झापा अनलाइन

विराटनगर, २४ असोज । नाम र स्थायी राजधानीको टुंगो नलगाई प्रदेश १ सभाको वर्षे अधिवेशन मंगलबारबाट सकिएको छ । प्रदेश सभाको पहिलो अधिवेशन गत १७ जेठमा सुरु भएको थियो । सभामुख प्रदीपकुमार भण्डारीले मंगलबार प्रदेश सभाको ५२औँ बैठकमा प्रदेश प्रमुख गोविन्दबहादुर तुम्बाहाङको पत्र पढेर अधिवेशन अन्त्य भएको जानकारी दिए । प्रदेश प्रमुखको पत्र पढेर सुनाउँदै सभामुख भण्डारीले भने, ‘चालू वर्षे अधिवेशन आज राति १२ बजेबाट विधिवत् अन्त्य भएको घोषणा गर्दछु ।’ आजको नयाँपत्रिका दैनिकमा खबर छ ।

काठमाडौं, २४ असोज । यूएईको सर्वोच्च अदालतले फिलिपिनो सहकर्मीको हत्या गरेको ठहर गर्दै तेह्रथुमका खडबहादुर जोशीलाई ५ वर्ष सजाय र २ लाख दिराम ब्लडमनिको फैसला सुनाएको छ । जोशीलाई आबुधाबीको केन्द्रीय कारागारमा राखिएको छ । यूएईको राजधानी आबुधाबीस्थित नेपाली दूतावासका अनुसार जोशीले जेल सजाय भुक्तान गरी पीडित परिवारलाई २ लाख दिराम ब्लडमनि बुझाएपछि मात्रै स्वदेश फिर्न पाउने छन् । फिलिपिनोको हत्या २० अगस्ट २०१४ मा भएको थियो । सर्वोच्चको पूर्ण इजलासले फैसला सुनाएको हो । ‘जोशी सुपरभाइजर थिए । आजको कान्तिपुर दैनिकमा खबर छ ।

काभ्रे, २४ असोज । जिल्लाको बेथानचोक गाउँपालिका ४ चलान गणेश्वरस्थास्थित कालिका माविका शिक्षक ३१ बर्षीय गणेश पहरीमाथि दुई छात्रालाई यौन शोषण गरेको आरोप लागेको छ । आफुले पढाउने दुई छात्रालाई यौन शोषण गरेको अभियोगमा पहरी पक्राउ परेका छन् । कक्षा ५ मा अध्ययनरत ९ बर्षीया दुईजना बालिकालाई शिक्षक पहरीले एक बर्षदेखि बलात्कार गर्दै आएका अभिभावकले बताएका छन् । पीडित बालिका अभिभावकको उजुरीको आधारमा प्रहरीले पहरीलाई पक्राउ गरेको हो । जिल्ला अदालत काभे्रेबाट सात दिनको म्याद थपेर उनीमाथि अनुसन्धान सुरु गरिएको प्रहरीले जनाएको छ । आजको नयाँ पत्रिकामा यो खबर छ ।

काठमाडौँ, २४ असोज । देशमा चार हजार आठ सय चिकित्सक बेरोजगार हुँदाहुँदै पनि डाक्टरको अभावमा नागरिकले उपचार पाउन सकेका छैनन् । दरबन्दीअनुसार सरकारले चिकित्सक पदपूर्ति नगर्दा देशमा बेरोजगार चिकित्सक बढिरहेको र नागरिकको उपचारमा समस्या भएको हो । देशभर एक हजार ६५० सरकारी चिकित्सकको दरबन्दी रहेकामा आधा पनि पदपूर्ति भएको छैन । नौँ सय ५० चिकित्सकको दरबन्दी खाली छ । देशभरका सरकारी अस्पतालमा अहिले दरबन्दीका सात सय चिकित्सक मात्रै छन् ।, आजको नयाँ पत्रिकामा खबर छ ।

काठमाडौँ, २४ असोज । विप्लव समुहको नाममा नक्कलीको बिग्बिगी यति बढ्यो कि, उनैको पार्टीका तर्फबाट काठमाडौंमा नक्कली खोज्न र कारवाही गर्न अलग्गै टास्कफोर्स बनाउनु परेको छ । बेला कस्तो भने, विप्लव समुहको हुँ मात्रै भन्दा पनि मान्छे आत्तिने । त्यसमाथि नक्कलीले माग गरेका रकम सुन्दै अत्यासलाग्दो । नक्कलीले यस्तो आतंक मच्चाएपछि विप्लव समुहले क। भृकुटीको कमाण्डमा आफ्नो दस्तालाई सक्रिय बनाएको छ । मृकुटि महिला हुन्, नाम धीरेन्दा उपाध्याया, घर कलंकीसहित विभिन्न म्यानपवार कम्पनी, होटल, रेष्टुरेण्टमा चनाखो भएर नक्कली खोजिरहेको छ । टास्कफोर्सका एक सदस्यका अनुसार गौशला, कलंकी र कोटेश्वरतिरका टिकट काउण्टरदेखि तीन र पाँचतारे होटलसम्म नक्कली विप्वलव समुह बनेर पैसा…

