jhapaonline add

झापा, ६ चैत । हाल देशमा पश्चिमी वायुको साथै स्थानीय वायुको समेत आंशिक प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल देशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहेको छ। आज दिउँसो गण्डकी, कर्णाली र सुदूरपश्चिम प्रदेशका पहाडी भूभागमा आंशिकदेखि साधरणतया बदली रही बाँकी भूभागमा आंशिक बदलीदेखि मुख्यतया सफा रहनेछ । गण्डकी, कर्णाली र सुदूरपश्चिम प्रदेशका पहाडी भूभागका एक–दुई स्थानमा चट्याङ्गसहित हल्का वर्षा तथा उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ। आज राति गण्डकी प्रदेश र कर्णाली प्रदेशका उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको…

रोहित काफ्लेभद्रपुर, ५ चैत । झापाका तीनवटा जंगलमा डढेलो लागेको छ। तीव्र गतिको हावाहुरीका कारण डढेलोले ठूलो क्षेत्रफलको वनमा क्षति पुगेको छ। हिजो अपरान्ह भद्रपुर–४ स्थित मायालु सामुदायिक वनमा लागेको डढेलोबाट करिब ५० विगाहा वन क्षेत्र क्षति भएको छ। प्रहरी र भद्रपुर तथा विर्तामोड नगरपालिकाका दमकलको सहयोगमा आगो नियन्त्रणमा लिइएको थियो। त्यस्तै, दमक–१० स्थित रमा सामुदायिक वनमा पनि डढेलो लागेको छ। तीव्र गतिको हावाहुरीका कारण आगो फैलिँदै गई नजिकै रहेको घोपबहादुर धिमालको कटेरोसमेत जलेर नष्ट भएको जिल्ला प्रहरी कार्यालय झापाले जनाएको छ। अर्को, बुद्धशान्ति गाउँपालिका–६ स्थित ज्यामिरे सामुदायिक वनमा पनि आगलागी भएको प्रहरीले जानकारी दिएको छ। डढेलोबाट करिब २५ हेक्टर…

झापा, ५ चैत । हात्ती प्रभावित मेचीनगर नगरपालिका वडा नं ४ बाहुनडाँगीमा एक सातायता देखा परेको जंगली चितुवाले स्थानीयबासी त्रसित भएका छन् । दिनभरि चिया बगान र घाँसे पैनीमा लुकेर बस्ने चितुवाले राति स्थानीयको खोरबाट बाख्रा र खसी घिसारेर मार्ने गरेको वडाध्यक्ष अर्जुन कार्कीले बताउनुभयो । हालसम्म आधा दर्जन खसीबाख्रा मारिसकेको जनाउँदै वडाध्यक्ष कार्कीले स्थानीय चिया बगानमा कार्यरत श्रमिक र विहान बेलुका बाटो हिँड्ने व्यक्तिहरु चितुवाको सम्भावित आक्रमणले त्रसित रहेको बताउनुभयो । “अहिलेसम्म खसीबाख्रा मात्रै मारिरहेको छ,” उहाँले भन्नुभयो– “चितुवाले कुनै पनि बेला बाटो हिँड्ने र बगानमा काम गर्ने मानिसलाई आक्रमण नगर्ला भन्न सकिने अवस्था छैन ।” स्थानीय प्रशान्त पाण्डेले…

काठमाण्डौ, ५ चैत । १९ वर्षमुनिको साफ च्याम्पियनशिप फुटबलको खेलतालिका सार्वजनिक भएको छ । भारतको अरुणाचल प्रदेशमा रहेको युपिया शहरको गोल्डेन जुब्ली स्टेडियममा आउँदो मे ९ देखि १८ तारिखसम्म हुने प्रतियोगिताको खेलतालिका सार्वजनिक भएको हो । प्रतियोगिताको समूह ‘ए’ मा माल्दिभ्स, भुटान र साविक विजेता बङ्गलादेश छन् । यस्तै समूह ‘बी’ मा नेपाल, भारत र श्रीलङ्का छन् । नेपालले मे ११ मा श्रीलङ्कासँग खेल्दै प्रतियोगिताको शुरुआत गर्नेछ । यस्तै नेपालले समूह चरणको दोस्रो तथा अन्तिम खेलमा मे १३ मा भारतसँग खेल्नेछ । प्रतियोगिताको उद्घाटन खेलमा बङ्गलादेश र माल्दिभ्सबीच प्रतिस्पर्धा हुनेछ । उद्घाटनकै दिन हुने अर्को खेलमा श्रीलङ्का र भारत खेल्नेछन्…

काठमाडौँ, ५ चैत । सुनको मूल्य हालसम्मकै उच्च विन्दुमा पुगेको छ । हिजो सोमबार प्रतितोला रु एक लाख ७४ हजार १०० मा कारोबार भएको सुन आज तोलामा रु एक हजार १०० ले बढेर रु एक लाख ७५ हजार २०० कायम भएको नेपाल सुनचाँदी व्यवसायी महासङ्घले जनाएको छ । यसअघि गत शुक्रबार सुनको मूल्य प्रतितोला रु एक लाख ७४ हजार ५०० कायम भएको थियो । यसैगरी, चाँदीको मोल प्रतितोला रु दुई हजार ५० निर्धारण भएको छ । अन्तर्राष्ट्रिय बजारमा आज सुनको मूल्य प्रतिऔँस तीन हजार १२ अमेरिकी डलर हाराहारीमा कारोबार भइरहेको छ । रासस

