झापा अनलाइन

गौरादह, २२ माघ । झापाको गौरादह–६ को आरती नगरी (बनियाँटोलीमा) नगरपालिका भित्रका कृषक समूहहरुबीचको अन्तरक्रियात्मक विचार गोष्ठी सम्पन्न भएको छ । आदर्श मुल कृषक समूहले आयोजना गरेको गोष्ठीमा नगरभरका कृषक समूहका प्रतिनिधिको उपस्थिति रहेको थियो । मा कार्यक्रम सम्पन्न भएको हो । गोष्ठीमा किसानहरुलाई खेती गर्दा आइपर्ने समस्या सामधान तथा कृषक समूहले खेल्नुपर्ने भूमिका, नगरपालिकाले कृषि सम्बन्धी शीर्षकमा विनियोजन गरेको बजेटको सदुपयोग तथा यसबाट प्राप्त उपलब्धि तथा किषकको हकहितका लागि सम्बन्धित निकायले खेल्नुपर्ने भूमिका, किसानहरुको जिम्मेवारी लगायतका विषयमा छलफल गरिएको थियो । आयोजक संस्थाका अध्यक्ष कामेश्वर राजवंशीको अध्यक्षतामा भएको कार्यक्रममा नेकपा जिल्ला नेता मदन अधिकारीले सरकारले कृषि क्षेत्रलाई प्राथमिकतामा राखेको…

अनिल वाग्लेबुधबारे, २२ माघ । बुद्धशान्ति गाउँपालिकाको स्वास्थ्य शाखाले कुष्ठरोगको उपचार गरिसकेका कुष्ठ प्रभावित व्यक्तिहरुलाई बाँकी दिनमा आफूले गर्नुपर्ने स्वहेरचाह र सर्तकता विधिबारे जानकारी गराएको छ । सोमबार शान्तिनगर स्वास्थ्य चौकीमा शान्तिनगर क्षेत्रमा कुष्ठ प्रभावितहरुलाई सो बारे जानकारी गराइएको हो । उनीहरुलाई बुद्धशान्ति स्वास्थ्य शाखाका दीपक सापकोटा, नेपाल कुष्ठरोग संगती झापाका सुपर भाइजर पर्शुराम पोखरेल, स्वास्थ्य चौकी शान्तिनगरकी प्रमुख मेनुका दाहाल, सोहि स्वास्थ्य चौकीका सिनियर अहेव भरत खतिवडा लगायतले कुष्ठ प्रभावितहरुलाई आगामी दिनमा गर्नुपर्ने स्वहेरचाह र सर्तकताका बारेमा जानकारी गराएका हुन् । यस अघि बुधबारे क्षेत्रका कुष्ठ प्रभावितहरुलाई सो बारे जानकारी गराइसकिएको छ । कुष्ठ प्रभावितहरुलाई गाउँपालिकाले जुत्ता, वाकर, लौरो,…

बिर्तामोड, २२ माघ । विद्यालय स्थापनाको सातौं वार्षिकोत्सवको अवसर पारेर नवोनित एकेडेमी अर्जुनधाराले पत्रकारसहित दुईजनालाई सम्मान गरेको छ । सम्मानित हुनेमा पत्रकार रेजिना गौतम र शारीरिक सुगठन खेलाडी रामबहादुर दाहाल रहेका छन् । विद्यालय व्यवस्थापन समितिका अध्यक्ष उमा शिवाकोटीको अध्यक्षता तथा प्याब्सन इकाई समिति अर्जुनधाराका अध्यक्ष रुद्र सिटौलाको प्रमुख आतिथ्यतामा सम्मानित व्यक्तित्वलाई प्रमुख अतिथि, अध्यक्ष, संस्थापकद्वय विश्वनाथ बास्तोला र मिना बास्तोलाले सम्मान पत्र र अविरले सम्मान गरेका थिए । पत्रकार गौतम जनआन्दोलन साप्ताहिककी कार्यकारी सम्पादक तथा कञ्चनजंघा एफएमकी संवाददाता हुन् । कार्यक्रममा विद्यालयमा अध्ययनरत बालबालिकाले नृत्यसहित आफूभित्र रहेका अन्तरनिहित क्षमता प्रस्फुटन गर्दै विभिन्न मनोरञ्जनात्मक कार्यक्रम प्रस्तुत गरेका थिए । साथै…

