झापा अनलाइन

भद्रपुर, १३ भदौ । झापाको भद्रपुर नगरपालिकाले तीजमा दर खानकै लागि दुई लाख रुपैयाँ बजेट छुट्याएको पाईएको छ । त्यो पनि जनताबाट उठाएको करबाट । संस्कृति जर्गेर्ना, मठ मन्दिर, गुम्बा निर्माणका लागि छुट्याएको बजेटबाट तीजमा नगरका दिदीबहिनीलाई दर खुवाउने तयारी गरेको खुलेको हो । नगरले दर पकाउनै एक होटललाई ६५ हजार रुपैयाँ समेत दिएको छ । भदौ २२ गते नगरका करिब ४ सय महिलालाई तीजको नाममा भोजनै लगाउने तयारी नगरले गरेको स्रोतले बताएको छ । यसैबिच जनताको करबाट संकलित रकमले महिला उत्थानको नाममा तीज विषेश भन्दै दर खुवाउने चर्चा चले सँगै यसको बिरोध पनि सुरु भएको छ । मंगलबार मात्र…

विराटनगर, १० भदौ । मोरङ उत्तरी क्षेत्रको मिक्लाजुङ गाउँपालिका–५ की तिलमाया थापाले सामुदायिक वनबाट एक वर्षे निब्र्याजी ऋण लिएर बाख्रा पालन शुरु गर्नुभयो । त्यसबाट उहाँले राम्रो आयआर्जन गर्न थाल्नुभएको छ । गरीबी निवारण कार्यक्रमअन्तरगत उक्त गाउँपालिका –५ स्थित श्री नमूना हरियाली सामुुदायिक वनले निब्र्याजी ऋण प्रदान गरेपछि सो क्षेत्रमा वनसँग जोडिएका उपभोक्ताको जीवनस्तरमा सुुधार आउन थालेको छ । सोही वडाकी एकल महिला गोमा सिटौलाले सामुुदायिक वनबाट रु ५० हजार लिएर थालेको व्यवसायबाट मुनाफा लिन थाल्नुभएको छ । यस्तै सामुुदायिक वनका अध्यक्ष थलबहादुुर कार्कीले ऋण लिएर छ माउ बाख्रा पाल्न शुुरु गर्नुुयो । अहिले उहाँसँग ४० भन्दा बढी खसी, बोका…

इटहरी, १० भदौ । सुनसरीको इटहरी उपमहानगरपालिका क्षेत्रको विभिन्न वडामा पशुमा खोरेत रोग फैलिएको छ । खोरेत रोग देखा परेपछि किसानमा पशु मर्ने त्रास बढेको छ । गाईमा सबैभन्दा बढी खोरेत देखिएको छ । दुई सयभन्दा बढी पशु चौपाया बिरामी परेको इटहरी–५ का बाबु घिमिरेले बताउनुभयो । पशु प्राविधिकलाई जाँचका लागि बोलाएपनि रोग नियन्त्रणमा आउन नसकेको उहाँले बताउनुभयो । रोग फैलिदै गएपछि किसान चिन्तत बनेका छन् । गाईवस्तुले घाँस नखाने र मुखबाट ¥याल काढ्ने गरेका छन् । रोगबारे जानकरी गराउँदा पनि पशु प्राविधिकले ध्यान नदिएको किसानको गुनासो छ । रोग लागेपछि गाईले दूध दिन छोडेको इटहरी हलगडाका लाल चौधरीले बताउनुभयो…

काठमाडौँ, १० भदौ । सरकारले युवा स्वरोजगारका लागि केही युवालाई विनाधितो ऋण लगानी गर्ने भएको छ । श्रम, रोजगार तथा सामाजिक सुरक्षामन्त्री गोकर्ण विष्टले युवा स्वरोजगार उत्पादन तथा उद्यमशीलताको विकासका लागि विनाधितो ऋण लगानी गर्ने बताउनुभयो । किङ्स कलेजले आयोजना गरेको ‘युनस सोसियल विजिनेस च्यालेञ्ज २०१८¬’ को यहाँ उद्घाटन गर्दै मन्त्री विष्टले भन्नुभयो, “हजारौँ युवामा श्रम र उद्यमशीलताबाट टाढिने मानसिकताका कारण बेरोजगारीको समस्या बढेको छ । सानो पूँजीको अभावमा पनि कोही युवा उद्यमशील बन्नबाट बञ्चित हुनु पर्ने छैन । केही हजार युवालाई स्वरोजगार बनाउने गरी विनाधितो पाँचदेखि १० लाख ऋण लगानी गर्न सरकार तयार छ ।” युवा स्वरोजगारका लागि चालू…

