झापा अनलाइन

सुरेन्द्र भण्डारी झापा २९ असार । झापामा पछिल्लो पाँच वर्षमा २१ वटा झोलुङ्गे पुल निर्माण भएका छन् । ग्रामीण क्षेत्रका सर्वसाधारणको सामाजिक तथा आर्थिक स्रोेत एवं अवसरहरुमा पहुँच बढाउँदै गरिबी निवारणमा टेवा पु¥याउने उद्देश्यले झापाका विभिन्न खोलामा झोलुङ्गे पुल बनाइएको जिल्ला प्राविधिक कार्यालय झापाका प्रमुख इञ्जिनियर सुशील श्रेष्ठले बताउनुभयो । सात करोड ७७ लाख ९२ हजार २ सय ७३ रुपैयाँको लागतमा निर्माण गरिएको झोलुङ्गे पुलका कारण तीस हजार जनसंख्या प्रत्यक्ष लाभान्वित भएको प्रमुख इञ्जिनियर श्रेष्ठले बताउनुभयो । नेपाल सरकारको क्षेत्रगत कार्यक्रम स्वाप अन्तर्गतको केन्द्रीय अनुदान ९२ प्रतिशत, तत्कालीन जिल्ला विकास समितिको ३ प्रतिशत, गाविसको ३ प्रतिशत र उपभोक्ताको २ प्रतिशत…

कनकाई २९ असार । झापाको कनकाई नगरपालिकाका विपन्न १५ परिवारका लागि घर निर्माण कार्य शुरु भएको छ । कनकाई नगरपालिकाको ‘प्रमुख आवास कार्यक्रम’ अन्तर्गत कनकाई– ७ रेडक्रस टोलका १५ विपन्न परिवारका लागि रू ४१ लाखको लागतमा घर निर्माण कार्य शुरु भएको हो । कनकाई नगरपालिकाका नगरप्रमुख राजेन्द्रकुमार पोखरेलले आज एक कार्यक्रमकाबीच घर निर्माण कार्यको शिलान्यास गर्नुभयो । प्रमुख आवास कार्यक्रम अन्तर्गत कनकाई नगरपालिकाको रू २५ लाख, सहारा नेपाल बचत तथा ऋण सहकारी संस्थाको रू १४ लाख र नगरप्रमुख पोखरेलको व्यक्तिगत रू दुई लाख गरी रू ४१ लाखको लागतमा घर निर्माण कार्य शुरु गरिएको हो । नगर क्षेत्रमा २०५० साल अघिदेखि…

सुरेन्द्र भण्डारी झापा, २९ असार । बुहारी बनाएर घर भित्र्याएका पौडेल परिवारले उनै बुहारीलाई छ वर्षपछि छोरी बनाएर अन्माएका छन् । कनकाई नगरपालिका–५ तुलसीबारी निवासी धनपती पौडेलले साविक पथरिया गाविस निवासी हरिप्रसाद काफ्ले र विष्णुमाया काफ्लेकी छोरी धनमाया ९आशा० काफ्लेलाई बुहारी बनाएर छ वर्षअघि घर भित्र्याएका थिए । धनपती र टीकामाया पौडेलका छोरा प्रकाशसँग धनमायाको विवाह भएसँगै पौडेल परिवारले धनमायालाई बुहारीका रुपमा भित्र्याएका थिए । तर, विवाहको छोटो समयमै प्रकाशको निधन भएको थियो । प्रकाशको निधनपछि परिवारकै सहमतिमा धनमायाको विवाह आज सोही ठाउँ निवासी लेखनाथ मिश्रसँग गरिदिएका छन् । धनमायाको विवाह सामाजिक परम्पराअनुसार नै कनकाई नगरपालिकाको कोटीहोमस्थित मिश्र समाज सेवा…

