झापा अनलाइन

काठमाडौँ, २ पुस । पेट्रोलियम पदार्थ ढुवानीमा हुने चोरी नियन्त्रण गर्न सेक्युरिटी लकिङ सिस्टम जडान गरे पनि पूर्णरुपमा चुहावट नियन्त्रण नभएपछि नेपाल आयल निगमले ‘भेहिकल ट्रयाकिङ सिस्टम’ प्रयोग ल्याउने तयारी गरेको छ । इन्डियन आयल कर्पोरेट (आइओसी)बाट सेक्युरिटी लकिङ सिस्टम जडान गरेर निगमको विराटनगर डिपोमा आएको ट्यांकरबाट २५ सय लिटर डिजल चोरी भएको घटना सार्वजनिक भएपछि यो प्रविधिमा पनि प्रश्न उठेको छ । अहिले प्रयोगमा ल्याएको लकिङ सिस्टममा पनि छिटपुट चोरीका घटना भएपछि निगमले अझ उन्नत प्रविधि प्रयोग गर्ने रणनीति बनाएको हो । आजको नागरिक दैनिकमा खबर छ ।

केशवराज भण्डारी झापा, २ पुस । झापामा व्यावसायिक कुखुरा पालन गर्ने कृषकहरुले ‘चिक्स होली डे’ घोषणा गरेका छन् । नेपाल कुखुरा पालक किसान संघ झापाले पत्रकार सम्ंमेलनको आयोजना गरी सो घोषणा गरेका हुन् । जस अन्तर्गत पुस १ गतेदेखि झापा जिल्लाभर रहेका कुखुरा पालक कृषकहरुले खोरमा चल्ला नहाल्ने निर्णय गरेका छन् । नेपाल कुखुरा पालक किसान संघ झापाका अध्यक्ष राजन पौडेलको अध्यक्षतामा आयोजना गरिएको कार्यक्रममा झापा अर्जुनधारा नगरपालिका वडा नं. ६ का वडा सदस्य माया खाती र लक्ष्मी महतरा, नेपाल कुखुरा पालक किसान संघ कनकाई नगर समिति सचिव सिर्जना कटुवाल, बिर्तामोड अध्यक्ष सौरभ सुमन प्रसाईं, हल्दिबारीका संयोजक किशोर आचार्य लगायत…

भद्रपुर, २ पुस । वीरता जेसिजले ३८औँ साधारणसभाका अवसरमा दुई वटा पुरस्कार वितरण गरेको छ । झापाको विर्तामोडमा आयोजित कार्यक्रममा मदन ढकाल स्मृति वीरता जेसिज उत्कृष्ट पत्रकारिता पुरस्कारबाट लक्ष्मी काफ्ले सम्मानित हुनुभएको छ । उहाँ ‘नयाँ पत्रिका’ दैनिकको झापा समाचारदाता हुनुहुन्छ । त्यस्तै, दीलकुमार स्मृति वीरता जेसिज सक्रिय पूर्वअध्यक्ष पुरस्कार संस्थाका पूर्वअध्यक्ष विनोद बस्नेतलाई प्रदान गरिएको छ । दुवै पुरस्कारको राशि जनही १५ हजार ५०० रहेको जेसिजका अध्यक्ष एकराज गिरीले बताउनुभयो । भद्रपुर जेसिजको भवन निर्माणका लागि वीरता जेसिजले ११ हजार ५०० सहयोग प्रदान गरेको छ । वीरता जेसिजको अधिवेशनबाट सन् २०१९ का लागि नयाँ नेतृत्व चयन गर्न निर्वाचन प्रक्रिया…

दमक, २ पुस । दमकस्थित ज्येष्ठ नागरिक सम्मान प्रतिष्ठान नेपालले अक्षयकोषमा सहयोग जुटाउने उद्देश्यले आइतबारदेखि श्रीमद् भागवत महापुराण शुरु गरेको छ । महापुराणको आज दमक नगरपालिकाका उपप्रमुख गीता अधिकारीले उद्घाटन गर्नुभयो । प्रतिष्ठानले स्थापना गरेको रु एक करोडको अक्षयकोषमा थप रकम जुटाउन महापुराण शुरु गरिएको पुराण आयोजक समितिका संयोजक वाइएन चम्लागार्इंले जानकारी दिनुभयो । यसअघि चार पुराण सम्पन्न भएको छ । पुराणबाट अक्षयकोषमा ८३ लाख जम्मा भएको प्रतिष्ठानका अध्यक्ष सीताराम खतिवडाले बताउनुभयो ।

दमक, २ पुस । भूटानी शरणार्थी शिविरमा अन्तर्राष्ट्रिय कराँते प्रतियोगिता आइतबारदेखि शुरु भएको छ । प्रतियोगितामा नेपाल, भारत र भूटानका गरी १५५ खेलाडी सहभागी छन् । विभिन्न १३ तौल समूहमा महिला र पुरुष खेलाडीले प्रतिष्पर्धा गरिरहेका छन् । आइतबारको खेलमा भूटानले १३, नेपालले १० र भारतले एउटा स्वर्ण पदक जितेको छ । प्रतियोगितामा विश्व कराँते फेडरेशन, एशियाली कराँते फेडरेशन, नेपाल कराँते फेडरेशनका वरिष्ठ प्रशिक्षक र निर्णायक सहभागी रहेको प्रशिक्षक डम्बर मुखियाले जानकारी दिनुभयो ।

