झापा अनलाइन

काठमाडौं, ३ पुस । नेपाली कांग्रेसमा अब ११ जना पदाधिकारी हुने भएका छन् । वरिष्ठ नेता रामचन्द्र पौडेललेको प्रस्तावअनुसार सभापति शेरबहादुर देउवा पक्ष विधानमा पदाधिकारीको संख्या बढाउन सहमत भएपछि विधानमा सहमति जुटेको छ । सहमति जुटेपछि आजै केन्द्रीय पदाधिकारीको बैठकबाट पारित गराएर सो विधानको मस्यौदालाई महासमिति बैठकमा पेस गरिने काँग्रेस स्रोतले जानकारी दिएको छ । काँग्रेस प्रवक्ता विश्वप्रकाश शर्माले विधानमा सहमति जुटेको जानकारी दिए । उनका अनुसार हालको पदाधिकारी संख्या बढाएर ११ पुर्याइने भएको छ । सभापति, २ उपसभापति, तीन महामन्त्री, चार सह–माहामन्त्री र एक कोषाध्यक्ष हुनेछन् । पौडेल पक्ष पदाधिकारी बढाउनु पर्ने अडान रहेका कारण महासमिति बैठक शुरु भइसक्दा…

काठमाडौँ, ३ पुस । उमेर नपुगी विवाह गर्ने छात्राले विद्यालय छाड्न बाध्य हुने गरेको पाइएको छ । अनौपचारिक क्षेत्रमा बृहत् यौनिकता शिक्षाको महत्वसम्बन्धी प्रतिवेदन सार्वजनिक गर्दै तन नेपाल (लुम)नामक गैरसरकारी संस्थाले अझै पनि विद्यालय नजाने तथा अनौपचारिक क्षेत्रमा काम गर्ने बालबालिकाको सङ्ख्या अत्यधिक रहेकाले पाठ्यक्रममा मात्र समावेश गरेर होइन, घर परिवारबाटै यौनिक शिक्षा प्रारम्भ गर्न आवश्यक रहेको सुझाव दिएको छ । सो संस्थाले घर र समाजबाटै त्यस्तो शिक्षाको खाँचो औँल्याएको हो । विद्यालय तहमा यौनिक शिक्षालाई थप प्रभावकारी तुल्याउँदै समाजलाई पनि सजग तुल्याउन सचेत हुनुपर्ने उक्त संस्थाका अध्यक्ष ज्योत्सना लुमले बताए । “यौनिकता भनेको यौन सम्पर्क मात्र नभएर यौन अवस्थामा…

वीरगञ्ज, ३ पुस । पर्सामा तस्करहरूले प्रहरीमाथि आक्रमण गरेका छन् । आक्रमणमा ३ प्रहरी घाइते भएका छन् । मंगलबार बिहान ३ बजेको समयमा नेपाल भारत सीमानाकामा पर्ने पर्साको जगननाथपुर गाउँपालिकास्थित पाँडेपुरबाट भारततर्फ डिजेल तस्करी भइरहेको भन्ने सूचनाका आधारमा तस्करहरुलाई नियन्त्रणमा लिने क्रममा प्रहरीमाथि उल्टै आक्रामण भएको हो । आक्रमणमा नेपाल प्रहरीका असई विष्णुदेव यादव, प्रहरी हवल्दार प्रेमबहादुर राना र अर्जुन चौधरी घाइते भएका छन् । उनीहरुको अवस्था सामान्य छ । पर्साका एसपी रेवती ढकालले तस्करले मोटरसाइकलमा भारततर्फ लैजाँदै गरेको डिजेलसहित दुई व्यक्तिलाई नियन्त्रणमा लिन खोज्दा प्रहरीमाथि नै आक्रमण भएको जानकारी दिए ।

