झापा अनलाइन

बुद्धशान्ति, १४ फागुन । जोइन्ट हेन्ड युथ सोसाइटी बुद्धशान्ति झापालाई मानवीय कार्यका लागि शव बहान खरिद गर्ने योजना सफल बनाउन मकवानपुरबाट पनि सहयोग रकम प्राप्त भएको छ । मानवीय कार्यमा जुटेको जोइन्ट हेन्ड युथ सोसाइटीलाई जिवनको अन्तिम क्षणमा आवश्यक पर्ने शव वहान खरिदका लागि हेटौंडा–४ का नवराज पुडासैनीबाट पाँच हजार एक सय, सहयोग प्राप्त मकवानपुर हेटौंडा–५ का रामशरण गौतमबाट पाँच हजार एक सय, मकवानपुर हेटौंडा कमाने–८ का मेघराज सिवाकोटीले नगद ५ हजार एक सय, हेटौंडा–१० मा रहेको होटन लियोइनका प्रबन्ध निर्देशक शंकर नेपाल र उनका बुवा लोक नाथ नेपाल दुई हजार एक सय, हेटौंडा –४ का लक्ष्मण लामिछानेले पाँच हजार…

बुटवल, १४ फागुन । नेत्रविक्रम चन्द ९विप्लव० नेतृत्वको नेकपाले प्रदेश ५ का सबै नगर र गाउँपालिकालाई पत्र पठाउँदै विकास बजेटको २ प्रतिशत रकम उपलब्ध गराउन दबाब दिएको छ । संसदीय व्यवस्थाको विकल्पमा वैज्ञानिक समाजवाद ल्याउन पार्टीले जनसत्ता निर्माण गरी जनतामाझ सञ्चालन गरेको उल्लेख गर्दै त्यसका लागि चन्दा दिन पत्राचार गरेको हो । पत्रबाहेक मौखिक रूपमा धम्कीपूर्ण भाषाको प्रयोग गर्दै रकम छिटो उपलब्ध गराउन दबाब दिने गरिएको छ । पत्रअनुसार धेरै स्थानीय तहका जनप्रतिनिधिले ’बार्गे्निङ’ गरेर रकम बुझाएका छन् । केहीले विकास बजेटबाटै र कतिपयले व्यक्तिगत रूपमा रकम दिइसकेको जनाएका छन् । चन्दा दबाबमा वडाध्यक्षसमेत परेका छन् । यहाँका धेरै गाउँपालिका…

काठमाडौं, १४ फागुन । प्रमुख प्रतिपक्षी नेपाली कांग्रेसका शीर्ष नेताहरु पार्टीको १४औं अधिवेशनलाई आआफ्नो पक्षमा पार्ने रणनीतिमा जुटेका छन् । सभापति शेरबहादुर देउवा र नेता रामचन्द्र पौडेलले एकताको सन्देश दिएको दुई महिना बित्न नपाउँदै नेताहरु गुटगत स्वार्थ रक्षाखातिर फेरि विभाजित बन्न पुगेका छन् । पुस पहिलो साता काठमाडौंमा सम्पन्न महासमितिको बैठक समापनमा दुवै नेताले एक भएको सन्देश कार्यकर्तालाई दिएका थिए । पार्टी नेतृत्व सम्हालेको तीन वर्ष बित्न लाग्दा पनि केन्द्रीय विभागसहितका विभिन्न समिति गठन गर्न नसकेको आरोप खेप्दै आएका सभापति देउवा बाँकी समय बहुमतको आधारमा पार्टी चलाउने तयारीमा देखिएका छन् । संगठन सुदृढ गर्न नसकेको आरोप पार्टी्भित्रकै असन्तुष्ट पक्षबाट खेपिरहेका…