भद्रपुर, २२ माघ । चर्को नारावाजीका साथ सरकारविरुद्ध प्रमुख प्रतिपक्ष दल नेपाली कांग्रेसले झापाको सदरमुकाममा विरोध प्रर्दशन गरेको छ । सरकारविरुद्ध झापा जिल्लामा सडक आन्दोलनमा उत्रेको झापा कांग्रेसले लोकतान्त्रिक आचरण विपरीत सरकार चलाएको भन्दै प्रधानमन्त्री केपी शर्मा ओलीको राजीनामा मागसहित जिल्ला प्रशासन कार्यालय झापा अगाडि प्रर्दशन गरेको हो । कांग्रेस झापाले ‘केपीको पाराले, दुःख पाए साराले’ भन्दै महँगी र भ्रष्टाचार नियन्त्रण गर्न नसक्ने ओली सरकारले सत्तामा बसिरहनुको औचित्य नभएकाले तत्काल राजीनामा दिनु पर्ने माग गरेको छ । नेपाल वायुसेवा निगमको वाइड बडी प्रकरणको छानविनको समेत माग गरिएको थियो । त्यसैगरी निर्मला पन्तको हत्यारा जोगाएको, स्वास्थ्य शिक्षा विधेक तोडमोड गरी माफियातन्त्रको…

काठमाडौँ, २२ माघ । करिब दुई सातादेखि सिमरा बस्दै आउनुभएका पूर्वराजा ज्ञानेन्द्र शाहले राजनीतिक भेटघाटलाई तीव्रता दिनुभएको छ । पूर्वराजाले सोमबार बेलुकासम्म २ सय ५० जनाभन्दा बढीसँग भेट गर्नुभएको छ । नितान्त व्यक्तिगत भ्रमण भन्दै मध्यतराई र पूर्वी तराईको भ्रमणमा निस्कनुभएका ज्ञानेन्द्रले तराईका राजावादीलगायत विभिन्न व्यक्तिसँग भेट गर्नुभएको छ । भेटमा सबैले पूर्वराजालाई सक्रिय हुन आग्रह गरेका थिए । सिमरास्थित प्रभु शमशेरको निवासमा बस्दै आउनुभएका ज्ञानेन्द्रले हिजो सोमबार सिमरास्थित राममन्दिरमा पूजाअर्चना गर्नुभएको थियो । केही दिन सिमरा बसाइपछि उहाँ सपरिवार झापा जाने कार्यक्रम रहेको छ । पूर्वरानी कोमल, निजी सचिव सागर तिमल्सिना र केही आफन्तसँग सिमरा बस्दै आउनुभएका ज्ञानेन्द्र करिब…

काठमाडौं, २२ माघ । सरकारले बुधबारदेखि प्रदेश १ को राजधानी विराटनगरबाट श्रम स्वीकृति दिने भएको छ । यससँगै सातै प्रदेशबाट श्रम स्वीकृतिलगायत वैदेशिक रोजगारीका सबै काम विकेन्द्रीकरण हुनेछन् । श्रम, रोजगार तथा सामाजिक सुरक्षा मन्त्रालयले विराटनगरबाट सेवा दिन सबै तयारी पूरा भएको जानकारी दिएको छ । सरकारले पुस १५ गतेदेखि प्रदेशबाट सेवा दिन सुरु गरेको थियो । सुरुमा प्रदेश ५ को बुटवल र प्रदेश २ को जनकपुरबाट सेवा सुरु गरिएको थियो । केही दिनअघि गण्डकी प्रदेशबाट वैदेशिक रोजगारका सेवा सुरु भएको थियो । त्यसअघि कर्णली प्रदेश र सुदूरपश्चिमबाट पनि सेवा सुरु भएको थिए । सबै प्रदेशबाट वैदेशिक रोजगारीका सेवा सुरु…

काठमाडौं, २२ माघ । अभिव्यक्ति स्वतन्त्रताप्रति कुनै न कुनै अंकुश लगाउने उद्देश्यबाट प्रेरित भएकै कारण सरकारले विज्ञापन गरेबापत ५ वर्षसम्म कैद र ५ लाख रुपैयाँसम्म जरिवाना गर्ने प्रावधानसहितको विधेयक ल्याएको छ। राष्ट्रियसभाको आइतबारको बैठकमा सञ्चार तथा सूचना प्रविधि मन्त्री गोकुलप्रसाद बाँस्कोटाद्वारा प्रस्तुत ‘विज्ञापन नियमन गर्ने सम्बन्धमा व्यवस्था गर्न बनेको विधेयक’ नेपाली सञ्चार जगत्का निम्ति अर्को तरबार भएर झुन्डिने भएको छ। संसद्बाट पारित भई राष्ट्रपतिबाट लालमोहर लागेपछि यो विधेयकले विज्ञापन व्यवसाय र सञ्चार जगत्लाई मात्र प्रहार गर्नेछैन, यसले अभिव्यक्ति स्वतन्त्रतालाई समेत कुण्ठित गर्नेछ। ‘यसका प्रावधान दमनकारी छन्,’ वरिष्ठ अधिवक्तासमेत रहेका राष्ट्रियसभामा नेपाली कांग्रेसका सांसद राधेश्याम अधिकारीले सोमबार नागरिकसँग भने, ‘विज्ञापन गरेबापत…

