झापा अनलाइन

ताप्लेजुङ, ३१ साउन । ताप्लेजुङमा भएको तेस्रो अन्तर्राष्ट्रिय आमन्त्रण ताप्लेजुङ गोल्डकप उपाधि सिराहाको सलहेश युवा क्लबले जितेको छ । ताप्लेजुङको भानु जनमाविको खेलमैदानमा शनिवार भएको फाइनल खेलमा चर्च व्वाईजलाई २—० गोल अन्तरले हराउँदै सलहेश युवा क्लबले प्रतियोगिताको उपाधि जितेको हो । खेल सुरु भएको मध्यान्तरसम्म दुवै टिमले कुनै गोल गर्न सकेनन् । आजको खेलको ‘म्यान अफ दि म्याच’ सिराहाको सुनिल खड्का हुनुभयो । उहाँले ७ हजार रुपैंया प्राप्त गर्नुभयो । उपाधि जितसँगै चर्च व्वाईजले नगद ७ लाख २ हजार ८२ रुपैयाँ प्राप्त गरेको छ । भने उपविजेता बनेको सिराहाको सलहेश युवा क्लबले ३ लाख ५० हजार ८२ रुपियाँ पुरस्कार सहित…

झापा, ३१ साउन । भारतबाट सिटी सफारीमार्फत नेपाल प्रवेश गर्ने क्रममा प्रतिबन्धित लागुऔषधसहित दुई युवकलाई प्रहरीले नियन्त्रणमा लिएको छ । इलाका प्रहरी कार्यालय काँकरभिट्टाबाट खटिएको टोलीले झापाको मेचीनगर नगरपालिका–६ स्थित पुरानो मेची पुल नजिक साउन ३१ गते दिउँसो १२ः४५ बजे भारतबाट नेपालतर्फ आउँदै गरेको सवारी साधन जाँच गर्दा लागुऔषधसहित दुई युवकलाई पक्राउ गरेको हो । पक्राउ पर्नेमा सिन्धुपाल्चोक जिल्ला, जुगल गाउँपालिका–२ निवासी २४ वर्षीय रामहरी सिलवाल र सोही ठाउँका २३ वर्षीय सुरेन्द्र सिलवाल रहेका छन् । उनीहरूको साथबाट २८ ग्राम ६९० मिलिग्राम खैरो हेरोइन बरामद गरिएको प्रहरीले जनाएको छ । हाल दुवैलाई इलाका प्रहरी कार्यालय काँकरभिट्टामा राखी थप अनुसन्धान भइरहेको…

शिवसताक्षी, ३१ साउन । झापाको शिवसताक्षी नगरपालिकाले नगरका महिला कर्मचारीहरुलाई दर खुवाएको छ । नगरपालिकाले तीज मिलन कार्यक्रम गर्दै नगरमा कार्यरत वडा कार्यालय, स्वास्थ्य कार्यालय लगायतका नगरका महिला कर्मचारीहरुलाई दर खुवाएको हो । तीज मिलन कार्यक्रममा नगरका स्वास्थ्यकर्मी गंगादेवी खत्री, इन्दिरा तामाङ्ग, सेतीमाया तामाङ्ग कृष्णकुमारी सुनुवारलाई सम्मान गरेको शिवसताक्षी नगरपालिकाले जनाएको छ । उनीहरुलाई शिवसताक्षी नगरपालिकाका नगरप्रमुख मेगाहाङ्ग थोप्रा,उपप्रमुख नरमाया कार्की, प्रमुख प्रशासकीय अधिकृत सुनिता तुम्बाहाङफेले प्रशंसा पत्र प्रदान गर्नु भएको थियो । नगरप्रमुख मेगाहाङ्ग थोप्राले हरितालिका तीजको अवसरमा सबै महिला कर्मचारीहरुलाई शुभकामना व्यक्त गर्नुभएको थियो । उहाँले नारीहरुको पर्वको अवसर पारेर नगरका स्वास्थ्य क्षेत्रमा लामो समयदेखि उल्लेखनीय रुपमा काम…

