झापा अनलाइन

गौरादह, २१ असोज । गौरादह १ मा रहेको जनसहभागि कृषि सहकारी संस्थाको ९औं वार्षीक साधारण सभा सम्पन्न भएको छ । मोति मा.वि.गौरादह १ सीतापुरीको सभाहलमा आयोजना गरिएको साधारण सभामा संस्थाका अध्यक्ष मिन प्रसाद भण्डारीले संस्थाको वार्षिक प्रगति प्रतिवेदन प्रस्तुत गरेका थिए । संस्थाका लेखा संयोजक जीवन कार्कीले ६५ लाख ७० हजार १ सय ५३ वासलात रहेको आर्थिक प्रतिवेदन प्रस्तुत गरेका थिए । संस्थाले १५ जना ज्येष्ठ शेयर सदस्यहरुलाई दोसल्ला ओढाई सम्मान गरेको थियो । त्यसअवसरमा नियमित बचतकर्ता ३ जना, उत्कृष्ट ऋणि ३ जना, बालबचत तर्फ २ जनालाई पुरस्कृत गरिएको थियो । वार्षिक साधारण सभा कार्यक्रममा अन्तिम समय सम्म सहभागि हुने…

गौरादह (झापा), २१ असोज । भी.भी.आई.पी.हरुको नगरपालिकाको रुपमा चिनिने गौरादह झापाको दशौं स्थानीय तहको रुपमा आइतबार खुल्ला दिसामुक्त घोषणा भएको छ । प्रधानमन्त्रीको निर्वाचन क्षेत्रमा पर्ने गौरादह मुलुकका अर्थमन्त्री, महान्यायाधिवक्ता, सरसफाइ दूत, प्रदेश आन्तरिक मामिला मन्त्री लगायतका विशिष्टहरुको गृहनगर हो । १२ हजार १ सय ४८ घरधुरी रहेको गौरादह नगरपालिकामा ग्लोबल स्यानिटेसन फण्ड कार्यक्रमको सहयोगमा सहारा नेपालले खुल्ला दिसामुक्त अभियान सहजीकरण गरेको हो । अभियानअघि ७ हजार ७ सय ५१ घरधुरीमा सुरक्षित शौचालयको पहुँच रहेको थियो भने अभियानका क्रममा ४ हजार ३ सय ९७ घरधुरीमा सुरक्षित शौचालयको निर्माण गरी खुल्ला दिसामुक्त घोषणा गरिएको हो । खुल्ला दिसामुक्त घोषणा समारोहमा नगर…

विराटनगर, २१ असोज । प्रदेशको खेलकूद सम्बन्धमा व्यवस्था गर्न बनेको विधेयक, २०७५ प्रदेशसभाबाट सर्वसम्मतिले पारित भएको छ । आज बसेको प्रदेश नं १ प्रदेशसभाबाट नियमावली, २०७४ नियम ९२ बमोजिम सामाजिक विकासमन्त्री जीवन घिमिरेले प्रस्ताव राख्नुभएको थियो । यसअघि मन्त्री घिमिरेले खेलकूद स्वास्थ्य प्रवद्र्धन र अनुशासनका लागि भएकाले ४४ वटा दफासहितको यो विधेयकले खेलकूदमा उल्लेखनीय प्रगति हुने विश्वास गर्नुभयो । प्रदेशसभामा प्रदेश खेलकूद सम्बन्धमा व्यवस्था गर्न बनेको विधेयक माथि दफावार छलफल भएको थियो । छलफलमा प्रदेशसभा सदस्य ज्योति सुब्बा, बिमल कार्की, बिन्दिया कार्की, सरीता थापा र राजकुमार ओझाले आ–आफ्नो विचार राख्नुभएको थियो । प्रदेशसभाको अर्को बैठक भोलि अपराह्न १ बजे बस्ने…

