झापा अनलाइन

इलाम, ८ भदौ । इलामको सूर्योदय नगरपालिका–१० फिक्कलमा अटो र भारतीय नम्बर प्लेटको सानो गाडी आपसमा ठोक्किँदा ७ जना घाइते भएका छन् । प्रदेश–१–०१–००२ ह ८२६२ नम्बरको अटो र भारतीय नम्बर प्लेट ए एच ७४ डब्लु बी ०६६२ नम्बरको सानो गाडी ठोक्किँदा अटोमा सवार सूर्योदय निवासी ३८ वर्षीया पवित्रा लिम्बू, १० वर्षीय दिप्सन लिम्बू, ७० वर्षीया कमला ढकाल, १५ वर्षीया छेप्साङ लिम्बू, ३० वर्षीया प्रमिला कार्की र उनका १ वर्षीय छोरा घाइते भएको प्रहरीले जनाएको छ । घटनाको समयमा अटोमा ७ जना सवार रहेको र सानो गाडीमा सूर्योदयकै भीम पाण्डे रहेको प्रारम्भिक जानकारी फिक्कल प्रहरीले दिएको छ घाइतेलाई फिक्कलस्थित श्रीनिधि…

दाङ, ८ भदौ । पश्चिम तराईका थारू समुदायले आज विविध कार्यक्रम आयोजना गरी अटवारी पर्व मनाउँदैछन् । यो पर्व उनीहरूका लागि महत्त्वपूर्ण पर्व हो । शुक्रबार राति दर खाएर दिनभरि व्रत बस्ने र साँझपख रोटी पकाएर देउतालाई चढाइसकेपछि खाने तथा आइतबार बिहान भात पकाएर भात–तरकारी पनि देउतालाई चढाइसकेपछि मात्र खाने चलन सो समुदायमा छ । घोराही उपमहानगरपालिका–१७ का थारू अगुवा सरस्वती चौधरीका अनुसार रोटी पकाइसकेपछि रोटीसँगै दही, फलफूल आदि परिकार अग्नि देवतालाई चढाएर दिदीबहिनीका लागि (अग्रासन) दिदी–बहिनीका लागि छुट्याइने परिकार छुट्याई बनाइएका पारिकार खाँदै यो पर्व मनाउने प्रचलन रहिआएको छ । “अटवारी पर्व महत्त्वपूर्ण पर्व हो, हिन्दूहरूको तिजजस्तै महत्त्वपूर्ण छ…

झापा, ८ भदौ । मेरो भ्वाइस युनिभर्स सिजन–२ को विजेता प्रथम गुरुङ घोषित हुनुभएको छ । यस्तै, मेरो डान्स युनिभर्स सिजन–२ को विजेता रिस्ता गुरुङ हुनुभएको छ । इन्ट्रा फाउन्डेसनद्वारा ललितपुरको सनराइज सम्मेलन केन्द्र गोदावारीमा आयोजित मेरो भ्वाइस युर्निभर्स र मेरो डान्स युनिभर्सको सिजन–२ को ग्राण्ड फिनालेमा दुवैजनालाई विजेता घोषणा गरिएको हो । विजेताले जनही रु एक करोड नगद पुरस्कारसहित रु २५ लाख बराबरको जीवन बिमा, हवाई टिकटका साथमा विभिन्न पुस्कार प्राप्त गरेका छन् । मेरो डान्स युनिभर्सको फस्ट रनरअप भई अमृता राईले रु २५ लाख नगदसहित सिटिजन्स लाइफबाट रु २० लाखबराबरको जीवन बिमा प्राप्त गर्नुभएको छ । सेकेन्ड रनरअप…