झापा, ३१ साउन । सुनसरी कारागारको पर्खाल नाघेर भागेका एक जना फरार कैदी आज बिहान झापाको बिर्तामोडबाट पक्राउ परेका छन् । जबर्जस्ती करणी अभियोगमा सजाय भोगिरहेका खोटाङ दिप्रुङचुचुमा गाउँपालिका–२ का २८ वर्षीय रूपक पौडेललाई बिर्तामोड नगरपालिका–१० स्थित विराटपोखरबाट पक्राउ गरिएको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिए । पौडेल गत साउन २८ गते सुनसरी कारागारबाट भागेका थिए । उनलाई विशेष सूचनाको आधारमा जिल्ला प्रहरी कार्यालय झापाबाट खटिएको टोलीले बिराटपोखर क्षेत्रबाट लुकीछिपी बसिरहेको अवस्थामा पक्राउ गरेको हो । पौडेललाई सुनसरी जिल्ला अदालतले जबर्जस्ती करणी कसुरमा १३ वर्ष कैद, रु पाँच लाख जरिवाना र रु ३० हजार…

बिर्तामोड, ३१ साउन । झापाको बिर्तामोड नगरपालिका–२ रामचोकस्थित एक ग्यारेजमा गएराति आगलागी हुँदा करिब दश लाख रुपैयाँ बराबरको क्षति भएको छ। आगलागी विद्युत सट भएर भएको प्रारम्भिक अनुमान गरिएको छ । राति ११ः१५ बजे यदुनाथ मिश्रद्वारा सञ्चालित सवारी साधनको इन्जिन मर्मत गर्ने ग्यारेजमा आगो लागेको हो । टिनको छानो र बेरा भएको एकतले ग्यारेजमा आगो लाग्दा इन्जिन बनाउने ६ ओटा मेसिन, मर्मतका लागि ल्याइएका ६–७ ओटा सवारी इन्जिन तथा ग्यारेज पूर्णरूपमा जलेर नष्ट भएको जिल्ला प्रहरी कार्यालय झापाले जनाएको छ। त्यसैगरी, मर्मतका लागि ल्याइएको मे १ क ६४४ नम्बरको टिपरको अगाडिको भाग सामान्य रूपमा जलेको छ । आगलागीबाट करिब १०…

झापा, ३१ साउन । झापाको मेचीनगर र अर्जुनधाराबाट लागूऔषधसहित दुई जना पक्राउ परेका छन् । शुक्रबार काँकरभिट्टाबाट सिमा चेकिङमा खटिएको प्रहरी टोलीले भारतबाट नेपालतर्फ सिटी सफारीमा आउँदै गरेका इलामको माई नगरपालिका–२ निवासी २८ वर्षीय अविशेक राईलाई पुरानो मेचीपुल नजिकै शंका लागी चेकजाँच गर्दा बेल्टको भित्री भागमा लुकाइएको खैरो हिरोइन फेला परेको हो । प्लास्टिकसहित ३.४४ ग्राम र प्लास्टिक बाहेक २.६३ ग्राम लागूऔषध बरामद भएपछि उनलाई नियन्त्रणमा लिई थप अनुसन्धान भइरहेको प्रहरीले जनाएको छ। त्यसैगरी, शुक्रबार अर्जुनधारा नगरपालिका–८ शनिश्चरे बजारस्थित दुर्गा मन्दिर टोलमा लागुऔषध बिक्री वितरण गरिरहेको सूचनाको आधारमा प्रहरी चौकी शनिश्चरेबाट खटिएको टोलीले ३२ वर्षीय घनश्याम साहुलाई पक्राउ गरेको हो…

पाँचथर, ३१ साउन । यहाँको हेंवा खोलामा मोडुलर बेलिब्रिज जडान गरिएको छ। मेची राजमार्गअन्तर्गत पाँचथरको फिदिम नगरपालिका र हिलिहाङ गाउँपालिकाको सीमा छुट्याउने हेंवा खोलामा नेपालकै लामो ७० मिटरको बेलिब्रिज जडान गरिएको हो । सडक डिभिजन कार्यालय इलामले भारतीय प्राविधिकको सहायतामा जडान गरेको बेलिब्रिजको पहुँचमार्गसहितका संरचना निर्माण भइरहेका छन् । आगामी हप्तादेखि यसै बेलिब्रिजबाट सवारीका साधन सञ्चालन हुने सडक डिभिजन कार्यालय इलामका प्रमुख पवन भट्टराईले जानकारी दिनुभयो । उहाँका अनुसार हेंवा खोलामा निर्माण गरिएको बेलिब्रिज नेपालमा जडान भएकामध्ये सबैभन्दा लामो हो । बेलिब्रिजको भार बहन क्षमताको मापनसमेत सफल भइसकेको छ । निर्माण कम्पनी ले गत चैतदेखि बेलिब्रिजका संरचना निर्माण थालेको थियो…

