झापा अनलाइन

झापा, २३ असोज । पूर्वप्रधानमन्त्री एवं नेकपा (एमाले) का अध्यक्ष केपी शर्मा ओली र पूर्वगृहमन्त्री एवं नेपाली कांग्रेसका नेता रमेश लेखकविरुद्धको जाहेरी आज प्रहरीमै फिर्ता पठाइएको जेनजी आन्दोलनको घटना जाँचबुझ आयोगले जानकारी गराएको छ । गत भदौ २३ र २४ को जेनजी आन्दोलनको घटना जाँचबुझ गर्न सरकारद्वारा गठित आयोगका सदस्य एवं प्रवक्ता विज्ञानराज शर्माले उक्त जाहेरी आयोगको कार्यक्षेत्रमा नपरेकाले जिल्ला प्रहरी परिसर काठमाडौँमै फिर्ता गरिएको जानकारी दिनुभयो । यसअघि जिल्ला प्रहरी परिसर काठमाडौँमा परेको उक्त जाहेरी प्रहरीले दर्ता नगरी आयोगमा पठाएको थियो । आज आयोगले एक विज्ञप्ति जारी गरी फौजदारी वारदातमा विस्तृत अनुसन्धान तहकिकात गरी कसुरदार देखिने अवस्थामा अभियोजन समेत…

झापा, २३ असोज । सरकारले इलाम जिल्लालाई तीन महिना अवधिको लागि विपद् सङ्कटग्रस्त क्षेत्र घोषणा गर्ने निर्णय गरेको छ । सिंहदरबारमा आज बसेको मन्त्रिपरिषद् बैठकले भूमि समस्या समाधान आयोग गठन आदेश २०८१ बमोजिम गठन भएको भूमि समस्या समाधान आयोग र सबै जिल्लाका जिल्ला समितिहरू खारेज गर्ने निर्णय गरेको सरकारका प्रवक्ता एवं सञ्चार तथा सूचना प्रविधि मन्त्री जगदिश खरेलले जानकारी दिनुभयो । यस्तै मन्त्री खरेलले प्रहरी नायव महानिरीक्षकहरू शुसिलसिंह राठोर, उमाप्रसाद चतुर्वेदी, हिमालयकुमार श्रेष्ठ र डम्वरबहादुर विश्वकर्मालाई नेपाल प्रहरीको प्रहरी अतिरिक्त महानिरीक्षक पदमा बढुवा गरी पदस्थापन गर्ने निर्णय भएको बताउनुभयो । मन्त्रिपरिषद् बैठकले अध्यागमन र भिजिट भिजाको सम्बन्धमा समस्या समाधान गर्न…

झापा, २३ असोज । झापामा आत्महत्या गर्नेको सङ्ख्या बढ्दै गएको छ । हिजो २४ घण्टामा जिल्लामा तीन जनाले झुन्डिएर आत्महत्या गरेका छन् । जिल्ला प्रहरी कार्यालय झापाका अनुसार हिजो बिहान हल्दिबारी–२ बस्ने २६ वर्षीय राजेश राजवंशीले आफ्नै घरको सुत्ने कोठाको बाँसको बलोमा सलको पासो लगाई झुन्डिएर आत्महत्या गरे । त्यस्तै हिजो राति भद्रपुर–६ तेलिभिट्टा बस्ने ४० वर्षीय चन्द्रसिंह राजवंशीले घरदेखि ७०० मिटर उत्तर बरको रुखमा प्लाष्टिकको पासो लगाई आत्महत्या गरेका छन् । यसैगरी, हिजो नै हल्दिबारी–३ आँपगाछी बस्ने ६८ वर्षीय मोहनलाल गिरीले छिमेकी मानबहादुर थानथुङको बारीमा रहेको लिचिको रुखमा प्लाष्टिकको डोरीको पासो लगाई आत्महत्या गरेका छन् । त्यसको अघिल्लो दिन…

