झापा अनलाइन

संखुवासभा, २३ मंसिर । संखुवासभाको खाँदबारी नगरपालिका(६ मयम भन्ने स्थानमा आइतवार अवैध गर्भधारणबाट जन्मिएको शिशुको हत्या गरेको आरोपमा प्रहरीले १ महिलालाई पक्राउ गरेको छ । अवैध गर्भधारण गरी शिशुको हत्या अभियोगमा सोही ठाउँ बस्ने स्वर्गीय टंकमान राईको श्रीमती बर्ष ३७ की फुलमाया राईलाई पक्राउ गरिएको जिल्ला प्रहरी कार्यालय संखुवासभाले जनाएको छ । आइतवार रातको समयमा राईले बच्चा जन्माएर हत्या गरि डोकोमा राखेर फाल्न लागेको अवस्थामा स्थानीयले देखेपछी प्रहरीमा खबर गरेका थिए । घटनाको जानकारी पाउनासाथ तत्काल जिप्रकाबाट प्रहरी टोली खटि गई राईलाई नियन्त्रणमा लिई कानूनी प्रकृया पश्चात शिशुको शव पोष्टमार्टमको लागि जिल्ला अस्पताल खाँदवारी पठाईएको छ भने घटना सम्बन्धमा थप…

भद्रपुर, २३ मंसिर । नेपाल शिक्षक महासंघ भद्रपुर नगर समितिले शिक्षा शाखाको नेतृत्व लिन आइपुगेका उपसचिव दिनेश न्यौपानेलाई स्वागत गरेको छ । महासंघका नगर अध्यक्ष गणेश गिरीको नेतृत्वमा गएको टोलीले शिक्षा मन्त्रालयबाट सरुवा भई भद्रपुर नगरपालिका शिक्षा शाखाको नेतृत्व गर्न भर्खरै आइपुगेका उपसचिव न्यौपानेको कार्यकक्षमै गएर कार्यकाल सफलताको कामना सहित स्वागत गरेको हो । भद्रपुर नगरमा सवल शिक्षण वातावरणको निर्माण गरी नेतृत्व लिन शुभकामना दिँदै स्रोत व्यक्ति प्रेम भुजेल, नेपाल शिक्षक संघ जिल्ला सचिव योगेन्द्र पौडेल, शिक्षक महासंघका रमाकान्त चौधरी, मञ्जु चौधरी, राजनकृष्ण गौतम विद्यालय कर्मचारी परिषदका जगेनलाल राजवंशी लगायतले शुभकामना मन्तव्य राखेका थिए ।

काठमाडौँ, २३ मङ्सिर । सवारी तथा यातायात व्यवस्था ऐन २०४९ मा भएको व्यवस्थाबमोजिम मङ्सिर मसान्तसम्म यातायात व्यवस्था विभागमा पञ्जीकरण नहुने सार्वजनिक यातायात पुस १ गतेदेखि गुड्न नपाउने भएका छन् । उद्योग अथवा कम्पनी रजिस्ट्रारको कार्यालयमा दर्ता भई विभागमा पञ्जीकरण गरेर मात्र सार्वजनिक यातायात चलाउन संसद्को विकास समितिले २०७४ भदौ ५ गते सरकारलाई निर्देशन दिएको थियो । यससम्बन्धी व्यवस्था गर्न विभागले गत चैत १८ गते निर्देशिकासमेत जारी गरेको थियो । कम्पनीमा दर्ता भई विभागमा पञ्जीकरण गर्न दिइएको छ महीना लामो समयमा एक हजार ५०० कम्पनीका करीब छ हजार सवारी मात्र दर्ता भएको विभागका प्रवक्ता गोकर्णप्रसाद उपाध्यायले राससलाई जानकारी दिनुभयो । पुस…