झापा, ३१ साउन । ‘श्रीकृष्णजन्माष्टमी’ पर्व आज देशभर भगवान् श्रीकृष्णको पूजा–आराधना गरी मनाइँदैछ। ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्णजन्माष्टमी’ र रातलाई ‘मोहरात्री’ भनिन्छ । यस दिन देशभरिका कृष्णमन्दिरमा भगवान् श्रीकृष्णको पूजा–आराधना, प्रवचन, भजनकीर्तन गर्नाका साथै विशेष गरी महिला, पुरुष ‘व्रत’ बसी रातभर जाग्राम बस्ने प्रचलन छ । अन्याय, अत्याचार र राक्षसी प्रवृत्तिबाट सम्पूर्ण मानवको रक्षा गर्न भगवान् विष्णुको आठौँ अवतारका रूपमा जन्मनुभएका श्रीकृष्णले आजीवन सत्यको पक्षमा रही सत्कर्मका लागि मानव समुदायलाई प्रेरित गर्नुभएको थियो । कुरुक्षेत्रमा कौरवहरूसँगको लडाइँमा सङ्लग्न पाण्डवमध्येका अर्जुनलाई उपदेश दिने क्रममा स्वयम् श्रीकृष्णका मुखारविन्दबाट व्यक्त ‘श्रीमद्भागवतगीता’ पवित्र…

झापा, ३१ साउन । मनसुनको न्यून चापीय रेखा सरदर स्थानको दक्षिणतर्फ अवस्थित रहेकाले नेपालमा मनसुनको अवस्था कमजोर रहेको छ । मौसम पूर्वानुमान महाशाखाका अनुसार आज दिउँसो सुदूरपशचिम प्रदेश लगायत देशको पहाडी भू–भागमा साधारणतया बदली रही बाँकी भू–भागमा आंशिक बदली रहनेछ । लुम्बिनी र सुदुर पश्चिम प्रदेशको पहाडी तथा तराई भू–भागलगायत बाँकी प्रदेशको पहाडी भू–भागका थोरै स्थानहरूमा तथा बाँकी तराई भू–भागका एक–दुई स्थानमा मध्यम वर्षाको सम्भावना रहेको महाशाखाले जनाएको छ । आज राति कोशी र सुदुरपश्चिम प्रदेशलागायत बाँकी प्रदेशका पहाडी भू–भागमा साधारणतया बदली रही बाँकी भू–भागमा आंशिक बदली रहनेछ । कोशी र सुदूरपश्चिम प्रदेशको पहाडी तथा तराई भू–भाग लगायत बाँकी प्रदेशको…

ताप्लेजुङ, ३० साउन । ताप्लेजुङमा फड्के तर्ने क्रममा आज खोलामा खसेर एक बालिकाको मृत्यु भएको छ । फुङलिङ नगरपालिका–१० फुरुम्बूकी दुई वर्षीया निशा लिम्बूको फड्के तर्ने क्रममा खोलामा खसेर मृत्यु भएको जिल्ला प्रहरी कार्यालयका सूचना अधिकारी एवं प्रहरी निरीक्षक विवेक बस्नेतले जानकारी दिए । उनका अनुसार उनकी आमा शान्ता लिम्बू भने सामान्य घाइते भएकी छिन् । फुरुम्बूबाट माइतीघर फक्ताङलुङ गाउँपालिकाको तावा जाने क्रममा फुङलिङ र फक्ताङलुङको सीमा भएर बग्ने सिस्ने खोलाको फड्के तर्ने क्रममा आमाछोरी खोलामा खसेका प्रहरीले जनाएको छ ।