झापा अनलाइन

वीरगन्ज, ३० कात्तिक । पर्साको जिराभवानी गाउँपालिका–१ बलुवा गाउँको खेतमा लुकाएर राखिएको ४५० थान मोबाइल सशस्त्र प्रहरीले बरामद गरेको छ । भारतबाट अवैध रूपमा ल्याएको ४५० थान मोबाइल बरामद गरिएको सशस्त्र प्रहरीले जनाएको छ । बरामद मोबाइलको बजार मूल्य करिब ९ लाख रुपैयाँ रहेको र आवश्यक कारबाहीका लागि वीरगन्ज भन्सार कार्यालयमा पठाइएको पर्साका सशस्त्र प्रहरी उपरीक्षक पुरनचन्द्र भट्टले जानकारी दिए ।

झापा, ३० कात्तिक । अन्तर्राष्ट्रिय बजारमा सुनचाँदीको मूल्यमा आएको उतारचढावको असर स्थानीय बजारमा पनि परेको छ । गत शुक्रबारको तुलनामा आज दुवै धातुको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार गत शुक्रबारको तुलनामा आज सुनको मूल्यको मूल्यमा रु छ हजार ९००ले गिरावट आएको छ । आज एक तोला सुनको मोल रु दुई लाख ४२ हजार ८०० निर्धारण भएको छ । शुक्रबार एक तोला सुन रु दुई लाख ४९ हजार ७०० मा किनबेच भएको थियो । त्यसैगरी, चाँदीको मूल्य पनि रु १५० ले घटेको छ । आज चाँदी प्रतितोला रु तीन हजार १३५ मा कारोबार भइरहेको छ ।…

झापा, ३० कात्तिक । डिभिजन वन कार्यालय झापाले पूर्व–पश्चिम राजमार्गको उत्तर क्षेत्रमा हात्तीको बथान जिल्लामा प्रवेश गरेकाले सावधान रहन सर्वसाधारणलाई आग्रह गरेको छ । गस्ती र माइकिङ गरेर सर्वसाधारणलाई सचेत बनाउनुका साथै सावधानी अपनाउन आग्रह गरिएको कार्यालयले जनाएको छ । मोरङबाट २५ देखि ३० को सङ्ख्यामा हुल बाँधेर बच्चासहित हात्तीको बथान झापा प्रवेश गरेकाले स्थानीयवासीलाई सोबारे जानकारी दिँदै सचेतना अपनाउन माइकिङ गरेर आग्रह गरिएको डिभिजन वन कार्यालयका प्रमुख भरतबाबु श्रेष्ठले बताउनुभयो । “डेढ वर्षअघि बाहुनडाँगीको प्रसाद गौँडा हुँदै ५०–६० हात्तीको बथान नेपाल प्रवेश गरेका थिए । सोमध्ये करिब एक वर्षअघि ३० वटा हात्ती भारततर्फ फर्किएको र बाँकी मोरङ र सुनसरीका…

झापा, ३० कात्तिक । चालू आर्थिक वर्ष २०८२–८३ को पहिलो तीन महिनामा साढे पाँच खर्बभन्दा बढी रेमिट्यान्स भित्रिएको छ । नेपाल राष्ट्र बैङ्कले आज सार्वजनिक गरेको चालू आर्थिक वर्ष २०८२–८३ को असोज महिनासम्मको तथ्याङ्कमा आधारित देशको वर्तमान आर्थिक तथा वित्तीय स्थिति प्रतिवेदन अनुसार विप्रेषण आप्रवाह ३५ दशमलव चार प्रतिशतले वृद्धि भई रु पाँच खर्ब ५३ अर्ब ३१ करोड पुगेको हो । गत असोज महिनामा मात्र रु दुई खर्ब एक अर्ब २२ करोड विप्रेषण आप्रवाह भएको राष्ट्र बैङ्कले जनाएको छ । यो अवधिमा खुद द्वितीय आय ९खुद ट्रान्सफर० रु छ खर्ब १० अर्ब ६१ करोड पुगेको छ । अघिल्लो वर्षको सोही…