गोरादह, २४ असोज । चाडपर्व आएसंगै गौरादह नगरपालिका वार्ड नं. १, २ र ३ अन्तर्गत पर्ने डिपु, तथा बजार आसपासमा सडक सरसफाइ तथा ग्राभेल फिलिङ कार्य तीब्र रूपमा अगाडि बढाइने भएको छ । पेट्रोल पम्प बाट डिपु चोक सम्मको सागुरो सडकलाई साइडबाट माटो पुरेर फराकिलो पार्ने कार्य समेत तिब्रताका साथ अगाडी बढाउनको लागि विशेष पहल थालिएको छ । सडक लाई फराकिलो पार्नको लागी भेला बोलाएर सर्व पक्षीय सहमतिमा कार्य अगाडि बढाउन लागिएको टोल विकास संस्थाका अध्यक्ष मातृका भट्टराईले बताए । नगरप्रमुख, उपप्रमुख, वार्ड अध्यक्षहरु, वाणिज्य संघ पदाधिकारी तथा सामाजिक राजनीतिक व्यक्तिहरुको आम भेलाबाट सडक संरचना सुधार, पार्किङ व्यवस्थापन लगायतका विषयमा…

कचनकवल, २४ असोज । नेपालकै होचो स्थानमा रहेको झापाको कचनकवल गाउँपालिका असोज २४ गते बुधबार खुल्ला दिसामुक्त घोषणा गर्ने पूर्वसन्ध्यामा मंगलबार दीपावली गरिएको छ । कचनकवलका मुख्य स्थान र केन्द्र रहेको बनियानी बजारमा दीपावली गरिएको हो । कचनकवल खुल्ला दिसामुक्त अभियानका क्रममा झापा जिल्लामा सबैभन्दा धेरै घरधुरीमा चर्पी बनाउने स्थानीय तह पनि हो । ९ हजार ६६ घरधुरी रहेको कचनकवलमा ग्लोबल स्यानिटेसन फण्ड कार्यक्रमको सहयोगमा खुल्ला दिसामुक्त अभियान थालनी हुनुअघि ३ हजार ४ सय ३ घरमा सुरक्षित चर्पीको पहुँच रहेको थियो । अभियानको क्रममा बाँकी ५ हजार ६ सय ६३ घरधुरीमा चर्पीको निर्माण गरी खुल्ला दिसामुक्त घोषणा गर्न लागिएको हो…

बिर्तामोड, २४ असोज । बिर्तामोड–४ स्थित सुन्दरटोलकी ५४ वर्षीया खिनाकुमारी बुढाथोकीलाई धारिलो हतियार (खुकुरी) प्रहार गर्ने सोही स्थानका २१ वर्षीय मौसम माझीलाई प्रहरीले पक्राउ गरेको छ । माझीको खुकुरी प्रहारबाट बुढाथोकीकोे बाया हातको पाखुरा तथा पेट चोट लगेको छ । घटनापछि फरार भएका उनलाई पक्राउ गरी जिल्ला अदालतबाट ज्यान मार्ने उद्योग मुद्दामा म्याद थप गरी अनुसन्धान भइरहेको प्रहरीले जनाएको छ ।

बिर्तामोड, २४ असोज । बिर्तामोड–२ स्थित चारपाने चोकमा महिलालाई दुव्र्यवहार गर्ने अर्जुनधारा–५ का २६ वर्षीय साझामाल आलमलाई प्रहरीले पक्राउ गरेको छ । बिर्तामोड–२ की सर्मिला त्रिखत्री लगायत अन्य महिलालाई विभिन्न अश्लिल शब्दले गाली–गलौज गरी डर, त्रास देखाएको अभियोगमा आलमलाई प्रहरीले पक्राउ गरेको हो । बिर्तामोड– ११ स्थित सार्वजनिक स्थलमा सोही स्थानकी सीता रनपहेली लगायतका अन्य महिलालाई विभिन्न अश्लिल शब्दले गाली–गलौज गरी हातपात गर्न खोज्ने इलाम नपा–१ नेपालटारका २५ वर्षीय मुकुन्द मगरलाई प्रहरीले पक्राउ गरेको छ । उता, अर्जुनधारा–९ का रेवतमणि हमालसहित स्थानीयबासीलाई अश्लिल शब्दले गाली–गलौज गरी हातपात गर्ने अर्जुनधारा–११ का २२ वर्षीय उमेश राईलाई प्रहरीले पक्राउ गरेको छ । पक्राउ…

काठमाडौँ, २४ असोज । यातायात व्यवस्था विभागले आजदेखि सार्वजनिक सवारी साधनलाई इजाजत पत्र (रुट परमिट) खुला गरेको छ । विभागले नेपालीहरूको महान् पर्व दशैँ, तिहार र छठ नजिकिएसँगै काठमाडौँ बाहिर जाने र आउने यात्रुलाई सहज र आरामदायी बनाउन आजदेखि असोज ३१ गतेसम्मलाई इजाजत पत्र ९रुट परमिट० खुला गरेको हो । विभागका सूचना अधिकारी गोकर्णप्रसाद उपाध्यायले रुट परमिट खुला भएसँगै सवारी चालकले यात्रुलाई सहज गन्तव्यमा ल्याउन तथा लैजानका लागि पालो पर्खनु नपर्ने बताउनुभयो । नेपाल यातायात व्यवसायी राष्ट्रिय महासङ्घका महासचिव सरोज सिटौलाले रुट परमिट खुला भएसँगै चाडबाडको समयमा यात्रुलाई सुरक्षित गन्तव्यमा ल्याउन तथा लैजानका लागि सहज हुने बताउनुभयो । विभागले सो…