झापा अनलाइन

बिर्तामोड, ११ असोज । झापाको बिर्तामोड-४ स्थित मुख्य कार्यालय रहेको सिम्रिक बचत तथा ऋण सहकारी संस्थाले पत्रकार उद्धव पुरीलाई सम्मान गरेको छ । संस्थाको १५औं साधारण सभाको अवसरमा शब्दपत्र डटकमका सम्पादक पुरीलाई नगदसहित सम्मान गरिएको हो । संस्थाका अध्यक्ष सुभाष भट्टराई, कार्यकारी प्रमुख कमलबहादुर बस्नेत लगायतले पत्रकार पुरीलाई सम्मानपत्र हस्तान्तरण गर्नुभएको थियो ।

बिर्तामोड, ८ असोज । नेपाली कांग्रेसका पूर्व महामन्त्री कृष्णप्रसाद सिटौलाले देशको वर्तमान परिस्थितिमा राजनीतिक दलहरुले आफ्नो पार्टीभित्र अटुट एकता कायम गर्दै लोकतन्त्रवादी दलहरुबीच सहकार्यमा जोड दिनुभएको छ । जेन–जी आन्दोलनका क्रममा गत भदौ २४ गते भएको तोडफोड र आगलागीबाट नेपाली कांग्रेस र नेकपा एमालेको झापा जिल्ला पार्टी कार्यालयहरुमा पुगेको क्षतिको अवलोकन÷निरीक्षणपश्चात उपस्थित दुवै दलका नेता कार्यकर्तालाई सम्बोधन गर्दै नेता सिटौलाले यस्तो भनाइ राख्नुभएको हो । संविधान मस्यौदा समितिका संयोजक समेत रहनुभएका सिटौलाले जेन–जीको माग सामाजिक सञ्जाल सञ्चालन हुनुपर्ने, भ्रष्टाचारमुक्त सुशासन कायम हुनुपर्ने रहेकोमा २४ गते जेन–जीको मागभन्दा पृथक ढंगले देशभर एकै समयमा लुटपाट, हिंसा र आगजनीका त्रासदीपूर्ण घटना भएको बताउँदै…

झापा, ६ असोज । झापाको दमक नगरपालिका–५ स्थित आम्दा रोडको भित्री सडक खण्डमा आज बिहान भएको सवारी दुर्घटनामा एक महिलाको मृत्यु भएको छ। आम्दा बाट क्याम्पस मोडतर्फ जाँदै गरेको मे १० प १५७१ नम्बरको मोटरसाइकलले पैदलयात्रा गरिरहेकी ४२ वर्षीया देवी बिकलाई ठक्कर दिँदा गम्भीर चोट लागेर मृत्यु भएको जिल्ला प्रहरी कार्यालय झापाले जनाएको छ । बिहान ९:०० बजे दुर्घटना भएपछि उनलाई तत्काल खरखरे आम्दा अस्पतालमा उपचारका लागि लगिएको थियो । उनलाई बिहान १०:१० बजे चिकित्सकले मृत घोषणा गरेका थिए। दुर्घटनामा बिकको टाउको, दुबै हात, खुट्टा तथा शरीरका विभिन्न भागमा गम्भीर चोट लागेको थियो। मृतकको शव पोष्टमार्टमका लागि दमक अस्पताल पठाइएको…

झापा, ३ असोज । हाल मनसुनको न्यून चापीय रेखा सरदर स्थान आसपास अवस्थित रहेको मौसम पूर्वानुमान महाशाखाले जनाएको छ । जसको प्रभावले देशभर साधरणतया बदली रहेको छ। देशको पहाडी भूभागको थोरै तथा तराई भूभागको एक–दुई स्थानमा हल्कादेखि मध्यम वर्षा भइरहेको छ। आज दिउँसो देशभर साधरणतया बदली रहनेछ । कोशी, बागमती, गण्डकी र लुम्बिनी प्रदेशलगायत देशको पहाडी भूभागका केही स्थानहरूमा तथा बाँकी भूभागका थोरै स्थानहरूमा मध्यम वर्षाको सम्भावना रहेको छ। कोशी, बागमती, गण्डकी र लुम्बिनी प्रदेशका पहाडी र तराई भूभागका एक–दुई स्थानमा भारी वर्षाको सम्भावना रहेको छ। आज राति कोशी, मधेस, बागमती र गण्डकी प्रदेशलगायत देशका बाँकी पहाडी भूभागमा साधरणतया बदली…

