झापा अनलाइन

झापा, ११ साउन । निजी तथा आवासीय विद्यालय अर्गनाइजेसन नेपाल (प्याब्सन) झापाले राष्ट्रिय आविष्कार केन्द्रका अध्यक्ष डा. महावीर पुनलाई सम्मान गरेको छ। प्याब्सन झापाका अध्यक्ष छत्रबहादुर कार्कीको अध्यक्षता तथा केन्द्रीय कार्यसमिति सल्लाहकार गोविन्द लम्सालको प्रमुख आतिथ्यतामा आयोजित कार्यक्रममा पुनलाई सम्मान गरिएको हो। सम्मानपछि पुनद्वारा लिखित आत्मकथा महावीर पुन: सम्झना, सपना र अविरल यात्रा पुस्तकको ५० प्रति खरिद गरिएको प्याब्सन झापाका सचिव लक्ष्मी प्रसाद उप्रेतीले जानकारी दिए। उनका अनुसार पुनको राष्ट्रव्यापी अभियानलाई सहयोग पुर्‍याउने उद्देश्यले पुस्तक खरिद गरिएको हो। कार्यक्रममा प्याब्सन कोशी प्रदेश उपाध्यक्ष कोषराज प्याकुरेल, पूर्व केन्द्रीय सदस्य राम सिटौला, मोहन सुब्बा, प्रमुख सल्लाहकार गौरीमान फागो, जिल्ला सल्लाहकार प्रभुकुमार श्रेष्ठ…

चारपाने, ११ साउन । नेपाल दशनामी समाज युवा समितिको तेस्रो झापा जिल्ला अधिवेशनका लागि भेला आयोजक समिति गठन भएको छ । झापाको बिर्तामोड–२ स्थित चारपानेमा भएको छलफलमा नेपाल दशनामी समाजका केन्द्र, प्रदेश, जिल्ला, नगरका बिभिन्न तह र तप्कामा रहेका प्रमुख तथा प्रतिनिधिहरुको उल्लेखिय उपस्थिति रहेको थियो । समाजको छलफलले युवा समितिलाई अझ सक्रिय बनाउँदै झापा जिल्लाको तेस्रो अधिवेशनको तयारीका लागि शनिबार भेला आयोजक समिति गठन गरेको छ । समाजको युवा समिति अधिवेशनका लागि भेला आयोजक समितिको संयोजकमा धनबहादुर पुरी (प्रजित) बिर्तामोडलाई जिम्मेवारी दिएको छ भने समितिको सचिवको जिम्मेवारी विशाल गिरी मेचीनगरलाई दिएको छ । त्यसैगरी सदस्यमा खेमराज गिरी, बिदुर गिरी…

झापा, ११ साउन । मौसम पूर्वानुमान महाशाखाले आज दिउँसो र राति हुन सम्भावित वर्षाबारे जानकारी दिएको छ। महाशाखाले बिहान ६ बजे जारी गरेको बुलेटिनअनुसार आज दिउँसो देशका पहाडी भूभागका केही स्थान तथा तराई भूभागका थोरै स्थानमा मेघगर्जन–चट्याङसहित मध्यम वर्षाको सम्भावना छ। कोसी प्रदेश, बागमती प्रदेश, गण्डकी प्रदेश र कर्णाली प्रदेशका पहाडी भूभागका एक–दुई स्थानमा भारी वर्षाको पनि सम्भावना छ। मधेस प्रदेश र लुम्बिनी प्रदेशका तराईमा हावाहुरी चल्ने सम्भावना छ। त्यस्तै, आज राति कोसी प्रदेश र सुदूरपश्चिम प्रदेशलगायत देशका पहाडी भूभागका केही स्थान तथा बाँकी तराई भूभागका थोरै स्थानहरूमा मेघगर्जन–चट्याङसहित मध्यम वर्षाको सम्भावना छ । कोसी प्रदेश, बागमती प्रदेश, गण्डकी प्रदेश,…

