झापा अनलाइन

ताप्लेजुङ, २९ साउन । ताप्लेजुङमा जारी तेस्रो अन्तर्राष्ट्रिय आमन्त्रण ताप्लेजुङ गोल्डकप प्रतियोगितामा सिराहाको सलहेश युवा क्लब फाइनलमा प्रवेश गरेको छ । आज सम्पन्न खेलमा झापाको रेड स्टार क्लबलाई २—० गोल अन्तरले पराजित गर्दै सिराहा फाइनलमा प्रदेश गरेको हो । खेल सुरु भएको १३औं र ४८औँ मिनेटमा सिराहाको युसुफ मल्लिकले गरेको गोल नै आजको निर्णायक बन्यो । लाखे जात्राको अवसरमा लाखे जात्रा सञ्चालन समितिद्वारा सञ्चालन भइरहेको प्रतियोगितामा साउन ३१ गते शनिवार फाइनल खेल हुने भएको छ । फाइनल खेलमा सिराहा सलहेश क्लब र चर्च ब्वाईज क्लब ललितपुरबीच प्रतिस्पर्धा हुने लाखे जात्रा सञ्चालक समितिका अध्यक्ष सागर मादेनले जानकारी दिनुभयो । चर्च ब्वाईजले…

बिर्तामोड, २९ साउन । झापाको बिर्तामोडमा मुख्य कार्यालय रहेको हाम्रो नेपाल बचत तथा ऋण सहकारी संस्था लि.ले एक जना ऋणी सदस्यको ऋण मिनाहा गरेको छ । संस्थाको बुधबारे सेवा केन्द्र अन्तर्गतका शेयर सदस्य रमेश मगरको निधन भएपछि उहाँले लिनुभएको ४ लाख रुपैयाँ ऋण मिनाहा गरिएको हो । मगरले गत २०७८ मंसिर १६ गते संस्थाबाट १० लाख रुपैयाँ ऋण लिनुभएको थियो । उहाँको निधन भएपपछि संस्थाले ऋण सुरक्षण कोष अन्तर्गत बाँकी रकम ६ लाख ९ हजार मध्ये ४ लाख रुपैयाँ ऋण मिनाहा गरेको हो । आज मगरको परिवारजनसँग सञ्चालक समिति उपाध्यक्ष राजेन्द्र गौतम, बुधबारे सेवा केन्द्र सञ्चालन उपसमितिका पदाधिकारी, व्यवस्थापक, विभागीय…

श्रीनगर, २९ साउन । भारतको काश्मीर क्षेत्रको किष्टवार जिल्लामा बिहीबार बिहान बादल फाटेपछि आएको भीषण बाढीले कम्तीमा ३४ जनाको ज्यान गएको छ भने दर्जनौँ घाइते भएका छन्। स्थानीय प्रशासनका अनुसार अझै पनि केही व्यक्ति बेपत्ता छन्। काश्मीरका मुख्यमन्त्री ओमर अब्दुल्लाहले घटनालाई “अत्यन्त पीडादायक” भन्दै तीव्र वर्षाका कारण ठुलो जनधनको क्षति भएको जानकारी दिनुभएको छ। किष्टवारका जिल्ला आयुक्त पंकज कुमार शर्माले ३४ शव फेला परेको र ३५ जनाको उद्धार गरिएको पुष्टि गर्नुभयो। बाढीपछिको निरन्तर वर्षाले बाटोहरू ध्वस्त बनाएकोले उद्धार कार्य चुनौतीपूर्ण बनेको छ। अथोली गाउँका स्थानीय सुशील कुमारले एएफपीसँग भने,“मैले आफ्नै आँखाले १५ जना मृतकहरूलाई अस्पतालमा ल्याइएको देखेँ।” घटनास्थल श्रीनगरबाट झन्डै…

