झापा अनलाइन

झापा, २४ चैत । झापाको भद्रपुर नगरपालिका–५ स्थित मेचीपुलबाट लागुऔषध ब्राउनसुगरसहित एक युवालाई प्रहरीले पक्राउ गरेको छ । आज दिउँसो भद्रपुर नगरपालिका–५ स्थित मेचीबिटबाट खटिएको प्रहरी टोली र लागुऔषध नियन्त्रण ब्यूरो शाखा कार्यालय काँकरभिट्टाबाट खटिएको संयुक्त प्रहरी टोलीले चेकजाँच गर्ने क्रममा भारतबाट भद्रपुरतर्फ आउँदै गरेको पैदल यात्री बिर्तामोड नगरपालिका–६ सरस्वती टोलका ३० वर्षीय सन्तोष भट्टराईले मलद्वारभित्र प्लाष्टिकले पोका पारी लुकाइ छिपाइ ल्याउँदै गरेको लागुऔषध ब्राउन सुगरजस्तो देखिने लिसाइलो पदार्थ १० ग्राम ०१ मिलिग्राम फेला पारी नियन्त्रणमा लिई अनुसन्धान तथा कानुनी कारबाही भइरहेको जिल्ला प्रहरी कार्यालय झापाले जनाएको छ ।

भद्रपुर, २४ चैत । झापा भद्रपुरका श्रष्टा हरिप्रसाद न्यौपानेको छैटौं कृति रमा स्मृतिकाव्य चन्द्रगढीमा विमोचन गरिएको छ । लेखनाथ पुस्तकालय चन्द्रगढीको आयोजनामा शोक काव्यका रूपमा तयार भएको न्यौपानेको छैटौं कृति रमा स्मृतिकाव्यको विमोचन चन्द्रगढीमा गरिएको हो । पुस्तकालयकी कार्यवाहक सभापति खगेन्द्रा खुसीको अध्यक्षता तथा प्रा.डा. गंगाप्रसाद अधिकारीको प्रमुख आतिथ्यमा विमोचित काव्य १६ वटा लामा कवितामार्फत रमा न्यौपानेको जन्मदेखि मृत्युसम्मका घटनालाई काव्यात्मक भाव बनाइएको छ । सरकारी सेवा र सामाजिक गतिविधिमा संलग्न रमा न्यौपानेको गत असार ३१ गते ६४ वर्षको उमेरमा क्यान्सर रोगबाट निधन भएको थियो । पति ध्रुवप्रसाद न्यौपानेको पत्नी वियोगलाई काव्यात्मक भाव बनाएर प्रकाशित कृतिमा पारिवारिक नाताले जेठाजु रहेका…

अर्जुनधारा, २४ चैत । नेपाली कांग्रेस कोशी प्रदेश सभापति तथा पूर्व मुख्यमन्त्री उद्धव थापाले नेपाली कांग्रेस विचारले बनेको पार्टी भएकाले विधि, विधान विपरित गतिविधि गर्नेहरु बैचारिक र राजनीतिक रुपमा समाप्त भएर जाने बताउनुभएको छ । नेपाली कांग्रेस झापाको एकमहिने संगठन सुदृढीकरण अभियान अन्तरगत झापाको अर्जुनधारा नगर समितिद्वारा आज आयोजित अन्तरक्रिया कार्यक्रमलाई प्रमुख अतिथिको रुपमा सम्बोधन गर्दै कांग्रेस नेता कार्यकर्ताले विरोधको भाषामात्र होइन रचनात्मक सुझाव र संगठन बलियो बनाउने कार्यमा क्रियाशील रहनुपर्नेमा जोड दिनुभयो । सामाजिक सञ्जालमा आएका भ्रमपूर्ण प्रचार र बजार हल्लाका पछि नलागी पार्टी नीति, सिद्धान्त र विचार अनुसार अघि बढ्न सबैमा आग्रह गर्दै नेता थापाले मुहान धमिलो भएको…

