झापा अनलाइन

चारपाने, ५ भदौ । नेपाल दशनामी समाज बिर्तामोडले तीज मिलन कार्यक्रम गरेको छ । समाजले (आज) बिर्तामोड–२ चारपानेमा नेपाली महिलाहरुको महान पर्व हरतालिका तीजको अवसर पारेर विभिन्न मनोरन्जानात्मक कार्यक्रम गरेर मनाएको हो । समाजकी झापा महिला अध्यक्ष तथा तीज मिलन कार्यक्रमकी संयोजक पार्वता गिरीको अध्यक्षतामा भएको कार्यक्रममा समाजका केन्द्रिय अध्यक्ष गोविन्दबिक्रम गिरीको प्रमुख आतिथ्य तथा केन्द्रिय संरक्षक भरतलाल गिरीको बिशिष्ठ आतिथ्य रहेको थियो । स्वागत तथा कार्यक्रमको औचित्यमाथि प्रकाश बिर्तामोड नगर अध्यक्ष खड्गराज गिरीले पारेको कार्यक्रममा प्रमुख अतिथि गोबिन्दबिक्रम गिरी, विशष्ठि अतिथि भरतलाल गिरी, समाजका केन्द्रिय सदस्य एलबी गिरी, कोशी प्रदेश सल्लाहकार संयोजक चन्द्रप्रसाद गिरी, कोशी प्रदेश अध्यक्ष पदमबहादुर पुरी…

इलाम, ५ भदौ । इलाम माईजोगमाई गाउँपालिका वडा न ४, नामसालिङमा बिहानै गाउँको चोकमा हलचल थियो । गाउँपालिका उपाध्यक्ष प्रविना राईको नेतृत्वमा जनप्रतिनिधि, स्वास्थ्यकर्मी र कर्मचारीहरूको टोली घर–घर पुग्दै थियो । उद्देश्य एउटै(अपाङ्गता भएका नागरिकको अवस्था बुझ्ने, स्वास्थ्य परीक्षण गर्ने र अधिकारका रूपमा प्राप्त हुने परिचयपत्र घरमै पुगेर वितरण गर्ने । गाउँकै आँगनमा डाक्टर यसमिन शेर्पाले स्वास्थ्य परीक्षण गरिरहनुभएको थियो। उता गाउँपालिका अध्यक्ष कुश बहादुर थेबे, वडा सदस्यहरू र कर्मचारीहरूले नागरिकसँग प्रत्यक्ष संवाद गर्दै थिए। अपाङ्गता भएका व्यक्तिहरूलाई ‘कागजका लागि धाउनु पर्ने दिन अन्त्य भएको’ त्यो क्षण गाउँलेका लागि नयाँ अनुभव थियो । उपाध्यक्ष प्रविना राई भनन्नुभयो, “हामीले हिँडडुल गर्न…

झापा, ५ भदौ । प्रतिनिधिसभाको शिक्षा, स्वास्थ्य तथा सूचना प्रविधि समितिबाट विद्यालय शिक्षा विधेयक पारित गरिएको छ । प्रमुख प्रतिपक्षी दल नेपाल कम्युनिष्ट पार्टी (माओवादी केन्द्र), राष्ट्रिय स्वतन्त्र पार्टी र राष्ट्रिय प्रजातन्त्र पार्टीको फरक मतका बीच विधेयक पारित भएको हो । विद्यालय शिक्षासम्बन्धी कानुनलाई एकीकृत र संशोधन गर्न बनेको सो विधेयक लामो समयदेखि उपसमिति र समितिमा छलफलमा रहेको थियो। आजको बैठकले विधेयक पारित गरेसँगै अब संसद्को पूर्ण बैठकमा पेस गरिनेछ । माओवादी केन्द्रले विधेयकप्रति असहमति जनाउँदै पाँच बुँदे फरक मत समितिमा दर्ता गराएको छ । पार्टीका सांसद देवेन्द्र पौडेल, महिन्द्रराय यादव, रेखा शर्मा र ज्ञानु बस्नेत सुवेदीले विद्यालय शिक्षा सुधारका…

