झापा अनलाइन

झापा, ९ भदौ । मौसम पूर्वानुमान महाशाखाले आज दिउँसो र रातिको सम्भावित मौसम तथा वर्षाबारे जानकारी दिएको छ। महाशाखाले आज बिहान ६ बजे जारी गरेको २४ घण्टे बुलेटिनअनुसार आज दिउँसो देशभर साधारणतया बदली (आकाशभरि बादल) रहनेछ। कर्णाली प्रदेश र सुदूरपश्चिम प्रदेशका पहाड र तराई भूभागका धेरै स्थान तथा बाँकी प्रदेशका पहाड भूभागका केही स्थान र तराईका थोरै स्थानमा मध्यम वर्षाको सम्भावना छ। कर्णाली प्रदेश र सुदूरपश्चिम प्रदेशका पहाड र तराई भूभागका एक–दुई स्थानमा भारी वर्षाको सम्भावना छ। लुम्बिनी प्रदेश र सुदूरपश्चिम प्रदेशका तराई भूभागमा हुरीको पनि सम्भावना छ। त्यस्तै, आज राति देशभर साधारणतया बदली रहनेछ। बागमती प्रदेश, गण्डकी प्रदेश र…

झापा, ८ भदौ । संघीय मामिला तथा सामान्य प्रशासन मन्त्रालयले आर्थिक वर्ष २०८१/८२ का लागि सार्वजनिक गरेको स्थानीय तह संस्थागत क्षमता स्वमूल्याङ्कन (लिजा) नतिजामा झापाको कनकाई नगरपालिकाले सबैभन्दा धेरै ८६ अंक प्राप्त गर्दै प्रथम स्थान हासिल गरेको छ। त्यस्तै, दमक नगरपालिकाले ८३.२५ अंकसहित दोस्रो र भद्रपुर नगरपालिकाले ८१.५० अंकसहित तेस्रो स्थान प्राप्त गरेका छन्। मेचीनगर र बिर्तामोड नगरपालिकाले समान ७५.५० अंक प्राप्त गरेका छन्। मूल्याङ्कनमा प्रयोग गरिएका ११ सूचकहरू यसप्रकार छन्: शासकीय प्रबन्ध संगठन तथा प्रशासन बजेट तथा योजना व्यवस्थापन वित्तीय तथा आर्थिक व्यवस्थापन सेवा प्रवाह न्यायिक कार्यसम्पादन भौतिक पूर्वाधार सामाजिक समावेशीकरण वातावरण तथा विपद् व्यवस्थापन सहकार्य तथा समन्वय अन्य…

झापा, ८ भदौ । नेपाल कम्युनिस्ट पार्टी (माओवादी केन्द्र) अध्यक्ष पुष्पकमल दाहाल ‘प्रचण्ड’ले कृषि, उद्योग, जडीबुटी, पर्यटन जस्ता स्थानीय सम्भावनामा आधारित आत्मनिर्भर अर्थतन्त्र निर्माण तथा पार्टीलाई समाजवादतर्फ रूपान्तरण गर्ने आधार उत्पादन भएको बताउनुभएको छ । आज पार्टी केन्द्रीय कार्यालय पेरिसडाँडामा भएको आर्थिक उत्पादन विभागको पहिलो बैठकमा उहाँले भन्नुभयो, “हामी समाजवादको यात्रातर्फ जाँदैछौँ भने त्यसको मूल आधार उत्पादन हो । उत्पादनका निम्ति सिङ्गो पार्टी केन्द्रित नभई समाजवाद सम्भव हुँदैन ।” हेटौँडा महाधिवेशनले लिएको ‘युद्ध होइन, उत्पादन सङ्घर्ष’ निर्णय कार्यान्वयन गर्न नसकिएको स्वीकार गर्दै अब पार्टीले जनतासँग प्रत्यक्ष जोडिन, समुदायमा फर्किन र उत्पादनलाई प्राथमिकतामा राख्न अभियान चलाउने अध्यक्ष दाहालले बताउनुभयो ।

