झापा अनलाइन

चलचित्र ‘समर लभ’मा नायिका नम्रता सापकोटालाई दर्शकले ‘सुनिता’ नाम गरेकी यूवतीको भूमिकामा देख्न पाउनेछन् । यो भूमिकाका लागि आफू अत्यन्त उत्साहित भएको नम्रता बताउँछिन् । चलचित्रमा नायकसँग नम्रताको बेडसिन पनि थुप्रै छ । चलचित्रको कथावस्तु सुरुमै पढेकाले पनि नम्रतालाई यति धेरै अन्तरंग दृश्य दिनुपर्नेछ भन्ने थाहा थियो । तर, पनि उनी दृश्य दिनका लागि तयार भइन् । उनले पत्रकारको प्रश्नको सुरुवातमै चलचित्र ‘कान्छी’ यो चलचित्रका कारण नछाडेको स्पष्ट पारिन् । चलचित्रमा दिएको दृश्यबारे उनले भनिन्–‘हो, यो चलचित्रमा मेरो बेडसिन धेरै छ । तर, म आफूलाई एक नायिका भन्दा पनि कलाकारको रुपमा हेर्न चाहन्छु । मलाई कुनै पनि काम गर्न डर…

हलिउडका स्टारहरु जब कुनै अवार्ड कार्यक्रममा पुग्छन्, त्यहाँ उनीहरुको पहिरनदेखि गहनाको समेत खुबै चर्चा हुने गर्दछ । हलिउडकी चर्चित गायिका लेडी गागा आइतबार बेलुकी आयोजित ‘गोल्डेन ग्लोब्स अवार्ड’मा पुगिन् । यो अवार्डमा पुगेकी हट गायिकाले लगाएको गहनाको चर्चा अहिले सुरु भएको छ । ३२ बर्षकी यी सुन्दरीले लगाएको नेक्लेसको मुल्य सुनेर तपाइको होश उड्न सक्छ । २० क्यारेटको ३ सय हिरा जडित उनको नेक्लेसको मुल्य ५ मिलियन डलर बताइएको छ । इगसेल ब्लू पहिरनमा सजिएकी गागा रेड कार्पेटमा सबैको ध्यान खिच्न पनि सफल भइन् । गागाले यो कार्यक्रममा अवार्ड समेत जितेकी छिन् । यो बर्षकै पहिलो महत्वपूर्ण अवार्ड हात पारेकाले…

काठमाडौं, २४ पुस । एफए कप फुटबल प्रतियोगिताको तेस्रो चरणबाट लिभरपुल बाहिरिएको छ । सोमबार राति भएको खेलमा वोल्भ्ससँग स्तब्ध हुँदै लिभरपुल एफए कपबाट बाहिरिएको हो । कमजोर मानिएको वोल्भ्ससँग लिभरपुलले खराब प्रदर्शन गर्दै २(१ गोलअन्तरले पराजित भयो । लिभरपुल तेस्रो चरणबाट बाहिरिदा वोल्भ्स भने चौथो चरणमा प्रवेश गरेको छ । वोल्भ्सको जितमा राउल जिमेनेज र रुबेन नेभेसले गोल गरे । लिभरपुलका लागि डिभोक ओरिगीले गोल गरेका थिए । खेलको ३८औं मिनेटमा जिमेनेजले गोल गर्दै वोल्भ्सलाई अग्रता दिलाएका थिए । पहिलो हाफमा एक गोलले अघि रहेको वोल्भ्सले दोस्रो हाफमा एक गोल गर्न सफल भयो । तर एक गोल खाएको थियो…

दमक, २५ पुस । आगोले जलेर गम्भिर घाइते भएकी कमल गाउपालिका ६ की २२ बर्षिया कुलमाया बस्नेतलाई उपचारको लागी सहयोग जुट्न थालेको छ । दमकस्थित एड्भान्स अस्पतालामा उपचाररत बस्नेतलाई आज अस्पतालमा नै पुगेर दमकका युवा ब्यबसायीहरुले आर्थिक सहयोग हस्तान्तरण गरेका हुन् । दमक ६ मा रहेको आर के फेन्सी स्टोरका प्रोप्राइटर आरके थापाले ७ हजार १ सय र दमक ५ मा रहेको इमेज एजुकेशन फाउण्डेशनका सञ्चालक योगबहादुर खड्काले नगद ५ हजार १ सय रुपैया कुलमाया बस्नेत बचाउ अभियान समितिका सदस्य सुदिप अधिकारी, नगेन्द्रमणी न्यौपाने र सन्तोष भण्डारी तथा बिरामीका बुवा देबीबहादुर बस्नेतलाई हस्तान्तरण गरेका छन् । खर्चको अभावमा घरमै मृत्युसँग…

काठमाडौँ, २४ पुस । सरकारले राष्ट्रिय अनुसन्धान विभागका प्रमुख दिलीपराज रेग्मीलाई पदबाट हटाएको छ । सोमबार बसेको मन्त्रिपरिषद् बैठकले उनको ठाउँमा एआइजी गणेश अधिकारीलाई नियुक्त गरेको छ । बैठकले विभाग सञ्चालनसम्बन्धी विशेष सेवा नियमावलीमा रहेको प्रमुखको पदावधिसम्बन्धी प्रावधान संसोधन गरेर रेग्मीलाई हटाएको हो । नियमावलीमा प्रमुखको पदावधि चार वर्ष हुने व्यवस्था थियो । यसलाई संसोधन गरी तीन वर्ष बनाइएको छ । चारवर्षे पदावधि हुँदा रेग्मी १४ जेठसम्म कायम रहन्थे । आजको नयाँ पत्रिका दैनिकमा खबर छ ।