दमक, २३ मङ्सिर । प्रदेश नं १ का आन्तरिक मामिला तथा कानूनमन्त्री हिक्मत कार्कीले विपत् जोखिम नियन्त्रण गर्न सबैको दायित्व भएको औंल्याउनुभएको छ । यहाँ आजदेखि शुरु भएको स्थानीय तहमा विपत् सचेतना तथा अभिमुखीकरण तालीमको उद्घाटन गर्नुहुदै मन्त्री कार्कीले विपत् हुनसक्ने जोखिम नियन्त्रण गर्न समयमानै उपाय अवलम्बन गर्न सकिए उत्पन्न हुने जोखिम कमी आउने जोड दिनुभयो । विपत् व्यवस्थापन गर्न सबैको चुनौती भएको चर्चा गर्नुहुँदै उहाँले भन्नुभयो, “विपत् व्यवस्थापन गर्न सबैले प्रयास गर्ने हो भने त्यसबाट हुने मानवीय तथा प्राकृतिजन्य जोखिममा कमी आउने छ ।” कार्यक्रममा मन्त्रालयका सचिव गोपालप्रसाद पराजुलीले विपत्बाट उत्पन्न हुने जोखिम न्यूनीकरण गर्न तथा त्यस सम्बन्धी सचेतना…

बिर्तामोड, २३ मंसिर । इलामको सुर्योदय नगरपालिका–७ कन्याममा बनभोज खाने क्रममा खाना सर्किएर १ जनाको मृत्यु भएको छ । सुनसरीको दुहबी नगरपालिका(७ मा रहेको सुलभ सहकारी संस्थाले आयोजना गरेको बनभोज कार्यक्रममा बनभोज खाने क्रममा सर्किएर सोही सहकारीका कर्मचारी सोही स्थान बस्ने बर्ष ४५ को उदयमान चौधरी बिरामी परेका थिए । साँझ ५ बजेको समयमा खाना सर्किएर गम्भीर घाइते भएका चौधरीलाई तत्काल उपचारको लागि बिर्तामोडस्थित विएण्डसी अस्पताल पठाईएकोमा उपचारको क्रममा सोही अस्पतालमा साँझ ६ः५० बजे मृत्यु भएको जिल्ला प्रहरी कार्यालय ईलामले जनाएको छ । मृतकको शव इलाका प्रहरी कार्यालय अनारमनीसंग समन्वय गरी कानूनी प्रकृया पश्चात पोष्टमार्टमको लागि सोही अस्पतालमा राखिएको छ…

सन्तोष शर्मा बनियानी, २३ मङ्सिर । झापाको शिवसताक्षी नगरपालिका–७ स्थित ब्याङ्डाँडामा किरात भाषा, लिपिका सर्जक, अन्वेषक सिरिजङ्गा सिं थेवेको सालिक निर्माण गरिएको छ । स्थानीय समुदायको अग्रसरतामा किरात भाषा, लिपि र साहित्यको संरक्षण तथा सिरिजङ्गा सम्मानका लागि सालिक निर्माण गरिएको हो । रु १४ लाखको लागतमा पाँच फिट ६ इञ्चको पूर्णकदको सालिक निर्माण गरिएको सिरिजङ्गा स्मारक निर्माण समितिका अध्यक्ष चन्द्र लिङ्देनले जानकारी दिनुभयो । सालिक निर्माणका लागि शिवसताक्षी नगरपालिकाले रु एक लाख ५० हजार, विदेशमा रहेका नेपालीबाट रु आठ लाख र स्थानीयवासीले रु ११ लाख ५० हजार गरी रु २० लाख सङ्कलन भएको उहाँले बताउनुभयो । सालिक सिरिजङ्गाको ३१५औँ जन्मजयन्तीका…

भद्रपुर, २३ मंसिर । संस्थागत विद्यालय शिक्षक युनियन झापाको चौथो अधिवेशनले होमराज खतिवडाको अध्यक्षतामा २४ सदस्यीय नयाँ कार्य समिति चयन गरिएको छ । झापाको दमकमा सम्पन्न अधिवेशनले ३ वर्षे कार्यकालका लागि खतिवडाको नेतृत्वमा सर्वसम्मत नेतृत्व चयन गरेको हो । समितिको बरिष्ठ उपाध्यक्षमा दुर्योधन सिंह, उपाध्यक्षहरूमा क्रमशः युवराज दाहाल, भवानीशंकर उप्रेती विजय क्षेत्री र भावना निरौला छनौट भएका छन् । त्यसैगरी सचिवमा रेवतीरमण खनाल, कार्यालय सचिव काजी श्रेष्ठ, सहसचिव प्रमोद खतिवडा, टंक अधिकारी, पदम गजुरेल, कोषध्यक्ष राजन निरौला र सहकोषाध्यक्ष अनिल आचार्य चयन भएका छन् । सदस्यहरुमा क्रमशः सिताराम सुवेदी, दावादोर्जे तामाङ, पवन मोते, रमा सुवेदी, लिला कटुवाल, विकास अधिकारी लगायत…