मङ्गलबारे, २१ असोज । इलामको देउमाई नगरपालिकाका अग्निपीडितलाई नगरपालिकाले रु दुई लाख ३० हजार राहत प्रदान गरेको छ । इलाम र पाँचथरको सीमानामा पर्ने देउमाई नगरपालिका–१ राँके बजारका चार अग्निपीडितलाई देउमाई नगरपालिकाले शनिबार उक्त राहत प्रदान गरेको हो । नगरपालिकाले विपद् व्यवस्थापनअन्तर्गत अग्निपीडित ठालुमान श्रेष्ठलाई रु ८० हजार, श्रीबहादुर विष्टलाई रु ७० हजार, तिलबहादुर बस्नेतलाई रु ७० हजार र नरबहादुर श्रेष्ठलाई रु १० हजार राहत प्रदान गरेको हो । नगरपालिका प्रमुख सूर्यप्रसाद पोखरेलले आगलागी पीडितलाई राहत प्रदान गर्नुभएको वडाध्यक्ष माधव बस्नेतले जानकारी दिनुभयो । एक महिनाअघि राँके बजारमा आगलागी हुँदा रु दुई करोड १० लाख बराबरको क्षति भएको थियो ।

रामसुन्दर आचार्य काभ्रे, २१ असोज । पछिल्लो समय एकपछि अर्को गर्दै बलात्कारका घटना सार्वजनिक भएका छन् । नैतिक शिक्षाको अभावमा बलात्कारका घटना बढेको टिप्पणीसमेत हुने गरेको छ । तर, काभ्रेमा भने सामाजिक तथा नैतिक शिक्षा पढाउने शिक्षक नै दुई बालिका बलात्कारको आरोपमा पक्राउ परेका छन् । कक्षा ५ मा अध्ययनरत ९ वर्षीया दुईजना छात्रालाई एकवर्षदेखि बलात्कार गरेको आरोपमा जिल्ला प्रहरी कार्यालयले शिक्षक शंकर पहरीलाई पक्राउ गरेको हो । पीडितको जाहेरीका आधारमा शिक्षक पहरीलाई पक्राउ गरी थप अनुसन्धान सुरू गरिएको जिल्ला प्रहरी कार्यालय काभ्रेका रविराज खड्काले जानकारी दिए । अनुसन्धानका लागि जिल्ला अदालतबाट ७ दिनको म्याद थप गराइएको छ । ‘पीडितहरुको…

बलिउड नायिका तनुश्री दत्ताले नायक नाना पाटेकरमाथि यौन उत्पिडनको आरोप लगाएपछि अब अन्य नायिकाहरुले पनि मुख खोल्न थालेका छन् । अब, नायिका कंगना रनावत पनि अगाडि आएकी छिन् । चलचित्र ‘क्विन’का निर्देशक विकास बहलले आफूलाई यौन हिंसा गरेको आरोप कंगनाले लगाएकी छिन् । ‘फ्यान्टम’ चलचित्रकी एक महिला कर्मचारीले विकास बहलमाथि आरोप लगाए लगतै कंगनाले उनको समर्थनमा आफ्नो भनाई सार्वजनिक गरेकी हुन् । कंगनाले भनेकी छिन्(‘सन् २०१४ मा ‘क्विन’ चलचित्रको छायांकन गर्ने क्रममा विकास मेरो नजिक आउथ्य । उनले आफ्नो मुख मेरो गर्धन नजिकै ल्याएर मलाई आफूतिर तान्थे । उनले मलाई (‘तिम्रो कपालको बासना खुबै मनपर्छ’ भन्थे ।’ कंगनाले आफूले विकासलाई…

काठमाडौँ, २१ असोज । बङ्गलादेशमा जारी पाँचौँ संस्करणको बङ्गबन्धु गोल्डकपको समूह चरणबाटै बाहिरिएको नेपाली राष्ट्रिय फुटबल टोली आज अपराह्न स्वदेश फर्किएको छ । बङ्गबन्धु गोल्डकपको साबिक विजेतासमेत रहेको नेपाल यस संस्करणमा समूह चरणको दुवै खेलमा पराजित हुँदै स्वदेश फर्किएको हो । नेपाल पहिलो खेलमा ताजकिस्तानसँग २–० तथा दोस्रो खेलमा प्यालेस्टाइनसँग १–० गोल अन्तरले पराजित हुँदै समूह चराबाटै बाहिरिएको हो । लिग पुनः शुरु यही असोज १३ गतेदेखि शुरु भएर बङ्गबन्धु गोल्डकप अवधिका लागि रोकिएको ‘ए’ डिभिजन लिग फुटबल यही असोज २४ गतेदेखि हुने भएको छ । लिग निर्देशक सञ्जीव मिश्रका अनुसार २४ गते लिग शुरु हुने र २७ गतेदेखि पुनः…

