झापा, २३ कात्तिक । झापाको बुद्धशान्तिमा आजदेखि प्रथम वडास्तरीय नकआउट भलिबल प्रतियोगिता हुँदैछ ।
‘स्वास्थ्यका लागि खेलकुद राष्ट्रका लागि खेलकुद’ भन्ने मुल नाराका साथ बुद्धशान्ति गाउँपालिका वडा नम्बर–३ खेलकुद विकास समितिको आयोजना र बुद्धशान्ति गाउँपालिकाकोे मुख्य प्रायोजनमा कात्तिक २३ गते देखि २५ गते सम्म वडा स्तरीय भलिबल प्रतियोगिता हुने लागेको हो । खेल बुद्धशान्ति–३ स्थित पेट्रोलपम्प अघिको खुल्ला मैदानमा हुने जनाइएको छ ।
बुद्धशान्तिका ७ वटा टिम सहभागी हुने उक्त प्रतियोगिताको विजेता टिमलाई नगद २५ हजार, ट्रफी, मेडल र प्रमाणपत्र त्यस्तै उपविजेतालाई १५ हजार, ट्रफी, मेडल र प्रमाण पत्र दिइने बुद्धशान्ति गाउँपालिका वडा नम्बर ३ का खेलकुद विकास समितिका संयोजक विनोद नेम्बाङले बताएका छन् ।
उक्त खेल सञ्चालनका लागि गाउँपालिकाले रु. १ लाख ५० हजार रुपैँया सहयोग गरेको वडा नं. ३ का वडाध्यक्ष एवम् गाउँपालिका खेलकुद विकास समिति संयोजक पर्शुराम चेम्जोङले बताए ।
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।