बनियानी, २२ माघ । झापाको बिर्तामोडस्थित पूर्णटुङ बिर्तासिटी अस्पतालमा उपचारको क्रममा बालकको मृत्यु भएपछि पीडित परिवार र अस्पताल प्रशासनबीच सोमबार दुई बुँदे सहमति भएको छ । अस्पतालमा आइतबार मेचीनगर नगरपालिका–५ चारआलीका उमङ्ग राजवंशीका अढाइ वर्षीय छोरा जेनिसको मृत्यु भएको थियो । अस्पतालमा उपचारका क्रममा लापर्वाही भएकाले बालकको मृत्यु भएको भन्दै आइतबार राति बालकका आफन्तले तोडफोड गरेका थिए । बालकको मृत्युपछि अस्पतालमा तनाव सिर्जना भएपछि इलाका प्रहरी कार्यालय बिर्तामोडमा भएको सर्वपक्षीय छलफलपछि पीडित परिवार र अस्पताल प्रशासनबीच दुई बुँदे सहमति भएको प्रहरी नायब निरीक्षक सुवास खड्काले जानकारी दिनुभयो । घटनामा अस्पतालको लापर्वाही भए÷नभएको छानबिन गर्न मेची अञ्चल अस्पतालका मेडिकल सुपरिटेन्डेन्ट डा…

काठमाडौँ, २२ माघ । राष्ट्रिय प्रजातन्त्र पार्टी हिन्दुराष्ट्र पुनस्र्थापनालगायतका माग राखी देशव्यापीरुपमा गर्न लागको संघर्षका कार्यक्रमलाई प्रभावकारी ढंगबाट सञ्चालन गर्न पार्टीका सम्पूर्ण संयन्त्र परिचालन गर्ने भएको छ । दुई दिनदेखि चलेको केन्द्रीय कार्यसमिति बैठकले अध्यक्ष कमल थापाद्वारा प्रस्तुत समसामयिक परिस्थिति र भावी कार्यदिशासम्बन्धी राजनीतिक कार्यपत्र सर्वसम्मतले पारित गर्दै संघर्षका कार्यक्रमलाई शसक्त बनाउने निर्णय गरेको हो । सोमबार सम्पन्न बैठकले पार्टीको मागका बारेमा आउँदो फागुन ७ गते उपत्यकामा प्रधानमन्त्री, प्रदेश राजधानीमा मुख्य मन्त्री र जिल्ला सदरमुकाममा प्रमुख जिल्ला अधिकारीलाई ज्ञापनपत्र बुझाउने निर्णय गरेको छ । आजको नेपाल समाचारपत्रमा खबर छ ।

काठमाडौँ, १९ माघ । पूर्वप्रधानमन्त्री झलनाथ खनालले सरकार व्यावसायिक वातावरण निर्माण गर्न लागेको बताउनुभएको छ । नेपाल जुत्ता चप्पल उद्योग व्यवसायी सङ्घको ‘पाँचौँ साधारणसभा तथा तेस्रो राष्ट्रिय महाधिवेशन’का अवसरमा आज यहाँ आयोजित कार्यक्रममा उहाँले मुलुकमा राजनीतिक मुद्दा समाप्त भएकाले आर्थिक विकास आवश्यक रहेको बताउनुभयो । “मुलुकले राखेको ‘समृद्ध नेपाल, सुखी नेपाली’को नारा पूरा गर्न उद्योग क्षेत्रको विकास हुनु जरुरी छ”, उहाँले भन्नुभयो । पूर्वप्रधानमन्त्री खनालले संविधानले उद्योगी व्यापारीको हकलाई समेटेको बताउँदै उद्योग क्षेत्रको विकासका लागि आवश्यक ऐन कानून निर्माणमा सरकार लागेको बताउनुभयो । मुलुकको विकासका लागि कृषि, पर्यटन र जलस्रोतमा विशेष ध्यान दिनु जरुरी रहेको उहाँको भनाइ थियो । उद्योग…