झापा, ८ भदौ । हाल मनसुनको न्यून चापीय रेखा सरदर स्थानको आसपासमा अवस्थित रहेको छ । साथै बङ्गालको खाडीबाट जलवाष्पयुक्त हावाको प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । महाशाखाका अनुसार आज दिउँसो देशभर साधारणतया बदली रहनेछ । बागमती, गण्डकी, कर्णाली र सुदुरपश्चिम प्रदेशलगायत देशका पहाडी भागका केही स्थान र अन्य प्रदेशका तराई भूभागका थोरै स्थानमा मध्यम वर्षाको सम्भावना छ । बागमती र कर्णाली प्रदेशका पहाडी भू–भागका एकदुई स्थानमा भारी वर्षाको सम्भावना छ । मधेसलगायत कोशी र लुम्बिनी प्रदेशका तराई भूभागमा हुरीबतासको पनि सम्भावना छ । त्यसैगरी, आज राति मधेस, कोशी प्रदेशलगायत देशका पहाडी भूभागमा…

इलाम, ७ भदौ । इलाममा एक युवकको शव सडेको अवस्थामा फेला परेको छ। स्थायी घर झापा भएका ३४ वर्षीय उदय मगर केही समयअघि उपचारको लागि माईजोगमाई–१ लप्सिबोटेमा दिदी–भिनाजुको घरमा बसेका थिए। गएको साउन ३० गतेदेखि हराइरहेका उनको शव आज माईजोगमाई गाउँपालिका–१ प्रेमेजुङस्थित जंगलमा सडेको अवस्थामा फेला परेको स्थानीय पत्रकार बिनु खड्काले जानकारी दिएका छन्। स्थानीयवासी घाँस काट्न जाँदा शब देखेपछि प्रहरीलाई खबर गरिएको थियो। हाल नयाँबजारबाट प्रहरी टोली र जनप्रतिनिधिहरू घटनास्थलतर्फ गइरहेको जनाइएको छ। प्रहरीका अनुसार घटनाको प्रारम्भिक प्रकृति हेर्दा लडेर मृत्यु भएको हुनसक्ने आशंका गरिएको छ। यद्यपि घटनाबारे थप अनुसन्धान भइरहेको जिल्ला प्रहरी कार्यालय इलामले जनाएको छ।

बिर्तामोड, ७ भदौ ।  झापाको बिर्तामोड नगरपालिका वडा नम्बर २ र कनकाई नगरपालिका वडा नम्बर ९ जोड्ने घाग्रा खोलामा निर्माण गरिएको पुलको आज उद्घाटन गरिएको छ ।  एक संक्षिप्त कार्यक्रमका बीच कोशी प्रदेश सरकारका खानेपानी, सिँचाइ तथा ऊर्जा मन्त्री एकराज कार्कीले २८ मिटर लामो उक्त ट्रस पुलको उद्घाटन गर्नु भयो । उपभोक्ताको ८० हजार ४ सय ४१ रुपैयाँ २७ पैसा जनश्रमदान र पूर्वाधार विकास कार्यालयको ३९ लाख ४१ हजार ६ सय २२ रुपैयाँ ३५ पैसा गरी कुल ४० लाख २२ हजार ६३ रुपैयाँ ७२ पैसामा पुल निर्माण सम्पन्न भएको जनाईएको छ । यस पुलबाट प्रत्यक्षरुपमा २ सय ६६ घर लाभान्वित…

बनियानी, ७ भदौ । झापामा दुई भिन्न घटनामा दुई जनाको मृत्यु भएको छ । कनकाई नगरपालिका–१ स्थित खहरे खोलामा करेन्ट लगाएर माछा मार्ने क्रममा एक जना र कमल गाउँपालिका–३ केराधापस्थित भित्री सडक खण्डमा मोटरसाइकलको ठक्करबाट एक जनाको मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिनुभयो । उहाँका अनुसार आज बिहान कनकाई–१ का ३७ वर्षीय पंकज माझीले खहरे खोलामा बिजुलीको पोलबाट करेन्ट लगाई माछा मार्ने क्रममा करेन्ट लागेर घटनास्थलमै मृत्यु भएको हो । घटनाबारे जानकारी प्राप्त हुनासाथ इलाका प्रहरी कार्यालय अनारमनीबाट प्रहरी टोली खटिएको छ र थप अनुसन्धान भइरहेको जनाइएको छ । त्यसैगरी, शुक्रबार साँझ…

