झापा अनलाइन

इलाम, २२ वैशाख । इलामको पर्यटकीय गन्तव्य अन्तु पोखरी चार दशकअघिसम्म भैँसी चरन क्षेत्र थियो । विसं २०४० सम्म यहाँ चार गाउँका मान्छेले भैँसी चराउँथे । एकापट्टि पानीको आल थियो । अन्त पानी सुके पनि यहाँ कहिल्यै सुक्थेन । वरिपरि घर थिएन । जङ्गल पनि थिएन । तर, दिउँसै रात परेजस्तो सुनसान हुन्थ्यो । त्यो बेला दिउँसै रातपर्ने अन्तु पोखरी आसपासमा अहिले मध्यरातसम्म उज्यालै हुन्छ । “हामी केटाकेटी हुँदा २०–२२ भैँसी चराएको । अन्तु डाँडा, बुधेडाँडा, उनीउटार, तकपत, छिरुवातिरका भैँसी चराउन र पानी खुवाउन यहाँ ल्याइन्थ्यो”, स्थानीय खगराज घिमिरेले भन्नुभयो, “दुई बजेपछि अन्धकार हुने । मान्छे हिँड्नै डराउँथे । भैँसी…

बिर्तामोड, २२ बैशाख । झापाको बिर्तामोड नगरपालिका वडा नम्बर १ मा बालक्लबका पदाधिकारीहरुलाई प्रतिवेदन लेखन तालिम सम्पन्न भएको छ । आदर्श बालक्लबका २९ जना बालबालिकाहरुको लागि आयोजित २ दिने तालिम सम्पन्न भएको हो । योसंगै सामाजिक सञ्जालको प्रयोग, लागुपदार्थ दुर्व्यसनी, व्यक्तिगत घटना दर्ता लगायतका विषयमा तालिम प्रदान गरिएको वडासचिब जानुका बस्नेतले जानकारी दिनुभयो । तालिममा चेतना नेपालका सञ्चालक ईन्द्रप्रसाद ओली र प्रेम कुमार सेडाईले प्रशिक्षण प्रदान गर्नु भएको थियो ।समापन कार्यक्रमका प्रमुख अतिथि बिर्तामोड १ का वडाअध्यक्ष तथा नगरका प्रवक्ता अग्निप्रसाद पाण्डेले देशको नेतृत्वमा पुग्ने बालबालिकाहरुलाई यस प्रकारको ज्ञान आवश्यक भएकोले तालिमको आयोजना गरिएको बताउनु भयो । आगामी वर्षको बजेटमा…

झापा, २२ बैशाख । पहाडी र हिमाली भूभागमा साधारणतया बादल लाग्नेछ भने तराईमा आंशिक बादल लाग्नेछ । जल तथा मौसम विज्ञान विभाग, मौसम पूर्वानुमान महाशाखाका अनुसार आज कोशी र गण्डकी प्रदेशका केही स्थानहरु तथा बाँकी प्रदेशका थोरै स्थानहरुमा मेघगर्जन, चट्याङसहित मध्यमसम्मको वर्षा र हिमपात हुने छ । त्यसैगरी, आज राति कोशी, मधेस, बागमती र गण्डकी प्रदेशमा साधारणतया बादल लाग्नेछ भने बाँकी प्रदेशमा आंशिक बादल लाग्नेछ । कोशी, मधेस र बागमती प्रदेशका थोरै स्थानहरुमा मेघगर्जन, चट्याङसहित मध्यम वर्षा हुने छ भने बाँकी प्रदेशका एकदुई स्थानमा मेघगर्जन, चट्याङसहित मध्यम वर्षा÷हिमपातको सम्भावना रहेको छ महाशाखाले जनाएको छ ।