काठमाडौ, १४ फागुन । सिन्धुपाल्चोकस्थित तातोपानी नाका वैशाखदेखि पुनः सञ्चालन हुने भएको छ । उक्त क्षेत्रबाट चीनविरोधी गतिविधि हुन नदिने नेपालको प्रतिबद्धतापछि नाका खोल्न चिनियाँ पक्ष सहमत भएको स्रोतले जनाएको छ । आवश्यक कार्यालय स्थापना र संरचना निर्माण चैतसम्ममा सक्ने सरकारको तयारी छ । यो नाका २०७२ वैशाख १२ को भूकम्पपछि बन्द छ । प्रधानमन्त्री केपी ओलीको चीन भ्रमणका बेला गत असारमा आवश्यक पूर्वाधार निर्माण गरी नाका खोल्ने सम्झौता भएको थियो । त्यही सम्झौताका आधारमा अर्थ मन्त्रालयले कार्ययोजना बनाई विभिन्न मन्त्रालयसँग समन्वय गरिरहेको छ । चीनले नेपालसँग सुरक्षा प्रत्याभूति खोजेको छ । ‘एक चीन’ नीतिप्रति प्रतिबद्ध रहे पनि नेपालका कतिपय…

काठमाडौं, १४ फागुन । सरकारले कमैया प्रथा अन्त्यको घोषणा गरेको १८ र हलिया प्रथा अन्त्यको घोषणा गरेको १० वर्ष बित्यो । मुक्त हलिया र कमैयालाई सरकारले सुरक्षित आवास र जग्गा उपलब्ध गराउने घोषणा पनि गरेको थियो । त्यसैका लागि ५ अर्ब ३३ करोड ७९ लाख खर्च पनि भयो । तरपनि समस्या ज्युँका त्युँ छ । कमैया पुनर्स्थापनाका लागि ४ अर्ब खर्च २ साउन ०५७ मा कमैया अन्त्य भएको घोषणा गरेको सरकारले ऐन बनाएर ०६५ बाट मात्रै पुनस्र्थापना सुरु गरेको थियो । कमैयाको नाममा त्यसयता हरेक वर्ष बजेट विनियोजन हुने गरेको छ । बँधुवा मजदुरका रूपमा जमिनदारको खेतबारी र घरेलु कामदारका…

ताप्लेजुङ, १४ फागुन । ‘यी सानी नानीलाई मैले पाँच दिनदेखि देखिरहेको छु । आमा दिनभर गिट्टी बोक्छिन् । नानीलाई एकाछेउमा राखिएको हुन्छ । न रुन्छिन्, न झगडा गरेको देखिन्छ । भगवान्को रुपजस्तै । मेरो मनमा अनयासै अमिलो भएर आयो । के गर्न सक्थेँ र ? दुई प्याकेट बिस्कुट दिएँ र हलुका भएँ । यद्यपि, कस्तो लागिरहन्छ ।’ आमाले गिट्टी बोक्दा एकाछेउमा भलाद्मी भएर बस्ने दुई वर्षीया बालिकाको शान्त र भद्र स्वभावबारे ताप्लेजुङका तत्कालीन जिल्ला न्यायाधीश अशोककुमार बस्नेतले त्यसबेला आफ्नो फेसबुकमा लेखेका स्टाटस हो यो । आमाछोरीको अवस्था देखेर न्यायाधीश बस्नेतले दुई वर्षअघि आमालाई अदालतमै फूल गोड्ने काममा लगाइदिएका थिए ।…

बनियानी, १४ फागुन । राष्ट्रिय प्रजातन्त्र पार्टीले फागुन १५ गतेदेखि ‘मेची–महाकाली राष्ट्रिय स्वाभिमान यात्रा’ सञ्चालन गर्ने भएको छ । १५ दिने अभियानबारे पार्टीका महामन्त्री राजेन्द्र लिङ्देनले जानकारी दिनुभयो । ‘ताप्लेजुङको पाथिभरा मन्दिरमा धार्मिक अनुष्ठान गरी यात्रा शुभारम्भ गरिनेछ’, उहाँले भन्नुभयो, ‘अभियान ७७ वटै जिल्लामा सञ्चालन गरिने छ ।’ पहिलो चरणको अभियान ताप्लेजुङबाट शुरु भई सुर्खेत, कैलाली, कञ्चनपुर हुँदै काठमाडौँमा समापन हुने पार्टीले जनाएको छ । यात्राका क्रममा २ सय ५० भन्दा बढी सभा सम्मेलन गरिने महामन्त्री लिङ्देनले बताउनुभयो । ‘हाल यो यात्रा ३६ वटा जिल्लामा २ हजार ८ सय ७ किलोमिटरको हुनेछ’, उहाँले भन्नुभयो । यात्राका क्रममा प्रत्येक दिन यात्रा…

