झापा अनलाइन

दैलेख, २५ साउन । चामुण्डा बिन्द्रासैनी नगरपालिका–८ मा तीजको नाच हेर्न गएकी १२ वर्षीया बालिकामाथि बलात्कार भएको घटना सार्वजनिक भएको छ। घटना साउन २२ गते साँझको हो। जिल्ला प्रहरी कार्यालय दैलेखका प्रहरी निरीक्षक तथा सूचना अधिकारी लालबहादुर सुनारका अनुसार घटनामा संलग्न दुई युवकलाई नियन्त्रणमा लिइएको छ। पक्राउ पर्नेमा सोही नगरपालिका–८ निवासी २३ वर्षीय गोविन्दबहादुर शाही र २५ वर्षीय खगेन्द्र भण्डारी रहेका छन्। प्रहरी अनुसन्धान अनुसार ती युवकहरूले तीजको नाच हेरेर घर फर्किँदै गरेका किशोरीहरूको समूहलाई पिछा गरेका थिए। साथीहरू भाग्न सफल भए पनि ती युवकहरूले एक बालिकालाई लखेटी समातेर एकान्त स्थानमा लगेर पालैपालो बलात्कार गरेको खुलेको छ। बालिकालाई ढुंगाले प्रहारसमेत…

झापा, २५ साउन । झापाको मेचीनगर नगरपालिका–७ स्थित पालिया खोलामा एक महिला मृत अवस्थामा फेला परेकी छन् ।  स्थानीय समय अनुसार बिहान ९:३० बजे खोलामा घोप्टो परेको अवस्थामा अन्दाजी ५०–५५ वर्षकी महिलाको शव फेला परेको हो । हालसम्म मृतकको नाम, थर तथा वतन खुल्न सकेको छैन। घटनाको जानकारी पाएपछि इलाका प्रहरी कार्यालय काँकरभिट्टाबाट प्रहरी अधिकृतको टोली घटनास्थलमा खटिएको छ । शवलाई कानुनी प्रकृयाअनुसार पोष्टमार्टमका लागि प्रादेशिक अस्पताल मेची पठाइएको जिल्ला प्रहरी कार्यालय झापाले जनाएको छ।

दैलेख, २५ साउन । दैलेखमा बालिकालाई कुटपिटसँगै सामूहिक बलात्कार गरेको आरोपमा दुई जना पक्राउ परेका छन् । जिल्लाको चामुण्डाबिन्द्रासैनी नगरपालिकामा तीज हेर्न गएकी बालिकालाई ढुङ्गाले हानेर घाइते बनाएर सामूहिक बलात्कार गरेको आरोपमा दुई जना पक्राउ परेका हुन् । जिल्ला प्रहरी कार्यालय दैलेखका प्रहरी निरीक्षक एवम् सूचना अधिकारी लालबहादुर सुनारले साउन २२ गते साँझ तीजको नाच हेर्न गएकी बालिकालाई सोही गाउँका दुई युवकले ढुङ्गाले हानेर घाइते पारेर सामूहिक बलात्कार गरेको उजुरी परेपछि दुई युवकलाई नियन्त्रणमा लिएको बताउनुभयो । उहाँले पक्राउ पर्नेमा चामुण्डाबिन्द्रासैनीका २३ वर्षीय गोविन्दबहादुर शाही र २५ वर्षीय खगेन्द्र भण्डारी रहेको बताउनुभयो । उहाँले भन्नुभयो, घटना भएकै दिन प्रहरीलाई खबर…

झापा, २५ साउन । अहिलेसम्मकै उच्च रहेको सुनको भाउ आज घटेको छ । आज सुन तोलामा २ सय रुपैयाँले घटेको हो । भाउ घटेर आज सुन तोलाको एक लाख ९९ हजार दुई सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । आज चाँदीको भाउ भने बढेको छ । चाँदी पाँच रुपैयाँले बढेर तोलाको दुई हजार तीन सय ३० रुपैयाँमा कारोबार भइरहेको महासङ्घले जनाएको छ ।

काठमाडौँ, २५ साउन । निजी तथा आवासीय विद्यालय अर्गनाइजेशन नेपाल (प्याब्सन) ले निजी विद्यालयहरूलाई क्रमशः गैरनाफामूलक बनाइने वाक्यांश विद्यालय शिक्षा विधेयकबाट हटाउन माग गरेका छन् । काठमाडौँमा आइतबार पत्रकार सम्मेलन गर्दै उनीहरूले यस्तो माग गरेका हुन् । उनीहरूले पूर्ण छात्रवृत्ति भन्ने शब्द विधेयकबाट हटाइनुपर्ने बताएका छन् । हाल अभ्यासमा रहेको जम्मा विद्यार्थी सङ्ख्याको १० प्रतिशत छात्रवृत्ति दिने प्रावधानलाई निरन्तरता दिइनुपर्ने उनीहरूको माग छ । छात्रवृत्ति अन्तर्गत भर्ना शुल्क, वार्षिक शुल्क र मासिक पढाइ शुल्क कायम हुनुपर्ने प्याब्सनले माग गरेको छ । पत्रकार सम्मेलनमा बोल्दै प्याब्सन केन्द्रीय कार्यसमिति महासचिव आरबी कटुवालले साउन २८ गतेभित्र आफूहरूका मागहरू सम्बोधन गरी विधेयकमा संशोधन नगरे…