काठमाडौँ, २४ पुस । संघीय संसद्को सार्वजनिक लेखा समितिले वाइडबडी खरिद अनियमितता प्रकरणमा पर्यटन सचिव कृष्ण देवकोटा र नेपाल वायुसेवा निगमका महाप्रबन्धक सुगतरन्त कंसाकारलाई निलम्बन गरी तत्काल भ्रष्टाचार अभियोगमा छानबिन थाल्न सरकार र अख्तियार दुरुपयोग अनुसन्धान आयोगलाई निर्देशन दिएको छ । समितिले संस्कृति, पर्यटन तथा नागरिक उड्यन मन्त्री रवीन्द्र अधिकारी र पूर्वमन्त्रीहरु जीवनबहादुर शाही एवं जितेन्द्रनारायण देवलाई नैतिक जिम्मेवारी लिन निर्देशन दिदैँ कानुनसम्मत कारबाही गर्न सरकारलाई निर्देशन दिने निर्णय गरेको छ । आजको कान्तिपुर दैनिकमा खबर छ ।

दमक, २४ पुस । प्रधानमन्त्री केपी शर्मा ओलीलाई आफ्नो निर्वाचन क्षेत्रमा पर्ने दमकमा भ्यु टावर निर्माण गर्न लागेको रकमबाट सोहि ठाउँमा सरकारी मेडिकल कलेज खोल्न नागरिक अभियन्ता डाक्टर गोविन्द केसीले सुझाव दिएका छन् । सोमबार काठमाण्डौमा गरेको पत्रकार सम्मेलनमा बोल्दै नागरिक अभियन्ता डाक्टर केसीले भ्यु टावर खोल्ने रकमबाट मेडिकल कलेज खोल्न सुझाव दिएका हुन् । प्रधानमन्त्री ओलीको निर्वाचन क्षेत्र पर्ने दमकमा ओलीकै ईच्छामा दुई अर्ब ७४ करोडमा भ्यु टावर निर्माण गर्ने योजना अघि बढाईएको छ । साम्यवादी नेताको प्राथमिकतामा जनताको स्वास्थ्य भन्दा भ्यु टावर परेको भन्दै डाक्टर केसीले भ्यु टावरको योजना नीजि क्षेत्रले व्यवसायीक रुपमा सञ्चालन गर्न सक्ने भन्दै प्रधानमन्त्री…

उर्लाबारी, २४ पुस । कांग्रेसनिकट नेपाल विद्यार्थी संघको मोरङ जिल्ला सभापतिमा सुजित जैसवालले उम्मेदवारी दिने घोषणा गरेका छन् । नेविसंघ उर्लाबारी बहुमूखी क्याम्पस ईकाइ सभापति रहेका जैसवालले आगामी १२ औं अधिवेशनका लागि जिल्ला सभापतिमा उम्मेदवारी दिन लागेका हुन् । आगामी माघ २० गतेभित्र जिल्ला अधिवेशन हुने भनिएपनि मिति तय भइसकेको छैन । ‘मोरङमा नेविसंघलाई चलायमान बनाउँदै विद्यार्थीहरुको समस्या निरुपण र कांग्रेसको साँगठानिक बिस्तारमा जोड दिन आवश्यक छ’, सोमबार उर्लाबारीको होटल एरोमामा आयोजित पत्रकार सम्मेलनमा जैसवालद्वारा बितरित प्रेस विज्ञप्तीमा उल्लेख छ । हाल नेविसंघको जिल्ला सदस्य समेत रहेका जैसवालले विराटनगर बाहिर रहेका सबै क्षेत्र, नगर र क्याम्स ईकाई समितिको आफूलाई समर्थन…

उर्लाबारी, २४ पुस । मोरङको उर्लाबारी–७ स्थित बेथेल एजुकेशनल एकाडेमीका संस्थापक प्रिन्सिपल दिपक न्यौपानेले विपन्न समुदायका बालबालिकालाई न्यानोकपडा वितरण गरेका छन् । उनले करिब ६० हजार रुपैयाँ मूल्य बराबरको न्यानो कपडा विपन्न समुदायका बालबालिकालाई वितरण गरेका हुन् । न्यौपानेले रंगेली–३ स्थित मुसहर बस्तीका २६ बालिका र २४ जना बालक गरी ५० जना बालबालिकालाई न्यानोकपडा बितरण गरेका छन् । उनले छ जना एकल महिला र दुईजना शारिरीक अपाङ्गता भएका व्यक्तिलाई समेत न्यानो कपडा वितरण गरे ।

सान नेपाल गौरादह, २४ पुस । गौरादह नगरपालिका वडा नं. १ मा वडा खेलकुद समिति गठन गरिएको छ । वडाबासीहरुको सोमबार भएको एक भेलाले पुण्य सिग्देलको अध्यक्षतामा १३ सदस्य रहेको वडा खेलकुद समिति गठन गरेको हो । समितिको उपाध्यक्षमा यज्ञ खनाल रहेका छन् भनें सचिवमा कृष्ण भुजेल, कोषाध्यक्षमा सिताराम दंगाल रहेका छन् । त्यसैगरी समितिका सदस्यमा सान नेपाल, बुबुल सुब्बा, डिल्ली सिवाकोटी, रुका कोइराला, सिर्जना भण्डारी, गौरव राई, सञ्जिव कार्की, टंक कार्की र हस्त चौहान रहेका छन् । समितिले वडाभित्रका खेलकुद गतिविधिहरु सञ्चालन गर्ने र वडा कार्यलयले खेलकुद क्षेत्रमा लिएको लक्ष अनुरुप विभिन्न खेलका लागि खेलाडी उत्पादन गर्नको लागि महत्वपूर्ण…