बैंकक, १२ साउन । थाइल्याण्डको राजधानी बैंककस्थित ‘ओर तो कोर’ खाद्य बजारमा साउन १२ गते दिउँसो भएको सामूहिक गोलीकाण्डमा पाँच सुरक्षाकर्मीको ज्यान गएको छ भने तीन जना अन्य घाइते भएका छन्। घटना दिउँसो १२स्३१ बजे बाङ सुए जिल्लामा भएको हो।
प्रहरीका अनुसार आक्रमणकारीले गोली प्रहार गरेपछि आफूलाई पनि गोली हानी आत्महत्या गरेका थिए। प्रारम्भिक अनुसन्धानले घटनाको कारण व्यक्तिगत विवाद रहेको जनाएको छ। आक्रमणकारी सोही बजारका पूर्वकर्मी थिए र एक सुरक्षाकर्मीप्रति पुरानै आक्रोश राखेको बुझिएको छ।
घटनासम्बन्धी जानकारी आक्रमणकारीको श्रीमतीबाट प्राप्त भएको प्रहरीले जनाएको छ। ‘ओर तो कोर’ बजार प्रसिद्ध चाटुचाक बजार नजिकै रहेको अत्यन्त लोकप्रिय पर्यटक गन्तव्य हो । थाइल्याण्डमा बन्दुक नियन्त्रण कानुन कमजोर रहेकोले यस्ता घटनाहरू समय–समयमा दोहोरिने गरेका छन्।
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