एजेन्सी, २५ साउन । गाजामा भएको इजरायली आक्रमणमा सहायताको लागि पर्खिरहेका नागरिकसहित कम्तीमा १० जनाको ज्यान गएको छ । गाजाको नागरिक सुरक्षा एजेन्सीका अनुसार मध्य गाजाको सहायता केन्द्र नजिकै भेला भएका सर्वसाधारणलाई लक्षित गरी इजरायली सेनाले आक्रमण गरेको थियो । घटनामा ३० जना घाइते भएका नागरिक सुरक्षा प्रवक्ता महमुद बासलाई उदृत गर्दै एएफपीले जनाएको छ । खाना वितरण केन्द्रहरूमा दैनिक हजारौं नागरिक सहायताको लागि भेला हुने गरेका छन् । पछिल्लो समयमा इजरायली सेनाले सहायताको लागि पर्खिरहेका मानिसलाई लक्षित गरी आक्रमण गर्दा उनीहरुले ज्यान गुमाइरहेका छन् ।

झापा, २५ साउन । संघर्ष र मेहनतको लामो यात्रापछि ‘मेरो भ्वाइस युनिभर्स सिजन २’ मा उत्कृष्ट ७ मा स्थान बनाउन सफल भएकी गायिका जुनु प्रसाई अहिले टप ६ प्रवेशको तयारीमा छिन्। ताप्लेजुङको आठराई हाम्पाङमा जन्मिएकी र तेह्रथुमको आठराई ह्वाकूमा हुर्केकी उनले सानो उमेरमै गायनप्रति असाधारण रुचि देखाएकी थिइन्। त्यही लगन र प्रतिभाले उनलाई विद्यालयदेखि स्थानीय मंचसम्म, र पछि झापासम्मको यात्रा गरायो, जहाँ उनले टेलिभिजन कार्यक्रम सञ्चालनसंगै विभिन्न सांगीतिक कार्यक्रम मार्फत लोकप्रियता कमाईन । केही वर्षअघि वैदेशिक रोजगारीको सिलसिलामा कतार पुगेकी जुनुले, व्यावसायिक जीवनको व्यस्ततामाझ पनि गीत–संगीतलाई कहिल्यै बिर्सिन दिइनन्। रोजगारीसँगै कतारमै विभिन्न सांगितिक कार्यक्रममा सहभागी हुँदै उनले आफ्नो कला निरन्तर…

झापा, २५ साउन । झापाको गौरादह नगरपालिका–४ जोरघरेका ६३ वर्षीय रणबहादुर तामाङको सर्पदंशका कारण मृत्यु भएको छ । हिजो बिहान करिब १० बजे आफ्नै घरको भान्सा कोठाको सामान सार्ने क्रममा उनलाई सर्पले टोकेको थियो । प्रारम्भिक उपचारका लागि उनलाई नेपाल रेडक्रस सोसाइटी दमकको सर्पदंश उपचार केन्द्रमा लगिएको थियो । सामान्य उपचारपछि थप उपचारका लागि बिर्तामोडस्थित बीएण्डसी अस्पताल पठाइएको थियो । अस्पतालमा डाक्टरले राति ८ः३० बजे चेकजाँच गर्दा तामाङको मृत्यु भइसकेको पुष्टि भएको प्रहरीले जनाएको छ । घटनाबारे अनुसन्धानका लागि प्रहरी चौकी महारानीझोडाबाट टोली खटिएको र मृतकको शव अस्पतालमै राखिएको प्रहरीले जनाएको छ ।

सन्तोष शर्मा भद्रपुर, २५ साउन । राष्ट्रिय आविष्कार केन्द्रमार्फत बीरगञ्ज कृषि औजार कारखाना सञ्चालनका लागि आर्थिक संकलन गर्ने उद्देश्यले ‘महावीर पुन: सम्झना, सपना र अविरल यात्रा’ नामक पुस्तक बिक्री गर्ने अभियानको क्रममा हाल झापा हुनुहुन्छ । डाक्टर पुनले विज्ञान र प्रविधिलाई आत्मसाथ गरेर सामाजिक सेवामा आफू ३२ वर्षदेखि समर्पित भएको बताउनुभयो । बीरगञ्ज कृषि औजार कारखानाबाट कृषि औजार उत्पादन गरेर राष्ट्रलाई योगदान गर्ने उद्देश्यका साथ आफू लागि परेको डाक्टर पुनको भनाइ छ । कारखाना सञ्चालनका लागि ७१ वर्षीय डाक्टर पुन विगत चार सय ८३ दिनदेखि पुस्तक बिक्री अभियानमा हुनुहुन्छ । हालसम्म दुई लाख २५ हजार प्रति पुस्तक बिक्रीबाट करिब रू…

झापा, २५ साउन । नेपाल प्रिमियर लिग (एनपीएल) को दोस्रो संस्करणका लागि शनिबार सम्पन्न मिनी अक्सनबाट आठ फ्रेन्चाइज टोलीले ३७ खेलाडी अनुबन्ध गरेका छन्। अक्सनमा १६४ खेलाडीबाट छनोट गरिएको हो। उच्च मूल्यमा अनुबन्धित खेलाडीहरू ए श्रेणीका चार खेलाडीलाई जनही रु १५ लाखमा अनुबन्ध गरियो: देव खनाल (चितवन राइनोज) अर्जुन साउद (चितवन राइनोज) आदिल आलम (काठमाण्डू गोर्खाज) पवन सर्राफ (कर्णाली याक्स) यी खेलाडीहरूलाई एकभन्दा बढी टोलीले चाहेको हुँदा ‘लक्की ड्र’ मार्फत टुंगो लगाइएको हो। अन्य प्रमुख अनुबन्ध रु १० लाखमा: दिलीप नाथ, शेर मल्ल (लुम्बिनी लायन्स) हेमन्त धामी (सुदूरपश्चिम रोयल्स) सूर्य तामाङ (विराटनगर किङ्ग्स) सन्तोष यादव (काठमाण्डू गोर्खाज) युवराज खत्री (कर्णाली…