शिवसताक्षी, २४ चैत । झापाको शिवसताक्षीमा जारी मेयर कपको २०८१को भलिबल तर्फको उपाधि वडा नं. ७ ले उचालेको छ । वडा नं. ११ लाई ३–१ ले हराउँदै वडा नं. ७ च्याम्पियन बनेको हो । खेलको म्यान अफदी म्याच वडा नं. ११ का रमेश खड्का घोषित भए भने उनले नगद ११ सय प्राप्त गरे । त्यस्तै आज भएको फुटबल खेलमा शिवसताक्षी नगरपालिका वडा नं. ७ सेमी फाइनलमा प्रवेश गरेको छ । शिवसताक्षी नगरपालिका वडा नं. ४ लाई ३–० गोल अन्तरले हराउँदै वडा नं. ७ सेमी फाइनलमा प्रवेश गरको हो । वडा नं. ७ का तर्फबाट हेमन लिम्बु, अनुज माझी, र युनिस…

झापा, २४ चैत । इजरायलले गाजामा १५ जना मेडिकल स्टाफ मारिएको घटनामा आफ्नो सेनाबाट गल्ती स्वीकार गरेको छ । इजरायलले गएको मार्च २३ मा दक्षिणी गाजामा १५ जना आपत्कालीन कामदारहरूको हत्यामा आफ्ना सेनाहरूले गल्ती गरेको स्वीकार गरेको बीबीसीले जनाएको छ । त्यस दिन रफाह नजिक प्यालेस्टिनी रेड क्रिसेन्ट सोसाइटी (पीआरसीएस) का एम्बुलेन्स, संयुक्त राष्ट्रसङ्घको एक कार र गाजा सिभिल डिफेन्सको एक फायर ट्रकमाथि गोलाबारी भएको थियो । इजरायलले ती गाडीको लस्कर अँध्यारोमा ‘शङ्कास्पद रूपमा’ हिडिँरहेको दाबी गरेको थियो । मारिएका मेडिकल स्टाफमध्ये एक जनाले आक्रमणका क्रममा आफ्नो मोबाइलमा भिडियो बनाएका थिए । त्यो भिडियोमा घाइतेहरूलाई मद्दत गर्न बोलाउँदा गाडीहरूको बत्ती…

झापा, २४ चैत । सुनको भाउ आज एकैदिन तोलामा एक हजार ९०० रुपैयाँले घटेको छ । सुनको भाउ एक हजार ९०० रुपैयाँले घटेर आज तोलाको एक लाख ७४ हजार ५०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । गएको बिहिवार अहिलेसम्मकै उच्च एक लाख ८० हजार ३०० रुपैयाँ पुगेको सुनको भाउ अस्ति शुक्रवार तीन हजार ९०० रुपैयाले घटेर तोलाको एक लाख ७६ हजार ४०० रुपैयाँमा झरेको थियो । यस्तै आज चाँदीको भाउ पनि घटेको छ । चाँदीको भाउ ७० रुपैयाँले घटेर आज तोलाको एक हजार ८०० रुपैयाँमा कारोबार भइरहेको महासङ्ले जनाएको छ । अस्ति शुक्रवार चाँदी तोलाको एक…

लसुन र प्याज हाम्रो खानाको अभिन्न अङ्ग हो । यसको औषधीय गुण छन् । तरकारी र खानाको स्वाद बढाउने भएकोले पनि विश्वभर यसलाई खाइन्छ । लसुन र प्याजमा एन्टि अक्सिडेन्ट,एन्टी–ब्याक्टेरियल र एन्टी–इन्फ्लेमेटरी गुण पाइन्छ, जुन स्वास्थ्यको लागि फाइदाजनक हुन्छ । नेपालीमा एउटा उखान छ नि ‘धेरै खायो भने अमृत पनि विष हुन्छ’ । लसुन र प्याजमा पनि यही कुरा लागू हुन्छ । धेरै लसुन र प्याज खाँदा शरीरमा केही नकारात्मक असर पर्न सक्छ । आजको यस लेखमा हामी धेरै लसुन प्याज खाँदाका सम्भावित साइड इफेक्टहरू अनि तिनीहरूलाई सही मात्रामा सेवन गर्नु किन महत्त्वपूर्ण छ भनेर कुराकानी गर्नेछौँ । पाचनसम्बन्धी समस्या…