झापा, ८ भदौ । विभागीय टोली एपिएफ फुटबल क्लबले एन्फा यु–१६ यूथ लिगमा आइतबार मच्छिन्द्र फुटबल क्लबविरुद्ध २–१ को रोमाञ्चक जित दर्ता गरेको छ । जितसँगै १४ खेलमा २६ अङ्क जोडेको एपिएफ छैटौँ स्थानमा उक्लिएको छ । पराजित मच्छिन्द्र समान खेलबाट २७ अंका साथ चौथो स्थानमा छ । सातदोबाटोस्थित एन्फा मुख्यालय मैदानमा एपिएफलाई जित दिलाउन सुजन तामाङ र पुजन ढकालले गोल गरे । अर्को खेलमा छहारी यूथ क्लब र राप्ति फुटबल क्लबले अङ्क बाँडेका छन् । सातदोबाटोस्थित एन्फा कम्प्लेक्समा सम्पन्न खेलमा यी दुई टोलीले गोलरहित बराबरी खेलेका हुन् ।

झापा, ८ भदौ । नेपालको संविधान घोषणा भएको एक दशक पुगेको अवसरमा यस वर्ष संविधान दिवस तथा राष्ट्रिय दिवस, २०८२ भव्य रूपमा मनाउन मूल समारोह समिति गठन गरिएको छ। प्रधानमन्त्री केपी शर्मा ओलीको अध्यक्षतामा शुक्रबार सिंहदरबारमा बसेको बैठकले असोज २, ३ र ४ गते नेपालभित्र तथा विदेशस्थित नेपाली नियोगहरूमा दीपावलीलगायत विविध कार्यक्रम गरी दिवस मनाउने निर्णय गरेको हो। २०७२ असोज ३ गते जननिर्वाचित संविधानसभाबाट सङ्घीय लोकतान्त्रिक गणतन्त्रको व्यवस्थासहितको संविधान जारी भएको दिनलाई राष्ट्रिय दिवसको रूपमा मनाइन्छ। यस वर्ष संविधान जारी भएको १० वर्ष पुगेकाले नेपाल सरकारले दिवसलाई विशेष उत्सवका रूपमा मनाउने तयारी गरेको छ। मूल समारोह समिति र कार्यक्रमहरूसमितिमा उपप्रधानमन्त्री,…

झापा, ८ भदौ । नेपाल पत्रकार महासङ्घ कोशी प्रदेश समितिले प्रदेश सरकारले ल्याएको ‘कोशी प्रदेश आमसञ्चार विधेयक’ संविधानले प्रत्याभूत गरेको पूर्ण प्रेस स्वतन्त्रताको मर्म विपरीत रहेको भन्दै चरणबद्ध आन्दोलनको घोषणा गरेको छ। महासङ्घले उक्त विधेयक स्वतन्त्र प्रेसमाथि अङ्कुश लगाउने उद्देश्यले ल्याइएको निष्कर्ष निकाल्दै यसलाई अस्वीकार गर्ने स्पष्ट गरेको छ। महासङ्घकी महासचिव हिमाकुमारी चेम्जोङले शुक्रबार एक प्रेस विज्ञप्ति जारी गर्दै भदौ ९ देखि १३ गतेसम्मका लागि पहिलो चरणको आन्दोलन कार्यक्रम सार्वजनिक गरेकी हुन्। विज्ञप्तिमा विधेयक फिर्ता गराउन दबाब दिने उद्देश्यले आन्दोलनमा उत्रिनुपरेको उल्लेख गरिएको छ। महासङ्घले आफ्ना सबै जिल्ला शाखा, सदस्यहरू तथा आम सञ्चारकर्मीहरूलाई आन्दोलनमा सक्रिय सहभागिता जनाउन आह्वान गरेको छ।…

