झापा अनलाइन

चन्द्रकला भण्डारी भद्रपुर, १५ भदौ । अदुवामा निकासी कर नलगाउन पुनरावेदन अदालत इलामले आज अन्तरिम आदेश जारी गरेको छ । झापा जिल्ला समन्वय समितिले काँकडभिट्टाबाट भारत निकासी हुने अदुवामा प्रतिट्रक रु पाँच हजार निकासी कर लगाएपछि त्यस विरुद्ध परेको रिटमा पुनरावेदन अदालत इलामले अर्को निर्णय नआउञ्जेल त्यस्तो कर नलगाउन आदेश जारी गरेको हो । नेपाल अदुवा उत्पादक सङ्घका तर्फबाट बिहीबार पुनरावेदन अदालत इलाममा निकासी कर रोकी पाउँ भनी बिहीवार रिट दायर गरिएको थियो । अधिवक्ता उत्तम पौडेलका अनुसार मुख्य न्यायाधीश प्रकाशचन्द्र गजुरेलले अदुवामा निकासी कर नलगाउनु भनी आज अन्तरिम आदेश जारी गर्नुभएको हो । अदालतले विपक्षी झापा जिल्ला समन्वय समितिलाई…

ताप्लेजुङ, १५ भदौ । न्यु स्टार झापाले ताप्लेजुङमा जारी पाथीभरा गोल्डकपको फाइनलमा प्रवेश गरेको छ । आज भएको सेमिफाइनलको अन्तिम खेलमा डिफेन्डिङ च्याम्पियन चर्च ब्वाइज काठमाडौँलाई २–१ गोल अन्तरले पराजित गर्दै न्यु स्टार फाइनलमा प्रवेश गरेको हो । पहिलो हाफमा लिएको अग्रतालाई जोगाउन नसक्दा चर्च ब्वाइजको फाइनलमा पुग्ने सपना पूरा हुन सकेन । खेलको ३८औँ मिनेटमा चर्च ब्वाइजका लागि बुद्धिमान राईले गोल गर्दै आफ्नो टिमलाई अग्रता दिलाएका थिए । तर दोस्रो हाफको दोस्रो मिनेटमा नै चर्च ब्वाइजका कप्तान रमेश दङ्गालले आत्मघाती गोल गरेपछि खेल बराबरीमा पुग्यो । बराबरीपछि निकै प्रतिस्पर्धात्मक देखिएको खेलको ९३औँ मिनेटमा न्यु स्टारका सनम राईले फ्रि किकमार्फत…

भद्रपुर, १५ भदौ । नेपाल निजामती कर्मचारी सङ्गठन झापाले स्व प्रमोद तामाङको स्मृति दिवसको अवसर पारेर आज पत्रकारसहित तीन जनालाई पुरस्कृत गरेको छ । सङ्गठनले स्व प्रमोद तामाङ सुशासन पत्रकारिता पुरस्कारबाट पत्रकार गोपाल काफ्ले तथा उत्कृष्ट राष्ट्रसेवक पुरस्कारबाट मेची अञ्चल अस्पताल भद्रपुरका डा गोविन्द कँडेल र जिल्ला हुलाक कार्यालय झापाका नासु अर्जुनप्रसाद पोखरेललाई पुरस्कृत गरेको हो । काफ्लेलाई नगद रु पाँच हजार १५१, उत्कृष्ट राष्ट्रसेवक पुरस्कारबाट सम्मानित कँडेल र पोखरेललाई नगद रु १० हजार १५१ नगदसहित सम्मान गरिएको छ । उनीहरुलाई जिल्ला समन्वयन समिति झापाका प्रमुख सोमनाथ पोर्तेलले सम्मान गर्नुभएको थियो ।