काठमाडौँ, २१ असोज । प्रहरी महानिरीक्षक सर्वेन्द्र खनालले केही प्रहरीका कारण प्रहरी सङ्गठन नै नराम्रो हुन पुगेको भन्दै गल्ती गर्ने प्रहरी अधिकारीलाई कारवाही गरिने बताउनुभएको छ । प्रहरी दिवस रनिङ कप पुरुष भलिबल प्रतियोगिताको आज आयोजित समापन कार्यक्रममा उहाँले जनताले प्रहरीप्रति आशा र भरोसा गरेकोले जनचाहनाअनुसार सेवा प्रदान गर्नुपर्ने बताउनुभयो । “ सङ्गठनभित्र गल्ती गर्नेलाई कारवाही नगरेसम्म प्रहरी सङ्गठन राम्रो हुँदैन”, उहाँले भन्नुभयो । महानिरीक्षक खनालले नेपाल प्रहरीको मान, सम्मान, इज्जत प्रतिष्ठालाई अगाडि बढाउनका लागि सबैले हातेमालो गरेर काम गर्नुपर्छ भन्नुभयो । “लोभ, लालच नगरी हरेक नागरिकको दिलमा बस्ने गरी काम गर्नुपर्छ,”उहाँले भन्नुभयो । महानिरीक्षक खनालले प्रहरीभित्रको सञ्चालन हुने खेलकूद…

सान नेपाल गौरादह, २२ असोज । नेपाली राजनीतिमा सदाबहार प्रतिपक्षको भूमिका रहने व्यक्तिको रुपमा परिचित राजनीतिक विश्लेषक तथा लेखक खगेन्द्र संग्रौलाले नेपालको संविधान जालझेल पूर्ण दस्तावेज मात्र भएको बताएका छन् । युथ नेटवर्क दमकद्वारा आयोजना गरिएको मधेसको समस्या विषयको अन्तरसम्वाद कार्यक्रममा बोल्दै उनले त्यस्तो बताएका हुन् । २०७२ मा जारी गरिएको संविधान काइते, कीर्ते भएको उनले बताए । जालझेल पूर्ण तरिकाले लेखिएको संविधानको फेद टुप्पो सबै गाँठो परेकाले समाजमा यसले नकारात्मक परिणाम दिन थालेको उनको तर्क थियो । मधेसको मुद्दालाई अहिलेको सरकारले कुनै पनि हालतमा सम्बोधन गर्न नसक्ने भन्दै उनले नेकपालाई कम्युनिष्टको नाममा कलंक भएको टिप्पणी गरे । मधेसी दलहरु…

मङ्गलबारे, २० असोज । किबी उत्पादनको राम्रो सम्भावना रहेको इलामलाई सरकारले किबी क्षेत्र (जोन) घोषणा गरेको छ । प्रधानमन्त्री कृषि आधुनिकीकरण परियोजनामार्फत जिल्लालाई किबी जोन घोषणा गरिएको हो । इलाम नगरपालिकाका केही वडा र सन्दकपुर गाउँपालिकालाई किबी जोन कायम गरिएको हो । इलाम नगरपालिकाका– १, २, ३ र ४ नं वडा र सन्दकपुर गाउँपालिकाका पाँचौँ वडामा किबी क्षेत्र घोषणा गरिएको वरिष्ठ कृषि विकास अधिकृत रामसोगारथ साहले जानकारी दिनुभयो । कृषिमा आधारित अर्थतन्त्रबाट कृषिजन्य उद्योगमा रूपान्तरित आधुनिक, व्यावसायिक, दिगो एवं आत्मनिर्भर कृषि क्षेत्रको विकास गर्ने सोचका साथ शुरू भएको परियोजना आर्थिक वर्ष २०७३÷७४ देखि सञ्चालनमा आएको र चालु आवदेखि इलाममा पनि…