केदार मगर खोटाङ, १० भदौ । वैदेशिक रोजगारीका सिलसिलामा साउदी अरब पुगेर अलपत्र परेका खोटाङका १३ सहित ३८ नेपाली कामदारलाई कम्पनीले काम र दाम दुवै उपलब्ध गराउने सहमति भएको छ । साउदी अरबमा ३८ नेपाली कामदार अलपत्रसम्बन्धी समाचार राष्ट्रिय समाचार समिति ९रासस० मार्फत विभिन्न सञ्चार माध्यममा प्रकाशन तथा प्रशारण भएको महिना दिनपछि वैदेशिक रोजगार विभागको रोहबरमा म्यानपावर सञ्चालक र कामदारको आफन्तबीच यस्तो सहमति भएको हो । सम्झौता पत्रमा सबै कामदारलाई सरसफाईको काम दिइने, एक दिनमा आठ घन्टा, महिनामा २६ दिन काम गर्नुपर्ने, तलब साउदी रियाल एक हजार र २०० खाना खर्च दिइने, बस्ने, यातायात, सुरक्षा आदि कम्पनीले उपलब्ध गराउने, परिचयपत्र…

लहान, १० भदौ । आफ्नै छोराको कुटपिटबाट गम्भीर घाइते सिरहाको लहान नगरपालिका–१८ मनर्वाका एक जनाको मृत्यु भएको छ । घरायसी विवादमा २५ वर्षीय छोरा सञ्जय सदायको कुटपिटबाट गम्भीर घाइते भएका ४५ वर्षीय बुबा उमेश सदायको उपचारको क्रममा शनिबार साँझ विराटनगरस्थित न्यूरो अस्पतालमा मृत्यु भएको प्रहरीले जनाएको छ । छोराको कुटपिटबाट गम्भीर घाइते भएका सदायको लहानस्थित रामप्रसाद उमा स्मारक अस्पतालमा भर्ना गरिएकोमा त्यहाँ उपचार सम्भव नभएपछि थप उपचारका लागि न्यूरो अस्पताल विराटनगर भर्ना गरिएको थियो । उपचारका क्रममा शनिबार उहाँको मृत्यु भएको इलाका प्रहरी कार्यालय लहानले जनाएको छ । बाबुलाई कुटपिट गर्ने सञ्जयलाई पक्राउ गरी आवश्यक अनुसन्धान भइरहेको प्रहरीको भनाइ छ…

अजयकुमार साह धनुषा, १० भदौ । जनकपुरसहित सम्पूर्ण मिथिलाञ्चल र मधेश क्षेत्रमा दिदीबहिनीले आफ्ना दाजुभाइको नाडीमा दीर्घायु तथा सुस्वास्थ्यको कामना गर्दै राखी बाँध्दै रक्षा बन्धन पर्व धुमधाम साथ आज मनाइरहेका छन् । मधेशी समुदायमा रहेको राखी बाँध्ने चलन पछिल्ला वर्षहरुमा पहाडी समुदायमा पनि आएको देखिन्छ । यस दिन दिदीबहिनीहरूले आफ्ना दाजुभाइको हातमा राखी बाँधेर दीर्घायु र प्रगतिको कामना गर्दछन् । दाजुभाइले दिदीबहिनीलाई केही उपहार अथवा दक्षिणा पैसा दिन्छन् तथा बहिनीको रक्षा गर्ने वचन दिन्छन् । रक्षाबन्धनका दिन दिदीबहिनीले आफ्ना दाजुभाइलाई याद गर्ने र सोहीअनुरुप दाजुभाइले पनि बहिनीलाई याद गरेर अनिवार्य रुपमा उनीहरु कहाँ पुगेर आफ्ना दिदीबहिनीसँग राखी ९रक्षासुत्र० बाँधेर एक…

