झापा अनलाइन

बलिउड अभिनेता अमिताभ बच्चनले सयौँ किसानको ऋण तिरिदिएका छन् । उनले उत्तर प्रदेशका १ हजार ३९८ जना किसानले लिएको ऋण चुक्ता गरेका बताएका छन् । यसका लागि उनले ६ करोड नेपाली रुपैयाँभन्दा बढी खर्चेका छन् । मंगलबार बच्चनले आफ्नो ब्लगमार्फत ऋण चुक्ताबारे जानकारी दिएका हुन् । यसबाट आफुलार्य एउटा काम पुरा गरेको महसुस भईरहेको पनि उनले बताए । एक सरकारी बैंकबाट किसानले लिएको ऋण अभिताभले तिरिदिएका हुन् । बैंक अफ इन्डियासँग सम्झौता गरेर उनले एकमुस्ट ऋण चुक्ता गरेका हुन् । उनले किसानलाई भेटेरै ऋणमुक्तिको प्रमाणपत्र दिने ईच्छा व्यक्त गरेका छन् ।

काठमाडौँ, ५ मङ्सिर । दक्षिण कोरियामा आज एक नेपालीको मृत्यु भएको छ । उदयपुर कटारीका २० वर्षीय दीपक कार्कीको सुतेकै अवस्थामा मृत्युभएको सियोलस्थित नेपाली दूतावासका श्रम काउन्सिलर डिल्लीराम बास्तोलाले जानकारी दिनुभयो । कोरियाको स्ट्रबेरी फर्ममा काम गर्दै आएका उनी मङ्गलबार राति खाना खाएर सुतेका थिए । उनी पाँच महिनाअघि मात्र भाषा परीक्षा पास गरी कोरिया गएका थिए । मृतक कार्कीको शव परीक्षणका लागि स्थानीय अस्पतालमा राखिएको छ । शव परीक्षण प्रतिवेदनपश्चात मात्र मृत्युको कारण खुल्ने काउन्सिलर बास्तोलाले जानकारी दिनुभयो । नेपाली युवाका लागि आकर्षक गन्तव्यका रुपमा रहेको दक्षिण कोरियामा विभिन्न कारणले मृत्यु हुनेको सङ्ख्या बढेको छ । गत महीनामात्र पाँचथर…

बुधबारे, ५ मंसिर । झापाको बुधबारेमा आज सम्पन्न एनएमसी बुद्धशान्ति प्रदेश नम्बर १ स्तरीय भलिबल प्रतियोगिताको उपाधि आयोजक राष्ट्रिय युवा समाज बुद्धशान्तिले हात पारेको छ । प्रदेश नम्बर १ को नेपाल प्रहरीलाई ३–२ को सेटमा (२१–२५, २५–२०, २५–२२, २२–२५ र १९–१७) पाखा लगाउँदै आयोजकले उपाधि हात पारेको हो । उपाधि सँगै आयोजकले रू एक लाख नगद र ट्रफी प्राप्त गरेको छ भने उपविजेता प्रहरीले रू ५० हजार प्राप्त गरेको छ । प्रतियोगितामा तेस्रो हुने टिम भोजपुरले रू २५ हजार प्राप्त ग¥यो । प्रतियोगिताका उत्कृष्ट खेलाडीमा आयोजकका आशिष जंग कार्की घोषित भए भने फाइनल खेलको म्यान अफ द म्याच प्रहरीका जीतबहादुर…

बुधबारे, ५ मंसिर । झापा बुद्धशान्ति–१ का जेष्ठ नागरिक हरिप्रसाद वाग्लेको एक सय ६ औं जन्मोत्सव मनाइएको छ । बुद्धशान्ति १ मा बस्दै आएका वाग्लेको बुधबार आप्mनै निवासमा आफन्त छरछिमेकहरुको उपस्थितिमा जन्म दिन मनाइएको हो । इलामको मलिममा बुवा स्व.प्रभाखर वाग्ले र आमा स्व.धनमाया वाग्लेको जेठा छोराका रुपमा १९७० साल मंसिर ५ गते जन्मिएका हरिप्रसाद वि.स. २०१४ सालदेखि झापाको बुधबारे वस्दै आएका छन् । उनका ५ छोरा र २ छोरी भए पनि अहिले उनका २ छोरा र २ छोरी मात्र छन् । उहाँकी श्रीमति हर्कमायाको २०४९ सालमा निधन भएको थियो । उनका एक मात्र भाई जयनारायण वाग्लेको पनि केही वर्ष…

