झापा अनलाइन

विराटनगर, २५ असोज । मोरङ व्यापार सङ्घको आयोजनामा विराटनगरमा हुने ‘विराट ट्रेड एक्स्पो–२०७५’ मा रु २५ करोड कारोवार हुने बताइएको छ । आगामी पुस ६ देखि १४ गतेसम्म सञ्चालन हुने एक्स्पोमा भारत, श्रीलङ्का र स्वेदशका गरी २७५ वटा स्टल रहने मेला संयोजक अनुपम राठीले जानकारी दिनुभयो । प्रत्येक वर्ष सञ्चालन हुँदै आएको एक्स्पोमा स्वदेशी तथा विदेशी राष्ट्रको लगानीकर्ता र उत्पादक, वितरक र निर्यातलाई एकै ठाउँमा राखी प्रत्यक्ष रूपमा अवलोकन गराउने उद्देश्यले एक्स्पोको आयोजना गरिएको उहाँले बताउनुभयो । एक्स्पोमा अटोमोबाइल्स, बैंक तथा वित्तीय संस्था, मोबाइल इलेक्ट्रोनिक्स तथा आइटी, निर्माण सामग्री, अन्तर्राष्ट्रिय औद्योगिक उपकरण, कृषि तथा जडीबुटी, पर्यटन तथा दैनिक उपभोग्य वस्तु…

काठमाडौं, २५ असोज । सातौं आन्तराष्ट्रिय बालिका दिवसको अवसर पारेर आज देशभरिका ९ सय किशोरीले आफ्नै सवालमा एकैपटक बहस गर्ने भएका छन् । किशोरीले सामुदायिक रेडियोमा बहसमूलक कार्यक्रम गरेर समुदायमा देखिएका बालिका र किशोरीको समस्या तथा तिनको न्यूनीकरणका लागि आफ्नो नेतृत्वमा भइरहेको पहलबारे जानकारी गराउनेछन् । कार्यक्रममा ३ सय किशोरी एक दिनका लागि रेडियो प्रस्तोताको भूमिकामा रहनेछन् । भने प्रत्येक सामुदायिक रेडियोमा २ जना किशोरी अभियन्ता अतिथिका रुपमा बहसमा सहभागी हुनेछन् । जसमा देशभरिका ९ सय किशोरी एकै दिन रेडियोमा प्रवेश गर्नेछन् । आजको नागरिक दैनिकमा खबर छ ।

फिक्कल, २५ असोज । इलामबाट सञ्चालित सुपरमाई हाइड्रो प्रालीले परीक्षण उत्पादन शुरु गरेको छ । इलाम नगरपालिका–५ वरबोटे र माईजोगमाई– ४ सोयाङको फेदीस्थित माईखोलामा निर्माण गरिएको उक्त जलविद्युत आयोजनाबाट बुधबारदेखि परीक्षण उत्पादन थालिएको हो । उक्त आयोजना सम्पन्न भइ केन्द्रीय प्रसारण लाइनमा जोडिएसँगै इलामलाई हाइड्रोको जिल्ला भन्न थालिएको छ । इलामबाट हालसम्ममा ११ विद्युत् आयोजना सञ्चालनमा आइसकेका छन् भने बाँकी चार आयोजना निर्माणाधीन अवस्थामा छन् । उक्त आयोजनाको परीक्षण उत्पादनसँगै अब सात दशमलव ८ मेघावाट विद्युत् केन्द्रीय प्रसारण लाइनमा जोडिने भएको छ । आयोजनाका प्रबन्ध निर्देशक माधवप्रसाद मैनालीका अनुसार विसं २०७३ चैत महीनादेखि निर्माण शुरु भएको यस आयोजनाले निर्धारित समयभन्दा…

