झापा अनलाइन

भद्रपुर, ३ असोज । ‘सामुदायिक वनको पहिचान, संघीयतामा समृद्धिको अभियान’ नारासहित वन ऐन २०४९ को संशोधन अन्र्तगत दोस्रो वन ऐन संशोधन २०७३ बारे दुई दिने अन्र्तक्रिया सम्पन्न गरिएको छ । चन्द्रगढी वन समितिको आयोजनामा भद्रपुर ९ स्थित समितिको कार्यालयमा सहायक वन अधिकृत राजन राई र सामुदायिक वन उपभोक्ता महासंघ झापाका अध्यक्ष छत्र पौडेलले वन संरक्षण, सामुदायिक वन स्रोत सर्वेक्षण, वैज्ञानिक वन व्यवस्थापन र अधिकार प्रयोग विषयमा दुई दिन प्रशिक्षण प्रदान गरेका हुन् । समितिका अध्यक्ष हिराप्रसाद पोखरेलको अध्यक्षतामा सम्पन्न कार्यक्रममा समितिमा आबद्ध वन पदाधिकारी, रक्षक, कर्मचारी तथा उपभोक्ताले सहभागिता जनाएका थिए ।

बिर्तामोड, ३ असोज । झापाको कनकाई नगरपालिका–१ स्थित प्रजापति सामुदायिक वन समूहको आयोजनामा ‘झापा जिल्ला सामुदायिक वन स्तरीय नकआउट फुटबल प्रतियोगिता’ हुने भएको छ । समूहले बुधबार वन हाताभित्र पत्रकार सम्मेलनको आयोजना गरी प्रतियोगिताबारे जानकारी दिएको हो । समूहका अध्यक्ष एवम् खेल संयोजक सूर्यकुमार थापाले दशैंको उपलक्ष्यमा असोज १३ गतेदेखि ३० गतेसम्म प्रतियोगिता आयोजना गर्न लागिएको बताए । ‘वनसँग युवालाई जोड्ने उद्देश्यले प्रतियोगिता गर्न लागिएको हो’, उनले भने, ‘सामुदायिक वन संरक्षणमा युवा सहभागिता बढाउन पनि प्रतियोगिता गर्न लागिएको हो ।’ प्रतियोगिताका लागि जिल्लाभरका ५९ वटा सामुदायिक वनलाई पत्रचार गरिसकिएको र कम्तिमा ३०÷३५ वटा टिमले सहभागिता जनाउने आयोजकको अनुमान छ ।…

बिर्तामोड, ३ असोज । झापाको कनकाईमा आयोजित एक कार्यक्रमका सहभागीले स्थानीय सरकार संविधान कार्यान्वयको एउटा स्वरुप भएको बताएका छन् । संविधान दिवसको अवसरमा कनकाई नगरपालिकाले बुधबार यहाँ आयोजना गरेको कार्यक्रममा सहभागीले त्यस्तो बताएका हुन् । संविधान एकै पटक नभई क्रमिक रुपमा कार्यान्वयन हुँदै जाने र संविधान कार्यान्वयनकै स्वरुप स्थानीय सरकार भएको उनीहरुको भनाइ थियो । कार्यक्रममा प्रदेश सांसद् हिरा थापाले समृद्ध मुलुक बनाउन संविधान कार्यान्वयन हुनुपर्ने बताउनुभयो । ‘हजारौँ शहीदको बलिदानी र संघर्षबाट गणतन्त्र स्थापना भएको छ’, उहाँले भन्नुभयो, ‘त्यसलाई स्थापित गर्न पनि संविधान कार्यान्वयन हुनुपर्छ ।’ संविधान कार्यान्वयनको चरणमा रहेको सबै कुरा एकै पटक नहुने र क्रमिक रुपमा परिवर्तनको…

