झापा अनलाइन

झापा, १३ साउन । वैदिक सनातन परम्पराअनुसार आज श्रावण शुक्ल पञ्चमीका दिन नागपञ्चमी पर्व मनाइँदैछ। घरका मूलढोकामा नागको तस्बिर टाँसी पूजा अर्चना गरिने यो पर्वमा सर्प, नाग र अन्य घिस्रने जीवबाट सुरक्षा मिल्ने धार्मिक विश्वास रहिआएको छ। धर्मशास्त्रविद् प्रा. डा. देवमणि भट्टराईका अनुसार नागपूजाको परम्परा वैदिककालदेखि चलिआएको हो। नागलाई सर्पको राजा मानिने वैदिक मान्यता अनुसार, पानीको अभाव नहोस् भनेर नागलाई प्रसन्न पार्न पूजा गरिन्छ। बराहपुराणमा उल्लेख भएअनुसार आजको दिन ब्रह्मा र नागराजबीच संवाद भएकोले पनि यो दिन विशेष मानिन्छ। शास्त्रीय मान्यताअनुसार भगवान् शिवले नागको माला लगाउने, विष्णु शेषनागको शय्यामा शयन गर्ने, गणेशको हातमा नाग हुने, र लक्ष्मण तथा बलरामलाई शेषनागको…

झापा, १३ साउन । कोशी प्रदेशका मुख्यमन्त्री हिक्मत कार्कीले नाग पञ्चमीको शुभकामना दिनुभएको छ । सामाजिक सञ्जाल फेसबुकमार्फत् आज मुख्यमन्त्री कार्कीले साउन शुक्ल पञ्चमी तिथिमा पर्ने हाम्रो महत्वपूर्ण सांस्कृतिक पर्व नाग पञ्चमी नाग देवताको पूजा गरेर सृष्टिका सबै जीवप्रति श्रद्धा र सहअस्तित्वको सन्देश दिने महत्वपूर्ण पर्व रहेको बताउनुभयो । ‘जहाँ घरको मूलद्वारमा नाग चित्र टाँसी सर्प, आगो र चट्याङको भय टार्ने जनविश्वास रहिआएको छ । यस चाडको पावन अवसरमा यहाँहरु सम्पूर्णमा हार्दिक शुभकामना व्यक्त गर्दछु’, उहाँले शुभकामना सन्देशमा भन्नु भएको छ ।

झापा, १३ साउन । जल तथा मौसम विज्ञान विभाग मौसम पूर्वानुमान महाशाखाले आज बिहान ६ बजे बुलेटिन जारी गर्दै आगामी २४ घण्टाको मौसमबारे जानकारी दिएको छ । महाशाखाका अनुसार हाल देशभर मनसुनी वायुको प्रभाव रहेको छ। मनसुनको न्यून चापीय रेखा पश्चिममा सरदर स्थानको आसपास र पूर्वमा सरदर स्थान भन्दा उत्तर तर्फ अवस्थित छ। आज दिउँसो देशभर साधारणतया बदली रहनेछ। कोशी प्रदेश, बागमती प्रदेश र लुम्बिनी प्रदेश लगायत देशका पहाडी भू–भागका धेरै स्थानहरूमा तथा तराई भू–भागका केही स्थानहरूमा मेघगर्जन–चट्याङ सहित मध्यम वर्षाको सम्भावना रहेको छ। कोशी प्रदेश, बागमती प्रदेश र गण्डकी प्रदेशका पहाडी भू–भाग एक–दुई स्थानमा भारी वर्षाको पनि सम्भावना रहेको…