इटहरी, २४ असोज । प्रदेश नं. १ का मुख्यमन्त्री शेरधन राईले जैविक कृषि उत्पादनमा जोड दिनुपर्ने बताउनुभएको छ । समावेशी नेपाल प्राइभेट लिमिटेडले सुनसरीको इटहरी उपमहानगरपालिकामा पहिलो पटक स्थापना गरेको तरकारीजन्य डिपार्टमेन्ट स्टोरको आज उद्घाटनगर्दै उहाँले कृषिका माध्यमबाट प्रदेश नं। १ लाई समृद्ध बनाउने योजना प्रदेश सरकारको छ भन्नुभयो । मुख्यमन्त्री राईले हिमाल, पहाड र तराईका विभिन्न जिल्लाका किसानलाई सङ्गठित गरेर जैविक तरकारी उत्पादनसँगै शुपथ मूल्यमा उपभोक्ताले खरिद गर्ने व्यवस्थापनसहित पहिलो पटक तरकारीको डिपार्टमेन्ट स्टोर खोलेर देखाएको साहसिक कार्यप्रति सरकारले सहयोग गर्ने विश्वास व्यक्त गर्नुभयो । समावेशी नेपाल प्रालिका अध्यक्ष सुरेशकुमार भट्टराईको अध्यक्षतामा कार्यक्रम सम्पन्न भयो । रु तीन करोडको…

बिर्तामोड, २४ असोज । झापाको बिर्तामोडस्थित वीरता जेसीजले दुई लाख रुपैयाँको अक्षयकोषसहित दुई जना पूर्व अध्यक्षको स्मृतिमा पुरस्कारको स्थापना गरेको छ । वीरता जेसीजको सचिवालयमा आज बुधबार आयोजित एक कार्यक्रमकाबीच पुरस्कार स्थापनाको घोषणासँगै अक्षयकोषका लागि रकम हस्तान्तरण सम्पन्न भएको हो । वीरता जेसीजका अध्यक्ष एकराज गिरीको अध्यक्षतामा भएको समारोहमा संस्थापक अध्यक्ष गोपालकुमार बस्नेतले दुई पुरस्कार स्थापनाको घोषणा गरेका थिए । पूर्व अध्यक्षहरुको स्मृतिमा ‘मदन ढकाल स्मृति वीरता जेसीज उत्कृष्ट पत्रकारिता पुरस्कार’ र ‘दिलकुमार शर्मा स्मृति वीरता जेसीज सक्रिय पूर्व अध्यक्ष पुरस्कार’ स्थापना गरिएको हो । उक्त पुरस्कारका लागि स्व. ढकालको परिवारका तर्फबाट श्रीमती सावित्रा ढकाल तथा छोरा–बुहारी सिर्जन र एलिनाले…

सुरुङ्गा, २४ असोज । झापाका विभिन्न मदरसाहरुमा अध्यापन गराउँदै आएका शिक्षक मोलबीहरुका लागि तीन दिने आधारभूत उर्दू नेपाली पाठ्यक्रमका बारेमा प्रशिक्षण सम्पन्न भएको छ । झापा गाउँपालिकास्थित टाघनडुब्बा स्रोत केन्द्रमा भएको तालिममा जिल्लाका २५ मदरसाका शिक्षक मौलबीहरुको सहभागिता रहेको थियो । जिल्ला मदरसा समिति झापाको आयोजनामा सम्पन्न तालिममा सहभागी शिक्षकहरुलाई नसरुल्लाह मुनादी नेपाल शिक्षक महासंघ झापा गाउपालिकाका अध्यक्ष जगन्नाथ राजवंशी डिल्लीराज माविका प्रअ भगदेव राजवंशी स्रोत व्यक्ति खड्गप्रसाद खरेल, मुस्लिम शिक्षाविद वासेद अली, पशुपतिलाल गणेश, समाउल हक र कलाम शेख लिगायातका शिक्षाविदहरुले सहभागि मदरसा शिक्षकलाई पाठ्यक्रम र समसामयिक विषयका बारेमा प्रशिक्षण दिनुभएको थियो । यस क्षेत्रमा रहेका मुस्लिम बालबालिकाहरुका लागि…

भद्रपुर, २४ असोज । दशैं लक्षित गरी भद्रपुरमा मिनी महोत्सव सुरु भएको छ । एक्टिभ मिडिया काठमाडौँको आयोजनामा भद्रपुर दशैं महोत्सव’ नाम दिएर कामेश्वर मार्केट भद्रपुरमा मिनी मेला सुरु गरिएको हो । असोज २४ गतेदेखि ३० गतेसम्म चल्ने सो महोत्सवमा नेवारी परिकार तथा संस्कृतिलाई बढी महत्व दिने गरी विभिन्न २५ प्रकारका खानाका परिकार, स्थानीय कलाकारद्वारा साँगीतिक कार्यक्रम, लत्ताकपटा, सुनचाँदी, टि भी फ्रिज, भाँडावर्तन लगायतका स्टल रहने छन् । आयोजक संस्थाकी प्रबन्धक उमा श्रेष्ठका अनुसार भद्रपुरको व्यापार चहल पहलका लागि महोत्सव फलदायी हुने छ । भरत केन्द्रित स्थानीय नागरिकको सोच परिवर्तनमा यो महोत्सव फलदायी बनी भद्रपुरमा वयापारिक कारोवार बढ्ने आयोजकको दाबी…

