झापा अनलाइन

झापा, १ मंसीर । नेपाल प्रिमियर लिग (एनपिएल)को उद्घाटन खेलमा साविक विजेता जनकपुर बोल्ट्सललाई हराउँदै काठमाडौँ गोर्खाजले प्रतियोगितामा सुखद् सुरुआत गरेको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा आज भएको खेलमा काठमाडौँले जनकपुरमाथि पाँच विकेटको जित निकालेको हो । जितको लागि एक सय ३१ रनको लक्ष्य पछ्याएको काठमाडौँले १८ ओभरमा पाँच विकेट गुमाउँदै पूरा गर्‍यो । काठमाडौँको जितमा बेन चाल्र्सवर्थले ४६ रन बनाए । उनले २३ बलमा पाँच चौका र तीन छक्काको सहयोगमा ४६ रन बनाए । यसैगरी आकाश त्रिपाठीले ३९ रन बनाए । मिलिन्द कुमारले १९ रन बनाए भने जोहन सिम्पसनले १३ रन जोडे । बलिङतर्फ जनकपुरका किशोर महतो,…

नवलपरासी पश्चिम्, १ मंसीर । नवलपरासीको सुनवल नगरपालिका–१३ सुर्यवस्तीस्थित पूर्व–पश्चिम राजमार्गमा आज दिउँसो भएको कार दुर्घटनामा परी एकजनाको मृत्यु भएको छ भने एकजना घाइते भएका छन् । कारमा सहोदर बाबुछोरा रहेका थिए । पश्चिमबाट पूर्वतर्फ जाँदै गरेको प्रदेश–३–०१–०२३ च ५०७५ नम्बरको कार आज दिउँसो अन्दाजी १३ः०० बजे अनियन्त्रित भएपछि पुलबाट करिब १०–१२ मिटर तल रहेको खोलामा खसेको प्रहरीले जनाएको छ । दुर्घटनामा परी अर्घाखाँची पाणिनी गाउँपालिका–६ माझा गाउँका ८० वर्षीय मणिराम पौडेलको उपचारको क्रममा मृत्यु भएको प्रहरीले जनाएको छ । मृतकका छोरा कार चालक ४३ वर्षीय हरिशचन्द्र पौडेल भने घाइते भएका छन् । उनको मुख तथा आँखीभौँमा चोट लागेको र…

शिवसताक्षी, १ मंसीर । झापाको शिवसताक्षी नगरपालिकाले आगामी मंसिर ३ गते स्थानीय विदा दिने निर्णय गरेको छ । नगरपालिकाले आज सूचना सार्वजनिक गर्दै बालाचतुर्दशी पर्वको अवसरमा अत्यावश्यक सेवाबाहेक अन्य सबै कार्यालय बन्द रहने जानकारी गराएको हो। नगर क्षेत्रभित्र अवस्थित प्रसिद्ध धार्मिक तथा पर्यटकीय स्थल सताक्षीधाममा मनाइने बालाचतुर्दशी मेला लक्षित गरी विदा गरिएको शिवसताक्षी नगरपालिकाले जनाएको छ । नगरपालिकाका वडा कार्यालयहरू, शैक्षिक संस्था, स्वास्थ्य कार्यालयहरुमा विदा गरिएको हो । बालाचतुर्दशीको अवसरमा सताक्षीधाममा लाखौँ दीपदान, शतबीज छर्ने संस्कार, धार्मिक अनुष्ठान तथा मेला जस्ता गतिविधि हुने भएकाले यस वर्ष पनि भक्तजनको ठूलो भीड रहने अनुमान गरिएको छ।