झापा, १२ साउन । काठमाडौं महानगरपालिकाको सरसफाइ कर्मचारी हुँ भन्दै ठगी गरेको आरोपमा एक जना पक्राउ परेका छन्। पक्राउ पर्नेमा दोलखा सैलुङ गाउँपालिका–२ स्थायी घर भई हाल काठमाडौँ महानगरपालिका–६ मा बसोबास गर्दै आएका २८ वर्षीय राजु लामा रहेका छन्। उनले महानगरपालिका–३१ स्थित वडामा आफू महानगरको सरसफाइ कर्मचारी हुँ भन्दै घरघरबाट रकम उठाउने गरेको खुलेको छ। प्रहरी वृत्त नयाँ बानेश्वरबाट खटिएको टोलीले लामालाई नियन्त्रणमा लिएको हो। प्रवक्ता बोहराका अनुसार अनुसन्धानमा उनी महानगरपालिकाका कर्मचारी नभएको पुष्टि भएको छ। हालसम्म उनले रु १३ लाख २५ हजार असुली गरिसकेको देखिएको छ। लामाको साथबाट रु छ हजार ५०० नगद, पाँच थान रसिद–बिलबिजक, कोटेश्वर बेष्ट कन्सर्नका…

झापा, १२ साउन । नक्कली सुन देखाइ ठगी गरेको आरोपमा दुई जनालाई पक्राउ गरी प्रहरीले सार्वजनिक गरेको छ। पक्राउ पर्नेमा सिन्धुपाल्चोक बाह्रबिसे नगरपालिका–५ स्थायी घर भई हाल भक्तपुर ठिमी–८ बोडेमा बसोबास गर्दै आएका २८ वर्षीय बुद्धिबहादुर तामाङ र नुवाकोट मेगङ गाउँपालिका–८ का स्थायी बासिन्दा हाल भक्तपुर चागुनारायण–८ सुडालमा बस्ने २२ वर्षीय सुमन तामाङ रहेका छन्। काठमाडौँ उपत्यका अपराध अनुसन्धान कार्यालयका सूचना अधिकारी प्रहरी उपरीक्षक काजीकुमार आचार्यका अनुसार उनीहरूले सुनजस्तो देखिने धातु प्रतितोला रु एक लाख १० हजारमा दिने भन्दै फागुन २५ गते ओखलढुङ्गाका ढकबहादुर बुढाथोकीबाट रु १२ लाख र जेठ २७ गते दोलखा भीमेश्वर–५ का अर्जुन बस्नेतबाट रु ९ लाख…

बैंकक, १२ साउन । थाइल्याण्डको राजधानी बैंककस्थित ‘ओर तो कोर’ खाद्य बजारमा साउन १२ गते दिउँसो भएको सामूहिक गोलीकाण्डमा पाँच सुरक्षाकर्मीको ज्यान गएको छ भने तीन जना अन्य घाइते भएका छन्। घटना दिउँसो १२स्३१ बजे बाङ सुए जिल्लामा भएको हो। प्रहरीका अनुसार आक्रमणकारीले गोली प्रहार गरेपछि आफूलाई पनि गोली हानी आत्महत्या गरेका थिए। प्रारम्भिक अनुसन्धानले घटनाको कारण व्यक्तिगत विवाद रहेको जनाएको छ। आक्रमणकारी सोही बजारका पूर्वकर्मी थिए र एक सुरक्षाकर्मीप्रति पुरानै आक्रोश राखेको बुझिएको छ। घटनासम्बन्धी जानकारी आक्रमणकारीको श्रीमतीबाट प्राप्त भएको प्रहरीले जनाएको छ। ‘ओर तो कोर’ बजार प्रसिद्ध चाटुचाक बजार नजिकै रहेको अत्यन्त लोकप्रिय पर्यटक गन्तव्य हो । थाइल्याण्डमा…

झापा, १२ साउन ।  कोशी प्रदेशका १४ जिल्लामै डेङ्गुको सङ्क्रमण फैलिएको स्वास्थ्य निर्देशनालय धनकुटाले जनाएको छ । निर्देशानालयकी जनस्वास्थ्य अधिकृत सुरक्षा खत्रीका अनुसार कोशीमा तीन हजार १८१ जना डेङ्गु सङ्क्रमित रहेका छन् । जसमा तीन जनाको मृत्यु भएको उहाँले बताउनुभयो । पहाडी जिल्लामा डेङ्गु सङ्क्रमित अत्यन्त न्यून रहे पनि तराईका चार जिल्लामा बढी रहेको निर्देशनालयको तथ्याङ्कले देखाएको छ । हालसम्म मोरङमा ९१३, झापा ८९७, सुनसरी ३७७, उदयपुरमा २७५, भोजपुर २२६, धनकुटा १४३, ओखलढुङ्गा १२१, पाँचथर ७०, खोटाङ १०, ताप्लेजुङ दुई, इलाम पाँच, सोलुखुम्बु ६ र तेह्रथुम दुई जनामा डेङ्गुको सङ्क्रमण देखिएको उहाँले जानकारी दिनुभयो । उहाँले विगत ५० वर्षको अवधिमा…

