झापा अनलाइन

काठमाडौँ, ११ असोज । पूर्वप्रधानमन्त्री माधवकुमार नेपालले वर्तमान सरकार भ्रष्टाचार न्यूनीकरण गर्न चुकेको बताउनुभएको छ । सत्ता पक्ष दलको प्रमुखको हैसियतले आज प्रतिनिधिसभाको बैठकलाई सम्बोधन गर्दै नेता नेपालले जनता भ्रष्टाचारमुक्त प्रशासन चाहन्थे तर सात महीनामा जनतालाई सुशासनको अनुभूति हुन नसकेको बताउनुभयो । उहाँले विकास निर्माणमा ठेकेदारले गुणस्तरहीन काम गरेको तथा जनताको जनजीविकासँग जोडिएको गाँस, बास कपास, शिक्षा, स्वास्थ्य र सुरक्षामा सन्तोषजनक उपलब्धि प्राप्त हुन नसकेको बताउनुभयो । चालू दोस्रो अधिवेशनको ७९औँ बैठकलाई सम्बोधन गर्दै नेता नेपालले ‘विकास निर्माणमा आबद्ध ठेकेदार बेपत्ता हुनु, कालोसूचीमा परेका भ्रष्टहरु पुरस्कृत हुनु र महिला हिंसा बढ्दै जानु’ सरकारप्रतिको जनविश्वास गुम्दै गएको बताउनुभयो । संसद्का बैठकमा…

सुमन घिमिरे उर्लाबारी, ११ असोज । जथाभावी रुपमा खोला उत्खनन भएकाले त्यसलाई रोक्न मोरङ उर्लाबारीस्थित मावा खोला आसपासका बासिन्दाले माग गरेका छन् । अनियन्त्रित र मापदण्ड विपरीत नदीजन्य पदार्थ निकासीका कारण उर्लाबारी मुख्य चोक नै जोखिममा परेको भन्दै स्थानीयवासीले उत्खनन रोक्न माग गरेका हुन् । स्थानीयवासीले मोहनप्रसाद भण्डारीको संयोजकत्वमा मावा खोला उत्खनन नियन्त्रण संयुक्त समिति नै निर्माण गरेर जथाभावी भइरहेको उत्खनन रोक्न माग गरेका हुन् । सो समितिले उर्लाबारी नगरपालिका–६ का साथै सीमामा रहेको झापाको दमक नगरपालिका–३ र ४ वडा कार्यालय तथा उर्लाबारी नगरकार्यपालिका र दमक नगर कार्यपालिकामा पनि जथाभावी रुपमा भइरहेको खोला उत्खनन रोक्न माग गरेता पनि चासो नदिएको…

पाँचथर, ११ असोज । जिल्लाका किसान अदुवाको उचित मूल्य पाएपछि उत्साहित भएका छन् । सिकानले यसपालि अदुवाको बेचेर पोहोरभन्दा दोब्बर आम्दानी लिएका छन् । पोहोर यहाँका किसानले माउ अदुवा सरदर प्रतिकिलो रु २५ मा बेचेका थिए । यस वर्ष चरणचरण गरेर प्रतिकिलो रु ४० देखि रु ७५ सम्ममा बिक्री गरेका छन् । सरदर प्रतिकिलो रु ५० मा माउ अदुवा बिक्री भएको फिदिम–२, अर्खौलेका सरस्वती ढुङ्गानाले बताउनुभयो । माउ अदुवाबाट तेब्बर आम्दानी गरेको उहाँले बताउनुभयो । “पोहोर मन (चालिस किलो) रु ७०० मा बेचे । यस वर्ष रु दुई हजार ४०० मा आठ मन बेचे,” उहाँले भन्नुभयो । चैत– वैशाखमा रोपिने…