सागर गौतमखुुदुनावारी, १ मंसीर । अर्जुनधारा नगरपालिका–३ स्थित खुदुनावारी साना किसान कृषि सहकारी संस्थाले आफ्ना सेयर सदस्यलाई मकै रोप्ने मेशिन वितरण गरेको छ । संस्थाका अध्यक्ष कृष्ण प्रसाद दंगालको अध्यक्षता तथा अर्जुनधारा नगरपालिका प्रमुख बलदेव सिंह गोम्देनको प्रमुख आतिथ्यमा भएको कार्यक्रममा किसानलाई मकै रोप्ने मेसिन वितरण गरिएको हो । संस्थाको पाङ्गणमा सोमबार आयोजित कार्यक्रममा प्रमुख अतिथी गोम्देनले संस्थाका जेष्ठ सदस्य गोपीकृष्ण पराजुली र अन्तर समूह–३ ९ घ ० की अध्यक्ष उर्मिला खतिवडालाई वितरण गर्नुभएको थियो । संस्थाको स्वीकृत वार्षिक कार्यक्रम अन्तर्गत एक समूह एक मकै रोप्ने मेसिन वितरण गरिएको संस्थाका अध्यक्ष कृष्ण प्रसाद दंगालले बताउनुभयो । उहाँका अनुसार संस्थामा २३…

बिर्तामोड, १ मंसीर । बुद्धशान्ति गाउँपालिका–४ मंगलबारेमा मोटरसाइकल दुर्घटनामा परेका एक युवकको आज बिहान मृत्यु भएको छ । बुद्धशान्ति गाउँपालिका–४ का २६ वर्षीय अभिषेक नेवारको उपचारको क्रममा आज बिहान मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्र खड्काले जानकारी दिनुभयो । गत कात्तिक २९ गते राति भञ्जयाङबाट मंगलबारेतर्फ जाँदै गरेको मे.१० प.११०४ नम्बरको मोटरसाइकल आफैं अनियन्त्रित भई दुर्घटना हुँदा मोटरसाइकल उनी गम्भीर घाइते भएका थिए । उनलाई बीएण्डसी अस्पताल बिर्तामोडमा उपचारका लागि भर्ना गरिएको थियो । आइतबार (३० गते) राति आफन्तले उनलाई अस्पतालबाट घर ल्याएकोमा आज बिहान घरमै मृत्यु भएको उहाँले जानकारी दिनुभयो । घटनाको सम्बन्धमा मुचुल्कासँगै…

काठमाडौँ, १ मङ्सिर । नेशनल प्रिमियर लिग (एनपिएल) को दोस्रो संस्करण आजदेखि कीर्तिपुरस्थित त्रिभुवन विश्वविद्यालय क्रिकेट मैदानमा सुरु हुँदैछ । नेपाल क्रिकेट सङ्घका अध्यक्ष चतुरबहादुर चन्दका अनुसार प्रतियोगिताको शुभारम्भ अपरान्ह २ बजे हुने छ भने पहिलो खेल ४ बजे खेलाइने छ । यही मङ्सिर २७ गतेसम्म सञ्चालन हुने एनपिएलमा लिग चरण, तीन वटा प्लेअफ र फाइनलसहित ३२ खेल हुनेछन् । उद्घाटन खेलमा साविक विजेता जनकपुर बोल्ट्स र काठमाडौँ गोर्खाजबीच प्रतिस्पर्धा हुनेछ । यस पटक रङ्गशालामा १० हजार जना अट्ने प्यारापिट निर्माण गरिएकोले दर्शकले सिट्मै बसेर प्रतियोगिता हेर्न पाउने भएका छन् भने फ्लड लाइटका कारण खेलहरु अन्य देशका रङ्गशाला सरह रातिसमेत…

झापा, १ मंसीर । नेपाल राष्ट्र बैङ्कको सम्पत्ति तथा दायित्व रु २६ खर्ब २३ करोड ९५ लाख ४० हजार बराबरको पुगेको छ । आर्थिक वर्ष २०८१–८२ को प्रतिवेदनअनुसार २०८२ असार मसान्तको वित्तीय स्थितिमा २९ दशमलव २३ प्रतिशतले वृद्धि भएको छ । केन्द्रीय बैङ्कका अनुसार, विभिन्न कोषमा आवश्यक रकम विनियोजन गरी बाँकी रु ४२ अर्ब नेपाल सरकारलाई उपलब्ध गराउने निर्णय गरेको छ । वार्षिक प्रतिवेदनअनुसार आव २०८१–८२ को विदेशी विनिमय तथा अन्य सम्पत्ति पुनः मूल्याङ्कन लाभ हानी समायोजनअघिको खुद् आय अघिल्लो वर्षको तुलनामा नौ दशमलव ११ प्रतिशतले वृद्धि भई रु ८० अर्ब ४८ करोड २६ लाख ५० हजार कायम भएको छ…

