालय महेन्द्रनगरबाट खटिएको टोलीले घटनामा संलग्न २१ वर्षीय सुदिन राई, २० वर्षीय निशान राई तथा अर्का १७ वर्षीय नाबालकलाई चैत १३ देखि १५ गतेसम्म विभिन्न स्थानबाट पक्राउ गरेको हो। प्रहरीका अनुसार पक्राउ परेकाहरूलाई बालबालिका विरुद्धको कसुरमा अनुसन्धान अगाडि बढाउन सुनसरी जिल्ला अदालतबाट पाँच दिनको म्याद थप गरी हिरासतमा राखिएको छ। जिल्ला प्रहरी कार्यालय सुनसरीका सूचना अधिकारी प्रहरी नायव उपरीक्षक चन्द्र बहादुर…

झापा, १६ चैत । हाल नेपालमा पश्चिमी वायुका साथै स्थानीय वायुको प्रभाव रहेकाले देशभरको मौसममा फेरबदल आएको छ । जल तथा मौसम विज्ञान विभाग, मौसम पूर्वानुमान महाशाखाका अनुसार अहिले देशका पहाडी तथा हिमाली भू(भागमा साधारणतया बदली रहेको छ भने अन्य क्षेत्रमा आंशिक बदलीको अवस्था छ । गण्डकी, कर्णाली र सुदूरपश्चिम प्रदेशका पहाडी तथा हिमाली क्षेत्रका केही स्थानमा अहिले मेघगर्जन र चट्याङसहित हल्का वर्षा भइरहेको छ । आज दिउँसो र राति पनि देशका विभिन्न भागमा वर्षा र हिमपातको सम्भावना देखिएको छ । विशेषगरी कोशी, बागमती र गण्डकी प्रदेशका पहाडी तथा हिमाली भू–भागका थोरै स्थानमा मध्यम वर्षा हुने सङ्केत देखिएको छ ।…

भद्रपुर, १५ चैत । झापाको भद्रपुर नगरपालिका–६ बंगाली टोलका महादेव मण्डल परिवारलाई आर्थिक सहयोग प्रदान गरिएको छ । विभिन्न दाताहरुबाट सहयोग स्वरुप संकलित १ लाख ७ हजार २ सय ३२ रुपैयाँ मण्डल परिवारलाई हस्तान्तरण गरिएको हो । भद्रपुर नगरपालिकाकी उप–प्रमुख राधा कार्कीले सो सहयोग रकम हस्तान्तरण गर्नुभयो । अमेरिकामा अध्ययनरत मनीष भूर्तेलको अग्रसरतामा र भद्रपुरबाट संकलन भएको उक्त रकम भद्रपुर–७ निवासी समाजसेवी दम्पती रुद्र भूर्तेल एवम् हीरा वाग्ले भूर्तेलमार्फत् पीडित परिवारलाई प्रदान गरिएको हो । महादेव मण्डलकी पत्नी इना विगत ४ वर्षदेखि क्यान्सर रोगबाट पीडित रहेको र विपन्नताका कारण उपचार गराउन कठिनाइ झेलिरहेको अवस्था जानकारी भएपश्चात् सामाजिक उत्तरदायित्व वहन गर्ने…

झापा, १५ चैत । स्थानीय बजारमा आज सुनचाँदीको मूल्य बढेको छ । सुन तोलामा रु पाँच हजारले र चाँदी रु ५० ले बढेको हो । नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला रु दुई लाख ८६ हजार र त्यति नै परिमाणको सेतो धातुको मूल्य रु चार हजार ७२० कायम भएको छ । गत शुक्रबार छापावाल सुनको मोल प्रतितोला रु दुई लाख ८१ हजार र त्यति नै परिमाणको चाँदीको मूल्य रु चार हजार ६७० कायम भएको थियो । अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन पाँच हजार १७० र त्यति नै परिमाणको चाँदी ८६ अमेरिकी डलरमा…

झापा, १५ चैत । सरकारले मुलुकमा व्याप्त भ्रष्टाचार, सम्पत्ति लुकाउने प्रवृत्ति तथा दण्डहीनताको अन्त्य गर्न १५ दिनभित्र अधिकारसम्पन्न सम्पत्ति छानबिन समिति गठन गर्ने भएको छ । समितिमा कानुन, अर्थ, राजस्व तथा अनुसन्धान क्षेत्रका विज्ञ तथा सम्बन्धित निकायका प्रतिनिधि समावेश गर्ने सरकारद्वारा आज सार्वजनिक शासकीय सुधारसम्बन्धी कार्यसूचीमा उल्लेख छ । उक्त समितिले पहिलो चरणमा २०६२–६३ देखि हालसम्म अर्थात् २०८२–८३ सम्म सार्वजनिक पद धारण गरेका प्रमुख राजनीतिक दलका पदाधिकारी तथा उच्चपदस्थ कर्मचारीको सम्पत्ति विवरणको सङ्कलन, प्रमाणीकरण र छानबिन उल्लेख छ । दोस्रो चरणमा विसं २०४८ सालदेखि २०६१–६२ सम्मको अवधिमा सार्वजनिक पद धारण गरेका सोही प्रकृतिका पदाधिकारी तथा कर्मचारीको सम्पत्ति छानबिन गरिनेछ ।…

झापा, १५ चैत । सरकारले जेनजी आन्दोलनका क्रममा गत भदौ २४ गते भएका घटनाको सत्यतथ्य छानबिन गर्न एक साताभित्र उच्चस्तरीय छानबिन समिति गठन गर्ने भएको छ । उक्त समितिलाई घटनासम्बन्धी सम्पूर्ण विवरण सङ्कलन, विश्लेषण तथा जिम्मेवार पक्ष पहिचान गरी निश्चित समयसीमाभित्र प्रतिवेदन पेस गर्न कार्यादेश दिने सरकारको निर्णय छ । उक्त सिफारिसका आधारमा आवश्यक थप कारबाही प्रक्रिया अघि बढाउने सरकारको शासकीय सुधारसम्बन्धी कार्यसूचीमा उल्लेख छ । उक्त आन्दोलनका क्रममा भएका घटनाको सत्यतथ्य छानबिन गर्न गठित गौरीबहादुर कार्की आयोगको प्रतिवेदनका आधारमा दोषी व्यक्ति तथा पक्षमाथि प्रचलित कानुनबमोजिम आवश्यक अनुसन्धान, कारबाही र अभियोजन प्रक्रिया तत्काल अघि बढाइनेछ । जेनजी आन्दोलनका क्रममा भएका…