झापा अनलाइन

झापा, २२ असोज । समाजसेवा, शिक्षा, साहित्य, पत्रकारिता तथा सांस्कृतिक सृजनशीलतालाई प्रोत्साहन गर्ने उद्देश्यले स्थापना गरिएको रुद्र–गौरी, श्री–अम्बिका ओली प्रतिष्ठानले नयाँ नेतृत्व चयन गरेको छ। प्रतिष्ठानको १४औं वार्षिक साधारण सभा तथा पाँचौं राष्ट्रिय महाधिवेशन झापाको बिर्तामोडमा सम्पन्न भएको हो। महाधिवेशनले आगामी तीन वर्षका लागि गंगाप्रसाद ओलीलाई पुनः केन्द्रीय अध्यक्षमा सर्वसम्मत रूपमा चयन गरेको छ। ओली यसअघि पनि संस्थाको नेतृत्व गरिसकेका छन्। नयाँ कार्यसमितिमा उपाध्यक्षमा ऋतुराज भण्डारी, महासचिवमा तुलसीराम ओली, कोषाध्यक्षमा यज्ञराज ओली (गोपाल) र सचिवमा नारायण प्रसाद ओली निर्विरोध रूपमा चयन भएका छन्। सदस्यहरूमा उमेशचन्द्र ओली, हिरालाल आचार्य, लक्ष्मी आचार्य ओली, रेखा ओली उप्रेती, नरदमणि न्यौपाने र नरप्रसाद ओली (नवीन)…

झापा, २२ असोज । झापामा बाढीपीडितलाई आफूखुसी राहत वितरण गर्न रोक लगाइएको छ । जिल्ला बिपद व्यवस्थापन समिति झापाको मंगलबार जिल्ला प्रशासन कार्यालयको सभा हलमा बसेको बैठकले सो निर्णय गर्दै राहत वितरणको नेतृत्वका जिम्मा स्थानीय तहलाई दिने निर्णय गरेको हो । जिल्ला बिपद व्यवस्थापन समिति झापाका संयोजक प्रमुख जिल्ला अधिकारी गोपालकुमार अधिकारीको अध्यक्षतामा बसेको बैठकमा संघीय सांसद लालबहादुर साँवा लिम्बू, कोशी प्रदेश सरकारका राज्यमन्त्री भूमिप्रसाद राजवंशी, जिल्लास्थित सुरक्षा निकायका प्रमुख, विभिन्न संघ–संस्थाका प्रतिनिधि लगायतको उपस्थिति थियो । बैठकले स्थानीय तहको नेतृत्वमा एकद्वार प्रणालीबाट राहत वितरण गर्ने निर्णय गरेको प्रजिअ अधिकारीले जानकारी दिनुभयो । स्थानीय तहबाट मात्र राहत वितरण सम्भव नहुने…

झापा, २२ असोज । सुदूरपश्चिम प्रदेश, कर्णाली प्रदेश लगायत लुम्बिनी प्रदेशको पश्चिमी भूभागको धेरै स्थानहरू र गण्डकी प्रदेशको पश्चिमी भूभागको थोरै स्थानहरूमा पश्चिमी वायूको प्रभाव तथा बाँकी भूभागमा मनसुनी वायू तथा स्थानीय वायूको कमजोर प्रभाव रहेको छ । जल तथा मौसम विज्ञान विभागले आज बिहान ६ बजे जारी गरेको बुलेटिन अनुसार आज दिउँसो कोशी प्रदेश, कर्णाली प्रदेश र सुदुरपश्चिम प्रदेश लगायत देशका पहाडी भूभागमा साधारणतया बदली रही बाँकी तराई भूभागमा आंशिक बदली रहने छ । कोशी प्रदेश, कर्णाली प्रदेश र सुदुरपश्चिम प्रदेशका थोरै स्थानहरूमा तथा बाँकी प्रदेशका एकदुई स्थानमा मेघगर्जन–चट्याङसहित मध्यम वर्षाको सम्भावना छ । यस्तै, आज राति कोशी प्रदेश…