भद्रपुर, ३ असोज । संघीय मामिला तथा सामान्य प्रशासन मन्त्रालयको निर्देशन विपरीत झापाका अधिकांश सरकारी कार्यालयले करार सेवाका तल्ला दर्जाका कर्मचारी हटाउन थालेका छन् । मन्त्रालयले असोज मसान्तसम्म कुनै पनि दर्जामा करार सेवामा कार्यरत कर्मचारी नहटाउन परिपत्र गरेको भए पनि अधिकांश कार्यालयका प्रमुखले रकम अभाव भएको बहना बनाएर तल्ला दर्जाका कर्मचारी हटाउन थालेका हुन् । अस्थायी नियुक्ति लिएर कार्यालय सहयोगीका रूपमा विगत धेरै वर्षदेखि काम गरिरहेका मालपोत, भूमिसुधार, नापी, जिल्ला समन्वय समिति, नगरपालिका, गाउँपालिका लगायत कार्यालयमा रहेका दर्जनभन्दा बढी कर्मचारी सेवाबाट हटाइएपछि समस्यामा परेका छन् । कतिपय कार्यालय प्रमुखले आफ्ना मान्छे प्रवेश गराउन पुराना कर्मचारी हटाएको आरोप पीडित पक्षले लगाउन…

भद्रपुर, ३ असोज । झापाको भद्रपुरस्थित रोटरी क्लब अफ भद्रपुरले संविधान दिवस २०७५ को अवसर पारेर आयोजना गरेको रक्तदान कार्यक्रममा ३९ जनाले रक्तदान गरेका छन् । रोटरी क्लबका एरिया प्रेसिडेन्ट उमेश डालमियाको प्रमुख आतिथ्य तथा भद्रपुरका अध्यक्ष भेषराज ढकालको नेतृत्वमा सम्पन्न रक्तदान कार्यक्रममा ४ जना महिला सहित ३९ जनाले रक्तदान गरेका हुन् । रेडक्रस सोसाइटी झापाको प्राविधिक सहयोगमा भद्रपुर स्थित सगरमाथामा चौकमा रक्तदान कार्यक्रम सम्पन्न गरिएको थियो ।

काठमाडौँ, ३ असोज । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले ठूलो सङ्ख्याका जनतालाई गरीबीमा राखेर केहीको मात्रै समृद्धिले सुरक्षा, दिगोपना र हिंसारहित समाजको कल्पना गर्न नसकिने बताएका छन् । अन्तर्राष्ट्रिय शान्ति दिवसका अवसरमा चीनको च्याङ्सु प्रान्तको नानजिङमा आयोजना गरिएको ‘विश्वको दिगो शान्ति र सुरक्षा तथा मानव जातिका लागि साझा भविष्य निर्माण गर्न मिलेर काम गरौँ’ विषयको कार्यक्रमलाई सम्बोधन गर्दै उनले जलवायु परिवर्तन र गरीबीको चुनौतीलाई सम्बोधन नगरेसम्म दिगो शान्ति र वास्तविक सुरक्षा सपनामै सीमित रहने उल्लेख गरे । उनले भने, ‘मानव सुरक्षालाई जलवायु परिवर्तनले वास्तवमै चुनौती खडा गरिदिएको छ । विश्व वाष्पीकरण, मरुभूमीकरण तथा पानीको अभाव र…

महोत्तरी, ३ असोज । महोत्तरीमा व्यापारीलाई लुटपाट गर्ने चार लुटेरालाई मङ्गलबार प्रहरीले पक्राउ गरेको छ । पक्राउ पर्नेमा रौतहटको चन्द्रपुर नगरपालिका–८ का १७ वर्षीय कुमार लामा, महोत्तरीको गौशाला नगरपालिका–११ का १८ वर्षीय विवेक श्रेष्ठ, १६ वर्षीय सुरेश महतो तथा सोनमा गाउँपालिका–११ का ३० वर्षीय रामभरोसकुमार यादव रहेको प्रहरी नायब उपरीक्षक खगेन्द्रबहादुर खड्काले जानकारी दिए । लुटेराले मनरासिस्वा नगरपालिका–२ इटहर्वाका व्यापारी विनोद चौधरीसँग रहेको रु पाँच लाख लुटेका थिए । घरबाट गौशाला जाँदै गरेका यादवलाई गौशाला नगरपालिका–८ स्थित मरहा खोला नजिक पेस्तोल देखाउँदै नगद लुटेर उनीहरु भागेका थिए । पर्सा प्रहरी चौकीले चारै जनालाई पक्राउ गरेको हो । प्रहरीले उनीहरुको साथबाट…