विराटनगर, १५ भदौ । प्रदेश नं १ को सुनसरी, उदयपुर र ताप्लेजुङ जिल्लाका विभिन्न स्थानमा एकै दिन चारजनाले आत्महत्या गरेका छन् । आत्महत्या गर्नेमा उदयपुर त्रिजुगा नगरपालिका–१ कङखोलाका ६१ वर्षीय लीलबहादुर विश्वकर्मा, ताप्लेजुङ फुङलिङ नगरपालिका–३ का २० वर्षीय सन्तोष पालुङवा, सुनसरी इटहरी उपमहानगरपलिका–८ भुर्कीका दिलीप सरदारको श्रीमती अन्दाजी ३२ वर्षीया आशा सरदार र सुनसरीकै धरान उपमहानगरपालिका–१३ सूर्यमार्गका २२ वर्षीय अभय राई रहेको प्रदेश नं १ प्रहरी कार्यालय विराटनगरले जनाएको छ । भदौ १४ आ–आफ्नै घरमा झुण्डी मृतावस्थामा उनीहरु फेला परेका थिए । यस सम्बन्धमा आवश्यक अनुसन्धान गरी स्वास्थ्य परीक्षणपछि शवलाई सम्बन्धीत परिवारलाई बुझाइएको प्रहरीले जनाएको छ ।

सुरुङ्गा, १५ भदौ । झापा गाउँपालिकामा यस वर्षको इद मिलन कार्यक्रम भव्य रुपमा सम्पन्न भएको छ । मदरसा समिति झापा गाउँपालिकाको आयोजनामा भएको इद मिलन कार्यक्रममा मुस्लिम र गैरमुस्लिम समुदायको उल्लेख्य सहभागिता रहेको थियो । कार्यक्रममा प्रमुख अतिथि प्रदेशसभा सदस्य हिराकुमार थापा रहनुभएको थियो । कार्यक्रममा झापा गाउँपालिकाकी उपाध्यक्ष कुन्तीदेबि बुडाथोकी, नेपाली कांग्रेस नेता देउमान थेबे, राजपा केन्द्रीय सदस्य मोतीलाल कामती, नेपाल महिला संघ केन्द्रीय सदस्य लखीदेवि गणेश, नेपाल कम्युनिष्ट पार्टीका झापा गाउँपालिका अध्यक्ष गजेन्द्र ताम्ली, टाघनडुब्बा स्रोत शिक्षक खड्गप्रसाद खरेल, वडाध्यक्ष हरिकुमार बानियाँ, शिक्षक महासंघ झापा गाउँपालिकाका अध्यक्ष जग्गनाथ राजबंशी, डिल्लीराज माविका प्रअ भवदेव राजवंशी, सदरसा समाजका संस्थापक अध्यक्ष…

कञ्चनपुर, १५ भदौ । कञ्चनपुर बेलडाँडी गाउँपालिका–१ का अन्दाजी १५ वर्षीया एक किशोरीमाथि बलात्कार भएको छ । तेह्र वर्षीया किशोरी निर्मला पन्तको बलात्कारपछि हत्या भएको घटना सेलाउन नपाउँदै बिहीबार राति २ बजेको समयमा ती किशोरीको बलात्कार भएको जिल्ला प्रहरी कार्यालय कञ्चनपुरका प्रहरी उपरीक्षक कुवेर कडायतले बताउनुभयो । किशोरीको घरमा पूजा चलिरहेका बेला पूजामा सहभागी हुन मोटरसाइकलमा आएका चार जना युवाले फोन गरी उनलाई सडकमा बोलाए परिवालाई उद्धृत गर्दै उहाँले भन्नुभयो, “जबर्जस्ती मोटरसाइकलमा लगेर जवदिया पु¥याएर बलात्कार गरिएको छ ।” “किशोरीको भनाइअनुसार एक जनाले मात्रै बलात्कार गरेको भनेको छ”, प्रहरी उपरीक्षक कुवेर कडायतले भन्नुभयो, “सहमतिमै भए पनि उमेर नपुगेकाले बलात्कार नै…

६९ वर्षका भइसकेका हलिउड अभिनेता रिचर्ड गेरेलाई रोमान्टिक स्टारको रुपमा संसारभर चिनिन्छ । रिचर्ड गेरेको आज जन्मदिन हो । उनको जन्म अमेरिकाको फिलाडेल्फियामा ३१ अगष्ट १९४९ मा भएको थियो । फिल्ममा आउनुभन्दा पहिले रिचर्ड थिएटरमा काम गर्थे । उनको डेब्यू फिल्म ‘लुकिङ फर मिस्टर गुडबार’ थियो जो १९७७ मा रिलिज भएको थियो । रिचर्डलाई भारतमा उनका फिल्मका अलावा उनको किसको विवादका कारण पनि चिनिन्छ । यो घटना अप्रिल २००७ को हो । त्यतिबेला रिचर्ड एड्ससम्बनिध जागरुकताका लागि भारतको राजस्थान जयपुरमा आएका थिए । यो कार्यक्रममा शिल्पा शेट्टी र रिचर्ड अतिथिको रुपमा पुगेका थिए । कार्यक्रम चल्दै गर्दा शिल्पा रिचर्डको हात…