झापा, ११ साउन । दमक नगरपालिका–१ बरगाछीमा मर्निङ वाकमा निस्किएका दुई महिला जङ्गली हात्तीको आक्रमणमा परी घाइते भएका छन्। जिल्ला प्रहरी कार्यालयका अनुसार घाइते हुनेमा ४२ वर्षीया कविता राई र ४७ वर्षीया सुनिता राई रहेका छन् । प्रहरीका सूचना अधिकारी खगेन्द्रबहादुर खड्काका अनुसार आज बिहान घरबाट निस्केर बाटोमा हिँडिरहेका बेला नजिकैको जङ्गलबाट अचानक निस्किएको हात्तीले उनीहरूलाई सुँढले बेरेर लडाएको थियो। टाउको, हात, खुट्टा लगायत शरीरका विभिन्न भागमा चोट लागेका दुवै जनालाई तत्काल दमक अस्पतालमा उपचारका लागि लगिएको छ। सुनिता राईको अवस्था गम्भीर रहेको बताइएको छ। आक्रमणपछि हात्ती पुनः जङ्गलतिर फर्किएको थियो। झापाको जलथल, निचाझोडा र सामुदायिक वन क्षेत्रमा एक दर्जनभन्दा…

इलाम, १० साउन । कलाकार मुकेश गुरुङ चौँथो सिल्भर म्युजिक अवार्डमा ‘उत्कृष्ट आर्टिस्ट’को रुपमा सम्मानित भएका छन् । गुरुङले अभिनय गरेको घरबार हाम्रो पुर्वैतिर हो बोलको गीत उक्त अवार्डमा नोमिनेसनमा परेको थियो । उक्त गीतबाट उनले उत्कृष्ट मोडलको उपाधि हात पार्न सफल भएका हुन् । गीतमा मेलिना राई र कुमार प्रयास राईको सुमधुर स्वर रहेको छ भने शान्तिराम राईको शब्दमा संगीतकार अनिल कोयु राईले संगीत भरेका छन् । फिक्कलका गुरुङले हालसम्म १६ वटा गीतमा अभिनय गरिसकेका छन्। यसअघि पनि उनले हिमालयन इन्टरनेशनल अवार्डको पाँचौँ संस्करणमा समेत अवार्ड जितिसकेका छन् । सांगीतिक क्षेत्रमा आफ्नो छुट्टै पहिचान बनाएका मुकेशको यो सफलताले कलाकारिता…

झापा, १० साउन । झापाको हल्दीबारी गाउँपालिका–४ स्थित ओली चोकमा ग्यास लिक भएर भएको आगलागीमा एकजनाको ज्यान गएको छ। गत साउन ६ गते बिहान ८:४० बजे स्थानीय ६० वर्षीय पुण्यप्रसाद ओलीको तीनतले पक्की घरको दोस्रो तलाको भान्सामा रोटी पकाउने क्रममा ग्यासमा अचानक आगो सल्किएको हो। आगलागी नियन्त्रण गर्ने प्रयासमा घरका चारजना घाइते भएका थिए। घाइतेहरूलाई प्रारम्भिक उपचारका लागि ओमसाई पाथीभारा अस्पताल भद्रपुर लगिएको थियो। अवस्था गम्भीर भएका पुण्यप्रसाद ओलीलाई थप उपचारका लागि काठमाडौंस्थित कीर्तिपुर बर्न अस्पतालमा लगिएको थियो। सोही अस्पतालमा आज ओलीको निधन भएको हो। घाइतेमध्ये ५९ वर्षीया गोमा देवी र ३३ वर्षीय सन्तोष ओली उपचारपछि डिस्चार्ज भइसकेका छन्। आगलागीबाट…

भद्रपुर, १० साउन । झापाको भद्रपुर नगरपालिका-५ स्थित भित्री सडक खण्डबाट प्रहरीले गोली प्रहार गरी एकजनालाई नियन्त्रणमा लिएको छ। गोप्य सूचनाको आधारमा लागुऔषध नियन्त्रणका लागि खटिएको प्रहरी टोलीले आज दिउँसो एक जना भारतीय नागरिकलाई गोली प्रहार गरी नियन्त्रणमा लिएको हो। भद्रपुर नगरपालिका–५ स्थित भित्रि सडक खण्डमा लागुऔषध कारोबार भइरहेको खबरका आधारमा जिल्ला प्रहरी कार्यालय झापा र लागुऔषध नियन्त्रण ब्युरो काँकरभिट्टाबाट खटिएको टोलीले भारतको किसनगंज जिल्ला अन्तर्गत कोल्लिकोट थानाका ३६ वर्षीय मोहमद इस्लाम पक्राउ गरेको छ । शंकास्पद अवस्थामा हिँडिरहेको अवस्थामा फेला परेका उनले प्रहरीलाई देख्नेबित्तिकै आक्रमण गरेर भाग्न खोजेको जिल्ला प्रहरी कार्यालय झापाले जनाएको छ। त्यसक्रममा प्रहरीले दुई राउन्ड गोली…

