झापा, १६ साउन । नेपाल आयल निगमले पेट्रोलियम पदार्थको मूल्य समायोजन गरेको छ। समायोजनअनुसार पेट्रोलको मूल्य प्रतिलिटर रु १ ले घटाइएको छ भने डिजल र मट्टितेलको मूल्य प्रतिलिटर रु २ ले बढेको छ।
निगमका अनुसार आन्तरिक हवाई इन्धनमा प्रतिलिटर रु ३ वृद्धि गरिएको छ। अन्तरराष्ट्रिय उडानका लागि प्रयोग हुने हवाई इन्धनको मूल्य प्रतिलिटर अमेरिकी डलर २१ ले बढाइएको छ।
नयाँ दरअनुसार:
पेट्रोल : रु १५९ प्रतिलिटर
डिजल र मट्टितेल : रु १५० प्रतिलिटर
हवाई इन्धन (आन्तरिक) : रु १२८ प्रतिलिटर
खाना पकाउने एलपी ग्यासको मूल्य भने यथावत रहेको छ। संशोधित मूल्यसूची गएराति १२ बजेदेखि लागू भएको निगमले जनाएको छ।
Facebook Comments Box
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