शिवसताक्षी, ७ भदौ । झापाको शिवसताक्षी नगरपालिका वडा नम्बर ६ ले बृहत तीज विशेष कार्यक्रम गरेको छ । शिवसताक्षी ६ को वडा कार्यालयले वडाका ज्येष्ठ बुबाहरुलाई सम्मान गर्दै आमाहरुलाई दर खुवाएर जित पर्व मनाएको हो । वडाले तिज वर्ष सँगै कुशैं औशीको अवसर पारेर वडाका २५० बढी ज्येष्ठ बुबाहरुलाई ढाका टोपी लगाइदिएर सम्मान गरेको हो । उनीहरुहरुलाई नगरप्रमुख मेगाहाङ्ग थोप्रा, वडाध्यक्ष मनोज खुलाल कार्की, कार्यापालिका सदस्य गोमा रिजाल लगायतले ढाका टोपी लगाइदिएर सम्मान गरेका थिए । कार्यक्रममा प्रमुख अतिथि नगरप्रमुख मेघाहाङ थोप्राले सम्पूर्ण महिलाहरूप्रति शुभकामना व्यक्त गर्दै तीज पछिल्ला वर्षहरूमा सामूहिक रूपमा मनाउन थालिएकोमा खुशी व्यक्त गर्नुभयो । हिन्दुधर्मालम्बीहरुले मात्र…

बिर्तामोड, ७ भदौ । झापाको बिर्तामोडस्थित न्यूटनस् एजुकेशन एकेडेमीले रियालिटी शो द भ्वाइस अफ किड्सको फाइनलिष्ट भएका स्मायन बजगाईलाई सम्मान गरेको छ । बाल्यकालमै गायनका क्षेत्र क्रियाशील बजगाईं राष्ट्रियस्तरको चर्चित गायन रियालिटी सो मा फाइनलिस्ट भएपछि विद्यालयले सम्मान गरेको हो । स्मायन न्यूटनस् एजुकेशन एकेडेमीका कक्षा–८ का विद्यार्थी हुन् । राष्ट्रिय स्तरको प्रतिष्ठित रियालिटी शोमा आफ्नो सांगीतिक क्षमता प्रस्तुत गरी विद्यालय र जिल्लाको गौरव बढाएको भन्दै दोसल्ला र प्रमाणपत्रद्वारा स्मायनलाई सम्मान गरिएको विद्यालयका प्रधानाध्यापक देवेन्द्र हुमागाईले बताउनुभयो । सो अवसरमा विद्यालयका इञ्चार्ज नोएल परेराले स्मायन बजगाईं हाम्रो विद्यालयको मात्र नभई सम्पूर्ण समुदायको उज्जवल नक्षत्र भएको प्रतिक्रिया दिनुभयो । निरन्तर अभ्यास,…

झापा, ७ भदौ । भारत–नेपाल सीमावर्ती क्षेत्र झापाको गौरीगञ्जमा लागुऔषध ब्राउन सुगरसहित तीन जना पक्राउ परेका छन् । दुई दिनको अन्तरालमा दुई वटा छुट्टाछुट्टै घटनामा प्रहरीले लागूऔषधसहित उनीहरुलाई नियन्त्रणमा लिएको हो । हेलमेटभित्र लुकाइएको ब्राउनसुगरभदौ ५ गते साँझ गौरीगञ्ज गाउँपालिका–१ स्थित नेपाल–भारत सीमा क्षेत्र नजिकै प्रहरी चौकी कुञ्जिबारी र सशस्त्र प्रहरी बल बीओपी कुञ्जिबारीबाट खटिएको संयुक्त टोलीले भारतबाट नेपालतर्फ आउँदै गरेको मे ५ प ८००३ नम्बरको मोटरसाइकल रोकेर चेकजाँच गर्दा लागुऔषध फेला परेको हो । मोटरसाइकल चालक झापा कमल गाउँपालिका–५ का ३१ वर्षीय धनेस सहनीले लगाएको हेलमेटभित्र प्लास्टिकको पोकामा लुकाएर ल्याइएको ब्राउन सुगर जस्तो देखिने खैरो रंगको लिसिलो पदार्थ फेला…