देवेन्द्र के. ढुङ्गाना  नागरिकता पुरिएको बस्तीमा माटोले चिच्याइरहेको छ— ‘हामी छौँ, हामी जिउँदै छौँ!’ सिमसिम पानीले धोइरहेको छैन पीडा, बरु झन् प्रष्ट देखाइरहेको छ राज्यको संवेदनहीन अनुहार। त्यहीँ, चिसो हावासँग काँप्दै जीर्ण अस्थिपंजर जस्तो जीवन बोकेर मिनाकुमारीहरु उभिएकी छन्— आँखाभरि प्रश्न, हातभरि खालीपन, र मनभरि अधुरो अस्तित्व बोकेर । उनीहरु खोजिरहेकी छिन्— कुनै सुन होइन, कुनै सम्पत्ति होइन, एउटा कागज— तर त्यो कागज होइन केवल कागज, त्यो हो नाम, पहिचान, अधिकारको ढोका खोल्ने साँचो- नागरिकता । तर डोजरले बुझेन कागज र अस्तित्वबीचको सम्बन्ध। डोजरले देखेन किताबका पानामा लुकेको भविष्य, नागरिकतामा लेखिएको जीवन। तयारीविहीन निर्णयका फलस्वरूप राज्यले चलायो आफ्नो शक्ति— तर…

दिपक चन्द भद्रपुर, २१ बैशाख । वर्षैभरि प्रायः सुनसान रहने देशकै पुरानो सहर भद्रपुर बजारमा यतिबेला भने चहलपहल बढ्न थालेको छ । नेपाल सरकारले सीमावर्ती भन्सार नाकामा कडाइ गरेसँगै स्थानीय बजारमा व्यापारिक सम्भावना देखिन थालेपछि यहाँका नेपाली व्यवसायीहरु खुसी भएका छन् । लामो समयदेखि भारतीय बजारमा निर्भर रहेका उपभोक्ता र व्यापारीहरू क्रमशः स्वदेशी बजारतर्फ फर्किन थालेपछि भद्रपुरको व्यापारमा सकारात्मक सङ्केत देखिएको छ । भारततर्फबाट नेपाल ल्याउँदा रु एक सयभन्दा बढीका सामानमा भन्सार लाग्ने भएपछि नेपालतर्फबाट बजार चलायमान हुन थालेको स्थानीयहरु बताउँछन् । झापाको भद्रपुर आसपासका स्थानीयका लागि भारतको विहार राज्यअन्तर्गत पर्ने गलगलिया बजार प्रमुख किनमेल केन्द्रका रूपमा स्थापित थियो ।…

रुकुम पूर्व, २१ बैशाख । रोल्पाको धार्मिक तथा पर्यटकीय स्थल जलजला जाने क्रममा वैशाख १७ गते भएको जीप दुर्घटनामा ज्यान गुमाएका रुकुम पूर्व सिस्ने गाउँपालिका–५ टाकुराका एकै परिवारका ६ जनाको पाँच दिनपछि सामूहिक अन्त्येष्टि गरिएको छ । विदेशमा रहेका आफन्तहरू आइपुगेपछि सोनोभेरी नदी किनारमा मृतकहरूको सामूहिक अन्त्येष्टि गरिएको हो । अन्त्येष्टि गरिएकाहरूमा गोर्ख बहादुर बुढाथोकी, तिलकुमारी बुढाथोकी, युवा बुढाथोकी, दिव्यन बुढाथोकी र सुदीप बुढाथोकी रहेका छन् । एउटै घरबाट लगातार शवयात्रा निस्कँदा टाकुरा गाउँ शोकमग्न बनेको छ । बैशाख पूर्णिमाको अवसरमा जलजला दर्शनका लागि जाँदै गरेको लु १ ज ४१६७ नम्बरको जीप दुर्घटनामा परेर २० जनाको ज्यान गएको थियो ।…

झापा, २१ बैशाख । जिल्ला प्रहरी कार्यालय झापाले चोरी मुद्दामा संलग्न रहेको आशंकामा दुई जनालाई नियन्त्रणमा लिएको छ। प्रहरीका अनुसार बैशाख २० गते राति करिब २१:४५ बजे भद्रपुर नगरपालिका–५ स्थित मेचीपुल क्षेत्रमा भारतबाट नेपालतर्फ पैदल आउँदै गरेका व्यक्तिहरूलाई शंकास्पद अवस्थामा फेला पारिएको थियो । नियन्त्रणमा लिइएका व्यक्तिहरूमा झापा बिर्तामोड नगरपालिका–४ नयाँबाडी बस्ने ३२ वर्षीय आसिक आलम (मोहमद कलुवाका छोरा) र भारत, पश्चिम बंगाल घर भएका अङसार आलम रहेका छन् । उक्त व्यक्तिहरूले मिति २०८२/०८/०२ गते अर्जुनधारा नगरपालिका–६ कप्तानबारीमा ४० वर्षीय दुर्गा बहादुर पौडेल खत्रीको घरमा चोरी गरेको भन्ने आरोपमा इलाका प्रहरी कार्यालय अनारमनीमा मिति २०८२/१२/०१ गते किटानी जाहेरी दर्ता भएको…