झापा, २ असोज । राष्ट्रिय प्रजातन्त्र पार्टी (राप्रपा) को केन्द्रीय कार्य सम्पादन समितिको बैठकले जेनजी आन्दोलनबारे ८ निर्णय गर्दै १० माग अघि सारेको छ । बिहीबार अध्यक्ष राजेन्द्र लिङ्देनको अध्यक्षतामा धुम्बाराहीस्थित पार्टी कार्यालयमा बसेको बैठकले आन्दोलनका क्रममा भएको अकल्पनीय धनजन क्षतिप्रति दुःख व्यक्त गर्दै सहिदप्रति श्रद्धाञ्जली, पीडित परिवारप्रति समवेदना र घाइतेहरूको शीघ्र स्वास्थ्य लाभको कामना गरेको छ । बैठकले जेनजी विद्रोहमा संलग्न दमनकारीहरूलाई तत्काल कारबाही गर्न माग गर्दै २०४६ सालपछि उच्च पदस्थ नेता, कर्मचारी तथा तिनका आफन्तको सम्पत्ति छानबिन गर्नुपर्ने माग अघि सारेको छ । राप्रपाका ८ निर्णय र १० माग: जेनजी आन्दोलनका सम्बन्धमाः१. जेनजी आन्दोलनको क्रममा भएको अकल्पनीय र…

झापा, २ असोज । नेपाल कम्युनिष्ट पार्टी (एमाले) का अध्यक्ष एवं निवर्तमान प्रधानमन्त्री केपी शर्मा ओली भक्तपुरको गुण्डुमा बसाइँ सर्नुभएको छ । ‘जेनजी’ प्रदर्शनका क्रममा गत भदौ २४ गते प्रधानमन्त्री पदबाट राजीनामा दिएपछि नेपाली सेनाको सुरक्षा घेरामा रहनुभएका उहाँ आजदेखि सूर्यविनायक नगरपालिका–७ गुण्डुस्थित एक भाडाको घरमा बसाइँ सर्नुभएको हो । उहाँको बालकोटस्थित निवास जेनजी प्रदर्शनका क्रममा आगजनी भएको थियो । गुन्डुस्थित निवासमा आज अध्यक्ष ओलीसँग पार्टीका महासचिव शङ्कर पोखरेल, नेता भानुभक्त ढकाल, महेश बस्नेत, एमाले भक्तपुर जिल्ला अध्यक्ष बचन देउजालगायतले भेट गर्नुभयो । एमालेले संविधान दिवसका अवसरमा च्यासलस्थित पार्टी कार्यालयमा आयोजना गर्ने कार्यक्रममा अध्यक्ष ओलीले सम्बोधन गर्ने कार्यक्रम तय भएको…

झापा, २ असोज । झापा, भोजपुर र सुनसरीका विभिन्न स्थानहरुबाट प्रतिबन्धित लागूऔषधसहित ६ जनालाई प्रहरीले पक्राउ गरेको छ । असोज १ गते भोजपुरको प्रहरी चौकी हसनपुरबाट खटिएको प्रहरी टोलीले को ३७ प ४५७८ नम्बरको मोटरसाइकल चेकजाँच गर्ने क्रममा १२ किलोग्राम लागू औषध गाँजा बरामद भएकोले चालक झापाको शिवसताक्षी नगरपालिका–७ का रुद्र बहादुर कामी, मोटरसाइकल पछाडि सवार उर्लावारी नगरपालिका–५ का सन्तोष विश्वकर्मा र झापाको कनकाई नगरपालिका–४ का राजेश चौहानलाई नियन्त्रणमा लिएको छ । यसैगरी, जिल्ला प्रहरी कार्यालय सुनसरीले चेकजाँचको क्रममा लागुऔषध ब्राउनसुगर १ ग्राम ७४ मिलिग्राम र ट्रामाडोल ४ सय ४० क्याप्सुलसहित २ जना बालकलाई र इलाका प्रहरी कार्यालय रानीले विराटनगर–१६…