झापा, ३० कात्तिक । नेपाल प्रहरीले भारतबाट खैरो हिरोइन ओसारपसार गरी राजधानी काठमाडौँलाई केन्द्र बनाई बिक्री गर्ने चार जनालाई पक्राउ गरेको छ। लागु औषध नियन्त्रण ब्युरोका प्रहरी नायब निरीक्षक विचित्र मगरको नेतृत्वमा गएको टोलीले विशेष सूचनाका आधारमा छापा मार्दै दुई भारतीय नागरिकसहित चार जनालाई पक्राउ गरी आज सार्वजनिक गरेको हो। पक्राउ पर्नेमा सप्तरी, राजविराजका ३९ वर्षीय रविआनन्द देव, भारतको हरिपुरका २३ वर्षीय राजा कुमार, भारतको स्वस्तिकनगरका २१ वर्षीय देवेन्द्रकुमार शाह र मोरङका २९ वर्षीय पुष्प मगर रहेका छन्। ब्युरोका सहप्रवक्ता प्रहरी नायब उपरीक्षक चन्द्रभूषण यादवका अनुसार, देवको काठमाडौँ महानगरपालिका–१३ स्थित पनेरु गाउँको कोठाबाट २७२ ग्राम खैरो हिरोइन बरामद गरिएको छ।…

सन्तोष शर्माझापा, ३० कात्तिक । झापामा पछिल्लो चार महिनाको अवधिमा सवारी दुर्घटनामा परी १७ जनाले ज्यान गुमाएका छन् । चालु आर्थिक वर्ष २०८२/०८३ को साउनदेखि कात्तिक २९ गतेसम्म भएका तीन सय ४५ वटा सवारी दुर्घटनामा परी १७ जनाको मृत्यु भएको जिल्ला ट्राफिक प्रहरी कार्यालय झापाका प्रमुख प्रहरी निरीक्षक सन्तोष राईले जानकारी दिनुभयो । ती दुर्घटनामा परी २९ जना गम्भीर घाइते भएका छन् भने छ सय ७० जना सामान्य घाइते भएका छन् । असोज महिनामा सबैभन्दा धेरै छ जनाको मृत्यु भएको छ भने साउनमा तीन जना, भदौमा चार जना र कार्तिकको हालसम्म चार जनाको मृत्यु भएको जिल्ला ट्राफिक प्रहरी कार्यालय झापाले…

बिर्तामोड, ३० कात्तिक । मारवाडी महिला मञ्च र मारवाड़ी युवती मञ्च बिर्तामोडको संयूक्त साधारण सभा तथा अधिवेशन सम्पन्न भएको छ । मारवाडी सेवा समिति बिर्तामोडको हलमा भएको साधारण सभामा मञ्चकी अध्यक्ष निलम अग्रवाल पुनः अध्यक्षमा निर्वाचित हुनुभएको छ । कार्यक्रममा महिला मञ्चको प्रगति र आर्थिक प्रतिवेदन सचिव निर्मला अग्रवालबाट र मारवाडी युवती मञ्चको प्रगति र आर्थिक प्रतिवेदन संयोजक रिचा मंगलबाट प्रस्तुत गरिएको थियो । मञ्चकी पूर्व अध्यक्ष रेणु मंगलको प्रमुख आतिथ्यतामा भएको सभामा नेपाल राष्ट्रिय मारवाडी परिषदका केन्द्रीय सचिव उमेश डालमिया, मारवाड़ी सेवा समिति बिर्तामोडका संस्थापक अध्यक्ष वेदप्रकाश अग्रवाल, मारवाड़ी सेवा समितिका अध्यक्ष विजयकुमार गोयल र मारवाडी महिला मञ्च बिर्तामोडकी…