काठमाडौँ, १ पुस । विश्व शारीरिक सुगठनमा नेपालका महेश्वर महर्जनले स्वर्ण पदक जित्न सफल भएका छन् । थाइल्याण्डको चाङमईमा भइरहेको १० औँ विश्व शारीरिक सुगठन तथा फिजिक स्पोर्ट्स च्याम्पियनशिपमा महेश्वरले शनिबार साँझ पुरुष ७५ केजी स्वर्ण जितेका हुन् । १२ खेलाडी सहभागी उक्त स्पर्धामा भारतीय खेलाडी दोस्रो र सिङ्गापुरका खेलाडी तेस्रो भएको नेपाल शारीरिक सुगठन तथा फिट्नेस सङघका उपाध्यक्ष दिनेश राजभण्डारीले जानकारी दिनुभयो । नेपाली खेलाडीले विश्वस्तरमा स्वर्ण जितेको यो पहिलो पटक हो । गत वर्ष नेपालकी ननिता महर्जनले महिला एथ्लेटिक्स फिजिक्स १६० मा रजत पदक जितेकी थिइन् । महेश्वरले अन्तर्राष्ट्रियस्तरमा नेपाललाई स्वर्ण पदक दिलाएको यो दोस्रो पटक हो ।…

भद्रपुर, १ पुस । झापाको मेचीनगरमा भएको ‘मिस कोच इन्टरनेसनल २०१८’ को उपाधि भारत मेघालयकी हेरोलिन कोच सदापले जितेकी छन् । झापा मिडिया हाउसको आयोजनामा शनिबार साँझ भएको प्रतियोगितामा सदापले उपाधिसँगै रु एक लाख नगद, होटल मेनेजमेन्ट पढ्ने छात्रवृत्ति र एक थान स्मार्ट फोन पाएकी छन् । प्रतियोगितामा फस्ट रनरअप उपाधि भारत पश्चिम बङ्गालकी प्रतिमा सिंह र सेकेन्ड रनरअप उपाधि मेचीनगरकी सोनाली राजवंशीले जितेकी थिइन् । दोस्रो र तेस्रो हुनेलाई क्रमशः रु ५० हजार र रु २५ हजार नगद प्रदान गरिएको थियो । प्रतियोागितामा झापा, मोरङ तथा भारतको बङ्गाल, मेघालय र आसमका गरी १७ कोच समुदायका युवती सहभागी थिए ।

हेटौँडा, १ पुस । श्रीमती र छोरीको हत्या आरोपमा एक भारतीय नागरिकलाई जिल्ला प्रहरी कार्यालय हेटौँडाले पक्राउ गरी आज सर्वजनिक गरेको छ । भारत विहार घर भई हेटाँैडा–५ मा डेरा गरी बस्ने २५ वर्षीय महम्द रम्जान मियाँ दर्जीलाई सो हत्याको आरोपमा पक्राउ गरेको जिल्ला प्रहरी कार्यालय मकवानपुरका प्रहरी उपरीक्षक बुद्धिराज गुरुङले जानकारी दिनुभयो । सोही हत्यामा संलग्नको आरोप लागेका रम्जानका भाइ अरमान फरार रहेको र उनको खोजी भइरहेको बताइएको छ । हत्याका आरोपित रम्जानले पटकपटक श्रीमतीसँग झगडा भएको र श्रीमतीको अरुसँग सम्बन्ध रहेको शङ्का गर्दै हेटाँैडा–१९ नेवारीपानीस्थित रातु खोलामा हत्या गरेको स्वीकार गरेको बताइएको छ । अभियुक्त रमजानमियाले आफ्नो श्रीमती…

भोजपुर, १ पुस । प्रदेश नं १ का मुख्यमन्त्री शेरधन राईले शिक्षा क्षेत्रको विकासका लागि प्रदेश सरकार गम्भीर भएर लागिपरेको बताउनुभएको छ । आज हतुवगढी गाउँपालिका–९ हसनपुरस्थित जनसेवा माध्यमिक विद्यालयको स्वर्ण जयन्तीका अवसरमा आयोजित कार्यक्रमलाई सम्बोधन गर्दै उहाँले शिक्षालाई समयसापेक्ष र प्रविधिमैत्री बनाउन प्रदेश नं १ का १०० विद्यालयमा सूचना प्रविधि सम्बन्धि शिक्षाको शुरुआत गर्ने र अबको तीन वर्षभित्रमा सबै विद्यालयमा सो प्रविधिको विस्तार गरिने मन्त्री राईले बताउनुभयो । जिल्लाको स्वास्थ्य, शिक्षा, यातयातसँगै आर्थिक विकास गर्न सोहीअनुसारको योजना बनाएर प्रदेश सरकारले काम गर्ने उहाँको भनाइ थियो । दूधकोशी नदीको चुवारमा पक्की पुल नहुँदा स्थानीयवासीलाई सास्ती भएकाले प्राथमिकताका साथ काम अगाडि…

खुदुनाबारी, १ पुस । अर्जुनधारा नगर प्रमुख हरि कुमार रानाले नागरिकलाई हक, हित, उत्तरदायित्व र कर्तव्य बोध गराई सकारात्मक सोच र चिन्तनको खाँचो रहेको बताएका छन् । अर्जुनधारा नगरपालिकाले आयोजना गरेको मनोशक्ति तथा सकरात्मक सोचको विकास सम्बन्धि तालिमको आज उद्घाटन गर्दै उनले भने, “ इश्या र तनाव , र्आिथक अवस्था, समुदायको वर्गीय विभाजनको घेराभन्दा माथि उठेर काम गर्नुपर्छ । ” नगर प्रमुख रानाले सकारात्मक सोच र चिन्तन गर्न सके मात्रै म के हुँ भनेर पहिचान गराई महिला, अपाङ, बालबालिकालाई उत्प्रेरणा भर्ने शक्ति प्रदान गर्ने आवश्यक रहेको बताए । शारीरिक र मानसिक स्र्फूित प्रदान गरी अहिले नगरलाई रुपान्तरणसहितको सकारात्मक चिन्तनको खाँचो…