काठमाडौँ, ३ असोज । प्रधानमन्त्री केपी शर्मा ओलीले समृद्धि राष्ट्रिय सङ्कल्प भएकाले सबै राजनीतिक दलका नेता र देशवासीलाई यस राष्ट्रिय दायित्वमा सहयोगी हुन आह्वान गरेका छन् । संविधान दिवस, २०७५ का अवसरमा मूल समारोह समितिद्वारा आज नेपाली सैनिक मञ्च (टुँडिखेल) मा आयोजित समारोहमा प्रधानमन्त्री ओलीले राजनीतिक आन्दोलन र मूल कानून निर्माणको चरण सकिएकाले समृद्धि र विकासमा सहयोगी भावनाका साथ संलग्न हुन आह्वान गरेका हुन् । राष्ट्रपति विद्यादेवी भण्डारीको उपस्थितिमा आयोजित समारोहमा उनले भने, ‘समृद्धि र विकास, एक्लो प्रधानमन्त्री वा सरकार, कुनै दल वा व्यक्तिको निजी विषय होइन, हाम्रो राष्ट्रिय सङ्कल्प हो । यस्तो सङ्कल्प, जसलाई हामीले प्रत्येक आन्दोलनको मोर्चामा हामीसँगै…

चितवन, ३ असोज । नवलपुरको बुलिङ्टार–६ अत्रौलीस्थित शिव माध्यामिक बिद्यालयका प्रधानाध्यापकले विद्यार्थी कुट्दा कान फुटेको छ । शिव माध्यामिक विद्यालयका प्रध्यानाध्यापक ओमकुमार श्रेष्ठले कक्षा १० मा अध्ययनरत खुमान सार्की नेपालीलाई कुटपिट गर्दा कान फुटेको हो । घाइते विद्यार्थी खुमानको पुरानो मेडिकल कलेज भरतपुर उपचार भैरहेको छ । विद्यालयमा निर्धारित समयभन्दा १५ मिनेट ढिला आएको भन्दै प्रध्यानाध्यापक श्रेष्ठले प्रार्थना चलिरहेका बेला खुमानसहित १० जना विद्यार्थीलाई लाइन लगाएर कुटेका थिए । प्रधानाध्यापक श्रेष्ठले आफुले कुटेको स्वीकार गरेका छन् । खुमानलाई गालामा कुट्दा कानमा लागेर रगत बगेको बताएका छन् ।

काठमाडौँ, ३ असोज । प्रतिनिधिसभाअन्तर्गतका १० वटा विषयगत समितिका सभापति चयनका लागि निर्वाचन कार्यक्रम सार्वजनिक गरिएको छ । निर्वाचन यही असोज ५ गते शुक्रबार ११ बजेदेखि शुरु हुँदैछ । यसअघि दुईपटक निर्वाचन प्रक्रिया स्थगित भएका थिए । प्रतिनिधिसभाका सचिव गोपालनाथ योगीद्वारा जारी विज्ञप्तिका अनुसार निर्वाचन प्रक्रियाअन्तर्गत भोलि बिहीबार प्रतिनिधिसभाका सम्बन्धित समितिको कुनै सदस्यलाई सभापति पदमा निर्वाचित गरियोस् भनी कुनै अर्को सदस्यले समर्थनसहित प्रस्ताव दर्ता गराउनुपर्ने छ । दर्ता गराउने समयसीमा बिहान ११ बजेदेखि ५ बजेसम्म निर्धारण गरिएको छ । यसपछि सचिवालयले दर्ता भएका प्रस्तावको दर्ताक्रमअनुसार सूची प्रकाशन गर्नेछ । शुक्रबार बिहान ११ बजेदेखि सम्बन्धित समितिका बैठकमा प्रस्तावकले प्रस्ताव प्रस्तुत गर्ने,…