झापा अनलाइन

किरण पौड्याल इलाम, ३० पुस । केही समय अघि इलाम सदरमुकाममा मेची पर्यटन महोत्सव भयो । महोत्सवको उद्घाटन कार्यक्रममा देखाइएका ताप्लेजुङको शेर्पा नाच र झापाको सन्थाल नाचले निक्कै चर्चा पायो । कार्यक्रममा राई जातिको साकेला नाच, लिम्बूको धान नाच र नेवार समुदायको लाखे नाचले पनि स्थान पायो । हिजोआज यहाँ हुने धेरै कार्यक्रममा स्थानीय वेशभूषा र संस्कृतिलाई मान्यता दिन थालिएको छ । कहीँ सङ्घ÷संस्थाले त कहीँ स्थानीय सरकारले आफ्नो जातीय पहिचान रक्षार्थ विभिन्न कार्यक्रम गर्दैआएका छन् । यहाँको माङ्सेबुङ गाउँपालिकाले केही समय अघि मात्र लिम्बू भाषालाई कामकाजी भाषाका रूपमा कार्यान्वयनमा ल्याएको छ । देशमै पहिलो पटक यस गाउँपालिकाको वडा नं…

फिदिम, ३० पुस । आफ्नी श्रीमती सुनितालाई सुत्केरी गराउन पाँचथर जिल्ला अस्पताल ल्याएका तेह्रथुमको आठराई गाउँपालिका–१ खेलपुरका लक्ष्मी लकान्द्रीले सुत्केरीले यातायात खर्चबापत पाउने रकम पाउन सक्नुभएन । नियमित गर्भजाँच र स्वास्थ्य संस्थामा सुत्केरी गराएबापत सरकारले यातायात खर्च दिन्छ भन्ने सुन्नुभएका लकान्द्रीलाई जिल्ला अस्पतालका स्वास्थ्यकर्मीले पछि सम्पर्क गरेर उक्त रकम दिने भन्नुभयो । लकान्द्रीजस्तै पाँचथर जिल्ला अस्पतालमा सुत्केरी गराएका महिलाले यातायात खर्चबापतको रकम पाउन छाडेको दुई महीना बित्यो । प्रदेश सरकारले पर्याप्त बजेट निकासा नगर्दा पाँचथर जिल्ला अस्पतालमा सुत्केरी गराउने आमाले विगत दुई महीनादेखि यातायात खर्चबापतको रकम पाउन सकेका छैनन् । नेपाल सरकारले आमा सुरक्षा कार्यक्रमअन्तर्गत सुत्केरीलाई रु एक हजार ४००…

गौरादह, ३० पुस । गौरादह जेसीस वर्ष २०१९ को अधिवेशन सम्पन्न भएको छ । नव अध्यक्षमा जेसी माधव कोइराला निर्वाचित भएका छन् । गौरादह नगरपालिका वडा नं. १ को सभाहलमा सम्पन्न ककससहितको अधिवेशनबाट नयाँ नेतृत्व चयन गरिएको हो । अधिबेशनले वर्ष २०१९ को लागि प्रजातान्त्रिक प्रक्रियाबाट सम्पन्न गरिएको निर्वाचनद्वारा महत्वपूर्ण पदहरुमा पदाधिकारी छनोट गरिएको छ । अधिवेशनले कार्यकारी उपाध्यक्षका लागि जेसी ताराकुमार श्रेष्ठ र जेसी पुष्पराज गुरागाई निर्वाचित भएका छन् । त्यसैगरी, उपाध्यक्ष्रुमा जेसी मनिता गुरागाईं, जेसी भेषकुमार भारती, जेसी भानु आचार्य र जेसी ओमकुमार राजवंशी निर्वाचित भएका छन् । अधिवेशनले जनसम्पर्क अधिकारीमा जेसी युवराज बाँस्तोलालाई निर्वाचित गरेको छ ।…