निर्मला घिमिरे काठमाडौं, १५ भाद्र । ठगी गरेको आरोपमा वैदेशिक रोगजार विभागले २ सय ५८ मेनपावर कम्पनीको कारोबार रोक्का गरेको छ। रोक्का गरिएका मेनपावर कम्पनी मध्ये अधिकांश वैदेशिक रोजगारकोे नाममा सर्वसाधारणलाई ठगी गर्ने, सरकारले तोकेको भन्दा चर्को रकम असुल गर्ने, नेपालमा सबैभन्दा बढी रेमिट्यान्स भित्रिने वैदेशिक रोजगारलाई अर्मयादित बनाउने, गैह्रकानुनी काम गर्नेलगायतको आरोप लागेको छ। विभागले मेनपावर कम्पनीलाई पीडितले दिएको उजुरी र प्रमाणका आधारमा कारोबार रोक्का गर्दै आएको हो। विभागका सूचना अधिकारी उद्धवप्रसाद रिजालले मेनपावर कम्पनीहरुले नियम विपरित कारोवार गर्ने सर्वसाधारणलाई ठगी गर्ने गरेको र त्यस्ता मेनपावर कम्पनीलाई पीडितको उजुरी र प्रमाणको आधारमा रोक्का गरिँदै आएको बताए। रिजालले सर्वसाधारण जनतालाई…

कञ्चनपुर, १५ भदौ । कञ्चनपुरको बेल्डाँडी गाउँपालिकामा बिहीबार राति एक किशोरी सामूहिक बलात्कृत भएकी हुन् । पीडितले इलाका प्रहरी कार्यालय, बेल्डाँडीमा दिएको जानकारी अनुसार उनीमाथि सामूहिक बलात्कार भएको छ । कञ्चनपुरका प्रहरी प्रमुख एसपी कुवेर कडायतले घटनाको बारेमा प्रहरीमा मौखिक जानकारी आएको र आफू घटनास्थल पुगेको जानकारी दिए । प्रहरीका अनुसार पीडित युवतीको स्वास्थ्य परीक्षण गरिदै छ । किशोरीको घरमा बिहीबार पुजा भएको वेलामा एक युवकले उनलाई बोलाएर घरबाहिर भन्दा अल्लि परबाट मोटरसाइकलमा लगेर बलात्कार गरेका बताइएको छ । साथै प्रहरीले बलात्कारी परिचित रहेको बताएको छ भने उनीहरुको खोजी कार्य जारी छ । गएको साउन १० गते बलात्कारपछि हत्या गरिएका…

काठमाडौँ, १५ भदौ । नेपाली फुटबल टोली आइतबार बङ्गलादेश जाने भएको छ । ढाकामा हुने १०औँ साफ च्याम्पियनशिपमा भाग लिन २९ सदस्यीय नेपाली टोली त्यसतर्फ जान लागेको हो । अखिल नेपाल फुटबल सङ्घ (एन्फा)का प्रवक्ता किरण राईका अनुसार प्रतियोगितामा आयोजक बङ्गलादेशसहित भूटान, भारत, माल्दिभ्स, नेपाल, पाकिस्तान र श्रीलङ्काले प्रतिस्पर्धा गर्नेछन् । नेपालसहित बङ्गलादेश, पाकिस्तान र भूटान समूह ‘ए’मा तथा भारत, माल्दिभ्स र श्रीलङ्का समूह ‘बी’ मा छन् । नेपाली टोलीमा किरणकुमार लिम्बू, विकेश कुथु, एलन न्यौपाने, दिनेश राजवंशी, देवेन्द्र तामाङ, विराज महर्जन, अनन्त तामाङ, आदित्य चौधरी, रोहित चन्द, सुमन अर्याल, हेमन्त थापा मगर, हेमन गुरुङ, विशाल राई, सुनिल वल, सुजल…