धनकुटा, ५ भदौ । निरीक्षण भ्रमणको क्रममा जिल्ला प्रहरी कार्यालय धनकुटा पुग्नु भएका कोशी प्रदेश प्रहरी प्रमुख प्रहरी नायव महानिरीक्षक ईश्वर कार्कीले जिल्ला समन्वय समिति धनकुटाका उप(प्रमुख सावित्रा राई लगायत स्थानिय जनप्रतिनिधि, राजनैतिक दल, जिल्ला स्थित विभिन्न संघ संस्थाका पदाधिकारीहरु, नागरिक समाज, संचारकर्मी तथा विद्यार्थीहरुसंग छलफल तथा अन्तरक्रिया गर्नु भएको छ । भदौ ५ गते जिल्ला प्रहरी कार्यालय जिल्ला प्रहरी कार्यालय धनकुटाको सभाहलमा उपस्थित महानुभावहरुसंग प्रदेश प्रहरी प्रमुख कार्कीले छलफल तथा अन्तरक्रियाको क्रममा समाजमा शान्ति सुरक्षा स्थापना गर्न प्रहरी सदैव तैनाथ रहने भएता पनि नागरिकको साथ र सहयोग अपरिहार्य रहेको बताउदै नागरिक र प्रहरी बिचको सम्वन्ध सुदृढ बनाई हातेमालो गर्दै…

इलाम, ५ भदौ । इलाम सदरमुकामस्थित ‘नेपाल–भारत मैत्री शीत भण्डार’ विगत १४ वर्षदेखि प्रयोगविहीन बनेको छ । इलाम नगरपालिका–९ सेरामा करोडौँ खर्चेर निर्माण गरिएको सो शीत भण्डार प्रयोगविहीन बनेको हो । सन्दकपुर गाउँपालिका–३ का किबी किसान देउकुमार राईले सो शीत भण्डार सञ्चालन नभएकाले उत्पादित किबी भण्डारण गरेर राख्न नसकेको गुनासो गर्नुभयो । “सिजनमै बिक्री गरिसक्नुपर्छ, अफ सिजनमा बिक्री गर्न सके मूल्य बढी पाइने थियो,” उहाँले भन्नुभयो, “हामीले सिजनमा यताबाट सस्तोमा बेचेको किबी अफ सिजनमा भारतबाट महँगो भएर आउँछ ।” शीत भण्डार सञ्चालन गर्न सकिएमा यहाँ उत्पादित फलफूल र तरकारीले राम्रो मूल्य पाउने उहाँको भनाइ छ । शीत भण्डार सञ्चालन नहुँदा…

झापा, ५ भदौ । विश्वव्यापी आलोचनाका बाबजुद इजरायलले गाजा सहर कब्जा गर्ने योजनाअन्तर्गत कारबाही सुरु गरेको छ । इजरायली सेनाले गाजा सहरको बाहिरी भाग नियन्त्रणमा लिइएको बताएको छ । सैन्य प्रवक्ताका अनुसार कब्जाको तयारीका लागि जैतुन र जबालिया क्षेत्रमा सेना पहिले नै तैनाथ छन् । यो सैन्य कारबाहीलाई इजरायलका रक्षामन्त्री इजरायल काट्जले मंगलबार अनुमोदन गरेका थिए र यस हप्ताको अन्त्यमा सुरक्षा मन्त्रिपरिषद्‌मा प्रस्तुत गरिनेछ । अन्तर्राष्ट्रिय समुदायले इजरायलको यो कदमको कडा विरोध गरिरहेको छ । समाचार एजेन्सी रोयटर्सका अनुसार, हमासले इजरायललाई युद्धविराम सम्झौतामा बाधा पुर्‍याएको र ‘निर्दोष नागरिकह विरुद्ध बर्बर युद्ध जारी राखेको’ आरोप लगाएको छ ।