बनियानी, ५ मङ्सिर । झापाको मेचीनगरमा आज बेलुका मोटरसाइकल र स्कुटर एक–आपसमा ठोक्किँदा दुई जनाको मृत्यु भएको छ भने एक जना घाइते भएका छन् । मृत्यु हुनेमा बिर्तामोड–५ का २७ वर्षीय मोरसाइकल चालक मञ्जुल बराइली र मेचीनगर–१० का स्कुटर चालक २४ वर्षीय युवराज अधिकारी रहेको जिल्ला ट्राफिक कार्यालय झापाका प्रमुख राजेश राईले जानकारी दिनुभयो । पूर्वपश्चिम राजमार्ग अन्तर्गत मेचीनगर–१२ स्थित कालीझोडामा पूर्वबाट पश्चिम जाँदै गरेको बा.६९ प ७९९४ नम्बरको मोटरसाइकल र पश्चिमबाट पूर्व आउँदै गरेको मे.१० प ६६६४ नम्बरको स्कुटर एक–आपसमा ठोक्किँदा दुवै सवारी चालकको मृत्यु भएको प्रमुख राईले बताउनुभयो । मोटरसाइकलको पछाडि सवार काठमाडौं जडीबुटीकी १८ वर्षीया सुविसा गुरुङ…

चितवन, ५ मङ्सिर । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले द्वन्द्वपीडितको पीडा घटेको बताउनुभएको हो । प्रेस चौतारी र प्रेस सेन्टर चितवनले आज यहाँ आयोजना गरेको पत्रकार सम्मेलनमा बोल्दै उहाँले द्वन्द्वपीडितको अवस्था विगतको भन्दा राम्रो भएको बताउनुभयो । विस्तृत शान्ति सम्झौता भएको १२ वर्ष पुग्दा पनि द्वन्द्वपीडितको अवस्था जस्ताको त्यस्तै रह्यो भन्ने प्रश्नमा उहाँले भन्नुभयो, “द्वन्द्व पीडितको पीडा उस्ताको उस्तै चाहिँ छैन । पहिलाको भन्दा त धेरै घटेको छ । तै पनि अहिले अब हामी राजनीतिक तह र कानूनी तहमा पनि गम्भीर रुपले गृहकार्य गरिराखेका छौँ ।” शान्ति सम्झौताको हस्ताक्षरकर्ता समेत रहनुभएका दाहालले थप्नुभयो “प्रधानमन्त्री कै चाहनाको…

बिर्तामोड, ५ मङ्सिर । झापाको बिर्तामोडमा सिटी पार्टी प्यालेस एण्ड कन्फ्रेन्स हल सञ्चालनमा आएको छ । दुई झापाली युवाको संयुक्त लगानीमा रू एक करोडको लगानीमा पार्टी प्यालेस सञ्चालनमा आएको हो । युवा व्यवसायी सुवोद पाठक र कृष्ण पौडेलले आज यहाँ पत्रकार भेटघाटको आयोजना गरी पार्टी प्यालेस सञ्चालनबारे जानकारी दिनुभयो । सञ्चालक पाठकले निम्न र मध्यम वर्गको पहुँचमा पु¥याउने उद्देश्यले पार्टी प्यालेस सञ्चालनमा ल्याइएको बताउनुभयो । ‘मानिसमा पार्टी प्यालेस भनेपछि धनाड्य परिवारले मात्र विवाह, पार्टी गर्छन् भन्ने सोच छ’, उहाँले भन्नुभयो, ‘निम्न र मध्यम वर्गले पनि कार्यक्रम गर्न सक्ने गरी सर्वसुलभ मूल्यमा सेवा दिन्छौँ ।’ उहाँले यहाँबाट न्यून खर्चमा पनि विवाह,…