बिर्तामोड, २९ साउन । अखिल नेपाल खेलकुद महासंघ झापाको अध्यक्षमा सुरेश आले चयन भएका छन् । महासंघ झापाको दोस्रो जिल्ला सम्मेलनबाट आलेको नेतृत्वमा समिति गठन भएको हो । बिहीबार बिर्तामोडमा सम्पन्न सम्मेलनबाट आलेको नेतृत्वमा ३१ सदस्यीय समिति चयन गरिएको हो । समितिको उपाध्यक्षत्रयमा हरि बस्नेत, प्रवेश कुमार श्रेष्ठ (राजु) र पंकज शेर्पा चयन भएका छन् । सचिवमा सुरेन्द्र गिरी, सहसचिवमा पुरन भण्डारी र कोषाध्यक्षमा गंगा तुम्बापो चयन भएका छन् । कार्यक्रममा बोल्दै प्रमुख अतिथी नेकपा माओवादी केन्द्रका केन्द्रीय सदस्य तथा झापा इञ्चार्ज रञ्जित तामाङले युवाले खेलकुदमार्फत राजनीतिमा जोडिनुपर्ने बताए । नेपाललाई विश्वमा चिनाउने विभिन्न विधामध्ये खेलकुदपनि एक भएको बताउँदै यसको…

बनियानी, २९ साउन । झापाको कचनकवल गाउँपालिकाले आर्थिक वर्ष २०८१–०८२ अन्तर्गत अपाङ्गता रोकथाम तथा पुनर्स्थापना कार्यक्रममा ९१ प्रतिशत बजेट खर्च गरेको छ । बिर्तामोडमा सम्पन्न वार्षिक समीक्षा बैठकमा प्रस्तुत प्रतिवेदन अनुसार स्वीकृत ८० लाख १० हजार रुपैयाँ बजेटमध्ये ७० लाख ३७ हजार ६५० रुपैयाँ खर्च गरी सहायक सामग्री वितरण, स्वास्थ्य बीमा, मानसिक स्वास्थ्य सेवा साथै गाउँपालिकाले अतिरिक्त क्रियाकलाप अन्तर्गत सुरक्षित आवास निर्माण लगायतका गतिविधिहरू सम्पन्न गरिएको छ । सुरक्षित आवास कार्यक्रम अन्तर्गत दुई जना अपाङ्गता भएका व्यक्तिका लागि घर निर्माण सम्पन्न गरिएको छ भने जन्मजात अपाङ्गता भएका तीन नवजात शिशुको उपचार गरिएको छ । यस्तै, १२ जना अपाङ्गता भएका व्यक्तिलाई…

सहरी जीवनशैली र घरभित्रै बसेर काम गर्ने रहनसहनका कारण धेरै मानिसहरूमा भिटामिन डीको कमी देखिन थालेको छ। पर्याप्त मात्रामा घाम नपाउने, मोटोपन, अस्वस्थ खानाजस्ता कारणले मानिसहरूमा भिटामिन डीको कमी देखिनु मुख्य कारण भएको विज्ञहरू बताउँछन्। लक्षणहरू – भिटामिन डीको कमी भए थकान महसुस हुने बिस्तारै हड्डी कमजोर हुदै जाने मांसपेशी दुख्ने बाउडिने डिप्रेशन मधुमेह उच्च रक्तचाप र मुटुसम्बन्धी अन्य रोग हुन सक्ने विज्ञहरू बताउँछन्। कसरी जोगिने ? बिहान ८ बजे देखि १ बजे सम्मको घाममा बस्ने भिटमिन डी युक्त खाना जस्तै माछा, रातो मासु, अण्डाको पहेँलो भाग र दुग्धजन्य पदार्थहरु सेवन गर्ने दूध, भटमास, ओट, बदाम, फलफूलको जूस, दही, मार्जरीन,…

