झापा अनलाइन

काठमाडौँ, १६ माघ । नेपाल ट्रस्टको नाममा रहेको छाउनीस्थित १५ रोपनी जग्गा पूर्वअधिराजकुमारी प्रेरणाराज्यलक्ष्मी देवी सिंहले २० दिनभित्र खाली गर्नुपर्ने भएको छ । सिंहले आफूले दाइजोबापत सो जग्गा पाएको दाबी गरे पनि सर्वोच्चले ११ पुस २०७३ मा तत्कालीन प्रधानन्यायाधीश सुशीला कार्की, न्यायाधीशहरु दीपकुमार कार्की र सपना मल्ल प्रधानको पूर्ण इजलासले घर जग्गा दाइजो नठहर्ने फैसला गरेको थियो । नेपाल ट्रस्टले सर्वोच्चको फैसला कार्यान्वयन गर्न भन्दै सिंहको नाममा पत्र काटेपछि पुनरावलोकनको माग गर्दै उनले निवेदन दिएकी थिइन् । सर्वोच्चबाट भएको फैसला पुनरावलोकनको माग गर्दै निवेदन दिएपछि नेपाल ट्रस्ट केही समय हच्किएको थियो । आजको राजधानी दैनिकमा खबर छ ।

झापा, १६ माघ । प्रत्येक वर्ष माघ शुक्लपञ्चमीका दिन मनाइने श्रीपञ्चमी विद्याकी अधिष्ठात्रीदेवी सरस्वतीको पूजाराधना गरी आज देशभर मनाइँदैछ । वसन्त पञ्चमीका दिन सरस्वतीको पूजा गरे विद्या बुद्धि बढ्ने विश्वास छ । देशभरका सरस्वती मन्दिरमा पूजाआराधना गर्न श्रद्धालुको भीड लाग्छ । विद्यालय नपठाइएका साना बालबालिकालाई आजकै दिनदेखि अक्षरारम्भ गराउने चलन छ । आजका दिन लेखपढ गर्न सिकाए राम्रो विद्या आउने जनविश्वास छ । चन्द्रमाजस्तो गोरो वर्ण भएकी तथा हातमा वीणा र पुस्तक लिएकी विद्याकी देवी सरस्वतीलाई भक्तजनले भारती, शारदा, हंसबाहिनी, जगन्माता, बागीश्वरी, कौमारी, वरदायिनी, बुद्धिधात्री, ब्रह्मचारिणी, चन्द्रघण्टा र भुवनेश्वरीजस्ता नामले पुकार्छन् । विद्या र सिर्जनाकी देवी भएकाले विशेष गरी साहित्यकार,…

काठमाडौं,१५ माघ । काठमाडौंमा बंगलादेशी ४५ वर्षीय मोहिद्दिन अहमदको ह’त्या भएको छ । सोल्टीमोडको होटल ग्राण्ड भिलाको ११४ नम्बर कोठामा उनको ह’त्या भएको हो । अहमद ट्राभल एजेन्सी सञ्चालक हुन् । एक हप्ताअघि उनको ह’त्या भए पनि ढिला गरी सार्वजनिक भएको हो । महानगरीय प्रहरी वृत्त, कालिमाटीका डीएसपी रुगम कुँवरले बोतलले टाउकोमा हानेको अवस्थामा उनको शव भेटिएको बताए । अहमद क्यासिनोका नियमित ग्राहक भएको बताइएको छ । उनीसँगै होटलमा बसेका एक जना फरार छन् ।

बिर्तामोड, १५ माघ । हात्तीपाइले रोगविरुद्धको अभियान सफल बनाउन सामुहिक प्रतिबद्धता गरिएको छ । झापाको बिर्तामोड नगरपालिकाले हात्तीपाइले रोगविरुद्धको आम औषधि सेवन अभियान अन्तरगत बुधबार आयोजना गरेको ‘नगरपालिकास्तरीय योजना तर्जुमा गोष्ठी’का सहभागीले अभियान सफल बनाउने प्रतिबद्धता जनाएका हुन् । कार्यक्रममा नगरपालिकाका स्वास्थ्य शाखा प ्रमुख तुलसी पोखरेलले औषधिका विषयमा जनमानसमा भ्रम रहेकाले उद्देश्य भेट्टाउन नसकिएको बताए । उनले अभियान सफलताका लागि सरकार मात्र नभई राजनीतिक दल, स्वास्थ्यकर्मी र आममानिसको भूमिका महत्वपूर्ण हुने बताए । उनले भने, ‘अभियान जसरी पनि सफल बनाउनु हामी सबैको साझा दायित्व हो ।’ कार्यक्रममा नगरप्रमुख ध्रुवकुमार शिवाकोटीले हात्तीपाइले विरुद्धको औषधि सबैलाई सेवन गर्न आग्रह गरे ।…

काठमाडौं, १५ माघ । प्रधानमन्त्री केपी शर्मा ओलीले जनताको जीवनमा खुशी भर्न हामीले समाजलाई असल नैतिक मूल्यमा उठाउनुपर्ने बताउनुभएको छ । वसन्तपञ्चमीका अवसरमा उहाँले आज दिनुभएको शुभकामना सन्देशमा सरकारले नेपाललाई अविकासबाट विकासतिर, पछौटेपनबाट सम्पन्नतातिर र अव्यवस्थाबाट सदाचारतिर अघि बढाउँदै लगेको बताउँदै प्रधानमन्त्री ओलीले समाजमा सामाजिक नैतिक मूल्य स्थापनाका लागि हरेक व्यक्तिमा प्रज्ञाप्रकाश आवश्यक रहेकामा जोड दिनुभएको छ । उहाँले वैदिक कालदेखि नै प्रज्ञाप्रकाशको प्रतीकका रुपमा सरस्वती पूरा गरी मनाइँदै आएको यस पर्वका अवसरमा काव्यविनोदी स्रष्टा, सर्जक, साहित्य, सङ्गीत, कला साधक तथा ज्ञानका अध्येतामा समेत शुभकामना व्यक्त गर्नुभएको छ । “वैदिक मान्यताअनुसार सरस्वतीका शब्दलाई ब्रह्म, अक्षरलाई अनन्त र यन्त्रलाई नादको स्रोत…