निशान निरौलाइलाम, ३० कात्तिक । हिजो साँझ करिब ७ बजे इलाम–पाँचथर जोड्ने भित्री सडक खण्डमा भएको ट्याक्टर दुर्घटनामा एक जनाको मृत्यु भएको छ भने दुई जना घाइते भएका छन् । इलामको सन्दकपुर गाउँपालिका–२, गोरुवाले भञ्ज्याङ नजिक लोक्ता (नेपाली कागज बनाउन प्रयोग हुने कच्चा पदार्थ) बोकेर पाँचथरतर्फ जाँदै गरेको प्रदेश १–०२–००३–त ३४०२ नम्बरको ट्याक्टर आफैँ अनियन्त्रित भई करिब ५० मिटर तल खसेर दुर्घटना भएको थियो। सो जानकारी राति ११ः४५ बजे प्रहरी चौकी बन्दुकेमा आएपछि प्रहरी टोली घटनास्थलतर्फ खटिएको थियो । दुर्घटनामा जिल्ला पाँचथर, फिदिम नगरपालिका–१४ बस्ने ३४ वर्षीय सोम राईको घटनास्थलमै मृत्यु भएको इलाम प्रहरीले जनाएको छ ।सोही ट्याक्टरमा सवार फिदिम…

बिर्तामोड, ३० कात्तिक । झापाको बिर्तामोडमा मुख्य कार्यालय रहेको शिक्षा बहुउद्देश्यीय सहकारी संस्था लि.को १३ औं साधारणसभा अन्तरगत चार वटा इकाइगत साधारण सभा सम्पन्न भएका छन् । संस्थाको कात्तिक २७ गतेदेखि शुरु भएको इकाइगत साधारण सभा आज कात्तिक ३० गते सम्पन्न भएको हो । संस्थाको कात्तिक २७ गते इकाइ १ अन्तरगत धुलाबारी–दुहागढी, कात्तिक २८ गते इकाइ २ अन्तरगत शनिश्चरे–अर्जुनधारा, कात्तिक २९ गते इकाइ ३ अन्तरगत बिर्तामोड–चैतुबारी र कात्तिक ३० गते इकाइ ४ अन्तरगत दुर्गापुरको इकाइगत साधारण सभा सम्पन्न भएको हो । संस्थाको अध्यक्ष सुब्रत न्यौपानको अध्यक्ष एवम् सल्लाहकार संयोजक सावित्रीकुमारी लिम्बूको प्रमुख आतिथ्यमा इकाइगत साधारणसभाहरु सम्पन्न भएका हुन् । कार्यक्रमहरुमा…

ताप्लेजुङ, ३० कात्तिक । ताप्लेजुङको फक्ताङलुङ गाउँपालिका–६ अन्तर्गतका हिमाली बस्ती घुन्सा र फलेटारमा स्याउखेतीको परीक्षण सफल भएको छ। स्थानीय किसान र विभिन्न संस्थाले परीक्षणका रूपमा रोपेका स्याउ बिरुवाले फल दिन थालेपछि उत्साह बढेको छ। विश्वको तेस्रो तथा नेपालको दोस्रो अग्लो शिखर कञ्चनजङ्घा आधार शिविर प्रवेशद्वारमा अवस्थित फले र घुन्सामा इटालीबाट ल्याइएका बिरुवा रोपिएको थियो। रोपेको छ महिनामै स्याउ फल्न थालेपछि स्थानीयवासी आशावादी बनेका छन्। हिमाली भूभागमा स्याउखेतीको यो सफल प्रयासले ताप्लेजुङ मात्र होइन, सम्पूर्ण पूर्वी हिमाली क्षेत्रका किसानका लागि व्यावसायिक स्याउखेतीको नयाँ सम्भावना देखाएको छ। फलेटार र ग्याप्ला क्षेत्रमा विगतदेखि नै स्याउखेती हुँदै आएको भए पनि घुन्सामा पहिलोपटक परीक्षण गरिएको…