झापा, २ असोज । झापाको इलाका प्रहरी कार्यालय नकलबन्दाले टेलिफोनको तार चोरी गर्ने ५ जनाको समुहलाई पक्राउ गरेको छ । असोज १ गते गस्तिमा खटिएको प्रहरी प्रहरी टोलीले ५ वटा बोरामा प्याक गरिएको (अप्टिकल फाइभर टेलिफोन) को तार चोरी गरी नेपालबाट भारततर्फ लाँदै गरेको अवस्थामा भारत दार्जिलिङका २४ वर्षीय कात्तिक अधिकारी, ३४ वर्षीय राहुल अधिकारी, झापाको बुद्धशान्ति गाउँपालिकाका २५ वर्षीय विजय राजवंशी, कचनकवल गाउँपालिका–३ का ४२ वर्षीय संजय माझी र इलामको माई नगरपालिका–३ का २७ को दिनेश परियारलाई पक्राउ गरेको छ । पक्राउ परेका उनीहरुको इलाका प्रहरी कार्यालय काकँडभिट्टाबाट आवश्यक अनुसन्धान भइरहेको छ ।

झापा, २ असोज । नेपाल प्रहरीका ९० जना प्रहरी नायब उपरीक्षक (डीएसपी)हरूको सरुवा गरिएको छ। आईजीपी चन्द्रकुवेर खापुङले सरुवा सम्बन्धी निर्णय गरेका हुन्। सरुवा भएका प्रमुख डीएसपीहरूमा सुवास हमाललाई इलाका प्रहरी कार्यालय इटहरी, सन्तोष रोका प्रहरी वृत्त बौद्ध, विजय यादव पर्वत, रविराज थपलिया मुगु, र मोहनमणि अधिकारीलाई प्रहरी वृत्त स्वयम्भूमा पठाइएको छ। त्यस्तै, वरुण सिंह डडेलधुरा, प्रह्लाद कार्की नगर प्रहरी कार्यालय भृकुटीमण्डप, प्रकाश श्रीमल गौशाला वृत्त, नारायण डाँगी दरबारमार्ग वृत्त, नरहरि अधिकारी प्युठान, धनबहादुर बोहरा मालिगाउँ वृत्तमा सरुवा भएका छन्। चञ्चला श्रेष्ठ जगाती वृत्त, चक्र बहादुर डम्बरपाल कोहलपुर, गौरव महत दार्चुला, कुमारप्रसाद मैनाली सङ्खुवासभा र अनिश कर्ण पाँचथरमा सरुवा भएका…

झापा, २ असोज । संविधान दिवसका अवसरमा नेपाल टेलिकमले विशेष ‘अफर’ घोषणा गरेको छ । नेपालको संविधान २०७२ घोषणाको एक दशक पूरा भएको उपलक्ष्यमा टेलिकमले आफ्ना ग्राहकहरुका लागि ‘संविधान दिवस अफर २०८२’ उपलब्ध गराइने जनाएको छ । कम्पनीका प्रवक्ता रवीन्द्र मानन्धरका अनुसार उक्त अफर २०८२ असोज २ देखि असोज ४ गतेसम्म लागू हुनेछ । यसअन्तर्गत रु ४९ मा एक दिन चलाउन सकिने एक ‘एमबिपिएस अनलिमिटेड डाटा’ र नेपाल टेलिकमकै ‘नेटवर्क’भित्र कल गर्न सकिने १०० मिनेट ‘अल नेट भ्वाइस’ सेवा उपलब्ध हुनेछ । यसैगरी ‘डाटा प्याकेज’अन्तर्गत रु १११ मा पाँच दिनसम्म चलाउन सकिने छ जिबी, रु १९९ मा सात दिनसम्म चलाउन…