भद्रपुर, ३ पुस । भदौ १ गतेबाट कार्यान्वयनमा आएको अपराध संहितालाई बस्तुनिष्ठ र प्रभावकारी कार्यान्वयन गर्ने उद्देश्यका साथ सरकारी वकिलहरूको राष्ट्रिय भेला पौष ८ गतेबाट काठमाण्डौमा सम्पन्न हुने भएको छ । झापाका जिल्ला न्यायाधिवक्ता केशवप्रसाद पन्तले आफ्नै कार्यकक्षमा सञ्चारकर्मीसित अन्तरक्रिया गर्दै पुरानो मुलुकी ऐन विस्थापित गरी कार्यान्वयनमा आएको अपराध संहिताको कानुनी प्रावधानका कतिपय अस्पष्टता हटाउन भेला सफल हुने जानकारी दिएका हुन् । पन्तका अनुसार सो भेलामा २५ वटा कार्यपत्र प्रस्तुत हुने छन् भने सरकारी वकिलको क्षमता अभिबृद्धि भइ बस्तुनिष्ठ न्याय सम्पादनका लागि वकालत सवल बन्ने छ । सो कार्यक्रममा देशभरका ४ सय हाराहारी सरकारी वकिल सहभागी हुने छन् भने ८०…

केशवराज भण्डारी झापा, ३ पुस । झापा अर्जुनधारा नगरपालिका कृषि शाखाको आयोजनामा कृषकहरुलाई अध्ययन अवलोकन भ्रमण गराएको छ । नगरभित्रका ३० जना कृषक दुइजना वडा अध्यक्ष, कृषि विकास शाखाका प्रमुख तथा कर्मचारी लगायतको सहभागिता रहेको भ्रमण कार्यक्रम झापाको गौरादह नगरपालिका वडा नं. ६ मा रहेको महारानिझोडा साना किसान कृषि सहकारी संस्थाद्वारा सञ्चालित बिउ प्रशोधन केन्द्र र नमुना एकीकृत सहकारी खेतीको अध्ययन अवलोकन गरी फर्किएको छ । अध्ययनका क्रममा सहकारीले गरेको चाक्लाबन्दी खेती र त्यसको अवधारणाका विषयमा एकीकृत नमुना खेतीका अध्यक्ष वेदनिधि चापागार्इंले सुझाएका थिए । विभिन्न प्रविधिबाट गरिएको सहकारी खेतीमा ८२ बिगाहा जमिन लिजमा लिई व्यावसायिक गाई पालन, अचार उद्योग,…

काठमाडौँ, ३ पुस । सातवटै प्रदेशका उपसभामुखले पद दिइए पनि अधिकार नदिएर आफूहरुलाई मूर्तिलाई जस्तो ठानिएको गुनासो गरेका छन् । सोमबार सिंहदरबारमा भएको एक भेलामा उनीहरुले गुनासो गर्दै लामो संघर्ष गरेर उक्त स्थानमा पुगेको भए पनि महिला भनेर हेपेको आरोपसमेत लगाए । प्रतिनिधिसभाका उपसभामुख डा। शिवमाया तुम्बाहाङ्फे र राष्ट्रिय सभाकी उपाध्यक्ष शशिकला दाहालले समेत आफूहरुलाई पनि अधिकार नदिइएको बताउनुभयो । आजको नेपाल समाचारपत्रमा खबर छ ।

काठमाडौं, ३ पुस । प्रधानमन्त्री र पार्टी अध्यक्षजस्तो व्यक्तिले मजाक गरेर मेरो चरित्र हत्या गर्न सुहाउँछ ? दुईजना अध्यक्षलाई लडाउन खोज्दै छन्, मिल्ने भए दुवैजना प्रधानमन्त्री बन्थ्यौं, तर संविधानले दिँदैन, भन्दै मलाई मजाकमा उडाउने ? दुईतिहाई छँदै छ, संविधान संशोधन गर्नुस्, दुवै प्रधानमन्त्री बन्नुस्, मेरो सर्मथन् छ । तपाईहरुलाई लडाउन कोही लागेको छैन, तपाईहरुको मायाप्रति मेरो समर्थन् छ । तपाईहरुलाई लडाउन कोही लागेको छैन, तर मेरो चरित्र हत्या किन गर्नुखोज्नु हुन्छ ? बरु राजनीति नै छोडाउन खोज्दै हुनुहुन्थ्यो, सकेको अझै गर्नुस्, मैले जानेको राजनीति म गरौँला । तर, पार्टीमा स्वेच्छाचारी, व्यक्तिवादी शैली मनपरीतन्त्र अब चल्दैन, स्वीकार गरिँदैन । आजको नयाँ…