सङ्खुवासभा, २१ असोज । सङ्खुवासभामा यो वर्ष अलैँचीको मूल्य घटेको छ । गत वर्ष यही समयमा प्रतिमन ९४० किलो० रु ९० हजारमा मूल्य रहेकामा यसपटक भने रु ८० हजारमा कारोबार भइरहेको छ । एक दशक अघिदेखि ओरालो लागेको अलैँचीको मूल्य गत वर्ष सुधार भए पनि यस वर्ष फेरि मूल्य घटेको छ । कालो सुनको रूपमा चिनिँदै आएको अलैँचीको मूल्य प्रतिमन रु ८० हजारमा कारोबार भइरहेको अलैँची व्यवसायी महासङ्घ सङ्खुवासभाका अध्यक्ष कुमार श्रेष्ठले जानकारी दिनुभयो । उहाँका अनुसार गत वर्ष प्रतिमन रु एक लाख १० हजारसम्म कारोबार भएको थियो । पछिल्लो समय अन्तर्राष्ट्रिय बजारमा नेपाली अलैँचीको माग घटेपछि मूल्य पनि घटेको…

झापा, २१ असोज । अन्तर्राष्ट्रिय बजारमा सुनको मूल्यमा वृद्धिभएसँगै त्यसको प्रभाव स्थानीय बजारमा पनि परेको छ । सोमबारको तुलनामा आज एक तोला सुन दुई हजार ३०० ले महँगो भएको छ । नेपाल सुनचाँदी व्यवसायी महासङ्घका अनुसार सोमबार रु. दुई लाख ३३ हजार १०० मा कारोबार भएको एक तोला सुनको मोल आज रु। दुई हजार ३०० ले बढेर रु. दुई लाख ३५ हजार ४०० कायम भएको छ । चाँदीको मूल्य भने स्थिर छ । सोमबार एक तोला चाँदी रु. दुई हजार ९६० मा खरिदबिक्री भएको थियो । गत आइतबार एक तोला सुन रु। दुई लाख ३० हजार ६०० मा किनबेच भएको…

तेह्रथुम, २१ असोज । अविरल वर्षासँगै आएको बाढी र पहिरोका कारण मेची राजमार्ग तथा तमोर करिडोरका एक दर्जन स्थानमा सडक अवरुद्ध भएपछि यात्रुहरू वैकल्पिक मार्ग प्रयोग गर्न बाध्य भएका छन्। ताप्लेजुङ, पाँचथर र तेह्रथुमको आठराई क्षेत्रबाट पूर्वी तराई झर्ने यात्रुहरू फिदिम–म्याङ्लुङ–धनकुटा–धरान मार्ग अपनाइरहेका छन् । पाँचथरको फिदिमबाट म्याङ्लुङ हुँदै झापा पुग्ने वा तमोर करिडोर भएर धरान जाने मुख्य मार्ग अवरुद्ध भएपछि यात्रुहरू लामो दूरीको वैकल्पिक रुटमा महँगो भाडा तिरेर यात्रा गरिरहेका छन्। काठमाडौँकी कमला पाठकले म्याङ्लुङबाट बसन्तपुर–हिले–धनकुटा–धरान हुँदै फर्किने बताइन् भने याङवरकका राजकुमार सेलिङ झापाको बिर्तामोडतर्फ यही मार्ग प्रयोग गरेर गएका छन्। पाथीभरा देवीको दर्शन, उपचारका लागि तराई झर्ने सेवाग्राही…

झापा, २१ असोज । प्रत्येक वर्ष आश्विन शुक्ल पूर्णिमामा सूर्योदय भएका दिन सुरु हुने कार्तिक स्नान, आकाशदीप दान एवं तुलसीको विशेष पूजा आराधना आजदेखि सुरु गरिँदैछ । आश्विन शुक्ल पूर्णिमादेखि कार्तिक शुक्ल पूर्णिमासम्म कार्तिक स्नानसहित तुलसीको विशेष पूजा आराधना, आकाशदीप दान गरेमा सौभाग्य, सम्पत्ति एवं श्रेय प्राप्ति हुने धार्मिक विश्वास छ । आकाशदीप दान पाएसम्म बाँस, नपाएमा पलाँस, खएर, पीपल, आदिको लिङ्गो ठड्याएर बालिन्छ । आकाशदीप दान भगवान् विष्णुलाई समर्पण गरी बाल्ने गरिन्छ । आश्विन शुक्ल पूर्णिमादेखि कार्तिक शुक्ल पूर्णिमासम्म कार्तिक स्नानगरी घरघरमा विशेषरुपमा गरिने तुलसी पूजाले मनोकामना पूरा हुने धार्मिक विश्वास छ । तुलसीको विशेष पूजा सूर्योदयअघि नै गरिसक्नुपर्ने…