झापा, ३० पुस । झापा नेपालको सर्वाधिक अपराध हुने जिल्लाको पाँचौ स्थानमा पर्छ । काठमाडौं, कास्की, मोरङ, सुनसरी र झापा देशका सबैभन्दा असुरक्षित जिल्ला रहेको प्रहरी तथ्यांकमा छ । प्रदेशका हकमा भने झापा असुरक्षित जिल्लाको दोस्रो स्थानमा छ । सुनसरी पछि झापाको नाम प्रहरी तथ्याङ्कमा उल्लेख छ । प्रहरी मुख्यालयले तयार पारेको यसै आर्थिक वर्षको तथ्यांकअनुसार काठमाडौंँमा विभिन्न किसिमका ५ हजार ६६५ अपराध भए । कास्कीमा १३ जनाको हत्या भयो । आत्महत्या, लागूऔषध तथा सवारी ज्यानसम्बन्धी मुद्दा धेरै छन् । मोरङमा एक वर्षमा १ हजार २४० अपराधजन्य घटना भएका छन् । सुनसरीमा २९ जनाको हत्या नै भयो, ३२ जनाको हत्या…

उर्लाबारी, ३० पुस । मोरङको उर्लाबारीमा सञ्चालित लायन्स क्लबहरुले विश्व अपाङ्ग यात्री तेजकुमार कार्कीलाई ह्रिवल चियर प्रदान गरेको छ । कार्कीलाई लायन्स क्लबले करिब ४० हजार रुपैयाँ मुल्य बराबरको ह्रिवल चियर प्रदान गरेको हो । कार्कीले ह्रिवल चियरबाटै हालसम्म ३५ वटा देशको यात्रा गरिसक्नुभएको लायन्स विमला पालुङ्वाले जानकारी दिए ।

उर्लाबारी, ३० पुस । लिम्बु समुदायको दोस्रो ठूलो चाड कक्फेक्वा तङनामको अवसरमा मोरङको उर्लाबारीमा आयोजना गरिने कार्यक्रमको सम्पूर्ण तयारी पूरा भएको छ । त्यस अवसरमा उर्लाबारी–७ स्कुलडाँडास्थित राधिका माध्यमिक विद्यालयको प्राङ्गणमा सञ्चालन गरिने कार्यक्रमको तयारी पुरा भएको चुम्लुङका नगर अध्यक्ष चन्द्रबहादुर लिम्बुले जानकारी दिए । लिम्बु पराम्परा अनुसार माघ १ गते विहान पाठ पुजा गरी वन तरुलको टिका लगाई तरुल, मासु र फलफुल सेवन गरेर सद्भावपूर्ण र हार्दिकताका साथ यो पर्व मनाउने प्रचलन छ । विहान सबेरै उठेर नुवाईधुवाई गरेर सबैजना उर्लाबारीको राधिका माविमा भेला भएर कक्फेक्वा तङनाम मनाईने चुम्लुङले जनाएको छ । त्यस अवसरमा शुभकामना आदानप्रदान कार्यक्रमका साथै लिम्बु…

इलाम, ३० पुस । इलाममा पाँच दिनदेखि अनशनरत प्रा डा गोविन्द केसीको मागअनुसार नै इलाममा आइतबार मेडिकल कलेजको सम्भाव्यता अध्ययन गरिएको छ । पहाडी क्षेत्र ताप्लेजुङ, पाँचथर र तेह्रथुम क्षेत्रको मध्यमार्गी क्षेत्र इलाममा सरकारी मेडिकल कलेज स्थापना गर्नुपर्ने डा केसीको माग हो । प्रजिअ श्रवणकुमार तिम्सिनाका अनुसार एक सरकारी टोलीले आज दिउँसो इलाम आएर मेडिकल कलेजको सम्भाव्यता अध्ययन गरेको हो । टोलीले इलामका छ स्थानको अध्ययन गरेको थियो । यसअघि डा केसीसँग इलाम, पाँचथर, उदयपुरलगायत स्थानमा मेडिकल कलेज खोल्ने विषयमा भएको सम्झौताअनुसार सरकारले सम्भाव्यता अध्ययन थालेको प्रजिअ तिम्सिनाको भनाइ छ । “मेडिकल कलेजका लागि कम्तीमा साढे तीन सयदेखि चार सय…

