समाज स्थानीय खबर

माओवादी केन्द्र भद्रपुरः पाँच जनालाई निलम्बनसहित १७ जनालाई कारबाहीको सिफारिस

भद्रपुर, ६ जेठ । स्थानीय तह निर्वाचन–२०७९ मा अन्तरघातसँगै पार्टीको नीति, विधि र सिद्धान्तविपरीत कार्य गरेको ठहर गर्दै नेकपा माओवादी केन्द्र भद्रपुर निर्वाचन परिचालन समितिले १७ जनालाई कारबाहीका लागि सिफारिस गरेको छ ।

समितिले पार्टीको प्रदेश कमिटीलाई निलम्बनदेखि स्पष्टीकरणसम्मको कारबाहीका लागि उनीहरुको सिफारिस गरेको निर्वाचन परिचालन कमिटी भद्रपुरका संयोजक डिल्ली घिमिरे (हिक्मत) ले जानकारी दिनुभयो ।

पार्टी सदस्यता निलम्बनको सिफारिसमा सन्तबहादुर लिम्बू ‘सुजय’, नरेश सञ्जेल, लक्ष्मण जमरकट्टेल, चन्द्रबहादुर तामाङ र धिरेन राजवंशीको नाम छ । त्यस्तै, स्पष्टीकरण लिनुपर्नेमा मिरा अधिकारी, विष्णुबहादुर राई, रूद्र निरौला, भारतसिंह राजवंशी, अरविन्द अधिकारी, धनश्याम खनाल, रञ्जीत राई, चन्द्र गौतम, योगराज अधिकारी, सन्तोष तामाङ, आशिष खनाल र मोक्ष निरौला रहेका छन् ।

पटक–पटक पार्टीमा घात–अन्तरघात गर्दै पार्टीलाई नष्ट र भ्रष्ट पार्न खोज्ने, जति मौका दिएर रुपान्तरणको आशा गरे पनि नहुनेहरूलाई कम्युनिष्ट पार्टीको सिद्धान्त र नेकपा (माओवादी केन्द्र) को अन्तरिम विधान २०७८ अनुसार अनुशासनको कारबाहीका लागि सिफारिस गरिएको हो ।

‘स्थानीय निर्वाचन २०७९ को भद्रपुर नगरको समीक्षा बैठकको निर्णयबाट पनि अतिआवश्यक महसुस भएको छ’, उहाँले भन्नुभयो, ‘सोही बमोजिम प्रदेश कमिटीमा कारबाहीका लागि नाम सिफारिस गरेका छौं ।’

नगरको पार्टीलाई जिवन्तता दिई आगामी निर्वाचनमा अब्बल बनाउन भद्रपुर नगरको मिति २०७९ असार ३ गतेको बैठकको वडा वडाबाट आएको रिपोर्ट, निर्वाचनको बेलाको वस्तुगत यर्थाथ अवस्था र बैठकको निर्णय समेतका अधारमा कारबाहीका लागि सिफारिस गरिएको उहाँले बताउनुभयो । कारबाही सिफारिसको बोद्धार्थ नेकपा (माओवादी केन्द्र) जिल्ला समन्वय समिति झापालाई समेत दिएको छ ।

Facebook Comments

लेखकको बारेमा

झापा अनलाइन

झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।

कमेन्ट गर्नुस्

Click here to post a comment

फेसबुक