आफ्नो जन्मदिनकै दिन हास्यकलाकार विल्सनविक्रम राई तक्मेबुढा बाबु बनेका छन् । उनले बुधबार बिहान सामाजिक सञ्जाल मार्फत आफु छोराको बाबु बनेको बताएका हुन् । एक वर्षअघि गुपचुपमै बिहे गरेका उनी छोराको बाबु बनेपछि खुशी व्यक्त गरेका छन् । बिहे गरेको ६ महिनापछि मात्रै बिहे भएको खबर सार्वजनिक भएको थियो । १९८७ जनवरी २९ तारिखका दिन झापामा जन्मेका राई आज ३४औं जन्मदिन मनाएका छन् ।

झापा, १५ माघ । मादक पदार्थ सेवन गरी आफ्नै सात वर्षीया छोरीलाई बलात्कार गरेको अभियोगमा प्रहरीले कानकाई नगरपालिका–१ बाट एक ३० वर्षीय व्यक्तिलाई पक्राउ गरेको छ । पक्राउ पर्ने व्यक्तिमाथि हाडनाता करणी मुद्दा दर्ता गरिएको जिल्ला प्रहरी कार्यालय झापाले जनाएको छ । पक्राउ परेका उनलाई इलाका प्रहरी कार्यालय अनारमनीमा राखिएको जिल्ला प्रहरी कार्यालय झापाका प्रहरी उपरीक्षक कृष्ण कोइरालाले जानकारी दिनुभयो ।

मोरङ, १५ माघ । फेसबुकमा अनलाइन पसल देखाएर लाखौँ ठगी गर्ने एक गिरोहलाई मोरङ प्रहरीले पक्राउ गरेको छ । उनीहरुको साथबाट नगद ६७ लाख १९ हजार ७५०, ३७ वटा एटीएम कार्ड, ५८ वटा चेकबुक लगायत विभिन्न सामान बरामद गरिएको हो । पक्राउ पर्नेमा सुन्दरहरैचा नगरपालिका–३ का निरन्जनप्रसाद आचार्य, जन्तेढुंगा गाउपालिकाका शिवजी खड्का, देवी चौलागाई, सुनसरी धरान नगरपालिकाकी भवना राई, सरिता परियार, वर्षा कार्की, सानु गौतम र लक्ष्मी कार्की रहेका छन् । उनीहरुले सामान फेसबुकमार्फत अर्डर गरी ह्वाट्स एपमार्फत बैकमा पैसा हाल्न लगाउने र सामान नै नदिने गरेको प्रहरीको प्रारम्भिक अनुसन्धानबाट थाहा भएको छ ।

काठमाडौँ, १५ माघ । मिर्गौलाको नियमित डायलाइसिसपछि अघिल्लो सोमबार बसेको अहिलेसम्मकै सबभन्दा लामो ९चार घण्टाको० क्याबिनेट बैठकमा प्रधानमन्त्री केपी ओली आफ्ना मन्त्रीहरुप्रति अत्यन्तै आक्रोशित र असन्तुष्ट देखिएका थिए । उनले हालैसम्पन्न मन्त्रिपरिषद् पुनर्गठनमा केहीलाई निरन्तरता दिएर तीन महिनाको ग्रेसमार्क दिइएको बताउँदै बिदा हुन मन भए मार्गप्रशस्त रहेको बताए । उनको भनाइ थियो, ‘सरकारको कार्यकाल दुई वर्ष पुग्न लागेको बेला मिडियाले थुप्रै कुरा लेखेका छन् । कतिपय सन्दर्भ आलोचनात्मक, आक्रोशपूर्ण र अतिरञ्जित पनि छन् । तर केही प्रशंग मिलेका पनि छन् । मन्त्रीहरुको कार्यशैली, कार्यसम्पादन, प्रस्तुति चित्त नबुझ्दो भएको कुरामा म पनि सहमत छु ।’ ‘कर्मचारीलाई काम लगाउन सकिएको छैन ।…

काठमाडौँ, १५ माघ । हत्या गरेको आरोप लागेका प्रतिनिधिसभाका नवनिर्वाचित सभामुख अग्निप्रसाद सापकोटाविरुद्धको अनुसन्धान प्रक्रियाको विवरण ३० दिनभित्र पठाउन मङ्गलबार सर्वोच्च आदालतले गृह मन्त्रालयलगायतका निकायलाई आदेश दिएको छ । न्यायाधीश सपना प्रधान मल्लको एकल इजलासले आदेश भएको मितिले ३० दिनभित्र प्रगति विवरण पठाउन आदेश दिएको हो । व्यक्ति हत्याजस्तो गम्भीर आरोप लागेका व्यक्तिलाई व्यवस्थापिका संसद्को शीर्ष नेतृत्वमा पदासीन गराउने गैरसंवैधानिक, गैरकानुनी र अन्तर्राष्ट्रिय मूल्य–मान्यता विपरीत भएको उल्लेख गर्दै अधिवक्ता दिनेश त्रिपाठीले सर्वोच्च अदालतमा रिट निवेदन दायर गरेका थिए । आजको नेपाल समाचारपत्रमा खबर छ ।