झापा, १२ साउन । आइतबार साँझ झापा मेचिनगर–१२ सरेडाँगीस्थित मेची राजमार्गमा भएको सवारी दुर्घटनामा मृत्यु भएका पुरुषको पहिचन खुलेको छ । मृतक झापाको शिवसताक्षी नगरपालिका–५ का ५९ वर्षीय महेश भन्ने महेश्वर दाहालको जिल्ला प्रहरी कार्यालय झापाले जनाएको छ । इलामबाट चारआलीतर्फ जाँदै गरेको मे. १ च ६१३१ नम्बरको स्कोर्पियोले पैदल यात्री दाहाललाई ठक्कर दिँदा उनी गम्भीर घाइते भएका थिए । उपचारका लागि बिर्तामोडस्थित बीएण्डसी अस्पताल लगिएकामा चिकित्सकले उनलाई मृत घोषणा गरेका थिए । इलाका प्रहरी कार्यालय अनारमनीले स्कोर्पियो चालक हल्दिबारी गाउँपालिका–१ का ४८ वर्षीय गजेन्द्रबहादुर बिष्टलाई सवारीसहित नियन्त्रणमा लिएर अनुसन्धान अघि बढाएको छ ।

सरोज भट्टराईझापा, १२ साउन । पूर्वपश्चिम राजमार्गको झिलझिले बजारबाट साढे ४ किलोमिटर उत्तर चुरे पहाडको फेदीमा, एक अत्भुत धार्मिक स्थल रही आएको छ— सताक्षीधाम । कुनै दिन गुम्नाम जस्तै बनेको सताक्षीधाम स्थानीय सरकार आएपछि एकाएक नयाँ स्वरुपमा परिवर्तन आएको छ । जसमा केन्द्रिय सरकार, प्रदेश सरकार र शिवसताक्षी नगरपालिकाको महत्वपूर्ण भुमिका रहेको छ । वनजङ्गलको शान्त वातावरणमा लुकेको यो धाम अहिले लाखौं भक्तजन र पर्यटकको आस्था केन्द्र बनेको छ । पुराण अनुसार सतीदेवीले दक्ष प्रजापतिको यज्ञमा भगवान शिवको अपमान देखेपछि आफूलाई यज्ञकुण्डमा होम गरिन् । शिवजीले शोकमा सतीको शरीर काँधमा बोकी ब्रह्माण्डभर परिक्रमा गर्दा, भगवान विष्णुले सुदर्शन चक्रद्वारा सतीका अंग…

काठमाडौं, १२ साउन । सिन्धुलीको गोलन्जोर गाउँपालिकामा एकै परिवारका १६ जना गाउँबाटै हराएपछि प्रहरीले खोजतलास सुरु गरेको छ । गोलन्जोर गाउँपालिका–६ स्थित छेत्पा नजिक भण्डास बिप्पर कटेरी भन्ने ठाउँमा बसोबास गर्दै आएकी उर्मिला हायुको १६ जनाको परिवार सोमबार बिहानदेखि हराएको भन्ने सूचना स्थानीयले जिल्ला प्रहरी कार्यालय सिन्धुलीमा गरेका थिए । सोही सूचनाको आधारमा प्रहरी टोली हायुको घरमा पुगेर अनुसन्धान अघि बढाएको एसपी लालध्वज सुवेदीले जानकारी दिए । उनले भने, ‘घटनाबारे सूचना पाउने बित्तिकै प्रहरीको टोली हायुको घरमा पुगिसकेको छ । हायुको घरमा सामान्य क्षति देखिएको छ । हायु परिवारले पालेको कुखुरा, बाख्रा, भैंसी अलपत्र अवस्थामा रहेको पाइएको छ । तर…