झापा, २३ असोज । शिक्षा, विज्ञान तथा प्रविधिमन्त्री महावीर पुनले बुधबार गरेका भेटघाट तीन वटा निर्देशन दिएका छन् । बिहीबार बिहान उनले समाजिक सञ्जालमा लेख्दै बुधबार आफूले गरेका काम बुँदागत रूपमा जानकारी गराएका हुन् । म मन्त्रीले हिजो गरेको भेटघाट र दिएको मुख्य–मुख्य निर्देशनहरू१. नास्टमा २ घण्टासम्म छलफल र ल्याबहरू अवलोकन गरियो। ३७ करोड बजेटमा २७ करोड रुपैयाँ प्रशासनिक र १० करोड रुपैयाँ अनुसन्धान र नवप्रवर्तनमा छुट्याएको रहेछ। नास्टलाई उच्चकोटिको अनुसन्धान केन्द्र कसरी बनाउने भन्ने कुराको सुझाव त्यहाँ कार्यरत सबैलाई यही हप्ताभित्र दिन सबैलाई निर्देशन दिएको छु। भवन र ल्याबहरू उच्च कोटिका छन्। भवन र ल्याबअनुसारको उच्चकोटिको काम हुनुपर्ने कुरामा…

झापा, २३ असोज । असोज १७ गतेदेखि सुरु भएको मनसुनी विपद्ले हालसम्म ५३ जनाको ज्यान लिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार पहिरो, बाढी र चट्याङका कारण जनधनको ठूलो क्षति भएको छ। प्राधिकरणकी प्रवक्ता शान्ति महतका अनुसार पहिरोबाट ४० जनाको मृत्यु भएको छ, जसमा इलाममा मात्रै ३८ जना रहेका छन्। पाँचथर र काभ्रेमा एक–एक जनाले ज्यान गुमाएका छन्। बाढीबाट ११ जनाको मृत्यु भएको छ। उदयपुर र धनुषामा दुई–दुई जना, इलाम, पाँचथर, खोटाङ, भोजपुर, मोरङ, सुनसरी र रौतहटमा एक–एक जनाको मृत्यु भएको छ। चट्याङबाट दुई जनाको मृत्यु भएको छ। बाढीका कारण रसुवामा चार र इलाममा एक जना गरी…

झापा, २३ असोज । आइसिसी टी ट्वान्टी विश्वकप एसिया तथा इस्ट एसिया प्यासिफिक छनोट खेलमा नेपाल विजयी भएको छ । ओमानको अल अमेरतस्थित ओमान क्रिकेट एकेडेमी—१ मा आज सम्पन्न समूह ‘बी’को पहिलो खेलमा नेपाल कुवेतलाई ५८ रनले पराजित गर्दै विजयी भएको हो । नेपालले प्रस्तुत गरेको १४२ रनको प्रतिस्पर्धात्मक लक्ष्य पछाएको कुवेत १८ दशमलव एक ओभरमा सबै ‘विकेट’ गुमाउँदै ८३ रनमा समेटियो । कुवेतका लागि ‘ओपनर’ क्लिन्टो आन्टोले २६ तथा यासिन पटेलले १९ रन जोडे । बलिङतर्फ नेपालका सन्दीप लामिछाने, ललितनारायण राजवंशी र रोहित पौडेलले समान दुई –दुई विकेट लिए भने कुशल भुर्तेल, सोमपाल कामी र नन्दन यादवले समान एक–एक…