झापा, ८ भदौ । आर्थिक वर्ष २०८१–८२ मा मुलुकको आर्थिक तथा वित्तीय सूचकहरूमा उल्लेखनीय सुधार देखिएको छ । नेपाल राष्ट्र बैंकले सार्वजनिक गरेको वार्षिक प्रतिवेदनअनुसार अर्थतन्त्रका आन्तरिक तथा बाह्य सूचकहरू सुदृढ बन्दै गएका छन् । राष्ट्र बैंकका अनुसार चालु खाता रु चार खर्ब नौ अर्ब २० करोडले बचतमा रहेको छ । अघिल्लो वर्ष २०८०–८१ मा सो खाता रु दुई खर्ब २१ अर्ब ७१ करोडले बचतमा थियो । यस्तै, शोधनान्तर स्थिति पनि सुधार हुँदै रु पाँच खर्ब ९४ अर्ब ५४ करोडले बचतमा पुगेको छ । अघिल्लो वर्ष यो रकम रु पाँच खर्ब दुई अर्ब ४९ करोड थियो । गत वर्ष खुद…

शिवसताक्षी, ८ भदौ । झापाको दोमुखा धार्मिक तथा पर्यटकीय विकास व्यवस्थापन संस्थाको आगामी भदौ १४ गते हुन गइरहेको निर्वाचनका लागि उम्मेद्वरी दर्ता भएको छ । आज संस्थाको १५ सदस्य समितिका लागि ३३ जनाको उम्मेद्वारी परेको दोमुखा धार्मिक तथा पर्यटकीय विकास व्यवस्थापन संस्थाले जनाएको छ । अध्यक्षमा मोहनबहादुर कार्की, धनप्रसाद लिम्बु, मनबहादुर मगर र किरण ओलीको उम्मेद्वारी दर्ता भएको छ । त्यस्तै प्रथम उपाध्यक्षमा प्रेमध्वज जवेगु र ठाकुर ढकाल, द्वितीय उपाध्यक्षमा इन्द्रप्रसाद न्यौपाने, कृष्णबहादुर बस्नेतको उम्मेद्वारी दर्ता भएको छ । त्यसैगरी, सचिव पदमा धनकुमार ढकाल र तेजबहादुर भट्टराई, सह सचिवमा अग्नीप्रसाद राई र देवीबहादुर चेम्जोङ्ग, कोषाध्यक्षमा चुनमाया दाहाल (आशा) र रेनुका…

रौतहट, ८ भदौ । गौर–सिरसिया सडकखण्डअन्तर्गत गौर नगरपालिका–९ स्थित दिव्यज्योति स्कुलको गेट नजिकै सुटकेसभित्र एक युवतीको शव फेला परेको छ। जिल्ला प्रहरी कार्यालय रौतहटका अनुसार आइतबार बिहान करिब २५ वर्षीया अन्दाजी युवतीको शव सुटकेसभित्र कोचिएको अवस्थामा भेटिएको हो। घटनास्थलमा पुगेका प्रहरी अधिकारीहरूले शव हत्या गरी सुटकेसभित्र राखिएको आशंका गरेका छन्। “शव पोस्टमार्टमका लागि जिल्ला अस्पताल गौर पठाइएको छ,” जिल्ला प्रहरी कार्यालयका डीएसपी राजु कार्कीले भने, “घटनाको थप अनुसन्धान जारी छ।” प्रहरीले घटनास्थल आसपासको सीसीटीभी फुटेज संकलन गर्दै अनुसन्धान अघि बढाएको जनाएको छ।

झापा, ८ भदौ । यस वर्षको एसईई परीक्षा आगामी चैत पहिलो सातादेखि सञ्चालन गर्ने तयारी राष्ट्रिय परीक्षा बोर्डले गरेको छ। एसईईको नतिजा असार दोस्रो साताभित्र सार्वजनिक गर्नेगरि चैत पहिलो साता नै परीक्षा सञ्चालन गरिने बोर्डले सार्वजनिक गरेको वार्षिक कार्यतालिमा उल्लेख छ। बोर्डले माध्यमिक तहको अन्तिम मानिने कक्षा १२ को वार्षिक परीक्षा भने २०८३ साल वैशाख १० गतेदेखि सञ्चालन गर्ने भएको छ। कक्षा १२ को नतिजा साउन १५ गतेभित्रमा सार्वजनिक गर्ने बोर्डको तयारी छ। बोर्डले एसईईसँगै कक्षा नौ र १० को रजिस्ट्रेसन तथा परीक्षा फाराम छपाइ, वितरणलगायतका कार्यतालिका पनि सार्वजनिक गरेको छ।