बिष्णु सुब्बा दमक, ३० पुस । प्रधानमन्त्री केपी शर्मा ओलीको नगरी दमकको खानेपानी संस्थामा नेपाली कांग्रेससहितको लोकतान्त्रिक प्यानल विजयी भएको छ । आइतबार सम्पन्न मतपरिणाम अनुसार दमक खानेपानी तथा सरसफाई उपभोक्ता संस्थाको निर्वाचनमा संस्थाको कुल ९ सदस्य मध्ये ६ स्थानमा कांग्रेससहितको लोकतान्त्रिक प्यानलले जित हासिल गरेको छ । कांग्रेससहितको प्यानलले खुल्ला महिला सदस्यमा २ र क्षेत्रगतमा ४ स्थानमा जित हासिल गरेको हो । यसअघि पटक पटक नेकपाले आफनो वर्चश्व कायम गरिआएको खानेपानीमा यसपटक भने लज्जास्पद रुपमा हार व्यहोर्नुपरेको छ । क्षेत्रगत ६ वटाका लागि भएको मतदानबाट कांग्रेससहितको प्यानलले १,२ ,३ र ६ र कम्यूनिष्ट गठबन्धनको प्यानलले ४ र ५ गरि…

बिर्तामोड, ३० पुस । १६औँ अनशन बस्न इलाम पुगेका डा. गोविन्द केसीको मागका विषयमा केसी समर्थक चिकित्सक र अधिवक्ताले प्रष्ट पारेका छन् । आइतबार झापाको बिर्तामोडमा पत्रकार सम्मेलन गर्दै केसीका सहयोगी चिकित्सक डा. अभिषेकराज सिंह र अधिवक्ता सुरेन्द्र भण्डारीले केसी किन पुनः अनशन बसे, अनशनमा इलाम नै किन रोजे, माग केहो लगायतत विषयमा प्रष्ट पारेका हुन् । प्रस्तावित बीएण्डसी मेडिकल कलेजलाई सम्बन्धनविरुद्ध केसी अनसन बस्ने गरेको आवज उठ्नु दुखद पाटो भएको डा. सिंहले बताए । चिकित्सा शिक्षा विधेयकका लागि माथेमा कार्यदलले दिएको सुझावको सरकारले खिल्ली उडाएका कारण अहिले केसी अनसन बस्नु परेको उनले प्रष्ट पारे । १५ औँ अनशनका क्रममा…

काठमाडौँ, ३० पुस । नेपाल टेलिकमले ग्राहकको सुविधाका लागि विभिन्न प्याकेजसहितको आकर्षक ‘विन्टर अफर’ उपलब्ध गराएको छ । उक्त अफर अन्तर्गतको सेवा आजदेखि लागू भई आगामी चैत २८ गतेसम्म लिन सकिने व्यवस्था गरिएको टेलिकमका प्रवक्ता प्रतिभा वैद्यले जानकारी दिनुभयो । यसअघि उपलब्ध ‘अटम अफर’ अन्तर्गतका सेवामा केही थप सुविधा उपलब्ध गराएर सो अफर ल्याइएको छ । सोअन्तर्गत हयाप्पी विकेन्ड प्याक, अल टाइम डाटा प्याक, नाइट टाइम डाटा भोलुम बेस्ड डाटा प्याक, अनलिमिटेड डाटा प्याक, अल टाइम सोसियल डाटा प्याक, अल टाइम डाटा स्ट्रिमिङ प्याक रहेका छन् । त्यस्तै, अल टाइम फोरजी डाटा प्याक जीएसएम÷सीडीएमए थ्रिजी÷फोरजी एक जीबी प्रतिवेदनको डाटा प्याक,…