अर्जुनधारा, ११ असोज । नेपाली आमा झापाले बुधबार अर्जुनधारा–६ को मनकामना क्लिनिक परिसरमा निःशुल्क स्वास्थ्य शिविर सम्पन्न गरेको छ । शिविरमा ६० जना महिलाको स्वास्थ्य परीक्षण गरियो । प्रजनन् स्वास्थ्य सुधार अभियान अन्र्तगत पहिलो चरणमा आङ्खस्ने समस्याका बारेमा सचेतना सहित त्यस्ता समस्या भएका महिलाको स्वास्थ्य परीक्षण गरिएको छ । कार्यक्रममा अर्जुनधारा नगरपालिकाका प्रमुख हरीकुमार रानाले खप्नै नसक्ने भएपछि मात्र महिलाको प्रजनन् समस्या बाहिर आउने गरेको बताए । उनले समस्या देखिनासाथ उपचार गराए धेरै मलिाले पीडाबाट मुक्ति पाउने भए पनि जनचेतनाको कमी र लजाउने प्रवृतिकै कारण समस्या बढेको दाबी गरे । कार्यक्रममा पीएसआई नेपालका अर्जुन सुवेदीले पीएसआईले मुलुकका ३० वटा जिल्लामा…

गौरादह, ११ असोज । झापा गौरादह नगरपालिका–४ की मिर्गौला पीडित बालिका पोखरेल स्वास्थ्य अवस्था नाजुक बन्दै गएको छ । आर्थिक अभावका कारण उपचार हुन नसक्दा पोखरेलको स्वास्थ्य अवस्था नाजुक बन्दै गएको हो । बिगत ८ वर्षदेखि मिर्गौला सम्बन्धी रोगले ग्रसित बालिका उपचारको पर्खाइमा हुनुहुन्छ । बाबुले नहेरेको र आमा पनि अर्कैसँग विवाह गरी गएकाले मिर्गौला पीडित पोखरेल आफ्नो हजुरबुवा–हजुरआमासँग बस्दै आउनुभएको छ । स्थानीय डोरामारी मावि, कक्षा–२ मा अध्ययनरत् पोखरेल पढाइमा अब्बल रहेको सोही विद्यालयका शिक्षक युवराज रेग्मीले बताउनुभयो । हाल उहाँ धरानस्थित वीपी कोइरालाला स्वास्थ्य तथा विज्ञान प्रतिष्ठानमा नियमित स्वास्थ्य परीक्षण र औषधि सेवन गरिरहनुभएको छ । तर, औषधि…

झुलन रेग्मी झापा, ११ असोज । झापा मे‌चीनगर‌–९ की र‌मिला किसानले‌ १४ वर्षको‌ उमे‌र‌मा सो‌ही ठाउँका सुन्दर‌लाल किसानसँग विवाह गरि‌न् । ०६६ सालतिर‌ दुवै‌ले‌ भागी बिहे‌ गर‌े‌का हुन् । मन पर‌ापर‌ भएपछि दुवै‌ले‌ कलिलै‌ उमे‌र‌मा बिहे‌ गर‌े‌र‌ घर‌जम गर‌े‌ । मे‌चीनगर‌–९ कै‌ सागर‌ किसानले‌ सात कक्षामा पढ्दापढ्दै‌ छिमे‌की मञ्जु किसानसँग भागी बिहे‌ गर‌े‌ । दुवै‌को‌ बिहे‌ गनेर्‌ उमे‌र‌ भएको‌ थिएन । मे‌चीनगर‌कै‌ चन्दा किसानले‌ पनि कम उमे‌र‌मै‌ गएको‌ साल बाहुनडाँगीका एक किसान समुदायकै‌ युवकसँग बिहे‌ गरि‌न् । यी तीनवटा बाल विवाहका प्रतिनिधि घटना मात्र हुन् । झापामा बसो‌बास र‌हे‌को‌ लो‌पो‌न्मुख किसान जातिमा बाल विवाह प्रथाले‌ जर‌ा गाडे‌को‌ छ । अशिक्षाले‌ गर्दा किसान समुदायभित्र कम उमे‌र‌मै‌ विवाह गनेर्‌ चलन…

विराटनगर, १० असोज । नेपाली काङ्ग्रेसका महामन्त्री पूर्णबहादुर खड्काले सभापतिलाई शक्तिशाली बनाउने गरी विधान संशोधन गर्नु गलत भएको बताउनुभएको छ । विराटनगर विमानस्थलमा आज सञ्चारकर्मीसँग कुरा गर्दै विधान संशोधन समितिका संयोजकसमेत रहनुभएका खड्काले तीन किसिमका सुझाव आएको समितिले सर्वसम्मत रुपले सुझाव ग्रहण गरिने जानकारी दिनुभयो । उहाँले पुरानो विधानअनुसार केन्द्रीय समितिका सम्पूर्ण पद निर्वाचन र सभापतिले सम्पूर्ण पद मनोनीत गर्नेजस्ता सुझावलगायत अन्य विकल्पलाई समितिभित्र छलफल गरी सर्वसमितिले निर्णय गरिने बताउनुभयो । महामन्त्री खड्काले संविधानले व्यवस्था गरेअनुसार माथिदेखि तलसम्म समावेशी, समानुपाति रुपले विधान संशोधन गरिने बताउनुभयो । साढे तीन महिनामा मुलुकका ७७ जिल्लामा क्षेत्रीय समितिदेखि गाउँ समिति, भ्रातृ सङ्गठनबाट आवश्यक सुझाव…

