अर्थ स्थानीय खबर

गौरादहको विकासका लागि संघीय सरकारसँग योजना माग

add

सान नेपाल
गौरादह, १९ साउन । गौरादह नगरापालिकाद्वारा एकीकृत विकासका लागी संघीय सरकार समक्ष विभिन्न योजनाहरु पेश गरिएको छ ।

नगरपालिकामा कर्मचारी अभावमा नागरिकको सेवा प्रवाहमा कठिनाई आएकोले कर्मचारी थप पठाउन आग्रह र नगरपालिको बिकाशको लागी बिभिन्न योजनाहरु मन्त्रालयहरुमा पेश गरेको नगर प्रमुख रोहितकुमार शाहले बताए ।

नगरका सबै वडाका नागरिकहरुलाई स्वस्थ पिउने पानी पु¥याउन खानेपानी मन्त्रलयमा, नगरको भौतिक पुर्वाधार बिकाशको लागी भौतिक पुर्वाधार मन्त्रालयमा, नगरमा आवस्यक कर्मचारी व्यवस्थापनको लागी सामान्य प्रशासन मन्त्रालयमा, नगरबासीलाई स्वास्थ्यमा पहुँच पुर्याउन र नगरपालीकामा अस्पताल स्थापनाको लागी स्वास्थ्य तथा जनसंख्या मन्त्रालयमा योजनाहरु पेश गरिएको नगर प्रमुख शाहले जानकारी गराए ।

नगरलाई व्यवस्थीत र समृद्ध गौरादह बनाउनका लागि एकिकृत शहरी बिकाश बिभागमा समेत बिभिन्न योजनाहरु पेश गरिएको बताइएको छ । यस अघि नगरपालीकाको आन्तरिक श्रोत साथै संघिय र प्रदेश सरकारबाट प्राप्त हुने अनुदानबाट नगरको समग्र बिकाशको लागी बजेट बिनियोजन गरिसकेको र नगरको थप बिकाश गर्नको लागी संघिय सरकार समक्ष बिभिन्न योजनाहरु पेश गरेको साहले बताए । पेश गरिएका सबै योजनाहरुमा मन्त्रालयहरु बाट सकारात्मक प्रतिक्रिया प्राप्त भएको उनले बताए ।

Facebook Comments