झापा, २१ असोज । जेनजी प्रदर्शनका क्रममा देशका विभिन्न कारागार र सुधारगृहबाट भागेकामध्ये झण्डै पाँच हजार ७०० कैदी अझै फरार छन् । मुलुकभर जेनजी प्रदर्शन चर्केपछि विभिन्न २८ वटा कारागारबाट १३ हजार ५८९ कैदी र नौ वटा बालसुधारगृहबाट ९६४ बालबन्दी गरी १४ हजार ५५३ बन्दी भागेका थिए । त्यसमध्ये आज अपराह्नसम्म आठ हजार ५१० कैदी र ३४१ बालबन्दी गरी कूल आठ हजार ८५१ बन्दी कारागार फर्केका छन् । कारागार व्यवस्थापन विभागका निर्देशक चोमेन्द्र न्यौपानेका अनुसार पाँच हजार ७९ कैदी र ६१८ बालबन्दी गरी कूल पाँच हजार ६९७ बन्दी अझै फरार छन् । गृह मन्त्रालयले यही असोज १० गते फरार कैदीबन्दीलाई…

बनियानी, २१ असोज । झापामा बाढीका कारण पूर्ण प्रभावित भएका परिवारलाई तत्काल राहत उपलब्ध गराइने भएको छ । बाढी पीडितलाई राहत तथा सहयोग गर्ने सन्दर्भमा जिल्ला प्रशासन कार्यालय झापाको समन्वयमा सोमबार बसेको बैठकले बाढीका कारण पूर्ण प्रभावित र विस्थापित भएका परिवारलाई तत्काल राहत प्याकेज उपलब्ध गराउने निर्णय गरिएको हो। गत असोज १८ र १९ गते आएको अविरल वर्ष पछि आएको बाढीबाट अति प्रभावित र विस्थापित भएका परिवारलाई तत्काल राहत प्याकेज उपलब्ध गराइने झापाका प्रमुख जिल्ला अधिकारी गोपालकुमार अधिकारीले जानकारी दिनुभयो । तत्काल पूर्ण प्रभावित परिवारलाई खाद्यान्नतर्फ २५ केजी चामल, दुई केजी नुन, २ केजी दाल। एक लिटर तेल र पाँच…

शिवसताक्षी, २१ असोज । झापा जिल्लाको शिवसताक्षी नगरपालिकाले बाढी र डुबानबाट प्रभावित नागरिकहरूको क्षति विवरण संकलन कार्य सुरु गरेको छ । गत असोज १८ गते रातिदेखि परेको अविरल वर्षाका कारण कनकाई र माई नदीमा आएको बाढीले नगरपालिकाका विभिन्न क्षेत्र डुबानमा परेका थिए । प्रारम्भिक चरणमा शिवसताक्षी–७ लालपानीका ७२ घरपरिवारको क्षति विवरण संकलन गरिएको नगरपालिकाले जनाएको छ । उक्त क्षेत्रमा अझै केही घरको विवरण संकलन गर्न बाँकी रहेको छ । बाढीबाट विस्थापित नागरिकहरू हाल लालपानी माध्यमिक विद्यालयमा आश्रय लिएर बसिरहेका छन् । लालपानी क्षेत्रमा मुख्यतया राजवंशी समुदायका परिवारहरूको बसोबास रहेको छ । नगरपालिकाका अनुसार, बाढीबाट ४ घर पूर्ण रूपमा क्षतिग्रस्त भएको…