काठमाडौँ, १० असोज । ‘अबको गन्तव्य ः असुरक्षित गर्भपतनको अन्त्य’ भन्ने नाराका साथ चौथो सुरक्षित गर्भपतन दिवस विविध कार्यक्रम आयोजना गरी मनाइएको छ । स्वास्थ्य तथा जनसङ्ख्या मन्त्रालयको अनुसार एक लाख ८६ हजार १४४ महिला तथा किशोरीले वर्षेनी गर्भपतन गराउने अनुमान छ । ती गर्भपतनमध्ये ५८ प्रतिशत असुरक्षित हुने गर्दछ । असुरक्षित गर्भपतनकै कारण वर्षेनी ४७ हजार महिला तथा किशोरीले अकालमा ज्यान गुमाउने गर्दछन् । विसं २०५९ अजोज १० गते सुरक्षित गर्भपतनलाई कानूनी मान्यता दिइएको थियो । सुरक्षित गर्भपतन सेवा र परिवार नियोजनको सेवा मौलिक अधिकारअन्तर्गत रहेको छ । हालै सुरक्षित मातृत्व तथा प्रजनन स्वास्थ्य अधिकारसम्बन्धी ऐनसमेत जारी भएको छ…

एलिजा गौतम निर्मित चलचित्र ‘अनुराग’ यही असोज १२ देखि देशभर प्रदर्शनमा आउने भएको छ । यहाँ आज भएको पत्रकार सम्मेलनमा निर्मात्री गौतमले चलचित्रले नयाँ पुस्ताको मन जित्न सफल हुने बताउनुभयो । “सबै चलचित्र परिवारका सबै सदस्य बसेर हेर्न मिल्दैन तर यो चलचित्र एकै ठाउँमा बसेर हेर्न मिल्ने खालको छ”, गौतमले भन्नुभयो । चलचित्र पूर्णरुपमा प्रेम कहानीमा आधारित रहेको बताइएको छ । चलचित्रका नायक समुद्र पण्डितले सो चलचित्र एक पटक सबैले हेर्नैपर्ने खालको रहेको बताउनुभयो । चलचित्रमा ‘अनु’ र ‘राग’ लाई प्रमुख पात्रका रुपमा उभ्याइएको छ । चलचित्रले सामाजिक सन्देश बोकेको नायक पण्डित बताउनुहुन्छ । चलचित्रमा पाँच गीत समाविष्ट छन् ।…

फिदिम, १० अजोज । प्रदेश नं १ का सामाजिक विकासमन्त्री जीवन घिमिरेले दशैँअघि नै प्रदेश सरकारका आफ्नै संरचना विस्तार भइसक्ने बताउनुभएको छ । हालसम्म आफ्नै संरचना नभएका कारण प्रदेश सरकारका काम कारवाही प्रभावकारी हुन नसकेको मन्त्री घिमिरेले जानकारी दिनुभयो । आज फिदिममा आयोजित कार्यकर्ता भेटघाट कार्यक्रमलाई सम्बोधन गर्नुहुँदै मन्त्री घिमिरेले प्रदेश सरकारलाई हालसम्म मन्त्रालय व्यवस्थित गर्न समय लागेको जानकारी दिनुभयो । मन्त्री घिमिरेले भन्नुभयो, “अब प्रदेश सरकारका अङ्गलाई विस्तार गरेर सुशासन, विकास र सहज सेवा प्रवाहमा केन्द्रित हुन्छौँ ।” उहाँले बिहीबार शिक्षा र स्वास्थ्यको प्रादेशिक निर्देशनालय धनकुटामा स्थापना हुन लागेको जानकारी दिनुभयो । आफ्नै संरचना निर्माण भएपछि प्रदेश सरकार बजेट…