झापा, २० बैशाख । झापा र सुनसरी जिल्लाको विभिन्न स्थानबाट लागुऔषध ब्राउनसुगर सहित ७ जनालाई पक्राउ गरिएको छ । झापाको मेचीनगर नगरपालिका–६ स्थितमा औषध नियन्त्रण ब्युरो काँकरभिट्टा र इलाका प्रहरी कार्यालय काँकरभिट्टाको प्रहरी टोलीले चेकजाँचको क्रममा मेचीनगर–१३ का रोहन राजबंशी, मेचीनगर–९ का मनिष उप्रेती र मेचीनगर–६ का मिलन कार्कीलाई ४ ग्राम १५० मिलिग्राम ब्राउन सुगर सहित र सर्लाही लालबन्दी नगरपालिका–२ का जिम्स खत्रीलाई १ ग्राम ६२० मिलिग्राम र शिवसताक्षी नगरपालिका–७ का रोहित भण्डारीलाई ७८० मिलिग्राम ब्राउन सुगरसहित पक्राउ गरेको छ । चेकजाँचकै क्रममा इलाका प्रहरी कार्यालय कुमरखोदले झापा गाउँपालिका–२ का समिर प्रसाईलाई २ ग्राम ५६० मिलिग्राम ब्राउन सुगर सहित र…

बुद्धशान्ति, २० बैशाख । बुद्धशान्ति प्रेस क्लब बुद्धशान्ति झापाले पाँचौं वार्षिक साधारण सभा सम्पन्न भएको छ । प्रेस क्लबका अध्यक्ष तीर्थराज तिम्सिनाको सभापतित्व तथा नेपाल पत्रकार महासंघ झापा शाखा सह–सचिब तिलक तामाङको प्रमुख आतिथ्यतामा साधारण सभा गरिएको हो । सभाको उद्घाटन पश्चात बोल्दै प्रमुख अतिथि तामाङले पछिल्लो समय सरकारले मिडियामा नाकाबन्दी लगाउने किसिमको निर्णय गरेकाले पत्रकारिता क्षेत्रमा दिनानुदिन चुनौतीहरु थपिदै गइरहेको बताएका छन् । उनले सरकारले सरकारी विज्ञापन सरकारी पत्रिकामा मात्रै प्रकाशित गर्नुपर्ने निर्णय गरेकाले सरकारको उक्त निर्णय तत्काल फिर्ता गर्नुपर्ने धारणा राखेका थिए । उनले स्थानीय सञ्चारमाध्यमलाई टिकाउन स्थानीय निकायको प्रमुख दायित्व रहेकोले स्थानीय निकायले स्थानीय सञ्चारकर्मी र मिडियाका…

झापा, २० वैशाख । कोशीका आन्तरिक मामिला राज्यमन्त्री उमाकान्त गौतमले झापाको कोटीहवन क्षेत्रमा रहेका धार्मिक तथा थर, गोत्रीय संरचनाको संरक्षणमा प्रदेश सरकार चनाखो , सचेत र प्रतिबद्ध रहेको बताएका छन् । गौतम समाज झापा केन्द्रीय समितिले आयोजना गरेको श्रीमद्भागवत महोत्सवको उद्घाटन गर्दै राज्यमन्त्री गौतमले कोटीहवन क्षेत्र ऐतिहासिक धार्मिक क्षेत्र भएकोले यसको संरक्षण संघ, प्रदेश र स्थानीय सरकार साझा दायित्व भएको स्पष्ट पारे । “अहिले डोजर आतंक मच्चाइएको छ, यहाँ पनि डोजर चल्ने हावादारी हल्ला चलेको सुनेको छु, यो हल्लामा कुनै सत्यता छैन” उनले भने,” यो ऐतिहासिक र धार्मिक पर्यटकीय क्षेत्र हो, यहाँ डोजर चल्ने कुरा कसैले चलाएको लहडको हल्ला हो,…