समाज स्थानीय खबर

गौरीगञ्जमा विद्यालयबाट फर्कंदै गरेकी छ वर्षीया बालिकामाथि यस्तो हर्कत

Woman hides the child from agressive male silhouette
add

बिर्तामोड, २६ साउन । झापाको गौरीगञ्ज गाउँपालिकामा विद्यालयबाट फर्कंदै गरेकी बालिकालाई जबरजस्ती गर्न खोज्ने एक व्यक्तिलाई प्रहरीले पक्राउ गरेको छ ।

पक्राउ पर्नेमा झापा दमक–६ का बलबहादुर खत्री रहेको इलाका प्रहरी कार्यालय गौरीगञ्जले जनाएको छ ।

अभियुक्त खत्रीले गत २२ गते विद्यालयबाट घरतर्फ जाने क्रममा ६ वर्षीया बालिकालाई आफ्नो कोठामा लगेर कपडा फुकाल्दै गरेको अवस्थामा स्थानीयबासीले फेला पारेपछि नियन्त्रणमा लिएर प्रहरीलाई बुझाएको इलाका प्रहरी कार्यालय गौरीगञ्जका प्रहरी निरीक्षक टेकेन्द्र पौडेलले राससलाई जानकारी दिनुभयो । ‘म्याद थप गरेर थप अनुसन्धान गरिरहेका छौँ’, उहाँले भन्नुभयो ।

Facebook Comments