प्रतिबन्धित वस्तुको आयात खुलाउने आज मन्त्रिपरिषदको निर्णय

झापा, २० मंसिर । गत बैशाखमा सरकारले १० वटा विलासी वस्तुमा लगाएको प्रतिबन्ध खुलाउने निणर्य गरेको छ । आज बसेको मन्त्रिपरिषद बैठकले ती प्रतिबन्धित वस्तुको आयात खुल्ला गर्ने निर्णय गरेको स्रोतले जनाएको छ ।

विदेशी मुद्रामा सञ्चितिमा संकट देखिएपछि सरकारले गाडी, मदिरा, मोबाइल र मोटरसाइकलको आयात प्रतिबन्ध लगाउँदै आएको थियो । अन्य वस्तुको आयात खुला गरे पनि अहिले पनि ४ वस्तुमा प्रतिबन्ध कायम रहेको थियो ।