नयाँ दिल्ली, २९ साउन । बलिउड अभिनेत्री शिल्पा शेट्टी र उनका पति राज कुन्द्रा फेरि एक पटक समस्यामा परेका छन् । शिल्पा र राज कुन्द्रामाथि ६० करोड रुपैयाँ ठगीको आरोप लागेको छ । यस सम्बन्धमा मुम्बईस्थित आर्थिक अपराध शाखाले शिल्पा र राजविरुद्ध ६० करोड ४० लाख भारु ठगी गरेको आरोपमा मुद्दा दर्ता गरेका छन् । उनीहरूमाथि मुम्बईका एक व्यापारीलाई ठगी गरेको आरोप छ । अभिनेत्री र उनका पतिविरुद्ध जुहू प्रहरी स्टेसनमा ठगी र जालसाजीको धारा अन्तर्गत मुद्दा दर्ता गरिएको समाचारमा उल्लेख छ । यद्यपि, यसमा संलग्न रकम १० करोड रुपैयाँभन्दा बढी भएकोले मुद्दा आर्थिक अपराध विभागमा हस्तान्तरण गरिएको छ ।…

झापा, २९ साउन । श्रीकृष्ण जन्माष्टमीका अवसरमा श्री राधा माधव भजनस्थलीले आयोजना गर्न लागेको ‘श्रीकृष्ण जन्माष्टमी महाउत्सव’मा सु प्रशिद्ध भजन गायक राजु अधिकारी सहितको टिमले भजन प्रस्तुत गर्ने भएको छ । झापाको बिर्तामोड ५ स्थित अग्रसेन भवनमा आगामी साउन ३१ गते शनिवारका दिन भजनस्थलीले वृहत रुपमा श्रीकृष्ण जन्माष्टमी मनाउने तयारी तीब्र बनाएको छ । सोही अवसरमा भजन गायक राजु अधिकारी र रोशन अधिकारी सहितको टिमले आफ्नो प्रस्तुति दिने भएका हुन् । उनीहरुले भजन कीर्तन सहितको विशेष प्रस्तुति दिने कार्यक्रम रहेको छ । साउन ३१ गते साँझ ७ः३० बाट भजन गायक अधिकारीद्वयको टिमले भगवान श्रीकृष्णका भजन प्रस्तुत गर्ने छन् । उनीहरुले…

काठमाण्डौ, २९ साउन । सरकारले धानको न्यूनतम समर्थन मूल्य बढाएको छ । मन्त्रिपरिषद्ले चालू आर्थिक वर्षका लागि तोकेको बर्खे धानको न्यूनतम समर्थन मूल्य अनुसार धानको मूल्य बढेको हो । बैठकले मोटा धानको मूल्य प्रतिक्विन्टल ३ हजार ४ सय ६३ रुपैयाँ ८१ पैसा तोकेको छ । गएको वर्ष मोटा धानको न्यूनतम समर्थन मूल्य ३ हजार ४ सय १० रुपैयाँ थियो । यस्तै मध्यम धानको न्यूनतम समर्थन मूल्य प्रतिक्विन्टल ३ हजार ६ सय २८ रुपैयाँ ३३ पैसा तोकेको छ । गएको वर्ष मध्यम धानको न्यूनतम मूल्य ३ हजार ५ सय ८० रुपैयाँ तोकेको थियो । केही वर्ष अघिसम्म किसानले धान भित्र्याउन शुरू…

झापा, २९ साउन । अस्ट्रेलियामा नेपाली राष्ट्रिय क्रिकेट टोलीले क्रिकेट एसिटी र साउथ अस्ट्रेलियासँग अभ्यास खेल खेल्ने भएको छ । नेपाल क्रिकेट सङ्घ (क्यान)ले आज एक प्रेस विज्ञप्ति जारी गर्दै नेपालले आगामी भदौ १० देखि १४ गतेसम्म पाँच अभ्यास शृङ्खला खेल्ने जनाएको हो । नेपालले आगामी भदौ १० गते एसिटी तथा भदौ १२ गते साउथ अस्ट्रेलियासँग समान दुई दुई ट्वान्टी–२० खेल्नेछ । पहिलो खेल बिहान ४ः४५ तथा दोस्रो खेल ९ः४५ मा सुरु हुनेछ । त्यसै गरी नेपालले भदौ १४ गते साउथ अस्ट्रेलियासँगै एक दिवसीय खेल खेल्ने तय छ । यो खेल बिहान ५ः४५ मा सुरु हुने छ । यो अभ्यास…