इलाम, २३ असोज । असोज १८ गते राति आएको विनाशकारी बाढी–पहिरोपछि इलाममा जनजीवन बिस्तारै सामान्य बन्दै गएको छ । मेची राजमार्ग अझै पूर्ण रूपमा खुलेको छैन, तर झापाको सिमाना जोरकलशदेखि राजदुवालीसम्म र पाँचथर सिमाना रांकेदेखि इलाम बजारसम्म सवारीसाधन चल्न थालेका छन् । राजदुवाली खण्डमा करिब डेढ किलोमिटर सडक अझै अवरुद्ध छ, जसलाई खुलाउन अझै १–२ दिन लाग्ने इलाम सडक डिभिजनका प्रमुख पवन भट्टराईले जानकारी दिनुभयो । सूर्योदय र इलाम नगरपालिकाले यात्रुका लागि निःशुल्क सवारी सुविधा सञ्चालन गरेका छन् । बीचको अवरुद्ध खण्डमा यात्रुले पैदल यात्रा गर्नुपर्ने अवस्था छ। राजमार्ग क्रमशः सुचारु हुँदै गएसँगै खाद्यान्न र राहत सामग्री ढुवानीमा सहजता आउने…

झापा, २३ असोज । कन्काई माई नदीमा बाढीले झापाको शिवसताक्षी नगरपालिकामा करिब रू एक करोड २० लाख रुपैयाँ बढीको क्षति भएको छ । नगर क्षेत्रमा बाढीका कारण भएको डुबान र कटानबाट करिब रू एक करोड २० लाखभन्दा बढीको क्षति भएको नगरप्रमुख मेगाहाङ्ग थोप्राले जानकारी दिनुभयो । बाढीले नगर क्षेत्रमा दुई सय २० घरमा क्षति पु¥याएको उहाँले बताउनुभयो । शिवसताक्षीको वडा नं. ४ विश्वडुब्बामा चार घर, वडा न. ५ भेलामुनीमा ४५ घर, वडा न. ६ शिवगञ्जमा ३१ घर र वडा नं. ७ लालपानीमा १४३ घर बाढील डुबानमा परेको नगरपालिकाले जनाएको छ । शिवसताक्षी–१० स्थित पर्यटकीयस्थल दोमुखामा मात्रै करिब रू ३१ लाख…

झापा, २३ असोज । सुदूरपश्चिम, कर्णाली प्रदेशलगायत लुम्बिनी प्रदेशको पश्चिमी भूभागको धेरै स्थानहरू र गण्डकी प्रदेशको पश्चिमी भूभागको थोरै स्थानहरूमा पश्चिमी वायुको प्रभाव तथा बाँकी भूभागमा मनसुनी वायु र स्थानीय वायुको कमजोर प्रभाव रहेको मौसम पूर्वानुमान महाशाखाले जनाएको छ । जसको प्रभावले हाल सुदूरपश्चिम, कर्णाली, लुम्बिनी र गण्डकी प्रदेशमा साधरणतया बदली रहेको छ । बाँकी पहाडी भूभागमा आंशिक बदली रही बाँकी तराई भूभागमा मौसम मुख्यतया सफा रहेको छ । गण्डकी प्रदेशको थोरै स्थानहरूमा, कर्णाली प्रदेश, लुम्बिनी प्रदेश र बागमती प्रदेशका पहाडी भूभागका एक–दुई स्थानमा हल्का वर्षा भइरहेको छ । आज दिउँसो कोशी प्रदेश लगायत देशका पहाडी भूभागमा आंशिक बदली रही…

नुवाकोट, २२ असोज । घरायसी विवाद बढेपछि नुवाकोटको शिवपुरी गाउँपालिका–७ का जीतमान तामाङले ४९ वर्षीया श्रीमतीको हत्या गरेका छन् । जिल्ला प्रहरी कार्यालयका प्रहरी नायब उपरीक्षक विक्रम लामाका अनुसार मङ्गलबार साँझ निजले खुकुरी हानेर श्रीमती सविनाको हत्या गरेका हुन् । सविनाको घटनास्थलमा नै मृत्यु भएको हो । घटनाबारे जानकारी प्राप्त हुनासाथ अभियुक्त तामाङलाई नियन्त्रणमा लिएर आवश्यक कारबाही थालिएको छ । अभियुक्तले आवेशमा श्रीमतीको हत्या स्वीकार गरेका छन् ।