भीमदत्तनगर, ५ मङ्सिर । नेपाली काङ्ग्रेसका युवा नेता गगन थापाले कञ्चनपुरको भीमदत्तनगरपालिका–२ का १३ वर्षीया बालिका निर्मला पन्त हत्या प्रकरणमा सरकार गम्भीर नदेखिएको आरोप लगाउनुभएको छ । आज बिहान कञ्चनपुरको भीमदत्तनगरस्थित काङ्ग्रेसको पार्टी कार्यालयमा आयोजित कार्यकर्ता भेटघाट कार्यक्रममा बोल्दै प्रनिनिधिसभा सदस्यसमेत रहनुभएका नेता थापाले निर्मला प्रकरणमा न्याय दिन सरकार उदासीन भएकै कारण सरकारप्रतिको जनविश्वास टुट्दै गइरहेको विचार व्यक्त गर्नुभयो । फरक प्रसङ्गमा नेता थापाले जनताको लामो प्रतीक्षापछि मुलुकमा स्थित सरकार आएको बताउँदै सरकारले जनचाहनाअनुसार काम गर्न नसकेको दाबी गर्नुभयो । कार्यकर्ता भेटघाटपछि जिल्ला प्रशासन कार्यालय अगाडि दुई सातादेखि धर्नामा बसेका निर्मलाका बुवाआमासँग भेट्न पुगेका नेता थापाले न्यायका निम्ति लडाइँ जारी…

इनरुवा, ५ मङ्सिर । सुनसरीको दुहबी नगरपालिका–९ जयबाबा इँटाभट्टा नजिक आज एक जनाको गोली हानी हत्या गरिएको छ । स्थानीयवासी ५० वर्षीय फिदा हुसेनको हत्या भएको प्रहरी नायब उपरीक्षक ज्ञानेन्द्रप्रसाद फँुयालले जानकारी दिनुभयो । जय बाबा इँटाभट्टाका सुपरभाइजर हुसेनलाई कालो रङ्गको लुगा लगाएर मोटरसाइकलमा आएका दुई जनाले गोली प्रहार गरेको प्रत्यक्षदर्शीले बताएका छन् । बिहान श्रीमतीसँग मर्निङवाकका लागि इँटाभट्टातर्फ जाँदै गर्दा हुसेनमाथि गोली प्रहार भएको हो । घटनास्थलबाट तीन गोलीको खोका बरामद गरिएको छ । अहिले हुसेनका समर्थकले दुहबी बजार क्षेत्रमा नाराबाजी गर्दै कोशी राजमार्ग तथा दुहबीबजार ठप्प पारेका छन् । घटनाबारे अनुसन्धान भइरहेको सुनसरीका प्रहरी उपरीक्षक राजन अधिकारीले बताउनुभयो…

नवलपरासी, ५ मंसिर । बसाइँसराइले गाउँ रित्तिन थालेपछि बौदीकाली गाउँपालिकाकाले जुक्ति निकाल्यो—अन्तबाट बसाइँ आउनेलाई भत्ता । बाक्लो बस्तीमा रहन चाहनेलाई ३० हजार रुपैयाँ । साविकका ५ गाविस गाभेर बनाइएको बौदीकलाी पुर्वी नवलपरासीका आठमध्ये सबैभन्दा कम जनसंख्या भएको गाउँपालिका हो । गाउँपालिका अध्यक्ष दुर्गाहादुर राना मगरले भने, जग्गाधनी पुर्जा भएकाहरुसमेत खेतवारी बाँझै राखेर बसाइँ गएपछि जनघनत्व घट्यो, बस्ती रित्तिँदै गयो । सबै वडाध्यक्षको सल्लाहमा गाउँसभाबाट भएको निर्णय सुनाउँदै उनले भने, नयाँ आउनेलाई स्वागत गर्न यो उपाय उपयुक्त ठान्यौँ । गाउँपालिकाको आम्दानी बढ्दै गए भत्ता पनि बढाउँदै लैजाने योजना उनले बताए । पढ्ने राम्रो विद्यालय छैन, उपचार गर्ने अस्पताल छैन । रोजगारी…