चितवन, २९ असार । नेपाल कम्युनिष्ट पार्टी ९नेकपा०का अध्यक्ष पुष्पकमल दाहाल ‘प्रचण्ड’ले नेपालको कम्युनिष्ट शक्तिलाई कमजोर पार्न स्वदेशी र विदेशी शक्ति लागिरहेको बताउनुभएको छ । शारदा स्मृति प्रतिष्ठान र जनसांस्कृतिक महासंघ चितवनले आज यहाँ आयोजना गरेको पुरस्कार वितरण तथा सांस्कृतिक कार्यक्रमलाई सम्बोधन गर्दै उहाँले कम्युनिष्ट शक्तिलाई के गरी कमजोर पार्ने भनेर ठूलो कसरत भइरहेको छ भन्नुभयो । सोभियत संघ र पूर्वी युरोपका समाजवादी देशहरुको विघटनपछि पश्चिमा पूँजीवादी शक्तिहरुले कम्युनिष्ट आन्दोलनकै अवसान भयो भन्ने गरेको बताउँदै उहाँले भन्नुभयो, “इतिहासकै अन्त्य भयो भनेर प्रचार गर्दै गर्दा सबैभन्दा अग्लो टाकुराको देशबाट जनताको मतद्वारा दुई तिहाइको स्थितिमा आउनु उनीहरुका लागि आश्चर्यजनक भएको छ ।”…

बिर्तामोड, २९ असार । झापामा असारको अन्तिम सातासम्ममा ४८ प्रतिशत रोपाइँ सकिएको छ । कुल ८७ हजार ५ पाँच सय हेक्टरमध्ये करिब ४२ हजार हेक्टरमा धान रोपाइँ सकिएको जिल्ला कृषि विकास कार्यालय झापाले जनाएको छ । कार्यालयका प्रमुख बरिष्ठ कृषि विकास अधिकृत प्रकाशकुमार डाँगीेले गत वर्ष असार महिनामा ५५ प्रतिशत रोपाइँ भएको थियो भने यो वर्ष ४८ प्रतिसत मात्र रोपाइँ सकिएको छ । ‘गत वर्षभन्दा कम पानी परेको छ’, उहाँले भन्नुभयो, ‘रोपाइँका लागि आकाशे पानीको भर पर्नुपर्ने बाध्यताले रोपाइँले तीव्रता पाएको छैन ।’ गत वर्ष झापामा ९५ प्रतिशत धान रोपाइँ भएको कार्यालयको तथ्यांक छ । मा उल्लेख गरिएको छ ।…

पाँचथर, २८ असार । यसवर्षको ‘स्वतन्त्रता सेनानी पुरस्कार’बाट नेपाल पत्रकार महासंघका पूर्वसभापति तारानाथ दाहाललाई सम्मान गरिएको छ । नेपाल पत्रकार महासंघ पाँचथर शाखाले आज फिदिममा आयोजना गरिएको समारोहमा उहाँलाई सो सम्मान प्रदान गरिएको हो । उक्त पुरस्कारको राशि रु २२ हजार २२२ तथा सम्मान पत्र रहेको छ । पत्रकारिताको माध्यमबाट नागरिक स्वतन्त्रताका लागि महत्वपूर्ण योगदान पु¥याउने पत्रकारहरुमध्ये महासंघ पाँचथर शाखाले हरेक वर्ष एक जनालाई सो पुरस्कार प्रदान गर्दै आएको छ । यसअघि महासंघका पूर्वसभापति विष्णु निष्ठुरी, शिव गाउँले र किशोर नेपालले सो पुरस्कारबाट सम्मानित भइसक्नु भएको छ । यसैगरी ‘स्व हरिचरण भद्रमायाँ वातावरण पत्रकारिता पुरस्कार’ पाँचथरकी पत्रकार राधा गौतमलाई प्रदान…

चलचित्र ‘यो पागल मन’ भोली शुक्रबारदेखि देशभरका हलमा रिलिज हुँदैछ । लभ स्टोरी कथामा निर्माण भएको यो चलचित्रबाट यसको निर्माणपक्ष आशावादी देखिएको छ । चलचित्रमा गौरी मल्ल, विनोद न्यौपाने, ऋचा सिंह ठकुरी, राजेश ढुंगाना, एनि कुँवर लगायतका कलाकारको मुख्य भूमिका छ । त्रिकोणात्मक प्रेम कथामा निर्माण भएको यो चलचित्रबाट दर्शक सन्तुष्ट हुने दाबी यसको निर्माणपक्षको छ । चलचित्रलाई कल्याण अधिकारीले निर्देशन गरेका हुन् । यो चलचित्रबाट कलाकार विनोद न्यौपाने लभर ब्वाइको रुपमा चलचित्र क्षेत्रमा उदाउने निर्देशकको दाबी छ । यो चलचित्रका निर्माता तथा निर्देशक अधिकारीले आफू चलचित्र क्षेत्रका लागि नयाँ भएकाले पनि पर्याप्त हल नपाएको बताउँछन् । आफूले ३ बर्ष…