बिर्तामोड, १३ फागुन । अघिल्लो मंगलबार बिर्तामोडको पश्चिम बस स्टेण्डमा अन्दाजी एक वर्षका बालक बेवारिसे अवस्थामा फेला परे । आफन्त कोही नभेटिएपछि बालकलाई बिर्तामोडस्थित सुन्दर सामुदायिक प्रहरी सेवा केन्द्रका सदस्य विष्णु बस्नेतले संरक्षण गरे । र, यसबारे प्रहरीमा जानकारी गराए । प्रहरीले बालकको आफन्तको खोजी सुरु ग¥यो । आफन्तको ठेगाना पत्ता लगाएर खबर पठायो । एक सातापछि बालकका आफन्तहरु प्रहरीकहाँ आइपुगे । सोमबार दिउँसो ती बालकलाई आमा बिना बम्जन र बाबु खड्गबहादुर बम्जनको जिम्मा लगाइएको सुन्दर सामुदायिक प्रहरी सेवा केन्द्रकी कार्यालय सचिब सुमा न्यौपानेले बताइन् । बताइएअनुसार इलामको दानाबारीका बम्जन दम्पत्ति हाल गौरीगञ्जमा बस्दै आएका छन् ।

काठमाडौँ, १३ फागुन । कृषिमा लगानी आकर्षित गर्ने उद्देश्यले दोस्रो पटक फागुन १६ र १७ मा साना किसानका लागि राष्ट्रिय सम्मेलन, २०७५ गरिने भएको छ । यसअघि पहिलो सम्मेलन २०७१ मा भएको थियो । साना किसान विकास लघुवित्त वित्तीय संस्था लिको आयोजनामा काठमाडौँमा हुने सो सम्मेलनमा देशभरका झण्डै एक हजारभन्दा बढी साना कृषि समूहका प्रतिनिधि सहभागी हुने भएका छन् । चार वर्ष पहिले १९ बुँदे घोषणपत्र जारी गर्दै पहिलो सम्मेलन सम्पन्न भएको थियो भने यस वर्ष ‘साना किसानको समृद्धिः कृषिमा रुपान्तरण र उद्यमशीलता विकास’ भन्ने नाराका साथ शुरु हुने भएको छ । राजधानीमा आज आयोजित पत्रकार सम्मेलनमा मूल आयोजक समितिका…

काठमाडौं, १३ फागुन । नेपाली काङ्ग्रेसका सहमहामन्त्री डा प्रकाशशरण महतले कुनै पनि बहानामा आमनागरिकका अधिकार कुण्ठित हुन नहुने बताउनुभएको छ । नेपाल प्रेस युनियनले आज यहाँ आयोजना गरेको ‘साइबर कानून र यसले मिडियामा पार्ने प्रभाव’ विषयक अन्तक्र्रिया कार्यक्रममा उहाँले जनताको अभिव्यक्ति स्वतन्त्रता तथा स्वतन्त्र प्रेसको अधिकारलाई कुण्ठित हुने कुनै पनि कानून आफ्नो पार्टीलाई मान्य नहुने धारणा व्यक्त गर्नुभयो । नेता डा महतले संसद्मा हालै दर्ता भएको सूचना प्रविधि सम्बन्धी विधेयकका केही बुँदाले सूचना प्रविधिको क्षेत्रलाई नियमन गर्ने नाममा अभिव्यक्ति स्वतन्त्रता र प्रेस स्वतन्त्रतालाई नै असर पार्ने भन्दै त्यस्ता अनुदार बुँदा सच्याउन माग गर्नुुभयो । आम नागरिकले मुलुकको शान्ति सुरक्षा र…