झापा, ५ चैत । झापाको अर्जुनधारामा निर्माणाधीन घरको पर्खालमा पानी लगाउने क्रममा लडेर एक व्यक्तिको मृत्यु भएको छ । आज बिहान अन्दाजी ८ बजे अर्जुनधारा नगरपालिका–४ बस्ने रणबहादुर बस्नेत आफ्नै निर्माणाधीन घरको दोस्रो तल्लाको पर्खालमा चढेर पानी लगाउने क्रममा लडेर गम्भीर घाइते भएका थिए । उनलाई उपचारको लागि बीएण्डसी अस्पताल बिर्तामोडमा ल्याइपुर्‍याउँदा मृत्यु भइसकेको प्रहरीले जनाएको छ । प्रहरी चौकी शनिश्चरेबाट प्रहरी टोली खटिएर अनुसन्धान भइरहेको जनाइएको छ ।

झापा, ५ चैत । नेपाल कम्युनिष्ट पार्टी (नेकपा)का महासचिव नेत्रविक्रम चन्द ‘विप्लवले’ मुलुकलाई निकास दिन समाजवादी गणतन्त्र अपरिहार्य रहेको बताएका छन् । जनता अहिलेको व्यवस्थामा सन्तुष्ट नरहेको भन्दै महासचिव विप्लवले अहिले तत्काल ठूलो बिद्रोहको सम्भावना पनि नरहेको उल्लेख गरे । झापाको बिर्तामोडमा सोमवार कुराकानी गर्दै महासचिव विप्लवले अहिलेको व्यवस्था ठीक छ भन्ने कोही नरहेको र समाजवाद निर्माणका लागि दलहरु तयार हुनुपर्ने बताएका छन् । राजनीतिक दलको इच्छाशक्ति नहुँदा संविधानमा समाजवाद उन्मुख लेखिए पनि उक्त विषय देशको निकास नभएकाले नागरिकको निराशालाई चिर्न नेकपालाई नेतृत्व गर्ने अवसर दिनुपर्ने उनको भनाइ छ । जनताका आधारभूत आवश्यकतालाई पूरा गर्न राजनीतिक दलका प्रमुखहरु तयार हुने…

कचनकवल, ५ चैत। कचनकवल गाउँपालिकाले संघीय सरकारको विशेष अनुदानबाट खानेपानी विस्तारलाई तीव्रता दिएको छ। गाउँपालिकाले आर्थिक वर्ष २०८०र८१ को संघीय विशेष अनुदानबाट ९५ लाख रुपैयाँ बराबरको खानेपानी पाइप विस्तार गरेको छ, जसले स्थानीय बासिन्दालाई स्वच्छ पानी उपभोग गर्ने अवसर प्रदान गरेको छ। यसै आर्थिक वर्षमा पालिकाले पुनः १ करोड १५ लाख रुपैयाँको अनुदान प्राप्त गरेको थियो, जसअनुसार ९२ लाख रुपैयाँ बराबरको बोलपत्र स्वीकृत भइसकेको छ। बालुबाडी र बनियानी क्षेत्रमा प्रत्येक घरमा खानेपानीको पाइपलाइन जडान गरिसकिएको छ। साथै, आर्सेनिकयुक्त पानीको समस्या समाधान गर्न शुद्ध पानी वितरण अभियान सञ्चालन भइरहेको छ। पालिकाले गत वर्ष खरिद गरेका पाइपहरू सम्बन्धित खानेपानी उपभोक्ता समितिलाई हस्तान्तरण…

निरोज कोइरालाभोजपुर, ५ चैत । भोजपुरमा हावाहुरीसँगै सोमवार लागेको आगलागीबाट १७ घर, आठ पाली र १० वटा गोठ जलेर नष्ट भएको छ । जिल्ला प्रहरी कार्यालय भोजपुरको विवरण अनुसार आगलागीबाट ती संरचनाहरू नष्ट भएका हुन । नजिकैको पारपानी टङटङ्गेडाँडा स्थित इनामे सामुदायिक वनमा लागेको आगो बस्तीसम्म आई पुग्दा भोजपुर नगरपालिका वडा नम्बर १२ पारपानीका स्थानीय शम्भु चापागाईँको पाली, सोभित श्रेष्ठको घर पाली, गोमा दर्जीको घर, रामबहादुर कार्कीको घर पाली, गोपीकृष्ण धमलाको पाली, रुद्र प्रसाद ढकालको घर पाली, शेखर धमलाको घर, तिर्थ प्रसाद सुवेदीको घर पाली, चन्द्र प्रसाद सुवेदीको घर, राम बहादुर कार्कीको घर पाली र गोविन्द चापागाईँको पाली नष्ट भएको…

एजेन्सीँ, ५ चैत । इजरायलले गाजामा गरेको हवाई आक्रमणमा परी ज्यान गुमाउनेको सङ्ख्या कम्तीमा ३ सय ३० जना पुगेको छ । हमासद्वारा सञ्चालित स्वास्थ्य मन्त्रालयलाई उद्धृत गर्दै बीबीसीले जनाएको छ । ज्यान गुमाउनेमा धेरैजसो महिला र बालबालिका रहेका मन्त्रालयका प्रमुख मोहम्मद जकौतलाई उद्धृत गर्दै एएफपी समाचार एजेन्सीले लेखेको छ । इजरायली आक्रमण सयौं घाइते भएका र तीमध्ये धेरैको अवस्था गम्भीर रहेको छ । इजरायलले हवाई आक्रमण शुरू गर्नुअघि ह्वाइट हाउसलाई सूचना दिएको एक इजरायली अधिकारीले बीबीसीको अमेरिकी साझेदार सीबीएसलाई बताएका खबरमा उल्लेख छ । युद्धविराम बढाउने वार्ता सहमतिमा पुग्न असफल भएपछि इजरायली सेनाले ‘व्यापक’ आक्रमण गरिरहेको बताएको छ । जनवरी…