झापा, ५ भदौ । पोर्चुगलमा कार्यरत एक नेपाली युवकको मृत्यु भएको छ । रोजगारीको सिलसिलामा पोर्चुगलमा रहेका दोलखाको तामाकोशी गाउँपालिका– ६ निवासी ३२ वर्षीय अर्जुन आपागाईंको मृत्यु भएको हो । उनको १० अगस्टमै मृत्यु भएको पारिवारिक स्रोतले जनाएको छ । आपागाईको शव हाल पोर्चुगलको बेजा अस्पतालमा राखिएको छ । उनको शव व्यवस्थापनका लागि ठूलो आर्थिक स्रोत आवश्यक परेको भन्दै भाइ शिवजी आपगाईले सहयोगका लागि समस्त पोर्चुगलवासी नेपालीमा अपिल गरेका छन् । पोर्चुगलमा रहेका विभिन्न सामाजिक संघ–संस्थालाई पनि शव व्यवस्थापनमा सहयोग गरिदिन परिवारजनले आग्रह गरेका छन् ।

भद्रपुर, ५ भदौ । आन्तरिक राजस्व कार्यालय भद्रपुरले चालु आर्थिक वर्ष २०८२/८३ को पहिलो महिनामा रु ३० करोड ५१ लाख ९५ हजार राजस्व सङ्कलन गरेको छ । कार्यालयले चालु आवमा चार अर्ब ४५ करोड ५० लाख राजस्व सङ्कलन गर्ने लक्ष्य राखेको सूचना अधिकारी एवं कर अधिकृत डोरराज सुनुवारले जानकारी दिनुभयो । “साउन महिनामा ३८ करोड तीन लाख ९१ हजार राजस्व सङ्कलन गर्ने लक्ष्य रहेकामा लक्ष्यको ८० दशमलव २३ प्रतिशत राजस्व सङ्कलन भयो”, उहाँले भन्नुभयो । यसमा आयकरबाट रु सात करोड ८३ लाख ६२ हजार, ब्याजबापत रु एक करोड ५१ लाख ६१ हजार, मूल्य अभिवृद्धि करबाफत रु १४ करोड ४५ हजार…

झापा, ५ भदौ । मौसम पूर्वानुमान महाशाखाका अनुसार आज दिउँसो देशका पहाडी भागमा साधारणतया बदली तथा बाँकी भागमा आंशिक बदली रहनेछ । साथै पहाडी र तराईका एकदुई स्थानमा मध्यम वर्षाको सम्भावना छ । त्यसैगरी, आज राति कोशी, मधेस, वाग्मती र गण्डकी प्रदेशका केही स्थानमा मध्यम वर्षाको सम्भावना छ । कोशी, वाग्मती र गण्डकी प्रदेशका पहाडी भेगका एकदुई स्थानमा भारी वर्षाको सम्भावना छ । महाशाखाले वर्षाका कारण देशका पहाडी भागमा पहिरो तथा गेग्रान बहाव (डेब्रिज फ्लो) को जोखिम रहेको, ठूला तथा साना नदीनाला र खोलाहरूमा पानीको सतह बढ्न सक्ने तथा यातायात क्षेत्र प्रभावित हुनसक्ने प्रक्षेपण गर्दै सबैलाई सतर्क रहन तथा पूर्वतयारी…

कनकाई, ५ भदौ । यहाँस्थित बंगाली समाज सेवा समितिले कनकाईले कालिस्थानमा तीन दिनसम्म भव्यरुपमा माँ मनसादेवीको पूजा गर्ने भएको छ । समितिले आगामी भदौ ११ गतेदेखि १३ गतेसम्म भव्यताका साथ मनसादेवीको पूजा गर्ने भएको हो । विगत ५ वर्षदेखि यहाँको बंगाली समाजले कनकाई–३ सुरुङ्गाको कालिस्थानमा मनसादेवीको पूजा आरधना गर्दै आइरहेको छ । अघिल्ला वर्षको भन्दा यस वर्षको पूजालाई थप व्यवस्थित गरिएको बंगाली समाजले जानकारी गराएको छ । पूजाको तयारीको बारेमा जानकारी दिने उद्देश्यले आज सुरुङ्गामा पत्रकार सम्मेलनको आयोजना गरिएको छ । पत्रकार सम्मेलनमा बंगाली समाज सेवा समिति कनकाईका अध्यक्ष पंकज मण्डलले सुरुङ्गा कालिस्थानमा हुने तीन दिने धार्मिक अनुष्ठान माँ मनसादेवी…