नवलपरासी, १० भदौ । सुस्ताको विवादित भूमिमा भारतीय पक्षले सडक बिस्तार गर्न खोजेपछि पुनः विवाद सिर्जना भएको छ । विवादित भूमि मानिएको क्षेत्रमा भारतीय पक्षले सडक बिस्तार गर्न खोजेपछि नेपाली पक्षले सो बाटो बिस्तारमा रोक लगाउन खोजेपछि विवाद सिर्जना भएको हो । विसं २०६४ मा नेपाल र भारतका उच्च अधिकारीबीच सुस्ताको विवादित भूमिमा दुवै पक्षबाट कुनै पनि सडक बिस्तार, खेती गर्नेलगायतका काम नगर्ने सहमति भएको थियो । यद्यपि पछिल्लो पटक सुस्ताको विवादित भूमिमा भारतीय पक्षबाट सडक बिस्तार गर्न खोजिएको सुस्ता बचाउ अभियानका उपाध्यक्ष आदम खाँले जानकारी दिनुभयो । खाँका अनुसार भारतीय पक्षले विवादित भूमिमा सडक बिस्तार गर्न खोज्दा नेपाली पक्षले…

गौरादह, ९ भदौ । गौरादह –१ भूपु शैनिक चौकमा रहेको मच्छेश्वर शिवालय मन्दिरको आय–व्यय सार्वजनिक गरिएको छ । मन्दिर परिसरमा आयोजना गरिएको कार्यक्रममा समितिका कोषाध्यक्ष मेख बहादुर विष्टले आम्दानी खर्च ९ लाख रहेको आय–व्यय सार्वजनिक गरेका थिए । मन्दिरको आम्दानी मन्दिर परिसरमा भवन निर्माण, धारा, बिजुली जडानमा खर्च भएको जनाएका थिए । सो स्थानमा नयाँ मन्दिर भवन निर्माणका लागि निकट भविष्यमा शिव पुराण आयोजना गर्ने निर्णय गरिएको छ । मन्दिर कार्यसमितिको अध्यक्ष इन्दिरा विष्ट को सभापतित्वमा सम्पन्न कार्यक्रममा वडा नं. १ का वडाध्यक्ष नगेन्द्र भण्डारी प्रमुख अतिथि रहेका थिए । गौरादह दुर्गा मन्दिर अध्यक्ष खगेन्द्र कार्की, वडा सदस्य कोमल प्रसाद…

महेन्द्रनगर, ९ भदौ । प्रदेश नं २ सरकारले रक्षाबन्धनका अवसरमा सार्वजनिक बिदाको दिएको छ । आइतबार हुने रक्षाबन्धनका लागि प्रदेश २ का सरकारका तर्फबाट आन्तरिक मामिला तथा कानूनमन्त्री ज्ञानेन्द्रकुमार यादवले बिदाबारे सूचना प्रकाशित गरी जानकारी दिनुभयो । यसअघि प्रदेश सरकारले बिदा दिए पनि सङ्घीय सरकारको मातहतमा रहेका निकाय तथा अदालतले बिदा दिन अस्वीकार गर्दै आएका थिए । प्रदेश २ भित्रका सम्पूर्ण सरकारी कार्यालय, अदालत, बैंक तथा वित्तिय संस्था, संस्थान र विद्यालयमा सार्वजनिक बिदा कार्यान्वयन गराउन सम्बन्धित सबैका लागि सूचना प्रकाशित गरिएको छ । मधेशका जिल्लामा दिदीबहिनी तथा दाजुभाइको प्रेमको प्रतीक मानिएको रक्षाबन्धन धुमधाम साथ मनाइँदैछ । रक्षाबन्धनमा दिदीबहिनीले दाजुभाइलाई रक्षाबन्धन…