काठमाडौं, ३ पुस । कञ्चनपुरकी १३ वर्षीया बालिका निर्मला पन्तको बलात्कारपछि हत्या घटनाको अनुसन्धानमा चरम लापरबाही गरेको भन्दै करिब तीन दर्जन प्रहरीमाथि कारबाहीका लागि सिफारिस भएको छ । एआइजी धीरु बस्नेत नेतृत्वको छानबिन समितिले सोमबार प्रतिवेदन बुझाउँदै अनुसन्धानमा लापरबाही गर्ने प्रहरीलाई विभागीय कारबाहीका लागि ‘राय’ दिएको हो । प्रहरीले अभियुक्तलाई जोगाउन प्रमाण नष्ट गरेको तथा नक्कली अभियुक्त खडा गरेको अवस्था नरहेको समितिले निष्कर्ष निकालेको छ । सो घटनामा प्रहरीले वास्तविक अभियुक्त जोगाउने प्रयास गरेको आरोप लाग्दै आएको छ । तर, नियोजित नभए पनि अनुसन्धानको क्रममा लापरबाही गरेको निष्कर्ष छानबिन समितिको छ । केही प्रहरीलाई सेवाबाटै हटाउने विभागीय सजाय गर्न समितिले…

काठमाडौँ, ३ पुस । कतारलाई छिमेकीले नाकाबन्दी लगाएको डेढ वर्ष पुगिसकेको छ । तर, यसबीचमा कतारीहरु हतोत्साहित भएका छैनन् । राष्ट्रिय दिवस मनाउँदै गर्दा आफू अझ बलियो भएको सन्देश उनीहरुले दिएका छन् । कतारमा १८ डिसेम्बरमा राष्ट्रिय दिवस मनाइन्छ । १८७८ मा कतारको एकीकरण गर्ने शेख जासिम बिन मोहम्मद अल थानीको जन्मदिनलाई आफ्नो राष्ट्रिय दिबस मानिन्छ । गत वर्ष नाकाबन्दी नाकाबन्दीकै बीचमा यो दिवस मनाइएको थियो । यसपटक सरकारले नागरिकलाई धीर भन्न र अझ बलियो हुन आग्रह गर्दैछ । कतारले आफूलाई अझ सक्षम तुल्याएको कतारका लागि नेपाली राजदूत रमेश कोइरालाले बताए । आजको अन्नपूर्ण पोस्ट दैनिकमा खबर छ ।

सन्तोष शर्मा बनियानी, ३ पुस । झापाका कुखुरा पालक किसान आन्दोलित बनेका छन् । कुखुराको चल्ला र दानाको मूल्यमा अत्याधिक बृद्धि भएको तथा आफूहरुले उत्पादनको गरेको कुखुराको उचित मूल्य नपाएको भन्दै उनीहरु आन्दोलित भएका हुन् । विभिन्न सरोकारवाला निकायलाई समस्या समाधानका लागि ध्यानाकर्षण गराए पनि कुनै सुनुवाइ नभएपछि बाध्य भएर आन्दोलनमा उत्रनु परेको नेपाल कुखुरा पालक किसान संघ झापाका अध्यक्ष राजन पौडेले बताउनुभयो । ‘पछिल्लो समय चल्ला र दानाको मूल्यमा अत्याधिक बृद्धि भएको छ’, उहाँले भन्नुभयो, ‘तर, किसानले उत्पादन गरेको कुखुराको मूल्य घट्दो छ ।’ आन्दोलन स्वरुप किसानले समस्या समाधान नभएसम्म खोरमा खुकुराको चल्ला नहाल्ने निर्णय गरेको उहाँले बताउनुभयो ।…