झापा, १ मंसीर । जेनजी आन्दोलनका क्रममा झापाका विभिन्न प्रहरी कार्यालयबाट फरार भएका थुनुवा पुनः प्रहरी नियन्त्रणमा आउन थालेका छन् । आइतबार इलाका प्रहरी कार्यालय अन्तरगत फरार भएका ३ जना थुनुवालाई प्रहरीले नियन्त्रणमा लिएको छ । सवारी अंगभङ्ग मुद्दामा अनुसन्धान भइरहेका झापा कचनकवल गाउँपालिका–६ घर भई हाल काठमाडौं दक्षिणकाली नगरपालिका–३ फर्पिङमा बस्दै आएका १८ वर्षीय अशोक रिमाल जेनजी आन्दोलनका क्रममा इप्रका झिलझिलेबाट फरार भएका थिए । उनी आफैं प्रहरी कार्यालय झिलझिलेमा सम्पर्कमा आएपछि नियन्त्रणमा लिइ थप अनुसन्धान भइरहेको प्रहरीले जनाएको छ। त्यस्तै, झिलझिले प्रहरीद्वारा खटिएको टोलीले लागुऔषध मुद्दामा म्याद थप भई अनुसन्धान भइरहेको अवस्थामा हिरासतबाट भागेका दुई फरार थुनुवालाई आइतबार…

झापा, १ मंसीर । झापाको गौरादह नगरपालिका–१ गैरीया चोकमा अटो दुर्घटनामा परी एक महिलाको मृत्यु भएको छ । गत कात्तिक २१ गते साँझ करिब मे.१ ह. ५७५४ नम्बरको अटो धान लोड गर्दै रोकिएको प्रदेश १–०२–००१ख ९०९३ नम्बरको मिनी ट्रकको पछाडी ठोक्किँदा दुर्घटना भएको थियो । उक्त दुर्घटनामा अटो चालक गौरादह–१ निवासी ४८ वर्षीय मो. डोमा र उनकी श्रीमती ३७ वर्षीया खुसबु खातुन गम्भीर घाइते भएकी थिइन् । उपचारका लागि निम्स अस्पताल दमकमा भर्ना गरिएकोमा अवस्था जटिल भएपछि खुसबुलाई थप उपचारका लागि नोबेल अस्पताल विराटनगर लगिएकोमा कात्तिक ३० गते दिउँसो उपचारको क्रममा मृत्यु भएको हो । दुर्घटनाबारे थप अनुसन्धान भइरहेको जिल्ला…

झापा, १ मंसीर । झापाको बिर्तामोडबाट प्रकाशित हुँदै आएको पूर्वाञ्चल दैनिक आजबाट ३१ औं वर्षमा प्रवेश गरेको छ । पत्रिकाले अब डिजिटल रूपान्तरणको नयाँ यात्रामा अघि बढ्ने घोषणासहित सफल ३ दशकको यात्रा पूरा गरी नयाँ ऊर्जासहित ३१ वर्षमा प्रवेश गरेको हो । लेटर प्रेसको ढाँचाबाट सुरु भएको पूर्वाञ्चल दैनिक अहिले अत्याधुनिक अफसेट प्रविधिमा प्रकाशित हुन्छ । मोफसलमा पहिलोपटक अफसेट प्रविधि भित्र्याएको पूर्वाञ्चल दैनिक प्रेस काउन्सिल नेपालबाट ‘क’ श्रेणी प्राप्त पत्रिका हो । बिर्तामोड–१ मा मुख्य कार्यालय रहेको पूर्वाञ्चल श्री अन्तु प्रकाशन प्रालिले प्रकाशन तथा वितरणको जिम्मेवारी सम्हाल्दै आएको छ । ३१ वर्ष प्रवेशको अवसरमा संस्थाका अध्यक्ष टोरुप प्रसाई, प्रकाशक भरतलाल…