झापा, २४ चैत । गायक, रचनाकार तथा अधिवक्ता अनिल श्रेष्ठको स्वर रहेको गीत ‘तिम्रो इच्छा अर्कै रोज्ने’ को म्युजिक भिडियो सार्वजनिक भएको छ । भिडियो वास्तविक घटनामा आधारित विषयवस्तुलाई समेटेर बनाइएको गीतकार तथा गायक श्रेष्ठले जानकारी दिनुभयो । म्युजिक भिडियोले जिन्दगीमा घटेको यथार्थ कुरालाई समावेश गर्न खोजेको श्रेष्ठको भनाई छ । फर्पिङमा छायाङ्कन गरिएको उक्त भिडियोको छायाङ्कन लोक चन्द्र थापाले गर्नुभएको थियो भने भिडियोको निर्देशक गौतम तण्डुकारले गर्नुभएको हो । गीत तथा भिडियोको बजार व्यवस्थापनको जिम्मा यल इन्टरटेन्मेन्ट प्रालिले गरेको छ । यस म्युजिक भिडियोको निर्माताको रुपमा उमेरले मात्र १२ वर्षको बालक सोप्निल श्रेष्ठले गर्नुभएको श्रेष्ठले जानकारी दिनुभयो । गीतकार,…

विष्णुप्रसाद पोखरेलदमक, २४ चैत । झापामा पहिलो पटक दमक नगरपालिकाले नीजि विद्यालयहरुको वर्गीकरण गरेको छ । विद्यालय वर्गीकरण तथा शुल्क निर्धारण कार्यविधि २०८० अनुसार नीजि विद्यालयहरुको वर्गीकरण गरेर सोही अनुसारको शुल्क निर्धारण गरिएको दमक नगर शिक्षा समितिका संयोजक कुवेर भट्टराईले बताउनुभएको छ । लामो समय लगाएर विद्यालयहरुको स्थलगत निरीक्षण र प्रश्नावली अनुसारको जवाफलाई आधार बनाएर वर्गीकरण सकिएको र सार्वजनिक गर्ने तयारी गरिएको उहाँले जानकारी दिनुभएको छ । विद्यालयहरुलाई पाँच वटा वर्गमा समावेश गरिएको छ । ‘क’ देखि ‘घ’ सम्म गरी चार वटा र एक वटा ग्रेडमा नपरेका विद्यालयहरु छुट्याइएको उहाँले जनाउनुभयो । ८० भन्दा बढि अङ्क प्राप्त गर्नेलाई पहिलो, ६०…

काठमाण्डौ, २४ चैत । आउँदो सिजनमा सगरमाथा आरोहणका लागि अहिलेसम्म ७७ जनाले अनुमति लिएका छन् । पर्यटन विभागका अनुसार अहिलेसम्म सात आरोही समूहका १७ महिला र ६० पुरुषले अनुमति लिइसकेका छन् । अनुमति लिने क्रम चलिरहेको छ । यसैबीच सगरमाथा आरोहणका लागि बाटो निर्माण भइरहेको छ । खुम्बु आइसफल क्षेत्रमा चार वटा भर्‍याङ र १२ वटा किला ठोकिसकिएको विभागका निर्देशक लीलाधर अवस्थीले बताउनुभयो । दोस्रो शिविरसम्म दुई हजार दुई सय मिटरसम्म बाटो बनाउनुपर्नेमा अहिलेसम्म एक हजार एक सय मिटरसम्मको बाटो बनिसकेको छ । सगरमाथा क्षेत्रमा दुई दिनयता तीव्र बेगको हावा चलेकाले बाटो बनाउन कठिन भइरहेको बाटो बनाउने काम गरिरहेको संस्था…