निशान निरौला इलाम, १० साउन । “आफ्नो गाउँ आफैं बनाऔं” भन्ने नारालाई आत्मसात् गर्दै सूर्योदय नगरपालिका–६ तारगाउँ उत्तरे टोलका युवाहरूले गाउँको समग्र विकासमा सक्रिय भूमिका खेलिरहेका छन् । स्थानीय विकासप्रति जिम्मेवार भावना राख्दै उनीहरूले गत हप्ता र आज गरी दुई दिनसम्म निरन्तर सरसफाइ तथा मर्मत कार्यमा सहभागिता जनाएका छन् । पैदलयात्रीहरूको सहज आवागमनका लागि कच्ची बाटोको मर्मत गर्नुका साथै गुराँस फुल रापने, पानीको मुहान क्षेत्रको सफाइ र संरक्षणमा समेत उनीहरू सक्रिय देखिएका छन् । सडक सुधार, सरसफाइ अभियान, खानेपानी स्रोतको संरक्षण, विद्यालय सुधार, र रूखरोपणजस्ता गतिविधिमा सामूहिक श्रमदानमार्फत युवाहरूले श्रम, समय र सीपको योगदान दिँदै आएका छन् । यी अभियानले…

क्यान्सर काउन्सिलले कुकुरले छाला, कोलोरेक्टल, फोक्सो, डिम्बाशय, प्रोस्टेट र स्तन क्यान्सर पत्ता लगाउन सक्ने दावी गरेको छ। कतिपय जनावरहरूको सुँघ्ने शक्ति मान्छेको भन्दा कैयौँ गुणा बढी हुन्छ । त्यस्तोमा कुकुर पनि पर्छ । कुकुरमा भएको यही क्षमताका कारण मान्छेहरूले यसलाई विस्फोटक पदार्थ, लागुऔषध र अन्य अवैध वस्तुहरू पत्ता लगाउन प्रयोग गर्छन् । क्यान्सरजस्ता रोगहरू पत्ता लगाउन पनि कुकुरलाई प्रयोग गर्न सकिन्छ भन्ने कुरा वैज्ञानिकहरूले पत्ता लगाएका छन् । यही आधारमा अहिले यो विषयमाथि विभिन्न अनुसन्धानहरू भइरहेका छन् । यसबारे २०२३ मा ताइवानका वैज्ञानिकहरूले यसबारे अनुसन्धान गरेका थिए ।जसमा कुकुरले फोक्सोमा भएको क्यान्सर पत्ता लगाउन कुकुरको प्रयोग गरिएको थियो । नेशनल…

ताइवानी मिडियामा एक जना पुरुषको दुखद् निधनको समाचार प्रकाशित भएको थियो । ती व्यक्तिको मृत्युको कारणचाहिँ १० वर्षसम्म खिया लागेको एउटै थर्मस प्रयोग गर्दा सिसाको विषाक्तताका कारण भएको बताइएको छ । समाचार अनुसार ती व्यक्तिमा एक वर्षअघिबाट स्वास्थ्यसम्बन्धी समस्याहरू देखिन थालेका थिए । उनको रक्त परीक्षणले पनि शरीरमा कडा धातु विषाक्तता रहेको देखायो । जब चिकित्सकहरूले धातु विषाक्तताको कारण पत्ता लगाउने प्रयास गरे, त्यसबाट अनौठो तथ्य फेला पर्‍यो । ती व्यक्तिले पछिल्लो १० वर्षदेखि एउटै पुरानो थर्मसलाई दैनिक रुपमा प्रयोग गर्दै आएका थिए । उक्त थर्मसको जाँच गर्दा भित्री भागमा खिया तथा फोहोरको मात्रा जमेको थियो । उनले त्यहीँ थर्मसमा…