भद्रपुर, २४ असोज । देवी पञ्चकन्या मन्दिर भद्रपुर–१० देउनियाँको व्यवस्थापन समितिको अध्यक्षमा यादवप्रसाद भट्टराई सर्वसम्मत चयन भएका छन् । जमरे औंसीको अवसरमा आयोजित साधारणसभाले दोस्रो कार्यकालका लागि भट्टराईको नेतृत्वमा १३ सदस्यीय कार्य समिति सर्वसम्मत चयन भएको हो । समितिको उपाध्यक्षमा प्रमिला थापा, सचिव उत्तम सुवेदी, सहसचिव कृष्ण दाहाल र कोषध्यक्ष विष्णुकुमार कोइरालालाई तीन वर्षे कार्यकालका लागि सर्व सम्मत चयन गरिएको हो । यसैगरी समितिको सदस्यहरूमा क्रमशः अशोक रोक्का, राम चौधरी, भिम राई, तुलसा राय, आज्ञा रोक्का, चन्द्रभण्डारी र हेमसागर सुवेदी रहेका छन् । समितिका अध्यक्ष यादवप्रसाद भट्टराईको अध्यक्षता तथा भद्रपुर नगर कार्यपालिका सदस्य भक्तबहादुर भुजेलको प्रमुख आतिथ्यमा सम्पन्न कार्यक्रममा मन्दिरका…

बनियानी, २४ असोज । नेपालकै होचो स्थानमा रहेको झापाको कचनकवल गाउँपालिका बुधबार खुला दिसामुक्त घोषणा गरिएको छ । ५ हजार ६ सय ६३ घरधुरीमा पछिल्लो एक वर्षको अवधिमा चर्पी बनाई गाउँपालिका खुल्ला दिसामुक्त घोषणा गरिएको हो । ९ हजार ६६ घरधुरी रहेको कचनकवलमा अभियान थालनी हुनुअघि ३ हजार ४ सय ३ घरमा सुरक्षित चर्पी रहेका थिए । जिल्ला समन्वय समिति झापाका प्रमुख एवम् जिल्ला खानेपानी, सरसफाइ तथा स्वच्छता समन्वय समिति झापाका अध्यक्ष सोमनाथ पोर्तेलले गाउँपालिका खुल्ला दिसामुक्त भएको घोषणा गरे । उनले समितिको तर्फबाट गाउँपालिकालाई खुल्ला दिसामुक्त घोषणाको प्रमाणपत्र समेत प्रदान गरे । घोषणा समारोहमा प्रमुख अतिथि पोर्तेल र गाउँपालिकाका…

सन्तोष शर्मा झापा, २४ असोज । नेपालीहरुको महान चाडपर्व दशैं, तिहार र छठ नजिकिएको छ । अखाद्यवस्तु बिक्री वितरण, मिसावट, कालोबजारी, कृत्रिम अभावजस्ता कार्य हुने समय पनि यही हो । यस्ता कार्यको नियन्त्रण र नियमन गर्न बजार अनुगमन गर्ने गरिन्छ । तर, चाडपर्व संघारमै आइपुग्दा पनि झापामा प्रभावकारी रुपमा बजार अनुगमन हुन सकेको छैन । जिल्लाका १५ स्थानीय तहमध्ये अधिकांश स्थानीय तहमा बजार अनुगमन भएको छैन । केही स्थानीय तहमा बजार अनुगमन भए पनि त्यो प्रभावकारी हुन सकेको छैन । जसका कारण उपभोक्ता न्यूनगुणस्तरीय सामग्री उपभोग, वस्तु तथा सेवाको अधिक मूल्य तिर्न बाध्य भएका छन् । झापाको कचनकवल गाउँपालिकाका अध्यक्ष…