राजाराम कार्की काठमाडौँ, २८ असार । असार महिना सकिनलाग्दा समेत उत्साहजनक रुपमा रोपाइँ हुन नसक्दा आगामी वर्ष पनि चामलको परनिर्भरता बढ्ने देखिएको छ । असार २८ सम्म आइपुग्दा अझै एक करोड ७६ लाख ११ हजार ९०६ रोपनी जग्गामा रोपाइँ हुन सकेको छैन । पर्याप्त जमीनमा सिँचाइ सुविधा नपुगेकाले अधिकांश किसान धान रोप्न आकासे पानीको पर्खाइमा हुन्छन् । नेपालमा धान रोपाइँ वर्षमा दुई पटक हुन्छ । चैतमा चैते धान र असारमा वर्षे धान । असारमा धान रोपाइँका लागि तीन करोड १० लाख ४९ हजार ३८० रोपनी जग्गा प्रयोग हुने गरेको छ । खेतीपातीका लागि ६ करोड १८ लाख २० हजार रोपनी…

सन्तोष शर्मा झापा, २८ असार । झापाको मेचीनगर–१४ चारआलीस्थित प्रगति सामुदायिक वनमा रहेको पाउपाथिभरा मन्दिर धार्मिक पर्यटकीयस्थलको रुपमा विकास हुँदै गएको छ । वन संरक्षण गर्ने उद्देश्यले २०७० सालमा स्थापना गरिएको पाउपाथिभरा यतिबेला धार्मिक पर्यटकीय स्थलको रुपमा विकास हुँदै गएको हो । ‘वनको विजोग भएपछि संरक्षणका लागि मन्दिर स्थापना गरेका थियौँ’, पाथिभरा मन्दिर सञ्चालक समितिका अध्यक्ष हरिचरण बानियाँले भन्नुभयो, ‘मेरो अगुवाईमा मन्दिर स्थापना भएको हो ।’ झापा बाहुनडाँगीका तान्त्रिक हरिश्चन्द्र दाहाललाई वनमा ल्याएर देखाउँदा एउटा रुख देखाउँदै त्यसमा भद्रकाली देवी, सरस्वती र शिवको बास भएको बताएको अध्यक्ष बानियाँले बताउनुभयो । ‘रुख देखाए लगत्तै ठूलो पानी प¥यो’, उहाँले मन्दिर स्थापनाको क्षण…

भद्रपुर, २८ असार । झापा मुलुकको ५०औँ पूर्ण खोप सुनिश्चित जिल्ला बनेको छ । झापाको भद्रपुरमा बुधबार आयोजित एक कार्यक्रमका बीच जिल्ला समन्वय समिति झापाका प्रमुख सोमनाथ पोर्तेलले झापालाई पूर्ण खोप सुनिश्चित जिल्ला भएको घोषणा गर्नुभयो । खोप नैसर्गिक अधिकार भएको बताउँदै उहाँले भविष्यको कर्णधारका रुपमा रहेका कुनै पनि बालबालिका खोपबाट बञ्चित हुनु नहुने बताउनुभयो । कार्यक्रममा जिल्ला जनस्वास्थ्य झापाका बरिष्ठ जनस्वास्थ्य प्रमुख मधुसूधन कोइरालाले कार्यपत्र प्रस्तुत गर्दै २५३ वटा खोप केन्द्रबाट झापामा बर्सेनि १९ हजार ८३५ जना बालबालिका खोप लगाउने जानकारी दिनुभयो । ‘सरकारको बहुबर्षिय खोप योजना अन्तरगत ९० प्रतिशत भन्दा बढी बालबालिकालाई खोपको पहुँचमा ल्याउने लक्ष्य लिएको छ’,…