चन्द्रकला भण्डारी कोलकाता, भारत, २३ मङ्सिर । सुन्तला सम्झिने बित्तिकै कसको मुख रसाउँदैन होला १ पाकेको सुन्तलाको रसिलो केस्रा खाँदा गुलियो मात्र हुँदैन, अनेकन भिटामिन तत्वले भरिपूर्ण यो फल बालवृद्धा सबैका लागि प्रिय र अमृततुल्य मानिन्छ । फलहरुको समेत राजा मानिने सुन्तला नेपालको पहाडी भू–भागमा फल्छ । अझ इलामको सलकपुर, धनकुटाको खोकु छिन्ताङ र भोजपुरको दिङ्लामा फल्ने सुन्तलाको स्वादका बारेमा धेरै चर्चा हुने गर्छ । नेपालको सुन्तलाले अब मुलुक बाहिर समेत चर्चा पाउन थालेको छ । भारतको पर्यटकीय शहर कोलकातामा जारी हिमालयन ओरेन्ज टुरिजम फेस्टिबल ९सुन्तला महोत्सव०मा नेपाली सुन्तलाले भारतीय ग्राहकहरुलाई मोहनी नै लगाएको कोलकाताकी प्रसिद्ध सामाजिक कार्यकर्ता गीताली लहरी…

भारतीय टेलिभिजन स्टार प्लसको धारवारिक शो ‘साथ निभाना साथिया’की ‘गोपी बहू’ देवोलीना भट्टाचार्यलाई मुम्बई प्रहरीले हिरा व्यापारी राजेश्वर किशोरीलालको हत्याको विषयमा अनुसन्धान गर्न प्रहरी चौकीमा बोलाएको छ । देवोलीनाको नम्ब राजेश्वरको कल डिटेल्समा भेटिएपछि अनुसन्धानका लागि उनलाई प्रहरीले बोलाएको हो । उनलाई घाटकोपरको पन्त नगर पुलिस स्टेसनमा राखेर सोधपुछ भइरहेको छ । लामो समयदेखि वेपत्ता बनिरहेका राजेश्वरको शव केही समय अघि मात्र पनवेलको जंगल क्षेत्रमा फेला परेको थियो । समाचार अनुसार राजेश्वर २७ नोभेम्बरमा घरबाट निस्किएपछि उनी फर्किएका थिएनन् । उनी घाटकोपर पश्चिमको कामा लेनस्थित महालक्ष्मी अपार्टमेन्टमा बस्दै आएका थिए । उनी हराएपछि उनको परिवारले पन्त नगर पुलिस चौकीमा निवेदन…

इलाम, २३ मङ्सिर । वैदेशिक रोजगारीका क्रममा मलेसिया पुगेर बेपत्ता बनेका एक व्यक्तिको मलेसियामै मृत्यु भएको छ । तीन वर्षअघि वैदेशिक रोजगारीका लागि मलेसिया गएका यहाँस्थित सन्दकपुर गाउँपालिकाको सुलुबुङका नन्दकुमार शिवाकोटीको गत मङ्सिर १६ गते मृत्यु भएको परिवारले जनाएको छ । उहाँका छिमेकी नेत्र रिजालका अनुसार शिवाकोटीको मृत्यु के कारणले भयो भन्ने बारेमा भने खुलेको छैन । शिवाकोटीको शवलाई आजै थाई एयरमार्फत नेपाल ल्याइने तयारी भइरहेको छ । पाँचथर स्थायी घर भएका शिवाकोटी केही वर्षअघि मात्र इलाम बसाइँ सरी आउनुभएको थियो । शिवाकोटीका श्रीमती र ६ जना छोरी रहेका छन् ।